حد عاجبه اللى بيحصل فى الثانويه العامه " بالزمه ده اسمه كلام "

[هاجر الاسمعلاوية]

الثانويه العامة حياة بأكلمها بجد الثانوية العامة دى حياة كامله بتتحكم فى مصائر ناس وحياة انواع مختلفه من البشر
الثانويه العامه ككلمه ممكن يرتبط بيها كلمات كتير جدا جداجدا يعنى ممكن نقول

الثانوية العامة--حياة--موت--انهيار--اكبر استثمار--تحكم ناس(الوزير) فى حياة ناس(الطلبه)
وهى سبب رئيسى لانتقال ناس من الطبقه المتوسطه الى الطبقه الفقيره(اولياء الامور)
وانتقال طبقه الى منطقه الثراء الفاحش(المدرسين) وبين هؤلاء وهؤلاء طالب مجتهد لا يأكل ولا ينام
ولا يرتاح ولا يتمتع باى مظهر من مظاهر الحياة من اجل تحقيق امل والدية وطالب اخر لا يبالى لانه عارف
ان النتيجه

واحده لو زاكرت زى صاحبى والوزير تعطف وتكرم وجاب امتحانات عاديه (عاديه) هنجيب مجموع وندخل طب
وندرس 7 سنين و3 جيش ونخرج 27/28 سنه ونتعين فى وظيفه ده لو لقيناها وناخد 340 جنيه او نشتغل فى صيديله او
شركه ادويه نلف برضوا على الصيدليات وناخد 500/600 جنيه

ولو زاكرنا والوزير جاب امتحانات عاديه بس بالنسباله هنجيب 80% وساعتها كليه تجاره موجوده وهنخلص الاربع سنين
ندخل جيش مندخلش مش هتفرق لان هنخرج نشتغل فى محل ب600 جنيه طول اليوم

ولو بقى مزاكرتش وكبرت دماغى مش هصاب بانهيار عصبى ولا صحتى هتبوظ بسبب حرقه الدم
وهقولى لاهلى علشان ميحطوش امل


سؤال بسيط هل حد سمع ان الطلبه خارجه تعيط من امتحان اللغه الكولالامبوريه فى كولا لمبور
هل حد سمع عن انهاير الطلبه بسبب الترجمه والقطعه فى بوركينا فاسو
هل حد سمع ان الاهلى بتوصل ابنائهم الامتحان فى جزر القمر

فعلا مصر دوله فريده من نوعها

هنتناول الثانويه العامه بالتفصيل من حيث نظامها وموادها ماده ماده
وكل شىئ بالتفصيل الممل ولكن هنشوف الاحداث اولا بأول


الان امتحانات الثانويه العامه مستمره ما رايك فى

الجدول الجديد اللى بيحصل لاول مره الامتحانات كل يوم ؟

طول امتحان اللغه العربيه؟

صعوبه امتحان اللغه الانجليزيه وانه خارج كتاب المدرسه؟

صعوبه امتحان الاحياء وطوله حيث يحتوى على 50سؤال كل سؤال 10 نقاط؟

صعوبه امتحان التفاضل .. حيث انه ليس بعقل طالب الثاونى

ما هى الثانويه العامه اهى عذاب للطلاب والاهالى ام هى امتحانات كأى امتحان

ايه رايك فى الامتحانات سواء سمعت من حد قريت عالنت او فى الصحف شفت فى التليفزيون

[special girl]

السلام عليكم ورحمته الله وبركاته:-

موضوع مهم قوي يا هاجر

اولا انا فعلا مجربتش اي امتحانات داخل مصر ولكن

انا متابعه معاكم والله وبقرأ الي بيحصل اول بأول

وللأسف انا بصراحه مش فاهمه ليه كده!

الامتحان ده اختبار للطالب نفسه علشان الطالب يعرف المستوي الشخصي له ومش اكتر

ويحدد مصيره من خلال الدرجه خلاص

طبعا انا مش بطالب ولا كل الطلبه بطالبوا بامتحان تافه خالص لا ابدا

ولكن يكون في المتوسط ويكون علي قد عقل طالب ثانوي مش علي عقل عقبري

وبعدين لازم يكون في التزام بالكتاب ليه من خارج الكتاب طيب والكتاب ايه فائدته طيب!

ولكن الجميع طبعا بتمني التوفيق للجميع يا رب وربنا يهدي الحكومه .

تحياتي لكي.

