مسابقة ( اكاديمية بنات مصر ) ( الموسم الاول )

[مشتاقه للجنه]

فكره جميله تسلم يا أحمد


وبالتوفيق للجميع

[ندى الجورى]

بجد فكره رووووووعه
و بانتظار موافقة الادارة ان شاء الله
بس يا ترى فيها شرط تكون المشاركات عدت رقم معين مثلا 100 او 200 كدا يعنى

[morshooo]

اقتباس المشاركة الأصلية كتبت بواسطة ندى الجورى بجد فكره رووووووعه و بانتظار موافقة الادارة ان شاء الله بس يا ترى فيها شرط تكون المشاركات عدت رقم معين مثلا 100 او 200 كدا يعنى

ان شاء الله الاكاديمية

هتفتح ابوابها لجميع الاعضاء

دون شروط ولو فى شروط

هيكون الالتزام مش اكتر

[صافي]

بلتوفيق

تحياتي

[special girl]

السلام عيكم

يا تري ايه اخبار الاكادميه؟؟؟

تمت الموافقه ولا لسه؟؟؟

يا ريت نعرف في اقرب وقت

[SiLver Spectra]

موافق طبعا
الفكرة جديد و مختلفة
بس شوية ملاحظات
الأفضل المواضيع الي بيشترك فيها المتسابق تكون مجهود شخصي
مش كوبي و بيست
لأنم المفروض ان اسمها اكاديمية
يعني تحدي حقيقي و ليس تحدي وهمي
بسهولة ممكن ابحث في النت عن اي موضوع و اعمله كوبي
يبقى كدا دا تحدي الضغط على الزر الايمن للفاره!!
يبقى أنا اقتراحي ان شرط المسابقة تكون المواضيع مكتوبة بواسطة العضو
و تتم مراجعة المواضيع للتأكد من انها غير منقولة في محرك البحث
و تكون المنافسة زي ما ذكرت بالقرعه
كل اتنين مع بعض و يتصفي
مستني ردك و تعليقك على الجزئية دي
و هنتفق بعدها على الجوائز و الشروط

[♥Donya♥]

فكره مختلفه تماما ومفيده في نفس الوقت
اتمني المسابقه تستمر و
اكيد انشاءالله مافيش حاجه كوبي وبيست
واتمني اكون من المشتركين بالمسابقه
دمتي بود اختك فيولا

[morshooo]

اقتباس المشاركة الأصلية كتبت بواسطة silver spectra موافق طبعا الفكرة جديد و مختلفة بس شوية ملاحظات الأفضل المواضيع الي بيشترك فيها المتسابق تكون مجهود شخصي مش كوبي و بيست لأنم المفروض ان اسمها اكاديمية يعني تحدي حقيقي و ليس تحدي وهمي بسهولة ممكن ابحث في النت عن اي موضوع و اعمله كوبي يبقى كدا دا تحدي الضغط على الزر الايمن للفاره!! يبقى أنا اقتراحي ان شرط المسابقة تكون المواضيع مكتوبة بواسطة العضو و تتم مراجعة المواضيع للتأكد من انها غير منقولة في محرك البحث و تكون المنافسة زي ما ذكرت بالقرعه كل اتنين مع بعض و يتصفي مستني ردك و تعليقك على الجزئية دي و هنتفق بعدها على الجوائز و الشروط

حبيب قلبى اولا اشكرك على الموافقة

واكيد اتمنى تكون المواضيع تكون بمجهود شخصى

لى الاعضاء وان شاء الله كل دا هنشوفو لما انزل شروط المسابقة

فى حاجا بس عايز اوضحها التقييم مش هيكون قرعة بين كل اتنين

الفكرة ان لو اشترك مثلا 30 متسابق المنتدى مفهوش 30قسم عشان

اخلى كل مشترك يكتب عن 30 قسم ولكن الـــ 30 مشترك ممكن اقسمهم

زى كدا مثلا

3 مواضيع عن السياحة والسفر

1 -المتسابق الاول

2 - المتسابق الثانى

3 - المتسابق الثالث

وكمان

3 مواضيع عن حواء

1 - المتسابق الرابع

2 - المتسابق الخامس

3 - المتسابق السادس

الــــــــــــــــخ

يعنى الـــــ 30 مشترك هيتم تقسيمهم لمجموعات

هيبقى مطلوب من كل مجموعة عمل مواضيع معينة

ولكن فى التقييم مش هيبقى فى مجموعات هيبقى كل المشتركين

زى بعض يعنى ممكن الى يدخلو التصويت يكونو من مجموعة واحدة

مثلا يكونو الى مطلوب منهم موضوع عن السياحة والسفر اتمنى تكون الفكرة وصلت

[SiLver Spectra]

طيب
بس زي ما ذكرتلك طالما انت هتخلي المسابقة كتابة مواضيع في مجالات مختلفة
يبقى الكوبي و بيست هتشتغل
و صعب تجبر الأعضاء انهم يكتبوا المواضيع بنفسهم بدون نقل كلي
انت ممكن تشدد في الشروط على النقطة دي
و توضح ان المواضيع هتتم مراجعتها

معلش انا هطول معاك في الاستيضاحات لأن المسابقة هيكون تنظيمها كبير شوية
عايزين نعرف مدة المسابقة هتكون أد ايه
أو بمعنى هتمشي ازاي بالظبط
يعني لو عندك 30 عضو قدموا و اشتركوا و فتحنا القسم الي هيكتبوا فيه
ايه الي هيحصل بعد كدا
هل هتقسمهم مجموعات و كل مجموعة هتكتب موضوع عن قسم معين
و بعدين هتعمل استفتاء عن كل مجموعة مين هو الافضل و بعدين الي يفوزوا في الاستفتاءات تصفيهم في مجموعات جديده
و لا ايه النظام بالظبط الي انت حابب تمشي بيه
و المدة المستغرقة من كل استفتاء عشان نحسب المدة الكلية التقريبية للمسابقة

[morshooo]

هو اكيد هيتم التشديد على حكاية طرح المواضيع دى

فى الشروط لما انزلها

مدة المسابقة هتكون حسب اشتراك الاعضاء يعنى لو اشترك

20 عضو غير ما هيشترك 30 عضو ولكن المسابقة ممكن تكون طويلة شوية

ولو فى مشكلة فى وقت الماسبقة ممكن بدال ما يخرج عضو كل اسبوع

نخليها عضوين دا فى حالة لو العدد كبير


اما بالنسبة للمواضيع بعد ما جميع الاعضاء هينزلو المواضيع هيتم اغلاق جميع

المواضيع لعدم رد اى عضو على اى موضوع ودا طبعا لتجنب التأثير على التقييم

وبعد انتهاء التقييم وخروج احد الاعضاء هيتم نقل جميع المواضيع الى الاقسام الخاصة بكل

موضوع مثلا مواضيع السفر والرحلات يتم نقل المواضيع الى هذا القسم المواضيع الخاصة بحواء

يتم نقل المواضيع الى قسم حواء ويتم فتح جميع المواضيع لرد الاعضاء عليها

توضيح ايضا : مثال

كل يوم سبت هيتم طرح المواضيع المكلف بها الاعضاء

هيبقى قدام الاعضاء فرصة يومى الاحد والاثنين لطرح المواضيع

هيتم تنزيل التقييم يوم الاربعاء ودخول الاعضاء الاقل تقييم مرحلة التصويت

يومى الخميس والجمعة