محتاجاكم أوي ساعدوني ؟؟؟؟

[يوكا]

بسم الله الرحمن الرحيم
أنا عضوة جديدة و دي أول مشاركة ليا حبيت تكون في الترحيب بس الموضوع ده يهمني أوي
و أنا بطرح قصتي للنقاش و عشان آخد آراكم بصراحة


أنا مصرية بس عايشة في الخليج عمري كله عندي 17 سنة و طالبة علمي في ثانوية عامة بطبيعة المجتمع الخليجي انا تقريبا ماختلطش بشباب أوي و كل همي كان في دراستي و مستقبلي و لكن حصل معايا موقف غريب جدا متعرضتلهوش ابل كده ............

لما فازت مصر على الجزائر لقيت رسالة مكتوب فيها ألف مبروك الفوز لمصر و بعد يومين كان عندي امتحان نهاية الترم الأول يوم لما خدنا الكاس و اتصل الرقم عليا بليل فرديت و طلع شاب كان بيبارك و المهم قلتله الله يبارك فيك و حاولت اعرف مين الشخص ده بس معرفتش و بدات اجازة الربيع

و بقى الشخص ده بيتصل كل يوم و نا بكنسل و يبعت رسايل و امسح لغايط لما زهقت فرديت وقتها كنت بكلم اختي و فجأة لقيته بيقول عرفت اسمك فانصدمت و مقدرتش اتكلم وقال اسمي صح و بعدها قالي انا حبيت اطمن عليك وقال في امان الله و قفل و كل يوم الفجر يتصل و كنت بقول في الأول انه معندهوش دم بس اتفاجات و هو بقولي اومي صلي الفجر و يقفل و كل يوم على هذا الحال انا استغربت جدا من الموقف ده وحسيت انه بجد شخص كويس و بدات اكلمه عرفت ان هو اكبر مني ب10 سنين خريج سياحة و فنادق و شغال في البحرين على حسب ما بيقول بدأت احبه و كنت فاضية

و في يوم اتصل و قالي هسألك حاجة و جاوبي بصراحة قلتله اتفضل و ذكر اسم الوالد و سألني ده ابوك صح و انصدمت و الصدمة الأكبر ان ساكن جمبنا و احتمال يكون عارف مكان بيتنا ،

و في يوم قبل ما انام قلت ايه الهبل الي بعمله ده واحد اكبرمني ب10 سنين معرفهوش و منين جاب المعلومات ديه كلها ليه بكلمه اصلا و قررت اكلمه و قطع علاقتي بيه وقتها كنت على البحر قالي طاب اجي اشوفك و همشي و بعد تردد كبير اصحابي قلولي خليه يجي انشوفه و وافقت وجه وشافنا من بعيد و قالي حرام عليك نفس (( ده لاني كنت باله اني وحشة و متينة و معقدة دراسيا)) و قالي انا شفتك و عرفتك و سمعت صوتك و عايز اتجوزك قلتله انت مجنون انا متصلة عشان اقطع علاقتي مش اتجوز و قالي على راحتك بس متحرمنيش من صوتك

و مرت الأجازة و بدات المدرسةو مكنتش بكلمه خالص و لكن كنت بفكر فيه دايما على الرغم اني عندي و عي كافي بالمشاكل و معنديش ثقة ابدا في حد بس بجد شغل بالي كتير اوي وبعد 3 اسابيع اتصل و قالي حرام عليك انا حبيتك بجد (( انا نفسي افهم المفروض ان انا بالنسبة ليه طفلة مش حبيبة )) قلتله عايزني اعمل ايه دراستي اولى و اهلي و ديني قال بس اسمع صوتك كفاية علية و قفلت من غير ما نهي الموضوع و دلوقتي انا بمتحن نهاية الترم التاني و نيلت في امتحانات كتير و حسيت ان السبب المعصية الي عملتها لما كلمته و بعتله رسالة قلتله فيها الكلام ده و رد و قالب الضبط (( لو انتي شايفة اني السبب سيبيني مع اني تعبان اوي و كفاية ان مرضتش اكلمك عشان تركزي في امتحاناتك مع انك وحشاني اوي اوي يا ..... و انا بدعيلك كل يوم ربنا يوفقك في الامتحانات و يوفقك معايه و تتخرجي و تفرحينا يا عمري )) دي ىخر حاجة حصلت


