عايز تحب المذاكره ... وتذاكر صح بدون تعب ولا ملل

[big bốss]

الامتحانات قربت وعلى الابواب
زهقان ومش عارف تذاكر وحاسس ان السنه دى........
عايز تبقى الافضل بدون ماتتعب نفسك كتي
.......
النهاردة انا جايبلكم مساعده صغيرة منى
وصفه انما ايه خلتنى احل كويس في الامتحان والحمدلله
وماتخافش المعلومات من مصدر موثوق فيه تماما علماء نفس ودكاترة ومتخصصين


لو عايز تحسن مذاكرتك
اتبع

الأكل:

لازم تهتم بالأكل , و خصوصا الأكلات إللي ممكن تحسن أداء الذاكرة.. مثل :

التمر- اللوز- الحليب- التفاح –العنب الغامق- و كل مشروبات الصويا..
و كمان العسل و شاي الجنزبيل و عصير الجزر محفزات رائعة للذاكرة...

النوم:

فيه بعض الأبحاث بتقول إن النوم هو مرحلة بيقوم فيهاالعقل بتثبيت
المعلومات إلي خدناها طول اليوم ..
يعني يفضل سيادتك تنام بعدالمذاكرة شوية بدل ما تفضل سهران الليل بطوله و انت مش مركز و قاعد تذاكر برضه !
الراحة مهمة و لازم تذاكر و انت مركز ,
و تنال قسط مناسب من النوم.. بس إوعى يبقى النوم هو و سيلتك المفضلة للهرب من المذاكرة ...
انا باقول نام لك شوية بعد ما تذاكر مذاكرة كتيرة..

التنظيم:
مهم جدا قبل ماتذاكر , ترتب الورق و المذكّرات و الكتب بتاعتك..
كل مادة لوحدها و كل جزءلوحده.. عشان تعرف بالضبط (حجم) كل مادة..
عشان تعرف بالضبط فاضل لك إيه و ذاكرتايه فتقدر تعرف هاتذاكرها في وقت أد إيه.
التنظيم نص المذاكرة.. لأن الورق لو كله على بعضه , مش هاتعرف تذاكر و هاتيأس
و تسيب المذاكرة و تقوم..
لأنك مش عارف راسك من رجليك.. خليك فاكر : التنظيم نص المذاكرة.

بلاش لخبطة:
أي عمل غير منته في حياتك , ممكن يخلي بالك مشغول..
فضي نفسك للمذاكرة و بلاش تخلي بالك مشغول في 5962 حاجة !

الضحك:
الحاجات المضحكة عمرها ما بتتنسي..
لو فيه معلومة معصلجة معاك
حطها في نكتة او بص لها كإن دمها خفيف ..
اخترع النكت و اسخر من المنهج اللي بتحفظة هاتلاقي نفسك بتحبه
و عارف تذاكره..

اهتم:
من المهم أن تكون مهتم بما تقرأ..
يعني حاسس انك عايز تعرف المعلومة دي فعلا وعايز تستفيد منها..
خلييك حاسس بالفضول نحو الموضوع عشان تلاقيه مسلي.. و حط دماغك في الموضوع ..

قرر:
قرر إنك هاتحفظ المنهج بنسبة 100% مهماكلفك الأمر ,
و ذاكر بهذه العقلية و انت مصمم إن : يا انا يا الأمتحان بقى !

سبب رئيسي بيخلينا مش عارفين نحفظ , و هو اعتقادنا الداخلي ان ذاكرتناضعيفة !

لو آمنت ان ذاكرتك قوية و قلت كده لنفسك ,
و قررت إنك هاتحفظ وتستوعب المنهج كله بأقل تفاصيله, هاتترسخ جواك الفكرة دي .

خليك إيجابي:
حط خطوط تحت الكلام المهم , لخص النقاط المهمة , سمع لنفسك , .....
اعمل حاجات ملموسة تحس منها إنك ماشي في الطريق الصحيح و مش سلبية.

ركز في التفاصيل:
اعتبر كل معلومة صغيرة مهمة ..
و اعتبر انك هاتحكي كل التفاصيل دي لواحد صاحبك بكرة و انتم خارجين مع بعض..
اعتبر إن فيه ناس صحابك عايزين يعرفوا التفاصيل دي و انك هاتحكيهالهم بكرة..

و خلي بالك ..

ادي نفسك فرصة انك تنسى شوية .. كل ما تذاكر كتير, هاتنسى حاجات مش مؤثرةقوي..

لكن لو مذاكرة قليل, لو نسيت معلومة واحدة هاتروح في أبو نكلة!

اتكلم بصوت عالي :
بكده حواس كتير هاتشتغل على المعلومة دي .. اشرح المعلومة دي لحد , أو اكتبها واقرئها تاني
.. ماتبقاش بس مستقبل سلبي للمعلومة, طلعها من جواك برضه -بأي طريقة-
عشان ترسخ المعلومة أكتر.

المراجعة :

بعد كل ده .. ابدأوا المراجعة !

مع تمنياتنا لكم بالنجاح و التوفيق .

[countess]

معلومات جميله

يارب النجاح لي وللجميع

تشكرات يا نور لا تحرمنا جديدك

[mohamed love]

معلومات جميله جدا
وربنا يوفق الجميع

تسلم ايديك

[جميلة مصر]

ميرسى عالموضوع التوووحفة

[جيوريام]

شكرا على الموضوع الراااااااااائع

وان شاء الله نمشى علية ونتبعة

[big bốss]

بالتوفيق


ربنا معاكم


وينجحكم نورتم

[نانـــــو]

غلط يانور انت عارف انا بعمل ايه بقى
قبل الامتحان نوووووووووووووووووو اكل خالص لانه سفر وبيتعبنى ويفضل عدم الاكل من وجهة نظرى
تيجى للنوم انا من الثانوى متعودة مانمش قبل الامتحان مباشرة ممكن انام 11 واصحى 1 لحد الصبح
لانى بحس لو نمت هنسى الى ذاكرته
ودى طريقة افضل
نيجى لورقة الامتحان لازم يكون عندك موهبة التاليف وتخلى الورقة سايحة وتمليها على الاخر علشان الدكتورة تزهق ومتقراش
ده بقى يانوررررررررررر روشتة الفشل قصدى النجاح مية مية
وانت جاى تقول كده وانا خلاص بنخلص امتحانات ههههههههههههههههههههه
مرسى يانورررررررررررررررررررررر بس انا مش هعمل بييها هههههههههههههههه

[دلوعة وبنت عز]

معلومات جميله و مفيده

بس أنا أكره المزاكره جداً

تقبلوا مروري

[دقات قلب]

معلومات جميله و مفيده

بس أنا أكره المزاكره جداً

أسيا

[حلم السنين]

والله كتر خيرك على هالمعلومات المفيدة
وان شاء الله راح احاول اطبق بعض الاشياء الي مابعمل بيها
تقبل مروري