الله يتولى ولد جارنا

[دمعة مبتسمة]

ال

السلام عليكم

ولد جارنا عنده 17 سنة
عندما خرج من مرحلة الطفولة الى المرحلة التى تليها أخذ والده فى التعامل معه بشدة ما بعرف ليه يمكن علشان ما يروح لسكة الفساد ؟؟؟
لكنه كان بيعمله بشدة بالغة كان على أتفه الأسباب يضربه ضرب شديد وممكن يكون السبب ما يستاهل
فما كان من الولد فى هذا السن الذى يحتاج الرعاية والاحتواء والعطف المتناهى الا انه بدأ يخرج للشارع بالايام من غير علم أهل وطبعا كان بينام وياكل فى الشارع
الاهل كانوا بيدورو عليه لكن هو كان بيرجع لوحده وبعدين يخرج تانى للشارع
علشان مش قادر يستحمل عنف أبوه

ونتج عن ذلك ان ذو الاخلاق الفاسدة بدأو يجروه اليهم وهو بسهولة استجاب لهم

تخيلو بعد 10 سنين مثلا هيكون الولد ده ازاى
من رأى بنسبة 90% هيكون من المجرمين
وأكتر حاجة أثرت فيه هى أمه
مرة اتصلت على ماما وقالت لها هو عمار ( أخويه ) شاف محمود ( الولد جارنا ) ماما قالت لها عمار مش قاعد ولما يجى هسأله قالت لها ياريت تردى على بسرعة علشان هى لغاية دلوقتى مجاش
ماما قالت لها هو مجاش من الصبح امه قالت هو مجاش من يوم الخميس واحنا كنا يوم الأحد
انا اللى مليش علاقة بالموضوع اتضيقت وقلت ممكن يكون تعرض لاذى والله اعلم ده لو كان حي اصلا فما بالكم بأمه !!!!

طيب ليه كل ده
ما أتعامل مع ابنى بلطف ؟؟!!

للاسف الاباء والامهات مفكرين ان كل ما هشد على ابنى كل ما هيكون كويس وذات اخلاق
للاسف فاهمين غلط
انا عندى واحدة صحبتى قالت لى انا فى واحدة اعرفها امها شديدة جدا وبتعاقبها على اقل الاسباب علشان تبقى بنت محترمة وعلى الرغم من كده البنت دى بتعمل كل حاجة غلط من ورا امها

طيب كويس ده ؟؟!!

أنا مرة سمعت برنامج فى التلفزيون المذيع بيسأل شاب وهو طالب جامعى وبيقوله انت مرة واحد من اصحابك حاول يشدك لشئ مش كويس يعنى مثل التدخين مثلا وغيره
قال الشاب كثيررررررررررررررررر لكن كنت ما اسمع لهم انا علاقتى باسرتى كانت قوية
يقول الشاب انا امى كانت بتلعب معنا واحنا صغار كرة فى البيت وانا قريب منها وكانت ديما توعينى
قال له المذيع لما رحت الجامعة فى بلد غير بلدك هل تغيرت
قال الشاب لا لانى متواصل مع اسرتى وكنت اتصل بأمى بمعدل نصف ساعة يوما لدرجة اصحابى يقولوا مو معقول تكون بتكلم أمك

شفتو ازاى الاحتواء والعطف يجعل الاولاد ما يذهبوا لسكة الفساد مش الشدة
ولا ايه رأيكم

[احبيني بلا عقد]

والله فعلا كل الكلام اللي اولتيه كويس اوي وبجد الابهات والامهات يشدو ع الاولاد فاكرين انهم بيحافظو عليهم بس للاسف كل ده بيكون عكسي ع الاولاد وبيولد الكره والعنف وارتكاب الاخطاء

يعني ممكن اصحابه يئولو جرب ده يعني مثلامثلامخدرات او حشيش او دخان اقل شي علشان تنسى عنف ابوك او امك او بيئلو اي حاجات مش كويس يعني مثلا خليك راجل واعمل ده خليك مش عارف ايه واثبت لابوك وامك انك راجل وتقدر تعتمد ع نفسك ويقعدو ينخرو في اذن الولد او البنت لما يخليهم يعملو حاجات مش كويسه


بس ع فكره نسيت اشكرك يا دمعه مبتسمه بس الموضوع شدني وصار عندي قهر من الاباء والامهات



