مش لوحدي

[فراشه الحياه]

(1) انا تعبت من كل شئ من زياده الاسعار اغتصاب حوادث .....الخ
لدرجه اني فكرت في الانتحار تقريبا بس ربنا هداني
و ساعات بقول يا رب امال بقي لما اكبر و اتزوج و يبقي ليا بيت ايه الي هيحصل هموت نفسي
و اجرب الانتحار تااااني يا رب رحمتك علينا .
(2) * تاني حاجه بقي و الي ناقصه تنزلنا من السماء هي حكايه اليهود مع فلسطين ( اصل فلسطين ناقصه )
المهم الواحد تقريبا زهق و تعب و علي فكره مش لوحدي انا الي كده لا ده في 100 مليون واحد بيفكر زينا كلنا
و ندعي من قلوبنا و نهتف لله و نسجدله و نقوله :
رحمتك يا رب
شكرا علي المتابعه
فراشه الحياه:082:

[dr.marmar]

لاحول ولاقوه الا بالله
لاياحبيبتي مافيش حاجه تستاهل انك تنتحري علشانها أبدا
الإنتحار ده يأس من رحمه ربنا
وإلي بييأس من رحمه ربنا مكانها جهنم والعياذ بالله
خليكي دائما عندك ثقه في الله
وبصي حواليكي هتلاقي ناس كتير عندهم مشاكل
اكتر من الي عندك مليون مره
ومع ذلك راضين وعايشين مبسوطين

[ماتركس]

السلام عليكم ياا فراشه
قووالي الحمدالله ياا فراشه اللي يشووف بلاوي
النااس تهون عليه بلووتوو والله بجد
واللي يقووال انتحر ده حرام هتخصري دنياا واخره كماان
استهدي بالله مفيش حاجه تستااهل الانتحاار
وصلي ركعتين لله وهووه هيفكلك قربك

[~♥ Queen sozan♥~]

اهدى كدة يا قمر
وانتحار اية عيزة تموتى وربنا غضبان عليكى
هو فعلا مش لوحد مضيقين من للى بيحصل بس من حاول نصلح
لكن مش نغضب ربنا علينا


وكلنا بنقوووووووووووول
يااااااررررررررررررررراااااب

[دمعة مبتسمة]

مش لوحدي انا الي كده لا ده في 100 مليون واحد بيفكر زينا كلنا
ده للى انتى كتبتيه صح ؟
يعنى كل اللى ذكرتيه بنعانى منه لكن بندعى ربنا وما نيأس لاننا معنا ربنا وهيرفع عنا ان شاء الله
يعنى ما فى حد مبسوط كل الناس عندها مشاكل لكن بتصبر وتلجأ لربنا
مهما كبرت مشاكلنا لازم نقول الحمد لله ونصبر ربنا مش بينزل علينا المشاكل عشان نيأس
لكن علشان نصبر وبالتالى ربنا يعطينا ثواب على صبرنا
خلى مشاكلك تجرك لذكر ربنا وللصبر اللى يزود رصيد حسناتك
وما تخليها تجرك للأحباط واليأس والتفكير فى الأنتحار العياذ بالله
ما فى شئ يستاهل

ربنا يفرج عنك ويسعدك

[ميدو العثل]

فراشة الحياة العثل
هاستأذنك علشان اضحك ههههههههه
طبعا ضحكي ده مش علشان موضوعك وموضوع انتحارك او استهزاء بكلماتك التي تدل على قلبك الطيب والحب الكبير للناس لان المشاكل التي ذكرتيها ليست مشاكل شخصيه تخصك انتي فقط وانما مشاكل مجتمع بأثره وخاصه مشكلة فلسطين
وانما انا ضحكت لاني مرة أصابني الملل والنكد والعصبيه والزهق بعد ماكنت في فترة مداوم على مشاهده برامج تلفزيونيه من برامج التوك شو التي تعرض المشاكل ولا تحلها
زي مابيكونوا بيحشوا القنوات الفضائية بهذه المشاكل فقط كي يقوموا بالميزد من الاعلانات وهذا على حساب صحتنا وحياتنا
المهم بقى بالنهاية عايزك تستعيذي من الشيطان وتتاكد ان رحمة ربنا واسعه لابعد ماتتخيلي وان الدنيا مليئة بالخير فلا ننظر لما بها من شر فقط حتى لا نيأس من روح الله
تحياتي لكي بكل خير

[مهارات الحياة]

أنا بعرف إنو المجتمع إللي بنعيش مش بخيـــر

بس دهـ مش يعني نقتل نفسنا علشان المشاكــل إللي فيه

بداية ما جاء الإسلامـ

كان الكل معارض وبيتحدوا فكرة وجود عباده غير الأصنام .

وكان إللي بيخش الإسلام كان بسريه تامه يعني المسلمين مسلمين بالســر

ومع كده محدش إنتحر .. بالعكس صبروا ونالوا ف النهايه مطالبهم .

...

ومثل ما هوا مافيش مشاكل زي دي ... كمان فيه مراكز للعناية بالحياة .

دي الدنيا مش الآخره علشان كل حاجه تكون فيها سلسه وسهله .. ودي حكمة ربنــا .

لازم الواحـــد بيمر بأزمـــات علشان يثبت لربنا إنو قد المسؤوليه إللي إدهالو .

[جميلة مصر]

لا حول ولا قوة الا بالله ماتقكريش فى الانتحار ابدا
طب انتى بتقولى اعصابك بتتعب عشان الفلسطينين امال هما يعملوا ايه اللى عايشين فى عدم امان
ربنا معاكى ياحبيبتى
تقبلى مرورى

[رفيق السحاب]

اشغلي بالك بحاجة مفيدة ولا تجعلي همك الاساسي ان يمر كل يوم بلا جديد واستخرجي مواهبك سواءر فنية او رياضية او ادبية وهناك اماكن كثيرة ممكن تخرجي طاقاتك المكبوتة لان مجتمعنا الان للاسف في مصر يؤدي مش للانتحار بس للجنون او الادمان واشياء اخري اكتبي رد لنتواصل

[sฝeet αηgeℓ]

اوعي مهما حصل

يا بنتي تفكري في الانتحار ده

واستعيذي من الشيطان لما تجيلك الفكره دي

تفتكري الواحد لو انتحر كان ارتاح

مهو البينتحر دا في النار علطول

يبئا عذاب الدنيا ولا عذاب الاخره

اهدي يا قمر واقرئي قرآن هيريحك اكيد

وهتحسي انك احسن ^^