مكالمات الليل بين الشباب واللي بيحصل فيها ..خــداع ..!اتفضلى نتكلم.!!!

[صافي]

انا هتكلم معاكم عن كل اخت بتتكلم عبر( الهاتف او الشــــــات)
مع شاب اجنبى عنها
ان شـــــاء الله
الموضوع ده هيكون نصح وارشاد ليها

طبعا موضوع معاكسات التليفون دي
اكثر اضررها ع البنات والزوجه في الحياه الزوجيه
غير انها تعتبر من اسباب المنكرات العظيمه
ويترتب عليها
قله الحياء ... وظهور الفواحش
ومن الناحيه الدينيه ايضا...
حذرنا الله سبحانه وتعالى نحن النساء من الخضوع بالقول للرجال
اخواتى العزيزات..........
انتبهن لأنفسكم من ذالك الشىء اللعين( الهاتــف)

فهناك نوع من الشباب والرجال
يشعر بأنه مطلوب ومرغون والقلوب تتقطع من اجله
وان حياه المرأه تتوقف بمجرداشاره من اصبعه
وهذا اكبر دليل على نقصه ومرضه
يحاول جمع اكبر عدد من الفتيات والنساء
حوله ليرضى نقصه وغروره
تتقابوا عن طريق الصدفه
واحد يضرب رقم عشوائي ويطلع صاحب الرقم بنت صوتها حلو طبعا هو لما بيصدق
او
وانتى فى نزهه
او
فى الكليه وما شبه ذالك
يقوم برمى شباكه فى هينه ورقه ورقم هاتف
ثم مكالمات
وما يسبقها من مواعيد ومقابلات

وفى الاخر انتى الضحيه
فـأرجوكى...!
حافظى على نفسك من خطر المكالمات التليفونيه واثارها السيئه
انتى محتاجه لحد يحبك
محتاجه تسمعى كلمه حلوة
عندك احساس بالوحده
ليست المكالمات التليفونيه هى الدواء
ليس تفريغ الكبت مع رجل غريب هى الوسيله الوحيده لملىء الفراغ
وان كنتى من اللذين يتبعون هذا الاسلوب
فعلمى انك مريضه.!!ايوة مريضه
بما يسمى الادمان على هذا الشىء

تعلوا نشوف المكالمه الاولى عبــــــــــاره عن ايه..؟؟!!

طبعا بعد ما يوصل لرقم هاتفك او يعطيكى رقم هاتفه بأى طريقه كانت...
تأتى المرحله التاليه وهى......
المكالمه الاولى
عند اول مكالمه الامور تبدأ جميله ... والعلاقه تبدأ مشرقه
والوعود تبشر بعلاقه ابديه... وحياه ورديه
نجى بقا للطرف التانى ...
اللا وهو (الرجل)
هيدخل عليكى ازاى؟؟؟
هيعطى الانطباع عنه ويعدد مزاياه ...مثل
الوسامه؛ خفه الظل؛ العطاء
ويحكى ويروى مغامراته
فجأه تشعرى كأنه هو ده
اللى انتى بتحلمى بيه مدى الحياه وهبط عليك من السماء
يسمعك الشعر وقصص الحب ويستمر فى خــداعه
ويدخل فيروس كدبه داخلك
متجاهلا ان الله سبحانه وتعاله عالم بكل شىء
كما قال الله تعــــالى...
(يعلم خائنة الاعين وما تخفي الصدور)
وبعد بضع دقائق فى اقل من ربع ساعه من المكالمه
فجأه تفقدى السيطره على نفسك وعلى مشاعرك بكلاماته الرقيقه المعسوله
وان كده استولى على عقلك وكأنه ينيمك تنويم مغناطيسى..
وهو مستمر فى الخــداع والخــداع..
قائلا..
من زمان وانا ابحث عنك
انتى فتاه احلامى
وانه اكتشف فجأه انه كان يحبك قليلا
والان حبه لكى عظيم
وانك القلب الكبير
والعقل الذى يفهمه
والانسانه الحنونه التى تنقذته من وحدته
وكلام وكلام معسول
مسكينــه والله
عيبك انك صدقتى كل كلمه قالها
وانبهرتى بكلامه ورومانسيته ورقته
اما هو...
بعد ان ينتهى من مكالمتك
يذهب على الفور لضحيه اخرى ليستمر فى خـداعه
وانتى المسكينه متيمه بيه ...
وشاغل كل عقلك قلبك وحياتك

