خطوبه 3أيام فقط !!!!!!!

[dr.marmar]

بسم الله الرحمن الرحيم

القصه دي أنا قريتها في منتدي تاني وأثارني جدااااااااا الموضوع ده اننا نتكلم فيه
القصه دي علي لسان صديقه بطله القصه
ياريت نقراها وبعد كده نتكلم في الموضوع ده

(
دى قصه صاحبتى اللى بعتبرها اكتر من اخت ليا

صاحبتى دى يتيمه الاب وامها بتشتغل فى بيت ناس كويسين علشان تربيها هيه واختها

ولما جالها العريس كلنا فرحنا قوى والام قلبها كان بيرقص من الفرحه
الام قالت اخيرا جالها ابن الحلال نفسى اموت وانا مطمنه عليها هيه واختها مع راجل يتق الله فيها

ومش عاوزه اوصفلكم حال الناس دى ماديا ايه والله يابنات يعلم ربنا اللى حصل علشان نخليها تعمل خطوبه كويسه

فى البيت طبعا

العروسه منتقبه


وطبعا الفرح اسلامى بدون اختلاااااااااط

يعنى كلنا بنات فى بعض

ومامته هيه اللى لبستها الشبكه

لحد هنا ومعتقدش حاجه غلط حصلت

الخطوبه كانت يوم الجمعه

عزموهم يوم الاتنين على الغدا فى بيتهم

الغريبه ان العريس مكانش موجود

والاب قال عنده شغل الله يعينه

الاب قال للعروسه تخيلى يابنتى انا ماشفتش شبكتك
مع العلم ان الشبكه كانت معاهم قبل ميعاد الخطوبه
بصفو نيه مدت ايديها وورتهاله قالها نظرى ضعيف
راحت قلعتها وادتهاله
راح جايب عدسه مكبره وقعد يشوفها
وقالها معلش انا هاطلب طلب
انا ليا اخت مشلوله ماشفتهاش ممكن تسيبيها اوريهالها
وقبل المغرب هاتكون عندك
قالتله طب ياعمو ممكن اروح ازورها وهاوريهالها
قالها لا خطيبك متخانق مع ولادها الصبيان ومحرج انك تروحى هناك
كانت معزومه هيه ومامتها وخالها
والكل ادالهم الامان
القعده كلها كانت كلام على اللى جاى
وان العريس مستعجل والشقه بيكلم ناس عليها يخلوصهاله قوام
يااااااه على الاحلام

الناس تستنى المغرب محدش جه العشا محدش جه
ومحدش بيرد على تليفونات

لحد تانى يوم يوم التلات
اخيرا اتصلت اخته
وقالت بالحرف
اخويا الحاجه دى حاجته وخدها وكل شىء نصيب

طب ايه فيه ايه

هيه دى الاسباب

العروسه كانت لبسه فستان سواريه مفتوح حبتين
طب ايه المانع ماكلنا بنات

لا اصل فيه جاره ليهم كانوا عازمنها معاهم وراحت وصفت العروسه للاخ الملتزم خطيبها
والاخ الملتزم سمعها لحد ماخلصت كلام
الاخ الملتزم قال ان العروسه مش متربيه علشان لابسه بالشكل ده
وانها كانت مشغله اغانى بالايقاع

طب ياعالم ياهو لا اهله ولا اهلها ملتزمين وكون البنت صممت تعمل فرحها اسلامى وعاوزه تحبب
الناس فى الافراح الاسلاميه ده جزائها؟؟؟؟
اختها تقولها اصله راجل قوى
دانا لو قاعده قدامه ببجامه بيزعقلى
معقوله ده كلاااااام؟

والحاج الكبير اللى المفروض مايطلعش منه العيبه يضحك على الناس ويااخد دهب البنت؟

هوه ده الدين اللى الاخ ملتزم بيه؟
ده الدين اللى قاله يضحك على الناس ويلعب بمشاعر البنت
وكل التمثيليه دى علشان الدهب؟؟؟
مش ممكن ابدا ده يكون عارف ربنا اصلا
مش تقولولى ده ملتزم

قسما بالله ماتعرفوا حال البنت والام ازاى
الام عيناها مورمين من كتر العياط

والبنت صوتها مكتوووووووم بالخنقه وتقولى نفسى اعيط

الام بتقول يمكن لما قلتله انى بشتغل الشغلانه دى رفضها؟

قلتلها ياطنط ده مايقللش بيكى بالعكس ده يزيدك شرف اومال تربى عيالها ازاى
تستنى العطف من ده وده


انا قلت ان الشبكه من حقها وده يعتبر اقل تعويض يتعمل

ياترى الناس هاتقول ايه؟؟

الام عندها السكر وممكن يجرالها حاجه بجد والبنت قلبها انكسر ومش هتقدر تثق فى حد تانى

حبيت اعرض الموضوع علشان بجد بجد مقهوره قوى عليها وعلى فرحتها اللى انكسرت

وحبيت اقول حسبى الله ونعم الوكيل فيمن ظلمهم)

دلوقت إيه رأيكوا في الي حصل ده
وياتري الطريقه الي إسترد بيها شبكته دي
تمت للإسلام من قريب او من بعيد؟

ياتري انتوا شايفين البنت غلطت في
الي عملته ده ؟

إيه رأيكوا في تصرف الشاب ده ؟وتصرف والده
الراجل الكبير؟

لو انتوا مكان البنت دي هتتصرفوا إزاي؟
ياتري هو ده الإلتزام من وجهه نظرنا لحيه كبير وبنطلون
قصير لكن مافيش أخلاق؟

