الإنسان هو الكائن الوحيد الذي يضحك ؟

[yara5]

يقول نيتشه : إنني لا أعرف تمامًا لماذا كان الإنسان هو الكائن الوحيد الذي يضحك ?

تخيلوا ان الانسان هو المخلوق الوحيد القادر على الضحك رغم انه خلق فى كبد



ورغم انه المخلوق الوحيد اللى عارف ان له نهاية ونهايته دى هى الموت

هل لأن الإنسان هو أعمق الكائنات شعورًا بالألم؟ فكان الضحك متنفسا له...

للفلاسفة أراء كثيرة جدا للتفريق القطعي بين الإنسان والحيوان فمنهم من قال إن الإنسان كائن

أخلاقى ومنهم من يرى أنه كائن شعورى يبكى ويضحك ويحزن وكتير أوى.....الخ

وكان ليهم مناظرات لفهم طبيعة الانسان هحكيلكم حاجة طريفة

حصلت مناظرة بين افلاطون، وديوجينوس حول طبيعة

الانسان، امام حضور كبير في احدى ساحات اثينا، و اثناء النقاش قال

افلاطون بان الانسان هو المخلوق الوحيد الذي يمشي على قدمين وله جلد عار،

وعندئذ ترك ديوجينوس الاجتماع فورا وغاب لفترة قصيرة ثم عاد وبيده دجاجة منتوفة الريش، وقذف بها على



الحاضرين قائلا: هذا هو إنسان أفلاطون! وكان يعني بذلك ان تعريف أفلاطون للإنسان لا قيمة له.

واما الفيلسوف الفرنسي رابليه اللى عاش في القرن السادس عشر فكان يقول بأن

"الانسان هو الكائن الوحيد الذي يضحك،"

هذا في حين ان ديكارت كان يقول بأن الانسان هو الحيوان الوحيد المزود بالعقل، ولذلك قال
عبارته الشهيرة: انا أفكر اذن أنا موجود

وبعيدا عن فرخة ديوجينوس وعقل ديكارت

هاتكلم هنا عن الضحك كشىء مميز لطبيعة الانسان عن غيره من المخلوقات

واللى خلانى أفكر أكتب عن الموضوع دا هو قراءتى عن كتاب " معانى الضحك " وهو كتاب جديد صدر فى الأسواق

الفرنسية للكاتب والمحلل النفسى الفرنسى" دانييل سيبونى "

واللى شرح فيه الأسباب اللى بتجعل بعض الناس لديها القدرة على الضحك وأخرون لا يضحكون

ويرى الكاتب أن للضحك علاقة بين هوية صاحبه وعلاقته مع الاخرين والتعبير عن المواقف وكبتها

تحدث المؤلف عن الذين يضحكون وغيرهم ممن يغلقون كل المخارج على نفسهم ولا يعرفون

نعمة الضحك حيث أنهم يمثلون الجدية الأبدية

للضحك معانى كثيرة وأنواع كثيرة


فيه ضحكة من القلب ............ بحبها أوى

وفيه ضحكة جنان ............ يا أبو ضحكة جناااااااااان

وفيه ضحكة صفرا..............

وفيه ضحكة بيبى............الله بموت فيها

وفيه ضحكة صافية ........والضحكة الرايقة
كل حد له طريقة معينة فى الضحك بتعبر عنه بشكل ما والأمثال عن الموضوع دا كتيرة جدا

"من طريقة الضحك تميّز المعتوه من الأحمق ...... ( مثل فرنسى )



" ضحكة بلهاء هى أكثر الأمور حمقا فى العالم "" ( لاتينى )

صورة القلب بتطلع على الوشوش ؟

أيوة بتطلع


الوجه الذى لا يضحك اطلاقا شاهد على رداءة القلب .....

وفى الاسلام الضحك مباح فى الأصل

لكن بحدود لان كثرة الضحك تميت القلب الرسول كان بيتبسم

روى الطبرانى في الأوسط عن عمر ابن الخطاب رضي الله عنه قال "يا أحنف من كثر ضحكه قلت هيبته"


قال النبي : تبسمك فى وجه أخيك صدقة رواه الترمذى وصححه الألبانى

من وجهة نظركم ايه اللى ممكن يفرح قلبكم ويخلي الضحكة طالعة من القلب ؟

ايه اللى بيخلى شخص مرح وشخص كئيب ؟

إيه اللى يخلى الإنسان إنسان مميز أوى من ضحكته ؟

[kota 96]

