هو ايه فايدة الفرح؟؟؟؟

[yara5]

السلام عليكم ورحمة الله وبركاته

سؤال بسيط بس واقف في زوري

هي ايه فايدة " الفرح "؟؟؟

بجد لاني عاوزة اطلع فايدة ..واحده ومش لاقيه

------------------

ومعلش بداية وقبل ما اي حد يقول لي

اصل الجواز اشهار واعلان
و" الفرح" وسيلة لكده

هاقوله معلش


ماهو مجرد وجود الزينة على البيت مثلاً

سواء بيت العروسة او العريس

معناه ان فيه "فرح"

في مناسبة سعيدة

-----------------------------------

لكن " الفرح" العادي

الحفلة اللي الناس بتحضرها دي ..فايدتها ايه ؟؟؟

[حبرالقمر]

اولا طبعا فايدة الفرح اشهار واعلان ثانيا مش يمكن النور ده متعلق عشان رمضان يعني مش لازم يكون عشان الفرح اش عرف الناس بقى ان فيه اتنين حيتجوزوا
وبعد كده اي حد عنده مناسبه سعيده بيحتفل بيه سواء كان نجاح او عيد ميلاد اوماشبه
انتي مش شايفه ان الجواز مناسبه سعيد ه يعني يحتفلوا بيها
وحاليا بقى فيه فايده تالته حنتفشخر على بعض ازاي ونقطم وسط العريس بالفلوس ازاي لو مكنش فيه فرح ديه طبعا ابوخ حاجه في الفرح
اهم حاجه بقى ان الفرح بسببه العروسه بتللبس الفستان الابيض مش ديه برده فايده هههههه
مرسي ليكي صحيح سؤال غريب
تقبلي م ر و ر ي اختك حبــــــــــــــــــــــــــر القمــــــــــــــــــــر

[mdamido]

زي ما قالت اختي اللي ردت قبلي :
1- نقسم وسط العريس بالفلوس
2- يجيلنا صمم من صوت الدي جي العالي الشغال
3- نرمي فلوسنا ع الارض مع انا لو ع العرسان ممكن ياخدوه ويقضو بيه اسبوعين عسل في مكان ارقى من اللي حيروحوه لو كانو حيروحو
4- نتفشخر بحاجة ملهاش حدود لان حييجي يوم واللي كان في الفرح يعمل اكتر مني
5- العروسة تقولك اي بنت تتمنى تلبس فستان الفرح وهي بنت صغيرة
6- بهدلة رايح جاي لو مكنتش القاعة في نفس البلد او لو كانو مش في المدينة نفسها
7- نعد جمب المكيف اللي في القاعة ههههههههههه





تقبلي مروري

[ღ Gի๐sτ ღ]

1- بيكون اعلان للناس كلها لانك لما تحطى زينة فى البلكونة محدش هايعرف ان دة فرح ومش كلو هايعرف

2- الناس اللى بتروح بتكون فى فرحة وسعادة لان فى الفرح الكل بيرقص ويهيص ويفرح فى الفرح ولكن لو مفيش فرح وهى زينة وخلاص هاتقعدو زى مانتو مش هاتحسو بطعم الفرحة

3- الناس اللى بتروح بتجمع ناس كتير جدا مثلا انا فى واحد صحبى كان معايا فى الابتدائى وعلاقتنا انتهت من وقتها لان معيش ولا رقم تليفونة وناسى مكان بيتة ومشفتوش من 5 سنين غير فى فرح اخت واحد كان صاحبنا احنا كمان ولما شفنا بعض علاقتنا رجعت تانى زى الاول .. يعنى بتجمع الناس مع بعض

4- بتلمى نقطة تساعدى نفسك بيها مقابل الفلوس اللى كعيتى دم قلبك فيها قبل الجواااز .ههههههههههه
هو الواحد مش هايعمل الفرح عشان النقطة طبعا بس عامة دى بتفيد كتير جدا لانها بجد بتعوض فلوس كتير من اللى راحت وادينا مش خسرانين حاجة لان هاندفعها اة بس هاتبقى بالقسط فى الافراح كل فرح نرمى شوية ههههههه

5 - عادات وتقاليد الناس كدة

6 - هى ليلة واحدة فى العمر مش هانبخل على نفسنا باحلى فرحة فى حياتنا وان كان منفرحش فى اهم يوم فى حياة كل ولد او بنت .. امال هانفرح امتى

7- ممكن تعملى زينة فى البلكونة وخلاص على كدة بس دة لو الفلوس مش مساعدة ... ودة عادى ومش عيب
انما لو معاكى فلوس يبقى لية تبخلى على نفسك

8 - كلامى مش عليكى انا على الجميع عامة

9 - ثانكس ع الموضوع والنقاش الجميل

[جميلة مصر]

السلام عليكم ورحمة الله وبركاته
طبعا ليه اهمية ده يوم فى العمر كله للاشهار والفرحة بتعم عالناس كلها
بذمتك يايارا لما تتجوزى مش هتعملى فرح هههههههه؟؟
ميرسى عالطرح

[الأميرة منة]

بصى يايارا مش عارفة ليه انا ميالة لفكرة الفرح اوى
هو احنا بنعمل كام فرح فى حياتنا يعنى هو واحد
وبعدين بيبقى اعلان بكى وتخلى اقرايبك يفرحوا بيكى
بس انك ماتعمليش فرح تحسى انك مجوزة فى سكووت كده
ممكن ناس تعرف وناس لا
وميرسى عالطرح المميز
بالتوفيق