احتراااااااااامي وتقديري

[حياتي ذكريات]

السلام عليكم

موضوع جميل ومهم منك

الشده والعنف من قبل الآباء للأبناء مش بينتج منها غير أطفال معقدين

فيه اللي بيتعامل مع الطفل من اول ما يفهم بالقسوه عشان يمشي على

رأيه ويحسب انه بالاسلوب ده هيمشي صح

يمكن بعديها اما يوصل لفترة المراهقة الولد يحب يبين نفسه أكتر وبيحب

يطلع من سكوته فيرد على الاب او الام بكلمة ولا اتنين فيزيد عليه الاب

ويبدأ هنا الابن بالطفش ويبدأ يعمل كل ما هو ممنوع من قبل الاب

لان اصلا في فترة المراهقة لازم التعامل يكون بطريقة كويسة عشان

يفهم الصح والغلط لو حاولتي تتعاملي معاه باسلوب حاد جدا وباسلوب القسوة

هيعمل زي عمار - ولد الجار - هيهرب من البيت عشان يتخلص من العنف

بعدين انا بحس ان لما الاب كل تعامله بالقسوة هيبقى فيه حاجز كبير اوي

بينهم ومش هحس بسعاده أسرية كاملة ..

على فكرة انا ليا بنت نفس الحكاية كده أبوهم بيتعامل معاهم بالقسوة

تصدقي انها بتقلي ما افتكرش اني ضحكت ولا هزرت مع والدي اول ما اشوفه

داخل البيت انا واخواني واخواتي كلنا نقف ليه كاننا في جيش مش في بيت !!

للأسف ده اللي بقى يحصل كل أب دولوقتي بيحسب انه تعامله بالشده والقسوة

مع الابناء ممكن يجيب نتيجة معاهم ويخليهم يسلكو مسار معين سليم

لكن دايما بيحصل العكس بسبب الاسلوب الخاطئ في التربية

شكرا ليكي على طرحك .. خالص تقديري ليكي .. دمتي بود

[دمعة مبتسمة]

حياتى ذكريات
متشكرررررررررررررررررة لمرورك ورأيك الصحيح
وفعلا لازم تكون تربية الأولاد بعطف ونبعد عن الشدة من أجل تربية أسلم

[فرولة]

لا حول ولا قوة الا بالله
والله فعلا هو ده عقوق الآباء
ربنا يهدينا جميعا ويحفظنا يارب
وربنا يطمن قلب امه عليه
وتسلم ايدك

[ღ Gի๐sτ ღ]

والله حرام لان مهما كان الضرب مش هايجيب نتيجة .. بل بيخللى الولد يزداد فى الغلط والعند مع والدية واللى فى دماغه بيعملة مهما كان

اما من الممكن ودى اللى ان شاء الله ربنا يعطينا طولة العمر وباذن الله عندما انجب طفل

لن اضربة .. بل اكون قريب منه واحكى معاه وافضفض واكون صديقة وليس والدة

وافهمة كل شىء بالعقل ويفكر فية وعندما يقتنع بكلامى يحب يسمع رائى فى كل شىء

ولكن لو هاضربة ... هايعمل كل الغلط من ورايا لانة هايخاف منى

ولو جائنى طفلى واعترف بشىء خطاء هو فعلة .. لن اضربة لان المثل يقول اللى فات مات

ولكن افهمة واشرحلة كل شىء ببساطة ويفهم كويس معنى كلامى

ولكن مع نفس الوقت .. الشدة تنفع احيانا ولكن مش على طول

يعنى الشدة مع العقل ومعاملة الاصدقاء وليس اب لابنة

ولكن لن نزداد فى الشدة زيادة عن اللزوم لان ذلك سيضرنا ولن ينفعنا

[دمعة مبتسمة]

فرولة
صح هو ده عقوق الأباء
شكراااااااااااااااااا ليكى على المرور الكريم

صح لابد التعامل بعطف مع الأولاد لكن لابد بشئ من الشدة لكن لا تكون الشدة هى الحل الاساسى والوحيد والاول والاخير فى التعامل مع الأولاد

[روضة الجنة]

مشكووووووووووووووور موضع جميل

[روضة الجنة]

موضع وحش خالص