أشهر جمل بيقولوها الأب و الأم في مصر

[big bốss]

انت فاكرنا لاقين الفلوس ديـــة في الشارع .

* ما تتكلمش بصوت عالي في الحمام .

* والله ما انت فالح .. وادي دقني أهه .

* ما تنمش غير لما تغسل سنانك .

* ما تلزقش في التلفزيون كده .. نظرك هيضيع .

* سلم على عمك كويس يا ولد .

* يا ابني محدش هينفعك .

* ما تطلعش ايدك من الشباك .

* قصة الغريق الكاذب اللي كل مره يقول الحقوني ... لحد ما غرق بجد .

* ربنا يرزقك بعيل يوريك اللي ورتهوني .

* ما تطلعش على الملايه النظيفه و رجليك متوسخه كده .

* نسيت تشرب ؟ نسيت تاكل ؟ نسيت تاخد المصروف ؟ نسيت تعكنن عليا و على امك ؟

* طلع ايدك من جيبك و انت بتكلمني .

* ايه الا مبالاه و الاستهتار اللي انت عايش فيهم دول .

* قوم اقرا لك كلمتين ينفعوك .

* وطي المدعوق ده شويه .

*
انت فاكرنا نايمين على ودانا ؟

* يا ابني انت مسطول ولا ايه ؟

* ما تلبسش القميص على اللحم زي العيال الصايعه .

* بلاش أكل بره .

* كلمنا لما توصل .

* عيـــب ... لازم تحترم اللي أكبر منك .

* لو شفت خناقه ما لكش دعوة بيها .

* لازم تأكل سلطه .

* اوعى تكدب عليا كده تاني مرره .

* اوعى حد غريب يديلك حاجه تاكلها و تشربها و تاخدها منه .

* يا ابني كلم خالتك العيانه اسأل عليها .

* بلاش لعب في الشارع .

* ما تعليش صوتك .

* وانت فاكر احنا مستنيين منك حاجه .

* المسلسل مش هينفعك ...قوم .


* ما تقعدش قدام المروحه وانت مستحمي .

* كفايه رغي في التليفونات .

* بلاش وقفة الشبابيك و البلكونات .

* اوعى تقول لحد هات لي حاجة .

* كل على مهلك .. وامضغ كويس ... وما تكلش وانت واقف .. وكل من قدامك ما تحفش .

* اطفي التلفزيون وقوم ذاكر . أو اطفي التلفزيون و خش اوضتك .

* ربنا يهديك ربنا يهديك ... وأحيانا .. انك لا تهدي من أحببت .

* صليت العصر ؟! اشمعنى العصر بالذات

* ما تمشيش حافي في السقعة دي

* ما فيش مذاكرة على المزيكا .. أو .. بتذاكر إزاي و البتاع ده شغال جنبك .

* افرد ظهرك .

* ما تتأخرش بعد المدرسه و تقعد تصيع مع أصحابك .

* بص كويس و انت بتعدي الشارع .

* ومالها الكتب بتاعة الوزاره ؟!

* اللي بيشيل قربه مخرومة بتخر عليه لوحده ..

* لو مش فاهم حاجه ارفع ايدك و قول للأستاذ مش فاهم .. متتكسفش .

* تقعد في أول صف قدام السبوره .

* ما تردش عليا .

* مش عايز اسمع صوت .

* مالكش دعوة بالسياسة .. وماتمشيش في مظاهرات .

* التهديدات المخيفة شكلا و الكارتونية مضمونا :
مثل: هأقطم رقبتك أو هأقطع ايدك أو هأقطع لك
لسانك أو هأدبحك دبح .

* و أخيرا ::
ضرب امثلة تشجع على الكفاح و أشهرها أحد الأقارب
اللي كان بيذاكر على لمبة جاز أو على عامود النور
الي في الشارع و نجح وخد الدكتوراه وسافر أمريكا

[زهرة الاحلام]

ههههههههههههههههه
فعلا و الله انا دايما بسمع كلام زي ده في البيت
تسلم الايادي

[big bốss]

مرسي لمرورك


وانا كمانههههههههههههههه

[خالد ابو النجا]

هههههههههههههههههههههههههههههههه
تلم ايدك

[Dr.nour]

* ما تطلعش ايدك من الشباك .

* ما تمشيش حافي في السقعة دي

* ما تلزقش في التلفزيون كده .. نظرك هيضيع

هههههههههههههههه

يا لهوى يا نور

هههههههههههه

انت عرفت منين الكلام ده

ههههههههههههه

هههههههههههههههههههه .

[لحظة عتآب]

هههههههههههههههههههههههههههههههههههههههههههههههه

شكلك عايش معانا في البيت

هههههههههههههههههههههههههههههههههههههههههههههههه

تسلم الأيادي

[خارج عن القانون]

ههههههههههههههههههه

انت مرقبنى بقا

عرفت ازاى اللى بيحصل فى بيتنا

[sandra]

هههههههههههههههههههه

[βзήŦ ℓǻẑĨήǻ]

* وطي المدعوق ده شويه . واحيانا الزفت او المخروب ههههه
* ما فيش مذاكرة على المزيكا .. أو .. بتذاكر إزاي و البتاع ده شغال جنبك .
هههههههههههههه
والله برافو عليك يانوررر
هو انت كنت اب وام قبل كده
ههههههههه
ميرسي علي التوبيك الجميل ده

[زهر البنفسج]

ههههههههههههه
حلو الكلام ده وفعلا بيحصل
شكرااااا نور وتقبل مرورى