[ماتركس]

السلام عليكم ياا دكتوره مرمر
والله ياا دكتوره عارفه اناا تعبت من كتر الحكااوي اللي ببتقال علي الرجاله
والله بجد كل النااس عمري ماا شوفت حد نصف الرجاله
بصراحه انا هتكلم بصراحه يعني انا هرد كرد كراجل
وهكون صريح معااكم ده راجل زي ده معندووش دين والا ايماان بربناا يعني
ايه زنبهاا البنت المسكينه يفرحهاا ويكسر بخااضرهاا بعد عده اياام من الخضووبه والله العظيم
انووو بقووال من قلبي حسبنا الله ونعم الوكيل فيه
والله الواحد مش عارف اقووال ايه والله
قصه محزنه اوي ياا مرمر
تصدقي ياا مرمر والله اني اناا بخااف ازعل اي بنت سواء كانت قربتي او حد تاني
ساعاات ببقي قااسي بس بخااف علي البناات مهماا كاانت
علشاان البنت ضعيفه اوي
والله وحرام عليه اللي عملوو في المسكين دووال والله حسبنا الله ونعم الوكيل
وعيب علي ابووه العجوز يعمل كده
يعني يروح يسرق الشبكه سرقه
استغفر الله العظيم
والله اناا صااحي من النووم ونرفزتيني ياا مرمر بجد والله
ليه بقيه بس هروح الشغل واكمل الرد من هنااك
في امان الله

[Hamsa Sense]

~|طبعا هو مش استرد شبكته بطريقه اسلاميه خالص |~

~| وشايفه البنت مظلومه ومش عملت حاجه خالص|~

~| وتصرف والده ده غريب جدا ~تيب لو موش عايزين البنت يقولولها مش يعملوا العبه البايخه دي |~

~| انا لو مكان البنت دي انهار جدا تبعا |~

وشكرا كتير علي القصه الحزينه دي اكيد كلنه هنتعلم منها حاجات كتير ~

[محمدعمرو]

طبعا بختصااااااار

الكلام داه حرام اصلا ولو هو متدين ما يعمل هدى الاشياء

عارفه بقى المشكله فين فى بعض الاشخاص الذين يفعلون كل شى حرام

وتدخلى لتجديه عمال يعظ فى الناااااااااس حقاااااا الشيطان يعظ
وربنا يصبر البنت دى واهلهاااااااا
شكرا لكى

[game010]

كل ما استطيع قوله هو

حسبى الله ونعم الوكيل........

[Big Brother]

والله انا في رأي ان العريس دا ما يستاهلش لحظة بكاء

وانها المفروض تحمد ربنا ان الموضوع ما تمش

لان عريس واهله بالاخلاق دي فهي ما تعرفش ايه

اللي كان ممكن يحصل لو الجوازة تمت

دول عالم شكلهم كدا نصابين ومعفنين قوي

تسلم ايدك علي الموضوع

[I'm Me]

hasby allah w ne3m el-wakeel
2na law makanha makansh zamany 3aysha now

rabena ma3aha
begad l2n el-sadma lw wahdaha gamda 2weeeeeeeeeee

Thx marmar 3ala el-kessa el-hazena

[countess]

هلا مرمر

لا طبعا ملوش علاقه با الدين الدين المعامله الطيبه


مايفعش مثلا حد يصلي وملتزم بفروضه مثلا يغتاب او مثلا ما يحترم الي قدمه متكبر معتال


ودا مربي لحيه ومقصر بنطلونه وكدا يسيب بنت الناس من غير مقدمات ولا حتة صارحها مباشره


وكسر بخاطرها وانتي تعرفي البنت عاطفيه اكثر من الولد بسهوله تنكسر

لا طبعا ملوش صله با الدين خالص


الدين الاخلاق والمعامله الحسنه

سيدنا محمد عليه السلام كان ليه جار يهودي وكمان كان اليهودي يئذي النبي

ويضع القمامه عند بيت الرسول ولما مرض اليهودي فقده النبي

وسئل عليه هاذا هوه الاسلام المعامله الطيبه

وهي الله يعوضها بواحد احسن منوه

[ملاك الجنة]

اولا : موضوع جمـــــــــيل
ثانيا :البنت ملهاش ذنب يعني عشان حبت يبقى زفتها اسلامية تعلقب هكذا
لا طبعا
دي حبت تقيم حاجة من الدين
حبت تعبد ربنا حتى في فرحها
الهذا يفعل بها هكذا و يلعب عليها هذه اللعبة السخفة
حقا لا اقول غير انه رجل ليس عنده اخلاق ولا قيم ولا حتى عائلته
و لم يقدر على اختيار الطريق الصحيح لنفسه
ولم يدرك بم ستذهب به هذه اللعبة السخيفة في الاخرة


حقا حسبي الله ونعم الوكيل

تسلمي على الموضوع يا قمر

[مشتاقه للجنه]

تعرفى يا مرووه ان البنت دى ربنا بيحبها !!

ايوه لان إنسان زى ده ميستهلهاش بجد

وان ربنا راح يعوض عليها باحسن منه بإذن الله

وهو بيسعى للشبكه والدهب ومفكرش بكسر خاطرها ولا بالحرام والحلال

واللى زى ده ميتبكاش عليه بجد ... وربنا اراد بها خير قبل ما تتزوج وتبقى مطلقه لاسمح الله

وحسبنا الله ونعم الوكيل























.