بعد أن أخرج لسانه للجماهير الحمراء .. أحمد عيد يفقد صوابه بسبب اللون الأحمر !

[بنتك يا مصر وافتخر]

كعادة أحمد عيد عبد الملك لاعب نادي حرس الحدود ولاعب نادي الزمالك السابق في مراحل الناشئين والشباب خرج اللاعب عن النص في مباراة كأس السوبر المصري والتي انتهت بفوز المارد الأحمر بهدف نظيف سجله النجم محمد أبو تريكة في الدقيقة الـ17 من زمن الشوط الثاني.

وصدر من عيد الذي اعتاد الاعتراض على الحكام والاحتكاك بلاعبي الفرق المنافسة مما يجعله متلق دائم للبطاقات الملونة تصرفاً لا يصدر من لاعب دولي في منتخب مصر، حيث قام بإخراج لسانه للجماهير الحمراء في نهاية الشوط في أعقاب إضاعته لفرصة لنادي حرس الحدود.

ويبدو أن اللون الأحمر يمثل عقدة كبيرة للاعب صاحب الميول البيضاء حيث أجاب على مراسلي إحدى القنوات التلفزيونية عند سؤاله بسبب عصبيته الزائدة اليوم، فكان الرد: عشان كلكم لابسين أحمر !


ولم تكن تصرفات عيد بالأمس هي الأولى من نوعها، فاللاعب اعتاد استفزاز جماهير ولاعبي النادي الأهلي خلال لقاءات فريقه والأهلي، حيث تلقى اللاعب بطاقة حمراء أمام الأهلي في لقاء الدور الثاني في موسم 2004-2005 والذي انتهى بفوز الأهلي بنتيجة 2-1، حيث قام "برفس" عماد النحاس بدون كرة وأكمل اللاعب خروجه عن النص حين بصق على جماهير الأهلي أثناء خروجه وهو ما التقطته عدسات الكاميرا.

بالاضافة إلى مباراة الأهلي وحرس الحدود في الموسم قبل الماضي بالاسكندرية حين فاز الأهلي بهدف فلافيو، حيث تعمد استفزاز اللاعب أحمد علي ظهير أيمن الأهلي حينها وقال له: مش هتاخدوا الدوري !

[M@HMOUD]

لو كنتى متابعه الماتش هتلاحظى ان جمهور الاهلى شتم احمد عيد
علشان كده طلع لسانوه

[بنتك يا مصر وافتخر]

لو الجمهور شتمت ده مش اسلوب لاعب كره قدم

[queen of my time]

معلش انتوا الناس اصحاب الاخلاق العالية واي حد مش كويس
مش ملاحظين دي
يعني كل الناس اخلاقها بايظة ؟؟؟؟؟

[ღ Gի๐sτ ღ]

اقتباس
المشاركة الأصلية كتبت بواسطة M>I>D>O





لو كنتى متابعه الماتش هتلاحظى ان جمهور الاهلى شتم احمد عيد
علشان كده طلع لسانوه

ياسلام

سبت كل اللى هوة ابتدى بية فى سنة 2005 وكل اللى بيعملو كل مطش وجاى تتكلم على بداية جمهور الاهلى

وبعدين فى حاجة

عيد مش اول مرة يعملها دة كل مرة بيعملها بس احيانا الكاميرات مش بتجيبو

وعلى فكرة احنا دايما بنشجع المؤدب والمحترم ونشتم الوسخ ... شوف جمهور الاهلى بيعمل اية مع احمد عبد الغنى اول ماينزل الملعب رغم انة ولا لعب لينا ولا بيلعب معاانا شوف بنعمل اية مع العشرى والشاطر

انما القليل الادب بنعاملة باسلوب وحش زيو

[ღ Gի๐sτ ღ]

اقتباس
المشاركة الأصلية كتبت بواسطة queen of my time





معلش انتوا الناس اصحاب الاخلاق العالية واي حد مش كويس
مش ملاحظين دي
يعني كل الناس اخلاقها بايظة ؟؟؟؟؟

انتى شايفة مين كويس غير جمهور الاهلى

هاتيلى موقف فى مرة جمهور الاهلى شتم حد بدون مالحد دة يكون بدء بمشاكل

--------------------------

وعلى فكرة مش هاقول اخلاقنا عالية .. بس احنا مبنسبش حقنا

اللى بيعاملنا كويس بنشيلو فوق دماغنا حتى لو كان بيلعب فين ... عمر جمال نفسو اسمعلاوى وانتى عارفة المشكلة اللى بين الاهلى والاسماعيلى ورغم ذلك اول ماينزل الملعب بنحيية قبل ماجمهور الاسماعيلى يشجعو لانة لاعب محترم

انما واحد سىء وسافل بنشتمة عشان مش احنا اللى نسيب حقنا

[محمد الشريف]

الرياضة أخلاق وتهذب السلوك الرياضى ، وكل لاعب كفاءته فى المستطيل الأخضر

وليس بإخراج لسانه أو مثلما نصدم من سلوكيات حدثت فى الآونة الأخيرة من لاعبين

أو مدربين . فأى رياضى ملتزم يحظى بحب واحترام الجماهير له بصرف النظر عن اسم

نادية فالولاء والانتماء فى نهاية المطاف لمصر .

[بنتك يا مصر وافتخر]

شكرا لجميع من شارك فى التوبيك