الزوجة المصرية المفترية

[خارج عن القانون]

منذاسابيع طالعتنا الوسائل الاعلامية العالمية ان المرأة المصرية الاولى فى العالم ضربا لزوجها وسحقه

وظهرت ردود الافعال من سيدات فى مصر من المعادى والزمالك ياى تضرب جوزها!!

وفى السيدة وفى الدرب الاحمر معقولة ياناس اضرب راجلى!!

وفى الصعيد وااه اضروب ابو الويلد زين الردالة!!

ومن هنا اقول نعم هناك من يضربن ازواجهن ويستقوين عليه ولا لغة للتفاهم سوى لغة القوة وهناك رجال لاحول لهم ولاقوة يرضخون لما تأمر به المعلمة اقصد الزوجة فهى امرها مطاع ولاتكسر كلمتها مهما قالت تماما مثل صديقنا..طيب المرة دى خلاص لكن المرة الجاية ..اعملى حسابك مش ممكن ابدا.. والمرة الجاية لاتأتى ابدا لانها هى المسيطر المرة الجاية والمرات القادمة.

وبعد هذه المقدمة ااتى لاوضح لكم الامثلة :
لقد نشأت فى صغرى لاجد والدا صارم بطل من ابطال المصارعة قوى الشكيمة نظرته كأنه تحدث مليون كلمة تنفذ بلامجال للنقاش لدرجة ان جدى لوالدتى توفى ابلغوها فلم تستطع ان تذهب الا عندما اتى من عمله ليجدها باكية حزينة وعرف الخبر ولكنها لا تخطو خطوة الا بأمره لابد من الاذن لكى تخرج. وكانت والدتى تبجله وتحترمه ولاتستطيع ان تخطو خطوة دون اذن وتخيلت ان جميع الرجال على شاكلة والدى.

ولكننى عندماكنت العب مع صديقى الذى فى مثل سنى وكان عمرى ست سنوات فى المنزل المجاور تحطمت عندى المقاييس والمعايير عندماشاهدت جدلا ونقاش حاد بين والده ووالدته تطلب ان يذهب الى مهمة ما فيقول لها اذهبى انتى وانتهى النقاش بطريقة غريبة جعلتنى اذهل ولا اعرف اين الصواب من الخطأ


حيث تناولت رئيفة المقشة ذات اليد الخشبية القوية ونزلت بها ضربا وكأنه وابل على راسه وعلى جسده وهو يصرخ خلاص سأذهب..سأذهب كفاية فهرول وجرى لينفذ المطلوب وانا واقفا متسمرا فى مكانى انظر الى المقشة فى يدها فنظرت لى نظرة حانقة الى لماذا تنظرهكذا؟..فلم اجيب ماذا حدث؟.لم اتكلم واطلقت ساقاى للريح اقفز اربع درجات سلم مرة واحدة حتى لا تنالنى احدى صعقات المقشة الطائشة.

القصة الثانية احمدالعميونى انه احد عاملى المعمار وكان والدى مقاولا معماريا كبيرا وتأخر احد العمال وهو احمد العميونى عن العمل فقال لى والدى اذهب الى منزله لتيقظه لعل النوم اخذه وبالفعل ظللت اناديه بصوت عالى وهو يسكن فى بيت طابق واحد ارضى فخرج وقلت له الوالد منتظرك لما تأخرت هيا بنا لنذهب للعمل تأخرنا فقال فى تردد ثوانى اغير ملابسى وهنا سمعت شجار

ألم اقل لك لاتعمل مع الحفناوى فيرد عليها خفضى صوتك الولد بره..فقالت له كلمة واحدة رد على الم اقل لك لاتعمل مع الحفناوى فقال لها مقدرش الولد برة فسمعت صوتها يرتفع بنبرة اعلى انت لاتسمع كلامى ليه؟ واسمع صفعة على الوجه تلو الاخرى ولكنه يخرج الى هيا بنا وهو نافخا عضلاته ويقول لى لقد ناولتها زوج اقلام على وجهها فنظرت على وجهه وجدته شديدالاحمرار وعلامة الاصابع على جانبى

وجهه

القصة الثالثة انه الاستاذ همام مدرس اللغة الفرنسية فى الصف الاول الثانى الثانوى ذلك الرجل الضخم الجثة والذى اذا رأيته فى الطريق تقشعر بدنك من هول رؤيته ولوسمعت صوته الاجش القوى لكنت جاريا بأقصى ماتملك من قوة طلبت ان اخذ درس خصوصى فى اللغة الفرنسية لاننى ضعيف فيها فاتفق معى تأتى كل يوم جمعة الساعة 11 قبل الصلاة واياك ان تأتى قبل هذا الميعاد أوبعده وخاصة قبله فاندهشت لهذا الطلب وحب الاستطلاع والفضول دفعنى لان اتى يوما مبكرا نصف ساعة لاعرف لما يطلب منى الا احضر مبكرا مهما كانت الاسباب ويؤكد اكيد هناك سبب وبالفعل ذهبت مبكرا

