مزة ...... ف الميكروباص !!!

[DID MAN]

نحب يجماعة نناقش الموضوع دا

بيحصلنا كلنا ف المواصلات

وهي هي نفس التعليقات

ونفس ردود الافعال

فكل مكان

وكل زمان

طلاما اللي انت راكبو يندرج تحت اسم ( ميكروباص )



ايه باه اللي بيحصل ؟؟؟

ما تيجو نشوف








أولا :-

طبعا وانتا بتوقف الميكروباص وياسلام لو مافيش مكان

لو انت بنت يادوب تبصي بس بصة استعطاف لأي بأف قاعد هايقوم ينط يعد في ضهر السواق عشان تعدي

انما بقا لو انتا ولد شوفلك اي حتة اترزع فيها او انشالله تتشعلق مانتا اساسا مالكش أهل يخافو عليك










ثاني حاجة :-

طبعا وانتا طالع كتير مننا ممكن يخبط راسه في الباب

طبعا لو كنتي بنت هاتلاقي اللي بيقولك خير حصلك حاجة ؟؟؟ من كل الركاب وممكن طبعا
تلاقي اللي ممكن يقوم يضرب السواق

انما بقا لو كنت ولد... اسمع بقا اللي يضحك عليك واللي يقولك ايه اتعميت ؟؟ .. يا لطخ تستاهل شوف كنت بتبص فين والكلام دا طبعا











تالت حاجة :-

وانتا بقا بتقفل الباب وطبعا السواق بيقولك اقفله بالراحه كأنه هايتكسر في اديك مانتا بقا رامبو


طبعا لو كنتي بنت وبتقفلي بالراحه خالص وممكن الباب مايتقفلش يقولو شوفو الرقة حتى الباب مش هاين عليها تخبطه بالجامد

وياعيني عليك لو كنت ولد والباب ماتقفلش .. ايه ياعم النايتي مش قادر تقفل الباب اتفو على دا جيل



.... ولو قفلت الباب بالجامد بقا

لو كنتي بنت طبعا هايقولو معلش اكيد متعصبة شوية ربنا يعينها على اللي هيا فيه

انما لو كنت ولد : ايه الطور دا خلاص ياعم عرفنا انك فاندام بس بالراحه ع الباب












رابع حاجة :-

طبعا ممكن يجيلك تليفون وانتا قاعد في الميكروباص

لو انتي بنت وانتي بتقولي الو ياسلااااام الله يا جماعه على صوتها شوفو
الرقة يابخته المحظوظ اللي بيكلمك ولو معاها موبايل معفن ياسلام ع التواضع

انما بقا لو كنت ولد اللهي يجيلك ضربة انتا واللي بيرنلك دلوقتي وطي ياعم صووت ام
صوتك صرعتنا والله عرفنا انك معاك زفت موبايل ولو الموبايل معفن .. وكمان بتتعايق
بموبايل معفن امال لو كان موبايل عدل شوية كنت عملت ايه












نمرة خمسة :-

لو انتا بقا طالع والسواق مشغل اغنية بيئة ومعلي الصوت بقا وانتا عايز تتكلم في الموبايل


طبعا لو انتي بنت القانون بيديكي الحق الكامل انك تقوليله وطي الكاسيت او اطفيه ( قانون ساكسونيا طبعا)

انما لو ولد هاتلاقي السواق من غير ما يرد عليك يادوب يبصلك بصة بقرف ويلف وشه
تاني ويعلي الصوت كمان ويفضل يبرطم بقا انتا هاتشترينا بأم النص جنيه اللي هاتدفعه











ساتت حاجة :-

طبعا بقا انتا وصلت الحمد لله بعد القهر والتفرقه العنصرية اللي اتعرضت ليه طول
الطريق عايز تنزل بتقول للسواق على جنب وطبعا لايمكن هايسمعك ماهو مشغل
الاغاني ومعلي الصوت على اخره

طبعا لو انتا ولد هاتقول مرة واتنين وعشرة وينزلك بعد الحتة اللي انتا عايز تنزل عندها
بشارعين تلاته وطبعا هايقولك ماسمعتكش مانتا اللي صوتك واطي زي البنات


انما بقا البنت يادوب كل اللي هاتعمله انها توشوش نفسها على جنب وكأنها
بتكلم نفسها هاتلاقي بقيت الاربعتاشر نفر اللي قاعدين في الميكروباص
بصوت واحد بيقولو للسواق على جنب ..... انتا اطرش ؟؟؟














دمتم ب كل حب

[الأميرة منة]

ههههههههههههههههههههه محسسنا ان البنااات وااخدة حقهاا وزياادة

طب ياااريت والله ده اللى يحصل

حلو الموضوووع اوى

ميرسى عالمجهود

[DID MAN]

ماشى يا عسولة نورتينى

[زهرة الاحلام]

ههههههههههههههه
يا سلاااااااااااااااام

[Ranoosha Love]

هههههههههههههههههههههههههههههههههههههههههه
جااااااااااااااااامد اوووووووووى

[احضان الحبايب]

ههههههههههههههههههههههههههههههههههههه
والله الحجات الانت بتقولها دى فيها كتير صح
وبالذات حكاية لما تيجى تقوله ع جنب
يانهار مش معدى
انا بقوله قبلاه ب 10 كيلو ولا حاجه
وشفت واحده بس شاوريتلوا كده بايدها
الميكروباص كله قال هنا يا اسطى
هههههههههههههههههههههههههههههههههههه
يلا الحمدلله
لينا يوم وندلع بردوا
هههههههههههههههههههههه
تسلم يا برنس ع الموضوع
بالتوفيــــــــــــــــــق
"‘عــ ب ــده"

[elmoshaxa]

هههههههههههههه

[BatoOota]

هههههههههههههههههه
واخدي حقنا اوى اوى
هههههههههه
زمن العجايب
!!!
ههههههههه
انتوا متغاظيين لية

ثانكس عالتوبيك

[احبيني بلا عقد]

ههههههههههههههههههههههههه


تصدقون بالله كنت افكر لو انا اللي بيحصلي كل الحاجات دي بعمل ايه يا خرابي ع اللي بيحصل لي حيغمى عليه بجد


بس البنوتات يستاهلو كل خير ههههههههههههههههههههه واحد مقهور من الحكاية دي

[فطيرة بلسكر]

هههه

ايوة كدا اعترفو بينا بقا