♥ ♥ .. بنـــات آخـــر شقــاوه .. ♥ ♥

[prinss]

تعريف للشخصيات الرئيسيه :
ريتاج: بنت جميله وذكيه تبلغ من العمر 15 سنه فى الصف الاول الثانوى العلمى هواياتها كرة السله والقراءه هاديه جدا


ملك: بنت جميله وذكيه تبلغ من العمر 15 سنه مع ريتاج فى نفس الفصل
هواياتها القراءه وهى رسامه وعصبيه جدا جدا ومندفعه ومتسرعه
وبتكره المقالب خالص ورومانسيه جدا ومتقلبة المزاج


شاهى: بنت قلبوظه وشقيه اوى وبتحب تعمل المقالب موت زى عنيها وبالذات فى ملك هي مع ملك وريتاج فى نفس الفصل

[prinss]

يوميــات شقــاوة بنـــات
::الحلقه الاولى::

ريتاج بتتصل بملك على الفون.
ريتاج : الوووو .
ملك : الووو .. ايوه.
ريتاج : ايوه ..
ازيك يا ملوكه ؟؟.
ملك : الحمد لله ..
ازيك انتى يا عسل ؟.
ريتاج : الحمد لله تمام ..
إيه؟!
ملك : ايه انتى مش جايه المدرسه بكره ولا ايه ؟
ريتاج : والله مكسله اوى مش عارفه كده مالى.
ملك : لا يا توتى بليز تعالى بلييييييز ..
ده بكره اول يوم هتسبينى لواحدى .
ريتاج بأستهبال : لا اتحايلى عليا شويه .
ملك بعصبيه :بقولك ايه هتيجى يعنى هتيجى فاهمه .
ريتاج: طيب طيب خلاص يالهوى عليكى .
ملك : هيييييييه هتيجى هتيجى.
ريتاج :طيب روحى جهزى اللبس علشان بكره ..
سلام.
ملك : سلام يا عسل.
فى احدى مدارس مصر الجديده قبل طابور الصباح تقابل الاصدقاء من جديد
ملك : شاهى ..
ريتاج وحشتونى مووت ازيكوا يا عيال ؟؟
شاهى : عيال احنا عيال ماشى ماشى هنردهالك يا ست ملك
ريتاج : اسكتى بقى ..
ازيك انتى يا ملوكه ؟؟
انتى كمان وحشتينى
(اكنهم مش لسه متكلمين امبارح)
ملك : والنبى يا شاهى مش عايزين مقلب من مقالبك السخيفه دى
ريتاج : اه بلاش مقالبك دى يا سخيفه
شاهى : ايه ده انتوا الاتنين عليا ماشى ماشى والله لهتشوفوا ..
ويسمعوا صوت الجرس
شاهى : ايه ده الجرس رن ..
احنا لحقنا ؟
ملك: على رأيك

ولما طلعوا الفصل بدأت مقالب شاهى فى مدرسة المنطق
ريتاج : ملك مزهقتيش ؟؟
الست دى عماله تلوكلوك من الصبح وانا مش فاهمه حاجه
ملك: شويه كمان وهطق
تنط شاهى من وراهم وتقول : بتخططوا لايه من ورايا ؟؟؟؟
ريتاج : ابدا زهقانين
شاهى : طيب استنوا عليا وانا هضحكوا دلوقتى
ملك : هتعملى ايه ؟؟
شاهى : هتشوفى ...
يا استاذه يا استاذه
المدرسه : نعم يا شاهى فى ايه ؟؟
شاهى : انا مش فاهمه حاجه يا استاذه
المدرسه : مش فاهمه ايه يا شاهى ؟؟
شاهى : مش فاهمة المعادله دى
المدرسه بأستغراب : معادلة ايه ؟؟
شاهى : دى يا استاذه اللى على السبوره ..
وبعدين حضرتك وافقه ليه ؟
اتفضلى اقعدى اقعدى يا استاذه
المدرسه بحسن نيه : شكرا يا شاهى
ويادوب جايه تقعد يا عينى راحت شاهى شدت الحبل اللى كانت ربطاه فى رجل الكرسى وهوووب وقعت المدرسه على الارض
والفصل كلو فى صوت واحد : ههههههههههههههههههاى
وقامت المدرسه وهي متضايقه اوى : مين اللى عمل كده ؟؟
الكرسى ده اكيد مكسور

ومر اليوم الدراسى وريتاج وملك وشاهى مروحين مع بعض
ريتاج : يوم ممل اوى
ملك : اه بس الا المقلب اللى عملته البت شاهى ده هههههههه
شاهى : يلا اى خدعه عدوا الجمايل
وقطع صوتها موبايل ملك
ريتاج : مين بيتصل ؟
ملك بفرحه : ده كريم


كريم ولد فى كلية شرطه بيحب ملك وملك بتحبه ذكى جدا وعصبى شويه ودمه خفيف

نرجع تانى للقصه
شاهى : يوووووه انا مش بحب كريم ده خالص
ملك: اسكتى بقى علشان هرد عليه
شاهى : يوووووووه
ملك : الو
كريم : ايوه يا حبيبتى
ملك : ازيك يا كريم ؟؟
كريم : الحمد لله تمام ازيك انتى ؟؟
ملك : كفايه عليا انى اسمع صوتك
كريم : وحشتينى
ملك : ......
كريم : مالك اتكسفتى ؟؟
ملك : شويه
كريم : حبيبتى بتتكسف يا خواتى
ملك : هههههههههههه
كريم : طيب يا حبيبتى انتى فين ؟
ملك : انا مروحه البيت
كريم : ترجعى بالسلامه رنى عليا لما توصلى
ملك : اوك
كريم : طيب يا حبيبتى انا بس حبيت اطمن عليكى
ملك : اوكى
كريم : يلا ترجعى بالسلامه ..
باى
ملك : باى
شاهى : خلصتى ؟
ريتاج : فى ايه ؟؟
براحه على البت
ملك : دانتى رخمه بجد
شاهى : انتى ارخم ...
طيب انا وصلت سلام اشوفكوا بكره
ريتاج : سلام
ملك : باى
ريتاج : مالك يا بت سرحتى فى ايه ؟؟
ملك : ها ؟
لا ابدا مفيش
ريتاج : لا حول ولا قوة إلا بالله العلى العظيم
ملك : سيبينى بقى يا توتى
ريتاج : وكمان بتدلعينى ؟؟
يا سعده يا هناه
ملك بأستعباط : هو مين ده ؟؟
ريتاج : لا والنبى شوفوا البت
ملك : توتى يلا باى اشوفك بعدين
ريتاج : اوكى خدى بالك من نفسك
ملك : اوك وانتى كمان
وفضلت ملك ماشيه سرحانه وبعدين رنت على كريم وطلعت البيت
اشوفكوا فى الحلقه التانيــــــه