يوميات .. لؤى ومهجه .. الحلقه الاولى ..

[yara5]

هههههههههههههههههههههههههه
بجد جميل جدااااااا
شكرا علي التوبيك

[Mo chahin]

أشكرك يا يارا لمرورك الجميل ديما ..

بالتوفيقــ يا قمر ..

[Mo chahin]

الحلقه الرابعه





طلعت مهجه الرحله

وفى الاتوبيس طبعا البنات قاعدين بقى يرقصوا همه والشباب ويغنوا مهجه مش عجبها الوضع ده خالص عماله تتكلم بقى

فى سرها وتقول ( ووى وى وى وى ايه المسخره وجله الادب دى معدش فيه حيى خالص البنات ماالها بتترجص وتتلوى زى التعابين كده ليه وكمان الولاد عمالين يتمايعوا كده ومفيش خشى خالص دول رايحين رحله ولا كباريه يادى السواد الى انا فيه )

طبعا جنى الرخمه حبت ترخم على مهجه فقعدت تشد فيها بقى علشان تيجى ترقص

جنى: يلا بقى يا شباب عايزين مهجه عايزين مهجه

مهجه : هى مهجه الرجاصه الى جابهالك ابوكى ولا ايه يا بت انتى اخرسى احسن اجطعلك لسانك ده المعوووج

يادى الفضيحه ام جلاجل يادى الخرسه ام حناجل

عايزانى اترجص يا بت زيكوا انت انهبلتى ولا ايه

انى عارفه دول لو عرفوا فى البلد يطخونى بالنار

ويخلصوا من عارى

الولاد طبعا : عايزين مهجه

مهجه : هوه اسمى بجى لبانه فى خشمكوا والله الى هينطج اسمى هتبجى وجعته سوده انهرده بالطين بالطيــــــــــن

ندى : خلاص يا جماعه معلش سيبوا مهجه

مهجه طبعا طول السكه متغاظه اوى من الى حصل

وبتقول فى سرها (جال ارجص جال الهى تجرصهم حيه جولالات الخشى انا كان مالى ومال المياعه دى يا ربى شكلها هتبجى رحله سوده بطين وجطران يا رب عدى الايام المهببه دى على خير وهى السكه دى كمان مالها طويله ليه انا زهجت دى وجعه سوده ومنيله )

لؤي اما شاف مهجه قاعده ومتنرفزه اوى راح اعد جمبها

يتكلم معاها

لؤي : مالك يا مهجه متنرفزه ليه

مهجه : انت يا واد انت ازاى تجعد جمبى كده من غير خشى جوم يلا فز من هنا

لؤي : احنا اصدقاء يا مهجه ومتخافيش انا هقعد باحترامى

مهجه : ماشى اذا كان باحترام ماشى بس يلا لخص وجول الى عايز تجوله وفضها سيره مش تاخدها

حلوانه فى سلونه وتوجعد تتلزج ما انا عارفاكو

لؤي : ههههههه اوك ماشى

انتى مالك بقى زعلانه ليه

مهجه : انت مش شايف جله الحى دى

لؤي : انتى مالك كده خودى الامور عادى فرى

مهجه : فرى ولا سافو يا واد جوم من هنا

لؤي : انتى ليه معقده

مهجه : انا معجده طيب ماتفوكنى يا خوى مش بجولك الى انا عملته فيك ده جليل

االست جنى بقى اول اما شافت لؤي اعد مع مهجه اتنرفزت اوى وراحت تقله: لؤي انت ايه الى مقعدك هنا

مهجه : جال يا جاعدين يكفيكوا شر الجايين انا من الاول مش مرتحالك انتى بهدومك المجطعه دى

جنى : انا هدومى مقطعه

مهجه : يا بت غورى اتبطى كده واجدعى بعيد

جنى : انتى بتكلمينى انا

مهجه : امال بكلم امى هوه فيه دزمه جودامى غيرك

غورى يا بت بعيد من هنا احسن اعملك عاهه

لؤي : جنى روحى شوفى زمايلك لو سمحتى عايز اقعد مع مهجه

مهجه : لا مش هتجعد يالا انت كمان يا واد يا رمه خد الدزمه دى وامشى غوووووووور





ووو نشوفكــوا الحلقه الجايه

[حنـــــون]

جميبه بجد يامحمد

عجبانى اوى شخصيه مهجه دى

واسلوبها فى الكلام

ههههههههههههههههههههههه

تسلم الايادى يامحمد

[حنـــــون]

هههههههههههههههههههههههه

جامده جدااااااااااااا بجد

والله هموت من الضحك مهجه دى فظيعه

حلقات جميله اوى والله يامحمد

منتظرين الحلقه الجايه

تسلم الايادى

[Mo chahin]

الله يكرمك يا حنون ..

تسلميلى وتسلملى طلتك الجميله ..

تحياتى ..

[~♥ Queen sozan♥~]

هههه
لاء بجد مكانتش اتوقع ان مهجة تروح رحلة وكمان شرم
دة فساد علنى

ربنا يستر

منتظرين الباقى

[Mo chahin]

اشمعنى هيا هههه ..

اشكرك همس لمرورك الطيب ..

[Mo chahin]

اشكرك يا حنان ومهجه بتسلم عليكي على فكرة ههههه

لكى كل التقدير على مرورك الطيب ..

[بـقـآيـآ ح ــڻيـڻ დ]

هههههههههههههههه
يادى الفضيحه ام جلاجل يادى الجرسه ام حناجل
هى دى البنات ولا بلالالاش
بجد حلقة تحفـــــــة يا مستر ميروو
انا اول مرة اتابع الحلقات بس روووعة بجد
وان شاء الله اتابع الباقى
بالتووفيق ان شاء الله