يوميات .. لؤى ومهجه .. الحلقه الاولى ..

[Mo chahin]

اقتباسالمشاركة الأصلية كتبت بواسطة soledadاقتباسالمشاركة الأصلية كتبت بواسطة Mr. M ! r o
مين جالها بقه.. لؤى جاى من وراها وبخ لقى الالم الى بيسلعه

مهجه : مش جصدى والله افتكرتك كلب البحر








هههههههههههههههههههههههههههههههه
حاسه ان لؤى الحلقه الجايه هيكون فى العباسيه
او مهجه هتعمل فيها ذئاب الجبل وتنادى ذيب رذل يخلص على لؤى وجنى
ههههههههههههههههههههههه
محمد بجد كل الحلقات توووحفه
منتظرين الحلقه الجديده
مع التحيه والتقدير

سولى ..

اشكرك على متابعتك الطيبه ..

واشكرك بالغ الشكر ومنى لكى كل التقدير لمرورك الجميل ديما ..

تحياتى الخاصه ..

[Mo chahin]

اقتباسالمشاركة الأصلية كتبت بواسطة هدوء القمر

ندى : ايه يا مهجه مش هتنزلى البحر يلا البسى المايوه بتاعك

مهجه : ميوه ايه يا بت انت يام مايوه وانا الى فاكراكى مؤدبه طلعتى زيهم بالظبط

ندى : ليه بس انا الميوه بتاعى مش مكشوف اوى ده اسلامى

مهجه : عشنا وشوفنا حتى الميوه عمالوه اسلامى اوعى تجيبى سيره الدين على لسانك انتى يا نيله وغورى

هههههههههههه
والله البت دى بتتكلم صح
ياريت كل البنات زيها مكناش غلبنا
حلقة رووووووعة يا مستر ميرووو
بانتظار باقى الحلقاات
بالتووفيق

ربنا يسمع منك يا قمر ..

اشكرك جدا لمروك الجميل ديما ..

بالتوفيق ..

[Mo chahin]

اقتباسالمشاركة الأصلية كتبت بواسطة همسღ الجراحوالله انا قلت اضحك قبل ما اقفل وامشى
بس بجد تحفة
حلو اوى اسلوب مهجة فى الكلام بجد صعيدى جنان
وندى ربنا يسبرها
هههههههه
حلو اوى بجد استمر ومنتظرين الجديد
يمكن يحصل حب بين مهجة ولؤى للى اخد القلم وسكت
ههههه

منتظرين الجديد

ربنا يبسطك كمان وكمان وتفضلى تضحكى ديما ..

ويكرمك لمرورك الطيب ..

[Mo chahin]

اقتباسالمشاركة الأصلية كتبت بواسطة flowerههههههههههههههههههههههههههههههههههه
اسلوب رائع وحكايه حلوه
متابعين وفي انتظتر الحلقه القادمه

اشكرك جدا لمروك الطيب ..

وتقديرى لمتابعتك وطلتك الجميله ..

[Mo chahin]

اقتباسالمشاركة الأصلية كتبت بواسطة حنونهههههههههههههههههههههه

جميله الحلقه جدااااااا يامحمد

منتظرين الباقى

تسلم الايادى

تسلميلى يا احلى حنون ..

ديما منورانى ومشرفانى ..

وبدعى الله ان لا يحرمنى من طلتك الجميله ديما ..

تحياتى الخاصه ..

[Mo chahin]

الحلقــة السادســة



ضيف حلقه انهارده عضوه فى منتدانا الجميل ..بنات مصر


وطبعا حرصا على عدم ذكر اسمها فى السايت .. انا ركزت على ان اسمها هيكون ..