لما الانسان يكون قلبه صافي وعامل اللي عليه ومش حاسس انه ظالم حد
بتبقى دايما البسمة على شفتيه مهما كانت المشاق اللي عليه
لكن اللي يخلي شخص كئيب انه مش عامل اللي عليه فدايما بيحس ان عليه حمل كبير فمش بيشعر بالسعادة

وميرسي ع الموضوع الجميل
تحياتي
أختك

[دمعة مبتسمة]

من وجهة نظركم ايه اللى ممكن يفرح قلبكم ويخلي الضحكة طالعة من القلب ؟
لما أنجح مش شرط فى دراستى
ممكن أنجح فى حياتى فى علاقاتى مع أصحابى مثلا
عارفة مرة فى درس من دروس السويش ماكس كان صعب شوية علي وتعبت لغاية ما عرفت أعرف أطبقه وعملته مش عايزة أوصفلك قد ايه كنت فرحانة فرحة ما تتوصفش يعنى حصلت حاجات كتير فى حياتى حلوة لكن عمرى ما فرحت كده واستغربت انى فرحت كل الفرح ده علشان حاجة تافهة شوية ده مجرد درس امال لما لما أنجح فى دورة السويش ماكس كلها هعمل ايه ؟
فهى دى فرحتى نجاحى

ايه اللى بيخلى شخص مرح وشخص كئيب ؟
اللى بيخلى شخص مرح شخصيته يعنى طبيعة الشخصية مرحه
والشخص الكئيب ممكن يكون شخص بعيد عن ربنا
وممكن يكون من كتر المشاكل والهموم أصيب بالكأبه

إيه اللى يخلى الإنسان إنسان مميز أوى من ضحكته ؟
كل انسان له طريقته الخاصة فى تصرفاته
فكمان الضحكة بتبقى متميزة من شخص لأخر

ربنا يسعدك ويملئ حياتك بالفرح والسرور وكل المسلمين والمسلمات
مشكوووووووووووووووووووووورة

[فرولة]

تسلم ايدك على الموضوع
والحمد لله ربنا ميزنا عن الحيوانات بالعقل مش بالدحك بس وكويس ان احنا بنعرف نبتسم

[حياتي ذكريات]

السلام عليكم

الانسان هو الكائن الوحيد المميز على وجه الارض

من حيث العيشة .. الضحك .. العقل .. حتى في الوفاة

ربنا كرم الانسان بعد مماته بالدفن وواجب علينا ندفنه

اما الضحك فهي وسية نعبر بيها عن مدى فرحة الانسان

بأمر حصله .. جميل ان الانسان يكون دايما راسم البسمة على وجهه

سواء في حاله الفرح او الحزن .. يتحدى الكون بابتسامته

يمكن حتى في تعاملتنا مع البشر لما تقابلي انسان بشوش بتفرحي

لكن لما تقابلي انسان دايما مكتئب تحاولي تبتسمي ليه ولا يعبرك

تحسي انه باني حاجز بينك وبينه

لان دايما الابتسامة هي الطريق الوحيد للدخول في القلوب

بس نوازي في ضحكنا مش كل حاجه نضحك عليها لان الضحك زي

ما قال رسولنا بيقلل هيبة الانسان ..

ولكن بشوف ناس كتير لما بتحصلهم مشكلة بيحصله حالة اكتئاب

شديد وبيضلم الدنيا في عنيه ومش بيضحك وبيحس ان الدنيا

وقفت خلاص وده غلط مفروض ما نخليش همومنا سبب لمحي البسمة

تسلمي على طرحك .. خالص تقديري وودي .. تحياتي

[تيا]

من وجهة نظركم ايه اللى ممكن يفرح قلبكم ويخلي الضحكة طالعة من القلب ؟
لما نسمع خبر مستنيينه من زمان أأو لما حد بنحبه هو اللي يكون سبب ف ضحكتنا
ايه اللى بيخلى شخص مرح وشخص كئيب ؟
كل واحد له طبيعه يعني أنا مثلا مهما أكون قرفانه ومتدايقه بضحك وبهزر مع اللي أنا قاعده معاهم
أما الكأبه دي ليها وقت عندي لما اكون لواحدي
بس معتقدش ان فيه حد بيحب الكآبه كل انسان بيحب يضحك
إيه اللى يخلى الإنسان إنسان مميز أوى من ضحكته ؟
لما يكون انسان دمه خفيف وبيضحك على طول والناس متعودين على ضحكته
ميرسي على التوبيك المرح ده