يوميات .. لؤى ومهجه .. الحلقه الاولى ..

[بـقـآيـآ ح ــڻيـڻ დ]

ههههههههههههههه
يادى السواد الـ انا فيه
مهجة هتطلع الرحلة يا ولالاد
حلقات رووعة يا مستر ميروو
تسلم ايدكـ بجد

[Mo chahin]

هدوء القمر ..

اشكرك لمرورك الكريم الذى اتمنى ان لا تحرمينا منه ..

دمتى ودامت لى طلتك الطيبه ..

[Mo chahin]

الحلقــة الخامســة






وصلوا بقى ودخلوا الفندق الى هيقعدوا فيه

طبعا بدأ توزيع الاوض
ومن المفروض كل 3 بنات فى اوضه
جه حظ بقى ندى ومهجه
وجنى فى اوضه سوا

مهجه رافضه تماما ان جنى تقعد معاهم فى الاوضه

مهجه : مستحيل ام سحلول دى تجعد معانا فى اوضه وحده

هى مش ناجصه ضفادع هنا

جنى : وانا بقى مش هقعد غير هنا هى اوضه اهلك انتى

مهجه: يومك اسود على دماغك ودماغ الى جابوكى

انتى تعرفى اهلى منين يا بت علشان تغلطى فيهم

اهلى لو شافوكى كانوا تاووكى من زمان ولاحد يعرفلك طريج

كنها ايامك هتبجى اسود من الحبر يا حزينه

طبعا المشرفه سمعت الخناقه جت هدت الموقف

واقنعت مهجه ان ده ترتيب غرف ومينفعش يتغير واقنعتها تاخد مهدء علشان يرتاحوا من شرها

دخلوا ورتبوا هدومهم ونزلوا المطعم اتغدوا

وبعد كده كان باقى اليوم يقضوه على البحر

راحوا كلهم والبنات بقى والاولاد لبسوا الميوهات ونزلوا البحر الا مهجه

مهجه : يا دى اليوم لسود ايه الى انا شيفاه ده الله يخرب بيت الى جاب ابوكم كده من غير خشى عارايه من غير هدوم جودام بعض نهار اسود استر

يا رب على النعمه دى علامات يوم الجيامه كاسيات عاريات ربنا ياخدكم يا جولالات الادب استر يا رب

ندى : ايه يا مهجه مش هتنزلى البحر يلا البسى المايوه بتاعك

مهجه : ميوه ايه يا بت انت يام مايوه وانا الى فاكراكى مؤدبه طلعتى زيهم بالظبط

ندى : ليه بس انا الميوه بتاعى مش مكشوف اوى ده اسلامى

مهجه : عشنا وشوفنا حتى الميوه عمالوه اسلامى اوعى تجيبى سيره الدين على لسانك انتى يا نيله وغورى

من وشى الساعادى

مشيت ندى وقعدت مهجه لوحدها تحت الشمسيه متغاظه ومش عاجبها الوضع خالص

مين جالها بقه.. لؤى جاى من وراها وبخ لقى الالم الى بيسلعه

مهجه : مش جصدى والله افتكرتك كلب البحر

لؤي : ايه ده انتى كنتى بتشيلى حديد المهم مش نزلتى البحر ليه

مهجه :ماهى ناجصاك انت كمان غور يا ولا اتحشم والبس اى حاجه على جسمك ده وانت عامل زى

البرص الجعان

لؤي : انا برص جعان يا سو سو

مهجه : سوسو ليه شايفنى شغاله فى كاباريه اتلم يا ولا ايوه برص جعان وكمان مسلوخ ومعفن وريحته وحشه

لؤي : ههههههههههه مقبوله منك تعرفى انا مش ازعل منك لانك انتى دمك خفيف موت وانا بحب اتكلم معاكى لانك غيرهم

مهجه : يا دى النيله ده هيجعد وهيتساير معايا وانا اصلا مش طايجاك روح يا شاطر خد الطوج بتاعك وروح

عوم يا رب تغرج وارتاح من وشك الفجرى ده

لؤي : لا انا اعد معاكى شويه اسمحيلى

مهجه : تجعد بادبك وغطى جسمك ده

لؤي : حاضر يا ستى

( طبعا لؤي قاعد هوه ومهجه وقعدوا يحكوا لبعض عن حياتهم واخواتهم وكده وبيعرفوا كل حاجه عن بعض يعنى شكله الموضوع كده قلب على اعجاب وربنا يستر )

عدى اليوم وراحوا الفندق واتعشوا ودخلوا اوضهم بقى علشان يرتاحوا

مهجه: بتحكى لندى عن لؤي بتقلها الولا لؤى ده طلع كويس والله وشكله غلبان وطيب بس لو يبطل
الحاجات الى بيعملها دى هيبجى كويس