( المهندسه باربى )



وجه تانى يوم الى هوه يوم رحله السفارى وركوب الجمال

تعالوا نشوف حصل ايه

صحيوا الصبح ولبسوا ونزلوا يفطروا

ندى بصت لمهجه لقيتها لابسه لبسها المعتاد اللى هوه جيب وجاكت

استغربت اوى وراحت تكلمها

ندى : مهجه ايه اللى انتى لابساه ده

مهجه : ماله الى انا لابساه ده وحش ولا ايه

ندى : لا مش وحش بس مينفعش تركبى بيه جمل او تطلعى سفارى خالص لازم تلبسى بنطلون

مهجه : يومك اسود البس بنطلون ليه حصل ايه فى الدنيا
اتهببى واسكتى يا بت وانا اصلا مش هركب جمل ولا حتى السفارى دى كمان وغورى من وشى

ندى : مينفعش يعنى هنسيبك لوحدك فى الصحرا

مهجه : خلاص مش اروح خالص واجعد هنا

ندى : لا بصى انا هجيبلك بنطلون من عندى بس واسع والله ومش ضيق تعالى شوفيه ولو مش عاجبك مش تلبسيه

مهجه : تعالى اما اشوف انا عارفه انها رحله سوده من الاول ومحدش مصدجنى خالص

(مهجه اختارت طبعا اوسع بنطلون عند ندى والحمد لله انها وافقت تلبس البنطلون بعد اقناع شديد)

وطلعوا الرحله وكانت منظمه الرحلة عضوه معانا فى المنتدى وهي ( المهندسه باربى)

باربى كانت واقفه بتنظم وفجاه لقت قطر واكل كتفها الشمال ومعدى

باربى : سابت الى فى ايديها ووقفت وبرقت وبحلقت وقالتلها مش تحاسب يا كابتن


مهجه : سمعت كلمه كابتن ووقفت تجز على سنانها ( بتحضر للانقضاض )


باربى : سورى يا حبيبتى والله بحسب ولد خبطنى معلش يا قموره اصل خبتطك مديه على دكر


مهجه : ما تلمى نفسك يا وليه انتى


باربى : وليه !!! امشى يا بتاعه انتى من قدامى احسن انا مجنونه وممكن اولع فى نفسى يالهووووووووتى


والناس سمعوا الصوت واتلموا ولحقوا مهجه وهيا بتشمر


وهدوا باربى وبعدوا مهجه خالص عنها

وراحوا بقى وهناك ركبوا الجمال الا وحده بس الاستاذه جنى خايفه طبعا من الجمل

جنى : يا مامى انا اركب ده لالالالالالا مقدرش انا اخاف منه

مهجه بقى شافت الموقف واتنرفزت منها

مهجه : متركبى ياختى وتخلصينى خلينا نتحرك ونمشى

جنى : انتى مالك يا انتى انا مش اركب مقدرش اخاف انا

مهجه : طيب جيبولها طاسه الخضه المحروسه على شبابها فى اليوم لاسود ده يابت الناس اركبى ده أليف مش
هيعضك

جنى : والله انا حاسه بالجمل هوه
خايف منك ابعدى انتى عنه علشان اعرف اركب

جت المهندسه باربى واقنعتها انها تركب مع اى حد من زمايلها ماعدا الفك المفترس مهجه

طبعا جنى اختارت لؤي

مهجه شافتها بتركب مع لؤي اتنرفزت هى كمان

مهجه : والله انا بجول ان البت دى دزمه هى مش خايفه اصلا انا عارفاها هى عايزه تتلزج فى الولا الى اسمه لؤي شوفى يا بت يا ندى

عامله ايه البت ما صدجت تلزج فيه يادى النيله بنات اخر زمن

( مهجه شكلها متغاظه علشان لؤي حاسه كده ان القلب بدأ يدق اما نشوف بقى )

خلص بقى موضوع الجمال وجه معاد رحله السفارى وكل اتنين يركبوا سوى وركبت ندى ومهجه وجنى طبعا مع لؤي وانطلقت الرحله و مهجه كانت