[هاجر الاسمعلاوية]

اولا انا بشكرك speciel girl على المرور والتعليق الجميل
بس برضو انتى بتقولى مش امتحنتى فى مصر
يعنى برضو ميت ما تسمعى وتقرى مش هيكون زى الواقع
اللى للاسف واقع مؤلم لكل طلبة الثانوية العامة واهاليهم كمان
اللى ربنا يكون فى عونهم الاتنين معا
وفعلا ربنا يهدى الحكومة علينا
وربنا يستجيب منا يارب

[لحظة عتآب]

بصراحة هو شيء غريب بجد
نفسي اعرف هيستفيد ايه لما يصعب الامتحانات
شيء غريب
دا الثانوية العامة دي بقت مذبحة دا ولا دنشواي حتي
ايه الهدف من كده يعني هيفرح لما يلاقي الطلبة بيعيطوا
وبيصرخوا هو كدا باله ارتاح
دا انا سمعت كمان انه عايز يقدم فتح المدارس شهر
دا جه لغبط النظام كله
دا مش كلام ابدا يعني دا ايه بالظبط
دا لسه ماكملش سنه في حكم التعليم خلاص التعليم اتدهور
يعني مش فاهمة فيه ايه بصراحة

شكرا علي الموضوع يا اختي
في انتظار جديدك

ودادي

[قلـــــــــــــــــم]

بختصار وبلا ش نكبر الموضوع


من جد وجد ومن زرع حصد


الي مذاكر بينجح والي مقضيها بيسقط

[هاجر الاسمعلاوية]

اولا انا بشكركم على المرور

بس انا احب اعلق على تعليقك يا قلم

انا معاك ف ان من جد وجد ومن زرع حصد

بس مش للدرجة دى
اقصد ان اى امتحان بيبقى المفروض بيجي فيه
جزء للطالب المتوسط وجزء للفائقين
اما الامتحانات دى كلها مش بس للفائقين
دى كمان للعبقارية
والطلبة مش كلهم احمد زويل وعبقرية يعنى

[قلـــــــــــــــــم]

اقتباسالمشاركة الأصلية كتبت بواسطة هاجر الاسمعلاويةاولا انا بشكركم على المرور

بس انا احب اعلق على تعليقك يا قلم

انا معاك ف ان من جد وجد ومن زرع حصد

بس مش للدرجة دى
اقصد ان اى امتحان بيبقى المفروض بيجي فيه
جزء للطالب المتوسط وجزء للفائقين
اما الامتحانات دى كلها مش بس للفائقين
دى كمان للعبقارية
والطلبة مش كلهم احمد زويل وعبقرية يعنى



تعالي يا ست هاجر


ايه الفرق بينك وبين زويل ولا بين بلية


هل انت ناقصة ايد

ناقصة رجل

ناقصة عين

ناقصة لسان

ناقصة عقل



نفس مكوناتك هي مكوناته

بس الفرق في اللعب


متجيش من اول العام ما تحلي الواجب وما تفتحي كتاب


وتقولي الامتحان صعب


لو كل يوم فتحت كتاب للمادة الفلانية نص ساعة


وفهمتي مش حفظتي


ورجعتي قبل الامتحان اقل نسبة راح تكون 80%


ومن الاخر وليس اخيرا


رفقا بأولياء الامور ما حدا يعرف ابوة بيجيب فلوس الدروس الخصوصية منين

[هاجر الاسمعلاوية]

انا برضو معاك فى كلامك
بس برضو مش كل الناس عقولهم زى عقل احمد زويل
ولو كان كل الناس عقولها زى عقل احمد زويل
مكنش هيبقى فى لا محامين ولا محاسبين ولا اى حاجة خالص
غير علماااااااااااااااااااااااااااااااااااااء فقط لا غير

[قلـــــــــــــــــم]

اقتباسالمشاركة الأصلية كتبت بواسطة هاجر الاسمعلاويةانا برضو معاك فى كلامك
بس برضو مش كل الناس عقولهم زى عقل احمد زويل
ولو كان كل الناس عقولها زى عقل احمد زويل
مكنش هيبقى فى لا محامين ولا محاسبين ولا اى حاجة خالص
غير علماااااااااااااااااااااااااااااااااااااء فقط لا غير




شكلك عنيدة وماشية بمثل يا انا يا انت




راح اسهل ليك


لو معاك رغيف عيش من الحلو المدعم

ومعاك بيضة ومربى

انت بتحبي المربة اكتر

هتعملي سندوتش مربة وهتترك البيضة


انت ما بتحبي القسم العلمي هتدخلي ادبي


بتحبي فلسفة هتعملي المستحيل لتوصلي لدرجة الانفراد بها وممكن تحصلي على دكتوراة فيها

مش معنى قولنا احمد زويل الكل يدخل علوم

ولا قلنا مجدي يعقوب الكل يدخل جراحة

فعلا كوني مثل احمد زويل او الباز او يعقوب ولكن في تحصصك الي بتحبيه

[هاجر الاسمعلاوية]

دة على اساس ان اصلا لو حصل ودة مستحيل يحصل طبعا انا يكون كل الطلبة عبقريين
المهم يعنى هيخدو مناصب فى الدولة
ما شاء الله
طب ومين اللى هيقعد على القهااااااااااااااوى دى كلها
ولا مين اللى هيشتغل نقاش رغم انه معاه شهادة عليا او اى مهنة تانية
دة كمان الدبلومات مش ناقعين
واصلا لو زى ما انت بتقول كدة
مش هيبقى فى حاجة اسمها دبلومات ولا معاهد فنية
ايوة ما هما عبقريين بقا