ندى : ايه بقه فكرتك اتغيرت عنه ليه

مهجه : هى اتغيرت حبتين بس بردو لسه

سمعتهم طبعا الهانم جنى وهمه بيحكوا طبعا جنى بتحب لؤي اتنرفزت وحست ان هيحصل شىء بينه وبين مهجه فاردت عليهم

جنى : انتوا بتكلموا عن لؤي ليه وبعدين انتى اوعى تكلميه تانى يا انتى

مهجه اتنرفزت وبصت لندى وقالت:

هى البت الدزمه الزباله دى بتكلم مين انا ولا انتى

ندى : بتكلمك انتى ههههههههه

مهجه : بصت لجنى وقالتلها عايزه ايه انتى يا ام سحلول

جنى : عايزه مش تكلمى لؤي تانى فهمتى ولا لا

مهجه : يا بتى جلتلك الف مره اتجى شرى انتى مش بتسمعى الكلام وشكله كده يومك خلص على ايدى

جنى : انا بقلك اهوه وبلاش تكلميه تانى يا بارده

مهجه: انا بارده يا بت ده انتى لو حطوكى فى فرن درجه حرارتها الف مئويه تجمديها وبعدين فهمينى مين
لؤي ده الى انتى بتتخانجى معانا علشانه

جنى : لؤي حبيبى

مهجه : حبك برص يا سحليه يا جربانه انتى لؤي ده واد دزمه وانتى البولغه بتاعته وغورى من وشى روحى اتخمدى

ندى طبعا ميته على نفسها من الضحك على الى بيحصل

المهم خلص اليوم بالمناقشه الحاره علشان الكابتن لؤي

وجه تانى يوم فى الرحله الى هوه المفروض انه يوم رحله سفارى فى الصحرا وركوب جمال





ايه اللى حصل فى اليوم التانى ما بينهم ؟؟

ومين قدر يضحك على مين ؟؟

وكان موقف لؤى ايه ؟؟

دا اللى هنعرفه فى الحلقه القادمه من يوميات .. لؤى ومهجه ..

وووونشوفكوا الحلقه الجايه

[Mo chahin]

متابعتك الطيبه شرفا لى ..

فا هنيئا لى بطلتك الجميله التى اعتدت عليها ..

بالمناسبه انا نزلت الحلقه الخامسه اتمنى ان تنال استحسانك ..

تحياتى لكى ..

[حروف مبعثره]

هههههههههههههههههههه
مهجه دى تووحفه
وهيا دى الى هتظبط الجامعه وهياخدوا منها الحضور والانصراف بعد كده ههههههههههه
محمد حلقات رائعه
دوام الابداع
مع التحيه والتقدير

[حروف مبعثره]

اقتباسالمشاركة الأصلية كتبت بواسطة Mr. M ! r o
مين جالها بقه.. لؤى جاى من وراها وبخ لقى الالم الى بيسلعه

مهجه : مش جصدى والله افتكرتك كلب البحر








هههههههههههههههههههههههههههههههه
حاسه ان لؤى الحلقه الجايه هيكون فى العباسيه
او مهجه هتعمل فيها ذئاب الجبل وتنادى ذيب رذل يخلص على لؤى وجنى
ههههههههههههههههههههههه
محمد بجد كل الحلقات توووحفه
منتظرين الحلقه الجديده
مع التحيه والتقدير

[بـقـآيـآ ح ــڻيـڻ დ]

ندى : ايه يا مهجه مش هتنزلى البحر يلا البسى المايوه بتاعك

مهجه : ميوه ايه يا بت انت يام مايوه وانا الى فاكراكى مؤدبه طلعتى زيهم بالظبط

ندى : ليه بس انا الميوه بتاعى مش مكشوف اوى ده اسلامى

مهجه : عشنا وشوفنا حتى الميوه عمالوه اسلامى اوعى تجيبى سيره الدين على لسانك انتى يا نيله وغورى

هههههههههههه
والله البت دى بتتكلم صح
ياريت كل البنات زيها مكناش غلبنا
حلقة رووووووعة يا مستر ميرووو
بانتظار باقى الحلقاات
بالتووفيق

[~♥ Queen sozan♥~]

والله انا قلت اضحك قبل ما اقفل وامشى
بس بجد تحفة
حلو اوى اسلوب مهجة فى الكلام بجد صعيدى جنان
وندى ربنا يسبرها
هههههههه
حلو اوى بجد استمر ومنتظرين الجديد
يمكن يحصل حب بين مهجة ولؤى للى اخد القلم وسكت
ههههه

منتظرين الجديد

[Silver Flower]

ههههههههههههههههههههههههههههههههههه
اسلوب رائع وحكايه حلوه
متابعين وفي انتظتر الحلقه القادمه

[حنـــــون]

هههههههههههههههههههههه

جميله الحلقه جدااااااا يامحمد

منتظرين الباقى

تسلم الايادى