وفى انتظار مكلمه الاخرى من حبيب القلب....
انا هتكلم معاكم بصــراحه.
استمرتى على كده قد ايه؟؟
فى الحب والرومانسيه والكلام الحلو اللى بيحسسك بأنك ملكه متوجه ..؟
بقالك اد ايه واذنيك مبتسمعش غير غزل واشــواق و................؟؟

شهر؛ شهرين ؛6شهور ؛ســـنه ؛ سنتـــــين....

تعالى اقولك المفجأه.... فى ....!!
المكـــــــــالمه الخيـــــره

[صافي]

هنكمل كلامنا عن المفاجأه.... اقصد الصدمه الكبرى
فـــــــــى
المكـــــــــالمه الاخيـــــره....
طبعا الاحداث اللى بتحصل ما فيش احسن من كده
وبعد كل اللحظات الحلوة اللى كنتى عيشاها
تأتى الاذن لتسمع عباره....
(الانسحـــــاب)
ايوه بدون اى ترتيب ولا مقدمات
طبعا العلاقه كده بتتدهور
والصديق اللى بتحكيله كل هفوه فى حياتك اصبح خــــائن
وتحولت احلامك لكابوس
والحبيب العاشق الولهان اصبح عدو
والدنيا تسود فى عينك بعد ما كانت حياه ورديه

اتـــــارى الحبيب لم يحسم بعد قراراته بالنسبه لمستقبله
فجأه
اكتشف انه غير مؤهل للزواج
لايملك شقه
لايملك عمل
لايستطيع ان يتأهل للزواج لظروف ماديه

ياريت تيجى على الانسحاب ....
لالالالالالا
ممكن تلاقيه ماسك عليكى اى شىء يهز شرفك وسمعتك
التى لا تسطيع كنوز الارض تعويضها
اكيد سمعتى عن البلاوى اللى بنشوفها فى مجتمعنا
من خسائر مما كانو يجرو مكالمات هاتفيه
ياما سمعنا عن ان فلان سجل مكالمات لفلانه
او انه كان يتحدث معها ويشارك معه اصدقائه.... ليسمعوا ما تحكيه معه
وكتيررر ..............
ملحوظه....
اهو استيقظتى الليل؛ وارق ؛ وانتظار ؛ ورسائل باكيه
وسمعتى كلام حب واعجاب
عديتى بمواقف سعاده؛ وفرح؛ وعشق ؛ ودموع
وانتظار ساعـــات على الهاتف
قضيتى سنوات قاتله على محطه القدر والانتظــار
لعل الطرف الاخر يترفق بقلبك
تتجاوزين المستحيل وتفعلينه
بس لأسف ده غير كافى بالنسبه له ولارضاء غروره
للأسف..........
يومك كان بيتحول الى ساعات من اللهث والانشغال
مع مطارده الغيب دون مراعاه مساحه خاليه كى تستوعبين فيها
لحظه خشوع فى صلاه او دعاء
بل كانت فى.......
محادثات نصــف الليـــــل
وللحديث بقيه........
احبكم فى الله

[صافي]

