اسئلة تعجيزية من خارج منهج منتدي بنات مصر

[شاعر واسير الحب]

اصدقائي

وزارة االتربية و التهييس
بالاشتراك مع احسن مخرج للانتاج الفنى
فرع التوهان-- مدينة البكاء -- اوسكار الدموع الوقحه
يقدمان

امتحان مادة اللغة العربية
للمرحلة الاولى من الثانوية العامية

زمن الاجابة : خلص نفسك و اجري

=====================
هذا الامتحان برعاية الباكي الراعى الرسمى لجمهورية مصر العالمية
==============================================

سؤال غصب عنك تجاوبة

كم عدد زوار بنات مصر يوم الاربعاء من ثلاث سنين .؟؟ مااسم الزائر اللي عجبك ؟ واللي سرق الموضوع منك ؟

كم عدد المشرفين بالمنتدي وباسمائهم الحقيقة ؟؟ هل يوجد صور لهم معك ارفقها ؟

الموضوع اللي عجبك واللي معجبكش والرد اللي عاوز تقوله ايه وليه وعشان ايه وهل انت متضهض ولا لسه ليك كلام وفيك نفس لمواصلة ؟

رد علي طول واجري ماتخليش البنات تضحك عليك

في فيلم غزل البنات ؟؟
عجبك الفيلم اكتب نبذة بتاع عشرين ستين صفحة عن البطل والبطلة وهم راكبين العربية ؟
ارسل رسالة الي البطل عبرموبيلك واكتب رقمها ؟
************************************************** *****************


ملاحظة: اجب عن الأسئلة التعجيزية التالية و عددها ( 6 ) إجباري و ( 1 ) اختياري
على أن يكون مجموع الأسئلة 7

ملاحظة: عجلة الجاذبية 9.8 ( في حالة انك حبيت تنط من الشباك )
يسمح بالغش من اللي وراك أو اللي قدامك أو اللي جنبك (( طبعاً ماحدش عارف حاجة عشان يديك يا حلو ))
==================================================
السؤال الأول القصيدة
==============================================
قال ريكو في أغنية (( خلي الشعب يعيش )) مايلي :
راحت عليكي الدنيا .. وراح زمن الشهادات
و بقيتي يا دنيا ماشية عالسقفة و عالصاجات
هزيها براحة براحة .. تفضلي على طول مرتاحة
هزيها بشويش بشويش .. خلي الشعب يعيش
==============================================
الأسئله
==================================================
1- اشرح الآبيات الاربعة الاخيرة من النص بما لا يقل عن 90 سطرا باختصار شديد
2- لماذا أكد الشاعر على القصد الشريف و النية الصادقة ، و علام يدل قوله (( هزيها بشويش بشويش )) ؟

3- استخرج من البيت الاول محسن ابراهيم و محسن اسماعيل مبيناً نوع كل محسن منهما وكنانة واستعارة متنية . وشوف اي محسن يحسن اليك

4- استخرج من البيت الثالث صورتين فوريتين مبينا نوع الكاميرا
==================================================
مساحة خالية للإعلان -: وخليك قدها و لو فتحت بقها
==================================================
السؤال الثاني
==================================================
أعط أسباب ما يلي مع شرح وافي
:
(( ياعم كبر يا عم بص .. ده حتى بص ده الواد بيلظ ))=====================================

1-اذكر عدد الشعيرات البيضاء فى دماغ مدير شركة الشامبو سانسيلك فرع كوم حماده مع كتابة نبذة مختصرة عن ماتشش الالمنيوم و الكروم فى دورى الدرجة التانية عام 1920
2-كام بذرة فى البطيخة الى كان بيكولها محمد هنيدى فى فيلم وش اجرام و متنساش طبعا لمحة عن حياة بائع البطيخ و عائلته و اسم جيرانه نفر نفر

3- ايه الى كان بيقوله سونج فى سره لما زيدان قطع منه الكورة فى كاس افريقيا)
مع ذكر نوع الصابون الى استحمى بيه محمد زيدان قبل الماتش

4- أسباب اندلاع الحرب بين ..... ما فيش فرق، اختر أي7 حروب من الى حصلوا و ارغى براحتك فيهم مع التوضيح باسماء الشهداء فى كل حرب، )
=============================================
أخي الممتحن اختي الممتحنة لو لسه فيك الروح أقلب الصفحة

و تنتمنى ان يحوز منتجنا على راضاكم امتحنا زي بعضة غلطة مضبعية هنحاسب عليها المراقبين لما ييجوا
==================================================
السؤال الثالث –اختياري-
بس مش هتقدر تغمض عنيك
اكتب الاسم المستوفى من السؤال

ما اسم الراجل اللي حط كرتونة مياه (( المياة العكرة )) المعدنية رقم - 966504 - في سيارة نقل القاهرة رقم - 125986 - مع ذكر اسم اول زبون اشترى ازازة ميه من الكرتونة ديه مع ذكر لون شرابه ؟

ما اسم بائع اللبن الى بيودى اللبن كل يوم للى حاطط الامتحان ده مع ذكر نبذة مختصرة عن كل من الحلاق و الزبال وجوز اخت مرات واضع الامتحان)
==================================================
فاصل إعلاني: غمض عين فتح عين ... اشتري بيتزا تاخد اتنين (( هذا العرض ساري حتى نهاية الوقت المحدد للإمتحان ))================================================ ==


