ماتقولش مزة ياحضرة

[حَرفُُ هجآءّ]

السلام عليكم ورحمة الله وبركاته

ازيكو يا احلى بنات




للأسف كلمة مزة بقت سلاح بيستخدم ضد المرأة في مصر خلاص الجنس الأنثوي كله بقى بيصنف على انه مزة والكلمة بقت على كل لسان وكل الأعمار
والمستويات والطبقات الاجتماعية بتستخدمها


وكمان الموز موجود فى السوق ورخيص كمان جيبلك كيلو وقشر براحتك


مش ممكن نطالب بحقوق مرأة أو ان الست في مصر توصل لمناصب قيادية وهي مجرد مزة !

مين هينتخب مزة عشان تمثله ف البرلمان؟
مين هيروح لدكتورة مزة عشان تعالجه؟
مين هيحترم استاذة مزة بتدرسله؟

ازاي المجتمع هيعاملها ياحترام وياخدنا بجدية واحنا واقفين نتفرج عليه وهو بيخترعلنا اسم جديد وبيفرضه علينا بكل وسيلة وفي كل مكان ؟


لازم كل ست وكل بنت بتحترم آدميتها ترفض ان يتقال عليها مزة


لازم نقف في وجه المجتمع ونمنعه من اختزال المراة في مجرد اجساد

لازم كل واحدة تعلن انها انسان نوعها امرأة مش مزة

لازم كل واحدة تدافع عن كرامتها وتقول أنا مش مزة


انا لى حقوق مثلك بالضبط ايها الشاب...طالما انى اراعى الاداب والعادات والتقاليد فليس من حقك ان تعاكسنى
نعم...هذه بدايه قبل ان يقول احد ان البنت بلبسها تجبر الولد على ذلك...انا سأتكلم عن فئه لاترتدى الكت ولا شورت ولا بنتاكور..(وحتى لو كنت كذلك فذلك ليس مبررا)

من حقى عندما اخرج انا وصديقاتى واحترم كل من حولى من حقى ان تحترمنى وتدعنى لخصوصيتى..لماذا تلاحقنى عيناك ولماذا تسمعنى كلمات غزل؟؟؟؟ انا لم اطلب منك ذلك...ولم افعل مايشجعك على ذلك...انا احترم نفسى اذا يجب ان تحترمنى..


سيقول الشباب البنات بتحب كده واحنا بنرفع روحهم المعنويه
وانت يعنى بتشيل على اكتافك الواجب الوطنى ده وهترفع روحنا المعنويه!!!!!!!


انا حلوه وعارفه انى حلوه..محدش طلب رأيك؟؟؟؟ مجتش جمب سياتك وقولتك ها انا حلوه!!! ليه تفرض نفسك على اذنى؟؟؟وليه تسمعنى هذه الكلمات البذيئه نعم...انا اعتبر كلمه (مزه) كلمه بذيئه كلمه تحط من قدرى وتختصر انسانه بثقافتها وعقلها واخلاقها وتعليمها ودينها فى مجرد(مزه)....

عفوا انا انســـــــانه مــــــــــش مـــــــــزه




نعم فلتعلم ايها الشاب قبل ان تفكر ان تعاكس (ولن اتكلم من الناحيه الدينيه لانها معروفه للجميع)
اعلم انك بهذا لا تنول اعجاب الفتاه وانها تعتبرك طفل صغير او مراهق لايستطيع التعامل او التحاور مع الفتاه فكل مايراه انها (مزه ) لا يستطيع ان بقيم معها حوار وقد تكون تلك(المزه) تفوقه ثقافة وعلما...


وللامانه طلعت اليومين دول كلمه سخيفه ايضا بين البنات ..لما تحب توصف ولد تقول(مز) ياااااااحلاااااااوه!!!!!! وانا اصلا يوم محب واحد اقول عليه مز عادى كده وفرحانه ودا كده راجل فى عينى والولد بأه بيكون سعيد ومنشكح لما يعرف انه اتقال عليه (مز)..!!!! وبالله عليكم محدش يقولى على فكره البنات دلوقتى بتعاكس الولاد!!!!قولى نسبتهم كام!!ا أو هم مين وتربيتهم ايه...وكلنا عارفين ان البنات المحترمات عمرهم مهيعملوا كده..فانا مش بتكلم عن دوووول كلامى واضح...


