بعد تقرير صباح المخدرات .. الان تقرير مابنى على باطل فهو باطل+ لن يتم ايقاف جدو

[ღ Gի๐sτ ღ]

السلام عليكم ورحمه الله وبركاته

التصريح دة لكابتن صبرى سراج على جدو ... هو خبر كبير بس انا حبيت اعلق ع النقطة دى

وأوضح سراج أن الإدارة تنتظر حاليا القرار الخاص بالقضية بعد أن تم تأجيله إلي يوم الأحد القادم مشيرا إلي أن الزمالك سيتحرك ويتخذ كل الإجراءات التي تحفظ حقوقه بناء علي القرار المنتظر .

وأشار عضو مجلس الإدارة إلي انه إذا لم يكن القرار مرضيا لإدارة النادي سواء فيما يتعلق بالعقوبة أو الغرامة المالية فإن المجلس سيضطر إلي تصعيد القضية إلي ابعد الحدود مشددا علي أن المادة 18 من لائحة الاتحاد الدولي ملزمة بإيقاف اللاعب من أربعة إلي ستة شهور .

تعليقى ... ياسيادة اللواء


طالما انت حقانى اوى وعاوز اللاعب يتوقف 4 الى 6 شهور استنادا على قانون الفيفا فى المادة 18



خلاص ياباشا .. قدم طلب بدة


بس اللى ترضاة لغيرك تقبلو على نفسك
ونفس الامر .. الفيفا والمحكمة الرياضية اوقفو الحضرى 4 شهور بناء ع المادة 18

وفى نفس الوقت انت بتدافع عن الحضرى ومش عاوز الحضرى يتوقف .. رغم ان انت بتقول الحق ينفذو المادة 18

كلام عجيب والله وانا مش بحب اللى يعمل الشر على غيرو ومينفذش الشر على نفسو

وثانيا .. طالما انت حقانى .. طيب لية مقلتش المفروض يتم تنفيذ عقوبة ع الزمالك وهى الحرمان من قيد لاعبين جدد لمدة مرتين انتقالات متتالية بناء على قانون الفيفا ؟ لانك خالفت التعاقد مع جدو وتعاقدت بطرق غير شرعيه

ثالثا ... الفيفا لن تدخل بشؤن اتحاد الكورة طالما اتحاد الكورة بينفذ القوانين صح وقوانين اتحاد الكورة غرامة على جدو ودة اللى فى اللوائح

بدليل ان ردهم على خطاب غزل المحلة عندما رفع قضية للفيفا يطلب فية الغاء هبوطة كان رد الفيفا

الفيفا لا تدخل فى شؤون اتحاد الكورة الا اذا كان مخالفين للقانون وعليكم اللجوء للجنة الانضباط بمصر اوالمجلس القومى للرياضة

ومعنى ان الفيفا لن تدخل .. يبقى مش هاتدخل فى موضوع جدو لان قانون اتحاد الكورة واضح وصريح وهو عقوبة اللاعب وزى بردو ماتم عقوبة مالية ع احمد عمران لاعب الجونة وهو نفس قضية جدو






واخيرا

مابنى على باطل .. فهو باطل

وعقد اللاعب مع الزمالك اتبنى ع الباطل فبذلك العقد باطل

متجيش تطلب بحقك .. وانت اصلا منفذتش الحق من البداية وتعاقدت غلط

وهاديكم مثال بالبلدى اوى كدة ومضحك شوية

دلوقتى واحد دخل محل فراخ واخد فرخة من غير مايدفع تمنها ومن غير مايقول لصاحب المحل انا عاوز اشترى الفرخة ومن غير مايعمل اى حاجة واخدها من دماغه كدة ... واكلها والفرخة مبسوطة طبعا مع الراجل اللى اخدها لانة بيأكلها


لو رايكم ان الفرخة تفضل مع الراجل اللى اخدها وسرقها من صاحب المحل

يبقى جدو من حق الزمالك

ولو رايكم ان الفرخة من حق صاحب المحل لان هو اللى كان بيبيعها ودى بتاعته هو

يبقى جدو من حق الاتحاد السكندرى ومعنى انة من حق الاتحاد انة من حق الاهلى لان الاهلى اشتراة من الاتحاد


واللى عاوز يشوف تقاريرى اللى هى بتاعت

جدو من حق الاهلى بالدليل

صباح المخدرات .. صبرى سراج .. كيف يلعب جدو مع الزمالك فى افريقيا اذا شارك مع الاهلى

جميع اغانى التراس اهلاوى بالصوت والصورة + كتابيا لسهولة الحفظ

تقدر تبحث عن مواضيعى وهاتشوفها


وانتظرو التحليلات القادمة التى تكون بسهولة وبطرق بلدية حتى اللى مبيحبش الكورة يفهمها صح من غير شغل القانون والمادة .. الخ

الخصللكم القانون بس بحاجة بلدى شوية

تحياتى / محمد حسن

[tha game]

شكرا على المجهود
وكل أمنياتى الطيبة بالتوفيق للجميع
تحياتى للجميع

[محسن سيد]

معلش إحنا لو مكان أصحابنا كنا هنعمل أكثر من كده . فاهمين طبعاً

[ღ Gի๐sτ ღ]

انت زعلان لية

كل ماعمل مشاركة تزعل من الموضوع بتاعى

يبقى متقراهوش

[ღ Gի๐sτ ღ]

جدو من حق الاهلى :d

كلامى طلع صح