انا عامله معارضه على حالتنا اللي للاسف اتدهورت في قسم النقاش والحوار الجاد نرجو التفاااااعل

[تيتشر نفشه ツ]

اولا تحيه جميله عذبه رقيقه لاحسن وافضل اعضاء وصحاب نبدأها بتحيه الاسلام تحية اهل الجنه السلام عليكم ورحمة الله وبركاته



اولا بصراحه انا عامله صفحة معارضه على قسم النقاش والحوار الجاد في منكم اللي هيقف في صفي وفي اللي هيعارضني


هخش في الموضوع بسرعه
عايزين نعرف احنا ليه هنا في القسم ده دايما مواضيعنا وكلامنا عن الحب دايما أسلتنا عن الحب بنتكلم عن الحب اكنه كل شيئ في الحياه

ليه مانتكلمش عن المشاكل الاجتماعيه اللي بنواجهها دايما ونحاول على قد مانقدر نلاقيلها حلول
مثلا عن الزنا ، العنف الاسري ،الاغتصاب ،حياء المرأه اللي بقى معدوم في زمننا ده ، الازمه الماليه ، انعدام الرحمة في قلوب الكثير، و و و و و و الـــــــــــــــــــــــخ
مشاكل كتيره قوي قوي في مجتمعاتنا ملهاش حلول
ليه دايما ساندين عالحب والخيانه
هوا اي نعم انا معاكو الحب منتشر اليومين دول والخيانه مشكله كبيره بنواجهها فحياتنا العامه
بس برضو في الاهم والاهم والاهم واللي لازم نوعي فيه جيلنا الجديد


رجائي الشدييييييد اننا نحسن من مستوانا شويه ونحاول نرقى بمنتدانا ومجتمعنا للاعلى وللاعلى وللاعلى كمان

ونجيب حاجات تفيدنا بجد بجد واتمنى ماتفهمونيش غلط

ومستنيه ردودكو يأحلى واجمل واجدع صحاب
واتمنى كلامي ميزعلش حد فيكو واكون وصلتلكو المعلومه بأسلوب جميل وسهل وبسيط


مع اغلى التحيه

بنوته بريئه

[الأميرة منة]

بجد عندك حق انا بقيت ادخل القسم الاقى معظم المواضيع عالحب
هو عادى وكل حاجة وماقولناش مانحبش بالعكس الحب نعمة من عند ربنا
بس ماتبقاش المواضيع بالكترة دى وعلى فكرة فى مواضيع برده مش عالحب
هى بس ممكن تكون اكتر بس مش كله فى مواضيع بتكلم عن مشاكل بجد موجودة فى حياتنا
بس اللى بيبقى عنده مشكله او حاجة بييجى يطرحها علينا وبيبقى عايزينه نساعده فعادى يعنى
ومنتظرين جديدك انتى
اعمللنا انتى بكى مواضيع عامة

وميرسى عالطرح المميز
بالتوفيق

[تيتشر نفشه ツ]

اقتباسالمشاركة الأصلية كتبت بواسطة الأميرة منةبجد عندك حق انا بقيت ادخل القسم الاقى معظم المواضيع عالحب
هو عادى وكل حاجة وماقولناش مانحبش بالعكس الحب نعمة من عند ربنا
بس ماتبقاش المواضيع بالكترة دى وعلى فكرة فى مواضيع برده مش عالحب
هى بس ممكن تكون اكتر بس مش كله فى مواضيع بتكلم عن مشاكل بجد موجودة فى حياتنا
بس اللى بيبقى عنده مشكله او حاجة بييجى يطرحها علينا وبيبقى عايزينه نساعده فعادى يعنى
ومنتظرين جديدك انتى
اعمللنا انتى بكى مواضيع عامة

وميرسى عالطرح المميز
بالتوفيق

الاميره منه السلام عليكم
انا معاكي فأنو نتكلم عن الحب عايزين نتكلم ماشي نتكلم بس مش لدرجة اننا نبين للعالم اننا مواراناش غير الحب
في مواضيع اهم تستحق اننا نتكلم عنها بكل جراءه وشفافيه
واكيد اكيد انا هعمللكو مواضيع بأذن الله مهمه وتمس حياتنا بشكل عام بس عايزاكو تساعدوني يعني الايد الواحدة مش بتسقف

ونورتيلي التوبك ياجميل
وبالتوفيق ليا وليكي


بنوته بريئه

[تيتشر نفشه ツ]

