لو كان امتحان الانجلش بالشكل دة يبقى باقى الامتحانات شمعه منورة

[Rona el Tota]

السلام عليكم ورحمة الله وبركاته
احلى اعضاء فى الدونيا ازيكم
طبعا انا بمتحن ثانوية عامة دلوقتى<<كان يوم اوسد يوم مدخلتها
طبعا الامتحانات زى الفلة
العربي كان طويل بشكل غير طبيعى وقعدت تلات ساعات مبطلتش كتابة لحد لما ايديا اتخدلت
ولا التقرير اول مرة اشوفه فى حياتى وقالو خلاص هنوزع درجاته على باقى الاسئلة
فرحنا وزقططنا وقولنا خير خير
امتحنا الانجلش
كان تحت المريب
وياسلام عالقطعتين الظراف اللزاز اللى سهلين جدا
وعارفة كل الكلمات اللى فيها طبعا
هع
ولا الاختيارات ولا الستورى
ياسلامووز توحفة فنية
ولا اللجنة المكيفة اللى كنت فيها
ياسلام
دة انا كنت حاسة انى فى سونة وعمالة اهوى بورقة الاجابة
ولا الديسك المريح
لدرجة انى مش عارفة اكتب عليه
ادعولى بقى ربنا يسهل فى باقى المواد وخاصة الرياضة والكيمياء
بجد مش هتكلفكوا حاجة
ادعولى ادخل الكلية اللى نفسي فيها
واجيب مجموع كبير

والسلام عليكم

[~..a7la smile..~]

ربنا معاكي يارب
زكري كويس يابت
انتي اول سنة
ربنا معاااااااااااااااااكي
ومعلش علي ايديكي الله يرحمها
ههههههههههههههههههههه

[Rona el Tota]

اقتباس
المشاركة الأصلية كتبت بواسطة ~..~a7la smile~..~





ربنا معاكي يارب
زكري كويس يابت
انتي اول سنة
ربنا معاااااااااااااااااكي
ومعلش علي ايديكي الله يرحمها
ههههههههههههههههههههه


ههههههههههههه
الف رحمة ونور عليها
ربنا يخليكى يارب
ادعيلى انت بس

[Dr.nour]

ههههههههه

والله يا رنا


ربنا هيعدلهالكم بعد كده يا قمر

وهتلاقى النتيجه ف الاخر كويس

باذن الله

ما تقلقوش كل سنه بيحصل الكلام ده

خير خير

بس انتم صلوا وادعوا ربنا

بالتوفيق يا جميل

[S h α h y]

ربنا ينجحك
وينولك الى فى بالك يابت حوا وادم
يارب يا ختشى

[ماتركس]

السلام عليكم ياا رووناا ربناا ينجحك ياارب
وتكملي امتحاانتك علي خير وتنالي اللي في بالك يارب
في سلامه الله

[Bright Brain]

السلام عليكم ورحمة الله وبركاته
المعروف ان إمتحانات الثانويه العامه بيكون لها الطابع الخاص
وطبعا إحنا شوفنا كده في الإمتحانين إللي عدو
انا مشوفتش إمتحان اللغه العربيه
بس بيقولوا طويل والاساتذه بيقولو كده برضو
بس إمتحان الإنجلش انا شوفته
هو من النظره العامه كويس جدا
بس لو دققنا سوف نلاقيه سهل
بس هو القطعة كان موضوعها ممكن ييجي للي عايزين ياخدو الدكتوراه في الإنجلش
كانت جايه عن التشويح باليد أثناء الكلام (هو ده موضوع )
بس الباقي انا شايفه حلو

ربنا يكون في عون كل الناس إللي بيمتحنو
ربنا يون في عونك يارونا
وينجحك وتدخلي الكليه إللي انت عاوزاها

[sฝeet αηgeℓ]

ههههههههه
ربنـــا معااكي يا شووجــر وتخلصي
ومعايــــا ادعيلي انا كوومان الايجزآآمز قربــت

[Dmo3 el yasmeen]

ربنا معاكى فى باقى المواد ويعديها على خير وبنولك الى فى بالك

[تيا]

معلشي يا رنا استحملي بقى
هي الثانويه العامه ف مصر كده دايما الأسئله بتبقى خارج المنهج على أساس ان الشعب المصري طبعا عبقري ومعلوماته فوق الوصف
بس هدعيلك ان شاء الله
ربنا يوفقك وتجيبي المجموع اللي انتي عايزاه
وان شاء الله هتدخلي الكليه اللي انتي عاوزاها
أصلي سمعت ان الوزير هيعمل نظام جديد لإمتحانات الثانويه العامه
الإمتحان هيبقى عباره عن إجابات والطلبه هيحطوا الأسئله افرحي بقى
ماشاء الله عليه عبقري من يومه