حملة كفايا للذنوب الجارية فى التواقيع والصور الرمزية

[المعتزة باسلامى]

بسم الله الرحمن الرحيم

طبعا كلنا سمعنا عن قصة الشاب صاحب الموقع الجنسى
والقصة بأختصار للى ميعرفش
شاب بيحكى قصة صاحبة اللى مات
بيحكى الشاب عن صديقة صاحب الموقع الجنسى اللى مات ولا يزال الموقع شغال
ويتصفحة الجميع
يعنى ذنوب اثناء حياة الشاب وحتى بعد مماتة
وبيحكى عن محاولاتة لاغلاق هذا الموقع ولكن بدون فائدة
القصة دى بتعرفنا ان زى ما فية صدقات جارية اى حسنات بتفضل شغالة
اثناء حياتنا وبعد مماتنا الى ماشاء الله
كمان فية ذنوب جارية والعياذ بالله بتستمر اثناء الحياة وبعد مماتنا وبيتحاسب عليها الشخص
وبتفضل تزيد حتى وهو فى قبرة والعياذ بالله



طبعا هتستغربوا لو قولت ان معظمنا زى الشاب صاحب الموقع الجنسى دا



لان تواقيعنا والصورة الرمزية فى المنتديات والماسنجر والنك نيم بتاعنا
مليانة بنات وكلمات اغانى وغيرها

طيب ماهو شعر البنت العريان دا وجسمها اللى باين كل دا هتتحاسب عليه
كل واحد بص عليها هتتحاسب وهتركب ذنوبة
كلمات الاغانى اللى بتكون فى النك نيم فى الماسنجر
او الاغانى اللى فى تواقيعنا

كل دا هنتحاسب علية وهنركب ذنوب كل واحد سمع الاغانى او قرأ الكلمات دى او شاف البنت دى


لية بنحاول نلم ذنوب من كل حاجة كدا

لية نفضل نركب فى ذنوب لحد ما نموت وحتى اثناء ما احنا فى القبر بردة الذنوب بتوصلنا ؟؟؟!!!

هو الواحد مننا معندوش عقل يفكر للدرجة دى ؟؟؟

شوف كام الف واحد قرأ الكلام دا او سمع الاغنية دى او شاف البنت دى اللى فى توقيعك
شوف كام الف ذنب بتركبة كل يوم ولحد دلوقتى ولحد ما تموت !!

طيب بالله عليكم واحد بس يقولى استفاد اية من توقيعة او صورتة الرمزية ؟؟؟

لية منخليش توقيعنا صدقة جارية ناخد بيها اكبر قدر من الحسنات ويكون حسنات جارية لينا بعد مماتنا ؟؟؟؟

يا ريت كلنا ننشر الحملة فى كل المنتديات

دا شعار الحملة يا ريت كلنا نحطة فى توقيعنا ,وفية لنك الموضوع
وننشر الموضوع ونبعتة للكل عشان تاخد بكل واحد شال توقيعة السئ ثواب عن ربنا ان شاء الله

حملة كفايا للذنوب الجارية فى التواقيع والصور الرمزية



طب والمطلوب منى اية ؟؟

لو توقيعك فية اغانى او بنات او اى محرمات تشيلها
لو انت توقيعك عادى تنقل الموضوع دا لمنتديات تانية عشان تاخد ثواب نشر الخير

والمطلوب مننا جميعا وضع شعار الحملة وفية لنك الموضوع عشان كل اللى مشافش يدخل وياخد باله ويكون ليكم اجر كل واحد دخل ان شاء الله

____________________________

وده مش تتدخل فى ارا او ميول حد الموضوع معروض قدامكم وكل واحد له حريه الاختيار لكن تذكر انه امام الله واوامره ما ينفعش نقول حرية شخصية

يرجى نشر الموضوع

[يكفيني سعودي]

ماشاء الله احسنتي الاختيار


سدد الله خطاكِ ورفع قدرك في الدنيا والاخره