ملحق


السؤال الرابع (ادينى فى اللذيذ يا نزيز )
==================================================
ورد في قناة روتانا فيديو كليب " ليلي نهاري " للمخرج كاميرون كايسي و غناء عمرو دياب :
" احكيلك ايه خلاص ما انت شايف من غير ما اقول اكيد انت عارف كلام كتير انا نفسي اقوله و كلام كتير يا ريتك تقوله
جنبك حياتي دي اجمل حياة "
الأسئلة
==================================================
1-ماذا كان يريد ان يقول عمرو دياب للمزة مع توضيح اسم خالة المزة ورقم موبايلها و لون الستاير الى فى بيتهم؟

2- ما نوع الكنبة اللي كان قاعد عليها عمرو في الاغنية , و ما إسم عامل السفنج في المصنع ( مع التوضيح ) ؟

3- ما اسم صبي الخياط بتاع ام الموديل اللي كانت مع عمرو في الكليب مع ذكر اسم مدرس الايطالى الى كان بيدرس للصبى قبل ما يسيب التعليم ؟
==================================================

بسكوت كلاابالة لو بتؤاؤ وتيعط لو تاخد منه واحدة هتلاقى نفسك بتظيط

السؤال الخامس(نهنئك بوصولك لهذه المرحلة)
==================================================
موضوع التعبير

قال الشاعر: " حسن زعبولا .. ماشي بيتسالا .. محندق الجاكيته و بيتعايق بالقلة
"
أكتب نبذه عن حياة ابو حسن زعبولا (( الحاج زعبولا )) و اذكر 13سبب عن سبب انفصال الحاجة زعبولا عن هندامة ( زوجته الاولى )
==================================================
لا تاتي الرياح بما تشتهي به السفن
المشروب الرسمي لهذا الامتحان
=============================================

أخي الممتحن اختي الممتحنة أقلب الصفحة أحسنلك (( اصلك مش عارف اللي فيها ))
==================================================
السؤال السادس(سؤال الادب و البلاغة )
==================================================
اجب عن أربعة فقط من الأسئلة التالية
==================================================
1- ما رأيك بتصرفات " رفيع " و " فرحة " في مسلسل الضوء الشارد و اسم بياع الجلاليب الى اشتروا من الجلاليب ومقاستهم ؟
مبيناً ماذا سيحدث في فيلم ( تيتو ) بعد مقتل ( تيتو ) في الفيلم

2- ما رأيك بموقف "حسام" من "سرية" في مسلسل الحقيقة و السراب ؟

3 من برأيك أقوى وأفضل بوكيمون - هل هو – بيكاتشو و مين اطول واحد فى سلاحف النينجا مع ذكر نبذة مختصرة عن شنخر و صخر

4 – اذكر أسماء أبطال كابتن ماجد، مع بيان فريق كل منهم. وما عدد الأهداف التي سجلها الكابتن ماجد
في كأس العالم في كوريا و اليابان 2002
==================================================
عرضت احدي شركات المحمول محمولها الجديد من سمعان أبو رنه ، اشتري كارت بـ330 جنيه و احصل على نص جنيه في الرصيد مجاناً هل انت اشتريتة الله يخرب بيتك النوعية دي ممنوعه
==================================================
سؤال المساعدة ( لو محتاج تزود درجات)
و ملهوش لازمة اساساً
==================================================
أ – اذكر أسماء 3 من رؤساء بلدية لقرية يوكوزوهريتاشاناتا اليابانية من ثلاثة مقاطع مع عدد السنوات التي ترأسوا فيها البلدية
ب – أذكر أسماء زوجات 5 ممن ماتوا في قصف مدينة هيروشيما اليابانية عام 1945 بالقنبلة الذرية على أن تكون إحداهن

خلصنا بلاش بكي روح ياواد ويا بت انت هو هي علي البيت علي طول

[شاعر واسير الحب]

ابد ان ليكم فعلا الصعب واللي يبكيكم

[زهر البنفسج]

ههههههههههههههههه
ههههههههههههههههههه
يخرب عقلك والله فطست من الضحك
ههههههههههههه
لا وكله كوم واغنية ريكو كوم تانى
هههههههههههههههههههههههههه
تسلم ايديك يا شاعر واسير الحب
ومنتحرمش من مواضيعك الجامدة دى

[BatoOota]

هههههههههههههههههههههههههههههههه

جاااااااااااااامد
رووووووووعة

ميرسى ليك
نايس توبيك

[شاعر واسير الحب]

اشكركم وربنا ما يجعل امتحانتكم صعبة

[شاعر واسير الحب]

ابد ان ليكم فعلا الصعب واللي يبكيكم

[نور البحار العالية]

حرام انا تعبت من القراية
انا متاكدة و بلا فخر انى هجيب
100 من تحت الصفر

[gold rose]

الحمد لله إنك مو مدرس

لو إنك مدرس

كان الكل ضمن الرسوب

وبفخر كمان

تسلم إيدك