انا بتكلم عن بنات محترمه لا عاكسوا حضرتك ولا طلبوا رأيك فى شكلهم..ليه تفرض نفسك عليهم!!! ليه تيجى جمبى وترمى الكلمه وتقول( يامزه ) وتجرى زى اللى عارف انه بيعمل حاجه غلط..




وكمان وحضرتك ليك عنين تميز بين اللى عايزاه تتعاكس وتقولها موززه واللى
ماشيه فى حالها ولا العيون اتحولت هنااااااااااااااااااا

وبصراحه بقيت المحترمه بيانه اوى واللى كده كده بينه برضوه




وعلى السريع نعرف معنى كلمه موووووووززه

كلمة "مزة" ف العامية المصرية معناها بنوته حلوة. ولما بنستخدمها كصفة - زي مثلا لما نقول " البنت دي مزة" - يبقي بنقول إنها مثيرة. الكلمة دي معناها مش كويس ف العربي وبتدل على نظرة دونية تحقيرية للمرأة. ودا مثال واضح إزاي لغتنا دلوقتي بتعكس نظرة المجتمع المصري للمرأة بشكل عام. الكلمة دي تعبير حي عن كل المشاعر السلبية وعدم الإحترام اللي ف دماغ الرجالة في تعاملهم مع الستات .. حتي اللي هما معجبين بيهم وبيشوفوهم جذابين أو متألقين

كلمة مزة ف البداية ومن زمان كان بيستخدمها الرجالة اللي بيشتغلوا ف أعمال وحرف يدوية. الفئة دي من المجتمع، زي ما ممكن تتوقعوا، نظرتهم محدودة .. ونظرتهم للمرأة نظرة جسدية بحتة. عشان كدا لما ميكانيكي كان يقول لخطيبته إنها مزة، كان معروف ان كل غرضه هو انه يدلعها ويمدح جمالها وأنوثتها. الكلمة مكانتش خارجة أو غير لائقة ف الفترة دي. والبنات اللي كانوا بيعتبروا "مزز" ف العادة كان عندهم ثقة كيبرة عشان هما عارفين إنهم مرغوبين من الرجالة. دا لسببين: 1) البنات دول كانوا بينتموا لنفس الطبقة الإجتماعية وبالتالي عندهم نفس منظومة التفكير. 2) كلمة "مزة" نفسها مكانش ليها نفس المعني بتاعها دلوقتي. عشان كدا الكلمة دي كانت منتشرة عادي جدا بين افراد الطبقة الاجتماعية دي, لكن كانت بتعتبر شوية وقحة من اللي بيسمعوها من خارج البيئة بتاعها واللي بينتموا لطبقات ارقى اجتماعيا

[ZoZa 2010]

عندك حق ياقمر

وكلمات كتير من النوعية دى

ومنها سحالي وموله والحته

ميرسي

[حَرفُُ هجآءّ]

اقتباسالمشاركة الأصلية كتبت بواسطة ZoZa 2010عندك حق ياقمر

وكلمات كتير من النوعية دى

ومنها سحالي وموله والحته

ميرسي

ميرسى ياقمرايه على مرورك الجميل

[غاوى حب موت]

شكرا للموضوع
بس ده ما يمنعش ان البنات مزز

[What do u think of u]

انا بكره الكلمة دي اوي
ويا غاوي حب
في كلمة اسمها جميلة او امورة مش ........

تسلمي يا قمر

[مشتاقه للجنه]

اسير

موضوع جميل واثرتى قضيه هامه بجد فى المجتمع

بس بنى وبينك فى بنات بتفرح اووى لما تلاقى واحد بيقول عليها ايوه دى مزه

كنوع من المدح ليس الا

تحيااتى

[special girl]

السلام عليكم

والله ا اسيل في اهانه كبيره للمراه من الكلمه دي

وللأسف الناس عاادي بتستخدم الكلمه كشيء عاادي جدا ولكن والله ده قله ادب

وبعيد عن كل ده هو يعتبر حرام لان فيه سخريه وع ما بالمرأه.

ربنا يهدي الجميه وشكرا يا اسيل.

[حَرفُُ هجآءّ]

ميرسى لمروركم

الجميل