بعد صدمه الانسحاب..خلاص...
فـــراااااق
مجروحه طبعا بس كان لازم تعرفى ان من المكالمه الاولى
وخنجر الفراق مغروس فى قلبك ومش قدره تتخلصى منه
فكفاكى عن هذه المكالمات
يا متعلمه انتى ادمنتى على الهاتف واصبح استمرارك فى المكالمات نوع من تعذيب الذات
فكفا والا كل يوم هيذيد ادمان
وفى الاخر الطرف الاخر سوف يفترس بكى
فيجب ان..
تنتصرى على جهاز المناعه بداخلك
وعلى المشاعر الغير عاقله
فأتقى الله فى نفسك
انتى عملتى جرم عظيم,,,,
عندما سمحتى لرجل ان يعاكس اول مره..
وجرمك الثانى عندما قمتى بمجاراته والتمادى بغلطه
والحديث مع هاتفيا
انتى اخطأتى خطأ كبيـــــــــــر فى حقك
لمــاذا... لمـــاذا,...؟
سمحتى لرجل غريب ان يتسلى بكى؟
لتنتهى حياتك قبل اوانها
ايوا لانك حتما ستدركين اين خطئك؛
بس للأسف بعد فــوات الاوان
تفتكر الطرف الاخر ده (الرجل) يستحق من كل هذه التضحيه؟؟
هل يرضى لأخته او احد اقاربه ان تكون مكانك؟؟ لاعوبه بين ايدى الرجال..؟؟؟
لا.... والـــف لا.
لماذا يا اختاه تفعلين هذا؟
ان الثمن معصيه لله ثم الضيــاع..ونفور النفس ..وسمعه رديئه
وفقدان اشياء غاليه على فتاه تحب شرفها..وتحرص على سمعتهامن الضياع
انتى خلاص موقفك الان ليس اختياريا.. فأيقافك عن المكالمات
الشى الوحيد لحمايه الذات عن العقاب الشديدوالعذاب للنفس وللضمير وللقلب
والا........
سيصبح الطرف الاخر مثل حد الموس فى الحلق اذا ابتلع ذبح واذا خرج جرح
فأحظرى.....
هذا النوع من الرجال لانك سترينهم مثل السم المنثور
فى الاسواق والحدائق والاماكن العامه التى تترد عليها كثير من الفتيات
وما يجب ان تفعليه الان هو ان
تقفلى الباب امام اى طارق يحاول هتك عرضك وشرفك
ولو بكلمه واحده او اشاره
عنده سوف يجد نفسه غير قادر على ان يمسك بمفاتيح ابواب المرأه الموصده

[صافي]

طيب كنتى توقعى اخر المكالمات دى ايه؟؟
زواج؟؟
اى امرأه عاقله يستحيل ان ترضى ان تكون ....
صفقه تجاريه تحت شعار الزواج
فالضياع هو قبول الصفقه
والانتحار هو التسليم بشروط المقايضه
وعندما تصدقين كلام المعاكسات
او الشاب بصفه عامه
فأنتى ولأسف مجنونه غبيه مستهتره متمرده
ترفضين كل فرص الزواج التى عرضت عليكى من اجله
حبيبتــــى
لا تتوهمين نفسك بقرار تعتقدين انه صواب... وهو فى الحقيقه يمثل قمه الخطأ
فتصبحين انتى الضحيه
التى الوحيده التى تمتلكى مصيرك وهذا هو اعز ما تملكين
لابد ان يكون فى احترام للنفس وتقدير لمصير حياتك...
فالشاب اللعوب صاحب المكالمات
يطلب منك التمرد على العادات والتقاليد
فأنصحك ..
ان تبتعدى عنهم وتعرفى حقيقه نواياهم
واحترمى مشاعرك
حصنى نفسك من الحزن ؛والخوف؛ والهلع ؛والقلق
لا تخافى من المستقبل
فالطرف الاخر سيكون سبب تدمير الحاضر والمستقبل
تنازلى عن هذه المكالمات قبل ان تتنازلى عن اشياء اخرى ليست بالحسبات

[misho]

بارك الله فيكي صافي
موضوعك حلو اوي ومهم لكل بنت
ربنا يهدي بنات وشباب المسلمين يارب
بالتوفيق,,,

[الأميرة منة]

جزاكى الله كل خير
ربنا يهدى شباب وبنات المسلمين
اللهم امين
ثانكس عالتوبك صافى
بالتوفيق

[مشتاقه للجنه]

صافى جزاكى الله كل الخير على التنبيه




تحيااتى

[حروف مبعثره]

جزاكـــى الله كــل خــير علـــى التـنبيه
مع التـــحيه والتـــقدير

[دموع ف نهر الحب]

موضوع جميل جدا
ميرسي يا صافى على التوجية دة
ربنا يهدى كل عاصى

[صافي]

اقتباسالمشاركة الأصلية كتبت بواسطة misho

بارك الله فيكي صافي

موضوعك حلو اوي ومهم لكل بنت
ربنا يهدي بنات وشباب المسلمين يارب
بالتوفيق,,,

مرسي ياميشو للتواجد

اللهم امين