انا عايزة اسألكم ايه رايكم في الموضوع ؟؟
هل لما كان بيتصل عشان اصلي الفجر و يقفل من غير ما يتكلم طريقة جديدة للمعاكسات و لا هو شاب كويس ؟
منين عرف كل المعلومات ديه عني على الرغم اني كنت اول مرة اشوف الرقم ؟؟؟
نفسي اعرف ايه الي خلاني بفكر فيه و اكتب الموضوع رغم كل الي شفته و اتعلمته و درسته عن ديني ؟؟؟
انا حاسة بالخجل من نفسي لأن اهلي ما يعرفوش على الرغم ان هو قالي صارحيهم بس مش قادرة ليه ؟؟
انا بفكر فيه دلوقتي و ناس بتتبهدل في فلسطين (( الموضوع ده ماثر فيه اوي نفسي اروح غزة ))
اقطع علاقتي و لا اكمل ؟؟ و ايه رأيكم في كل الي حصل


انا مش هدخل الا يوم الخميس لما اخلص عشان اشوف حل للموضوع ده و اشوف ردودكم


ارجوكم ردوا و ادعولي بالتوفيق في امتحاناتي
اختكم يوكا

[ماتركس]

السلام عليكم ياا يووكااااااا
والله العظيم انوو ده حب اخر زمن
اول مره اشووف حب من غير كلام
مووضوعك غريب ياا يووكااا بصي
مووضوع انوو بيتصل بيكي في الفجر ويقووالك قووومي صلي دي
داخله من بتتوع الاولد علشاان تقووالي عليه ده شخص
محترم يعني عاارف الحلال ومش عارف انوو هووه اللي بيعملوو ده حرام
ده بيقووالك كده بس علشاان يفتح سكه يكلمك خلاص
هووه لوو محترم هيعرف الحلال من الحرام
ولوو بيحبك وعايز يتجووزك هيدخل البيت من باابه
بس ده كله كلام شبااب والا بيوودي والا بيجيب وانتي انساانه دارسه دينك وعارفه انوو الكلام
ده حرام صح يبقي انتي عايزه تغضبي ربناا معا انك عارفه انوو حرام انتي تقطعي علاقتك خالص بيه
وهووه لو بيحبك هيطلبك من اهلك
خلاص وركزي في مستقبلك وقوومي صلي واستغفري ربنااا
علشاان يقف جنبك
ومتكلمهووش تااني
سلام

[ماتركس]

انتي دلووقتي اختي
عاايز اقووالك نصيحه لوو هتمشي بيهاا ربناا هيووفقك في حيااتك
عارفه ايه هيه
من يتقي الله يجعل له مخرجااا
انتي اتقي ربناا وربناا هينجحك
وهيقف جنبك وهيووفقك
لكن هتمشي وارء دمااغك يبقي هتخصري دنيتك واخرتك

[AnGeL SenSe]

والله بجد يا قمر مش عارفة اقولك ايه بجد حاااجة غريبة اووي
يعني ازاي يعرف المعلومات دي عنك وهو بعيد وبقول عايز يتجوز
بصي يا حببتي انتي لما قلتي كدا انا مرتحتش للشخص دااا
مش عارفة ليه بس احساسي بيقول في حاجة وراه
شوفي انتي متكلمهوش وسيبك منو وان هو عايز بجد يتجوزك
وبحبك وبيوحشك زي ما بقول هيااااااجي البيت لان عارف عنك
المعلومات دي يبقى لو ناوي خير هياجي مهما طالت الايام
بس متكلمهوش وبجد مسترغبة اووي من الولد دا نيتو ايه
خلي بالك من نفسك ياا قمر وان شاء الله ربنا الي فيه الخير هيجيبو
بس انتي ابعدي منو لاني بجد انا مش مرتاحة ليه خالص
معليش بس انا بكلمك زي اختي والله ولازم اخاف عليكي يا قمر
وربنا يحميكي ويحفظك يااااااااااارب
المهم بقى خلي بالك من درستك ومن مذكرتك كويس اووي
عشان عايزين مجموع عالي يا قمر ونفرح بية ونبركلك عليه
وربنا ينجحك ويحميكي ويحفظك ياااااااااارب
ومتنسيش متشعليش بالك دلوقتي عشان في فترة امتحانات
والشاب دا متكلمهوش وان عايز يتجوز وناوي خير بدل عرف المعلومات دي عنك
اكيد هيعرف البيت ويااجي وربنا معااكي يا قمر يبقى طمنينا دايما عنك
وربنا يحميكي يارب ..........تحياااااااتي اختك angel