مستنيه التفااااااااااااااااااااااااااااااااااااااعل يااااااااااحبايب لنرقى بمنتداناااااااااااااااا

[تانيا]

معااااااكى حق يا بنوته ... أنا كمان بقالى فتره مش لاقيه حااجه جديده في قسم النقاااش كل الناس مش لاقيه حاجه غير الحب تتكلم فيه ..
وانا بصراحه بقالى فتره مش بشارك في مواضيع قسم النقاش لانى أنا مش برد على كل المواضيع
بشارك بس في المواضيع اللي بتلفت نظرى وبحس انها مهمه
بس دلوقتى للأسف كل المواضيع يا اما مكرره _ يا اما زى ما انتى قلتى عن الحب
وأنا معااااكى في كل كلمه قولتيها يا قمر ....
وبشكرك على طرح الموضوع
تحياتى
تانيا

[محمد الشريف]

بنوتة بريئة

تقبلى موفور تقديرى واحترامى

وعن موضوع طرحك القيم سبق التنويه عنه

لكافة الأخوة والأخوات الأعضاء لمناشدتهم بتنويع الموضوعات

المطروحة والكف عن موضوعات الحب والهجرويمكنك الاطلاع

على الرابط الآتى :

http://forums.msryat.org/showthread.php?t=155334

مع موفور التقدير

[شاعر واسير الحب]

الاخت بنوتة

ليس هناك مما تتدعيولكن كل واحد بيدور علي المواضيع اللي عاوزها او قرائتك لاعضاء معينين ولا يكتبون الا في الحب ورموش الحب واللي جري من الحب
ولكن هناك مواضيع في قسم النقاش تستحق فعلا ان تكون موضوعات تدرس وموضوعات اجتماية وموضوعات موعظة وقد لا اكون لست من هواة الكتابة عن الحب لانه يحتاج لناس فاضية شوية ولكل انسان

ولقد يعاني بعض الافراد من عدم قراءة موضوعاتهم لانها غير ماشية معاهم لا مش من اجل الرد ولكن قد تري الموضوع يشاهدة مئة واحد وير ويناقش الموضوع خمسة فهل هذا هو الهدف من موضوع النقاش احنا محتاجين لردودبعض عسي ان يكون في رد الاخر اجابة
وياريت نبطل الكتابة عن اللي اسمه حب

محتاجين فعلا موضوعات هادفة موضوعات نخرج منها بفايدة
ولقد اجاز ا/ محمد الشريف من قبل لهذا الهدف
و يد في يد بعض نبني منتدانا

اشكركم

[ماتركس]

السلام عليكم ورحمه الله وبركاته
بنووته بريئه
اناا ممكن ردي بيكوون ضد الكل وهووه انوو احنا حكينا في الموضووع ده
مائه مره ومنقدرش نمسك قلم اي عضوو ونمنعوو من انو ينزل موضووع طوال ما هووه
مش منقوال او مخالف
بس الموضووع ده بيبقي بينا وبين بعض انوو كل واحد مقوالناش ميكدبش يكتب بس متوصلش لدرجه انوو كل يوم موضوع عن الحب
لا يكتب مااشي مفيش مشكله بس مووضوع كل شهر بكده نغير من المواضيع شوويه
وعايز اقوالك اي حد هيقوالك مش هكتب عن الحب يبقي بيني وبينك فشار
احناا نكتب بس نغير ومنزدش فيها اوي
وكل واحد الموضوع ده بيبقي بينوو وبين نفسو الاداره والمشرفين ميقدروش يمنعوو اي قلم يكتب معناا هنا
وبالتووفيق ياا بنوووته

[special girl]

السلام عليكم ورحمه الله وبركاته:

موضوع هام


قسم النقاش في المنتدي هنا قسم مميز


وكويس الحمد لله


انا معاكي فعلا في مواصيع كتيرعن الحب ولكن هو كمان من


المشاكل الي بتوجهنا في حياتنا يوميا وبنحاول نساعد ونقول الاراء حول الموضوع


وفي تنوع كبير في طرح الموواضيع هنا


فعلا ممكن يكون القسم بيهمل احيانا وبيقل الاقبال عليه ولكن انا مش ضد


وضع مواضيع عن الحب طلما ان الموضوع في حدوده وفي فوائد منه.

تحياتي لكي .

[تيا]

هي فعلا بقت حاجه ممله جدا
معظم المواضيع عن الحب أو منقوله
أنا بقيت بكره ادخل القسم عشان بلاقي نفس المواضيع
بس هنعمل ايه
مفيش فايده