ففتح لى الباب مرتديا بيجامة وفوقها مريلة من تلك التى تستخدم فى المطبخ وفى يده كبشة فحدثنى بصوت مثل الهمس مالذى اتى بك مبكرا ألم احذرك؟ وفى نفس الوقت سمعت صوت سيدة واضحا من صوتها انها متسلطة وعنيفة تنادى بصوت صارخ همام فقال بضيق اتفضل ادخل اجلس فى الصالة فقالت له من جاء؟ قال لها ده محمد قالتله وجاى بدريه انت انتهيت من غسيل الاطباق وانتهيت من اعداد الافطار فقال لها ارجوكى اتكلمى بالراحة الولد ده زى رويتر سيفضح امرى فى المدرسة فسمعت صوت صفعة صوتها رنان اخرج اصرفه يذهب لاى مكان حتى تنتهى من عملك فقال حاضر حاضر حاصرفه هدى اعصابك انتى بس.

وهذه نماذج قابلتها وهناك الكثير والكثير لانراها ولم نسمع بها ولم ونقابلها ولكنها موجودة السيدات والزوجات المتسلطات كثيرات

ولكن يبقى السؤال :

هل الزوجة التى لها زوج ضعيف الشخصية والذى لا يهش ولا ينش وكلمتها هى النافذة سعيدة بهذاالزوج؟

[جميلة مصر]

السلام عليكم ورحمة الله وبركاته
الحقيقة انا مش موافقاك خالص فى كلامك ولا عنوانك لانه اساءة للزوجة المصرية وتشويه لصورتها .
والمرأة المصرية من احسن الزوجات
وانا اول مرة اسمع ان الزوجة المصرية تضرب زوجها لانه مش من اخلاقها

تحياتى

[خارج عن القانون]

اقتباس
المشاركة الأصلية كتبت بواسطة جميلة مصر





السلام عليكم ورحمة الله وبركاته
الحقيقة انا مش موافقاك خالص فى كلامك ولا عنوانك لانه اساءة للزوجة المصرية وتشويه لصورتها .
والمرأة المصرية من احسن الزوجات
وانا اول مرة اسمع ان الزوجة المصرية تضرب زوجها لانه مش من اخلاقها

تحياتى

جميله مصريه

انا سرعت بالرد ع مشاركتك

وذلك لكى لا يفهم الموضوع خطأ

انا رددت ما قالته الاحصائيات العالميه

وليس هذا الاعتراف بان هذه الظاهره

منتشره فى المجتمع المصرى

ولكنها موجوده ولكنها ايضا نادره الوجود

وانا هنا اتحدث عن القله القليله

ارجو الا يكون قد اسي فهمى

وتحياتى ع مرورك

[Big Brother]

طبعا الموضوع دا موجود بس دا طبعا نسبه بسيطه جدا
تكاد لا تذكر اصلا
فالرجال المصريين معروفين بقوة الشخصيه
وكذلك الزوجات المصريات معروفات بالقلب الطيب
وبالاحترام الغير عادي للزوج
والحالات البسيطة دي ما بتبقاش بسبب الزوجه
ولكن بتكون بسبب ضعف شخصية الزوج
تحياااااااااااااااتي
تسلم علي الموضوع

[محمد الشريف]

يقول الله تعالى:

"الرجال قوامون على النساء بما فضل الله بعضهم على بعض وبما أنفقوا من أموالهم"

الزوج المصرى والزوجة المصرية من مصاف الأزواج فى عموميتهمم ، وأمثلتك التى أتيت

بها والتى ما أنزل الله من سلطان حالات شاذة ونادرة وليست ظاهرة وربما صادفتك ذلك خلال مراحل

حياتك وإلا فهل كل الأزواج فى حدود معرفتك بهم من هذه النوعيات ؟ مؤكد لا .

ودعك من الإحصائيات العالمية فهى ليست مقدسة بل القدسية لله وحده الذى جعل معيار المعاملة

بين الزوجين ( المودة والرحمة ) ولو كانت هذه الإحصائية صادقة مثلا فلماذا لانراها أو نلحظها

إلا استثاءا على صفحات الحوادث فى الصحف مع إضافة الحبكة الصحفية لانتشار توزيعها .