[فيروزه]

	انا شايفه ان انتي تركزي في المذاكره في مستقبلك افضل بكتير ووهو لو جاد وعايزاك انا شايفه انه يتقدم يعني يدخل من الباب زي ماقال( ماتركس ) بعدين هو كبير عنك بكتير هو العمر مش مشكله بس طريقه التعارف غريبه شويه وانا اول مره اشوف كدا بس انا شايفه ان انتي لو مش قلقانه من الموضوع مكنتيش طلبتي راي الجميع انا عارفه اني متلخبطه بس ركزي في المذكره والدراسه اهموربنا معاكي اكيــــد ربنا يحفظك ويحميكي يارب

[احضان الحبايب]

بصى يا يوكا بدون انى احملك اكتر ع نفسك
انتى كنتى غلطانه انك اديتيله اى اهتمام من جانبك
موضوع بقا صلاة الفجر وخلى بالك من مذاكرتك وفرحينا وانا خايف انى اشغلك والنحنه دى
خديها نصيحة من شاب ده كلام فارغ جدا مجرد "جرجرة" كلام مش اكتر .
طب بخصوص حكاية صلاة الفجر والمذاكره ما انتى قلتيله انك بتعطلنى وكده ما هو قالك طب ربنا ويوفقك
ورجع اتكلم تانى
بصى 1-+1=2،مش ممكن 1+1=اى رقم تانى >>> حكمة جميله
-*-*-*-*-*-*-*-*
بخصوص بقا عرف المعلومات دى منين ؟؟
طب ما هو جاب الرقم منين ؟؟؟!
اكيد المصدر ال عطاله الرقم عطاله معلومات ال تخليكى تشكى وتنتبهيله
يبقا المفروض عليكى تركزى شويه فى اختيارك لاصحباك
اساسا مش ينفع يقلولك وافقى عايزين نشوفه ولا خليه يشوفك
بقا ده كلام ناس عقله
رتبى حساباتك من تانى توكلى ع الله
*--*-*-*-*-*-*-*-*-*-
ال خلاكى تكتبى الموضوع ان الموضوع شاغل بالك بغباء وده اكبر غلط
ويبقا هو كده نجح انه جعلك تفكرى فيه
ويمكن احتياجك انك تكلمى وتشوفى حلول مختلفه
وده بردوا يكشف عن مشكله اخرى
المفروض من نكون احنا اصحاب الحل>>>مع الاحترام لجميع الاعضاء وارائهم الجميله والمفيده.
بس المفروض يكونوا الوالدين وخصوصا الام.
-*-*-*-*-*-*--*-*-*-*
انتى مش قادره تقليلهم لان علاقتك بيهم ممكن تكون مش قويه او تعانى من خلل ما ،،،والله اعلم
ويمكن لانك مش موافقه ع الموضوع من داخلك عشان كده فى مشاكل وصراعات.
-*-*-*-*-*-*-*-*-*-*-
اقطع علاقتى ولا اكمل ده سؤال ممكن يكون الرد عليه وصل من خلال الكلام ال فات
لكن للتوضيح ليس الا
انه ممكن يكون الشخص ده اساسا بيعانى من مراهقه متأخره
والمفاجاه انه يكون متزوج ومش مرتاح
زى ما بنسمع كل يوم فى التليفزيون ،، ودى بلاوى ماليه البلد
-*-*-*-*-*-*-*-*--*-
نصيحه من اخ صغير لان انا عندى 16 سنه>>>مش صغير اوى يعنى
المهم..:
كبرى دماغك من الحوار ده خالص دلوقتى وانتبهى لدراستك.
لو هو بيحبك زى ما هو قال يبقا كان استنى لغاية ما تنهى وجه اتقدملك بدل عنده استعداد انك تخبرى اهلك.
الاهم بقا زى ما قال متركس
المفروض الانسان يتقى الله
وكمان
الحلال بين والحرام بين وبينهم شبهات
ولازم نتقى الشبهات دى
-*-*-*-**-*-*-*-*-*-*-*-
ارجوا انى اكون افدتك باى حاجه
وانشاء الله تتفوقى كده فى امتحاناتك وحياتك العاديه
بس امنيه اخيره انك تعيدى حساباتك من تانى فكل حاجه
وبس
بالتوفيق
وـمع تحياتىــ
"اخوكى عبده":vb36:

[يوكا]

شكرا أوي على ردودكم أنا مطرحتش الموضوع الا لأني اول مرة بجد اواجه موقف زي ده اول مرة اصلا اكلم شاب في التلفون و انا عارفة ان انا غلطانة و ندمت بجد و ناوية ابعد عن الموضوع ده تماما ((و انا كنسلت عليه دلوقتي لسه متصل عشان صلاة الفجر على قولته ))بالنسبة لصحابي مكنش معايا الا اثنين و انا اتفجات اصلا لما قلولي خليه يجي و للعلم انا قطعت علاقتي بيهم لاسباب اخرى من فترة و الحمد لله و بالنسبة لموضوع أهلي انا نويت اكلم ماما بس بعد ما اخلص امتحاناتي
شكرا أوي على اهتمامكم كلكم و انا فرحانة جدا ان في شباب زيكم ربنا يوفقكم و يوفقنا جميعا و يهدينا للصراط المستقيم و اسيبكم علشان اروح اصلي
ادعولي بجد انا فاضلي 3 امتحانت ( فيزياء و كيمياء و دين ) و نفسي اعوض الدرجات الي خسرتها

اختكم يوكا

[حياتي ذكريات]

السلام عليكم

بصي انا هقولك حاجه .. ايه اللي خلاكي تكتبي الموضوع

أكيد حاسه انك غلطانة او انك ندمانة على اللي حصل

لو كان الموضوع عاجبك ما كنتيش طرحتيه

شوفي ما فيش ولد بيحب بنت يروح يكلمها في الموبايل

وانتي بصراحة غلطانة انك اديتيله اي اهتمام

انا كذا مرة حصلت معايا الحكاية دي هنا الاقي شاب يتصل

ويحاول يطول في الكلام اقوم مديه الموبايل لأخويا او والدي وهما

يتصرفو مش بدي مجال ليه انه يتكلم ... مفروض لما كان هو كلمك

من البداية ويرن عليكي متأخر تكنسلي عليه او تدي الموبايل أخوكي

احسن وهو يتصرف .. اما المعلومات اللي خدها واللي عرف اسمك وعنوانك

يبقى شوفي من فين جاب رقم الموبايل أكيد حد تعرفيه وهو يعرفه كمان

واعرفي انه لما بيقولك صلي والكلام من ده يعني هو بيجرك عشان تحسي

انه انسان كويس .. دي طريقة الشباب بقو يعملوها في الوقت الحالي

انا مش هزيد عليكي الكلام واللي حصل حصل بس اللي عليكي انتي دولوقتي

تسيبي نفسك من الحكاية دي واوعي الشيطان يجرك ويلعب فيكي وتستجيبي ليه

ولو اتصل ادي الموبايل لوالدك يرد عليه وهو هيقف عند حده ..

لو كملتي في الطريق او استجبتي للشاب ده هتندمي أوي وهتخسري

كتير كمان .. انتي سيبك من كل الكلام ده وركزي في المذاكرة دولوقتي

هضيعي مستقبلك كده على واحد ما يستاهلش .. شدي حيلك الايام دي

ولو رن عليكي كنسلي والأحسن ليكي انك تغيري رقمك خالص

بالتوفيق ليكي ان شاء الله .. وعقبال ما تجيبي درجات حلوة وتعوضي

[ZoZa 2010]

علي فكرة يا يوكا

أنا من رأي سيبك من الموضوع دة

وألا هتخسري دراستك ومستقبلك

سواء كان الشخص دة كويس أو لأ

لأن الحب بيلهي جامد ولو استمريتي

هتفضلي تفكري فيه كتير ومش هتركزى في مذاكرتك

وأنتي لسة في الثانوي يعني لسة بدرى عليكي

واللي نصيبك فيه هتشوفيه

ميرسي وربنا يوفقك

[*الدلع*]

غاليتي العمر كله يارب ربي يطول بعمرك
انا راح اقولك كلمتين اعتبريه نصيحه من اختك الكبيره
اغلقي جوالك يعني غيري رقمك
هوه يعرف طريق بيتكم والي يحب يطق الباب مايجي من الشباك
انا مااعرفه ومااقدر اقول انه صادق او غير صادق
بس اذا نيه طيبه راح تظهر الايام
انتي الحين اغلقي جوالك ولا تهتمي فيه
اهتمي بدارستك وبس
تحياتي لك
اختك الدلع