خايفه من موضوع السفارى ده لانها اول مره تطلع رحله سفارى وانطلقوا بقى

مهجه : بالراحه يا بت يا ندى بالراحه يا دزمه يومك اسود شكلك هتموتينا بدرى

ندى طبعا فرحانه اوى ومش شايفه قدامها ومهجه عماله تلطم بعدها بقى

ندى مشيت بالراحه علشان مهجه لغايه اما صحابهم كلهم مشيوا وهمه لقوا

نفسهم لوحدهم وسط الصحرا ومش عارفين يرحوا فين وتاهوا

ندى : مهجه انا مش عارفه همه مشيوا منين

مهجه : يعنى ايه

ندى : شكلنا كده تهنا مش هنعرف نرجع

مهجه : انا عارفه هوه يوم اسود وجطران انا كان مالى ومال السفارى والنيله المنيله بهباب دى ما انا كنت
فى بيتنا مرتاحه مالى ومال مصر ومال الرحلات

ندى : ما كفايه خلينا نركز بقى نشوف هنعمل ايه

مهجه : تعملى ايه اتصلى بالموبيل الى معاكى ده باى حد قبل الليل ما يدخل بس اوعى تتصلى بالمهندسه مربى دى لو عرفت ان انا الى توهت هتبعتلنا ذئاب الجبل
(مش عارفه تقول باربى)

ندى : اتصلت بلؤي الو ايوه يا لؤي بص احنا فى الصحرا ومش عارفين نروحلكوا او نرجع احنا تهنا

لؤي : طيب انتوا فين بالتحديد

ندى: مش عارفه

مهجه : هاتى اشوفه الدزمه ده انت يا بنى اتصرف اعمل اى حاجه

لؤي : طيب اوصفيلى المكان الى انتوا فيه

مهجه : اوصفلك ايه يا سوادى يعنى خير اللهم ما اجعله خير الجنه بس جالبه على صفار شويه انت اهبل يلا

ماهى كله صفار فى صفار مفيش غير

الرمل والصحرا انا اتلميت على شويه مخابيل فى ايامى السوده دى

لؤي : طيب اهدى يا مهجه وانا هرجع من نفس السكه الى جينا منها وان شاء الله هلاقيكوا

مهجه : طيب بسرعه يلا

لؤي رجع من نفس المكان والحمد لله لقى ندى ومهجه

وخدهم ورجعوا الفندق طبعا مهجه زاد اعجابها بلؤي وبحركة الجدعنه الى عملها بعد اما وصلوا الفندق

مهجه : عارف يلا يا لؤى مع انك ولا دزمه بس طلعت جدع شكرا يلا

لؤي : مفيش شكر ده واجب واحنا اصحاب ولازم اعمل كده

وخصوصا انك انتى كمان الى كنتى تايهه

مهجه : خلاص يا ولا انت ما صدجت ولا ايه هاتاخدها حلوانه فى سلوانه وتتساير يلا بجى شوف انت رايح فين



انتظـــروني فى حلقه جديده من مسلسل .. يوميات لؤى ومهجه على سايت

بنــــات مصر ..




ووو نشوفكوا الحلقه الجايه

[بـقـآيـآ ح ــڻيـڻ დ]

ههههههههههههه
حلقة رووووووعة
وشكل مهجة بدأت تحب لؤى
ربنا يستر بقى
تسلم يا مستر ميروو ع الحلقة الجميلة
بالتووفيق يارب

[تانيا]

هههههههههههههههههههه
حلقه حلوه اوووى يا محمد
والبت مهجه دى ........ عثثثثثثثثثثل
بالتوفيق

[~♥ Queen sozan♥~]

والله حلقة جميلة والحمدلله اهم حاجة انى ضحكت بعد ما كانت مكتائبة
ههههه بس بجد قلمك مميز فى الحلقات

منتظرين الجديد

[special girl]

السلام عليكم

يوميات بجد رائعه استاذ محمد

وفيها نوع من الاثاره والكومديا

في انتظار باقي اليوميات القادمه.