والحمد لله رب العالمين على ما أكرم به الزوجة المصرية فى عمومها من أخلاقيات وسلوكيات

بالغة الوفاء فهى الأم التى تربى الأجيال ولا أتصور فى عموميات المرأة المصرية أن تقر هذه

الصفات فيها حتى الزوج المصرى نفسه لايتقبل هذا الافتراء عليه ولما لا ونحن نعيش بين

مختلف الطبقات هنا فى مصر بلادنا ولم نشهد ذلك اللهم نادرا ونادرا جدا ويكون ذلك سببه

البيئة والنشأة غير السوية التى ليس مجالنا للخوض فيها .

فلنصوب مايحاول البعض من الإساءة للأسرة المصرية المتماسكة بالقيم وحسن الخلق وبتدينها

سواء احصائيات أو مرسلات ليس لها قيمة فى مواجهة الواقع والحقيقة

مع التحية

[تانيا]

هل الزوجة التى لها زوج ضعيف الشخصية والذى لا يهش ولا ينش وكلمتها هى النافذة سعيدة بهذاالزوج؟

أكيد لا .. مفيش واحده تحب ترتبط بانسان ضعيف الشخصيه
بالعكس الراجل بيكون بالنسبه للزوجه .. الامان والحمايه وكده يعنى مينفعش يكون شخصيته ضعيفه

بس مش معنى كده انو يضربها عشان يثبتلها انو راجل وشخصيته قويه
وبعدين يا جماعه .. احنا كل يوم بنسمع عن رجاله كتير بتضرب زوجاتهم وساعات بيموتوهم ... ورغم كده مفيش حد بيعلق
ولما ست ضربت جوزها .. كل الناس بقت تتكلم
يا جماعه أنا مش عاوزه حد يفهمنى غلط .. طبعا الللي حصل ده غلط
ومينفعش ان ست تضرب زوجها
وطبعا مش مع ان زرج يضرب زوجته
تحياتى
تانيا

[ماتركس]

السلام عليكم ورحمه الله وبركاته ياا خارج عن القاانوون
ربناا قال الرجال قووموون عن النسااء
يعني ممكن يحصل الكلام اللي بتقوال عليه بس نادر جدااا
ومووضوع الضرب ممكن يكوون زماان بس دلووقتي معتقدش انوو في حد بيضرب زوجته او زوجه بتضرب
زوجهاا
وعايز اقوالك الزواج اتفااق
وحب واحترام لازم الزوجين يبقوو متفقين
ومنتحرمش من جديدك يارب

[تيا]

هل الزوجة التى لها زوج ضعيف الشخصية والذى لا يهش ولا ينش وكلمتها هى النافذة سعيدة بهذاالزوج؟
المهم دلوقتي روحت فضحته ف المدرسه يا رويتر
ستات مصر شايفين شغلهم كويس بياكلو حلاليف
متغذيين كويس
أكيد الزوجه مش هتبقى سعيده لما يكون زوجها كده
ده بيخاف منها وهي ست أومال لو حصل حاجه واتخانقوا
ف الشارع وكان راجل هيعمل ايه هيقولها هي تضربه ولا ايه
وبعدين دي مشغلاه عندها وبتعامله زي الخدامين وهو كمان
اللي بيصرف وعايش كده زي الخدامين مفيش
راجل محترم يقبل على نفسه الإهانه وكل ده من واحده
ست حتى لو كانت مراته
ده يبقى سوري ف اللفظ ميستحقش يكون راجل
يروح يعمل تجميل ويقلب أرحمله وأكرمله
ميرسي على التوبيك الجميل والطرح الرائع
كلمه أخيره
ربنا يديكو الصحه يا ستات مصر قايمين بالواجب والله
ورافعين راسنا
كويس اننا أول دوله ف ضرب الرجاله أهو سبق وخلاص
المهم بقينا نمبر وان ف حاجه حتى لو كانت الضرب بقى

[خارج عن القانون]

الحمد لله انه تم فهم الموضوع بصوره جيده

واشكركم جميعا ع الرد

[لحظة عتآب]

هل الزوجة التى لها زوج ضعيف الشخصية والذى لا يهش ولا ينش وكلمتها هى النافذة سعيدة بهذاالزوج؟


طبعا انا عمري ما سمعت ان ممكن زوجة تضرب زوجها يعني
وبعدين اكيد اللي زوجها بالطريقة دي مش سعيدة
في زواجها لأن يعني يتهيألي ان اللي بتتزوج
بتبقي عاوزة اللي يحميها ويحكمها
مش هي اللي تحميه وتحكمه
وفيه ستات بيبقوا عاوزين يبقوا هما الكل xالكل

شكرا علي الموضوع
والعنوان الغريب

ودادي