الفرق بين الولد والبنت فى الميكروباص

[شاعر واسير الحب]

السلام عليكم


الفرق بين الولد والبنت فى الميكروباص












نحب يجماعة نناقش الموضوع دا

بيحصلنا كلنا ف المواصلات

وهي هي نفس التعليقات

ونفس ردود الافعال

فكل مكان

وكل زمان

طلاما اللي انت راكبو يندرج تحت اسم ( ميكروباص )



ايه باه اللي بيحصل ؟؟؟

ما تيجو نشوف








أولا :-

طبعا وانتا بتوقف الميكروباص وياسلام لو مافيش مكان

لو انت بنت يادوب تبصي بس بصة استعطاف لأي بأف قاعد هايقوم ينط يعد في ضهر السواق عشان تعدي

انما بقا لو انتا ولد شوفلك اي حتة اترزع فيها او انشالله تتشعلق مانتا اساسا مالكش أهل يخافو عليك










ثاني حاجة :-

طبعا وانتا طالع كتير مننا ممكن يخبط راسه في الباب

طبعا لو كنتي بنت هاتلاقي اللي بيقولك خير حصلك حاجة ؟؟؟ من كل الركاب وممكن طبعا
تلاقي اللي ممكن يقوم يضرب السواق

انما بقا لو كنت ولد... اسمع بقا اللي يضحك عليك واللي يقولك ايه اتعميت ؟؟ .. يا لطخ تستاهل شوف كنت بتبص فين والكلام دا طبعا











تالت حاجة :-

وانتا بقا بتقفل الباب وطبعا السواق بيقولك اقفله بالراحه كأنه هايتكسر في اديك مانتا بقا رامبو


طبعا لو كنتي بنت وبتقفلي بالراحه خالص وممكن الباب مايتقفلش يقولو شوفو الرقة حتى الباب مش هاين عليها تخبطه بالجامد

وياعيني عليك لو كنت ولد والباب ماتقفلش .. ايه ياعم النايتي مش قادر تقفل الباب اتفو على دا جيل



.... ولو قفلت الباب بالجامد بقا

لو كنتي بنت طبعا هايقولو معلش اكيد متعصبة شوية ربنا يعينها على اللي هيا فيه

انما لو كنت ولد : ايه الطور دا خلاص ياعم عرفنا انك فاندام بس بالراحه ع الباب












رابع حاجة :-

طبعا ممكن يجيلك تليفون وانتا قاعد في الميكروباص

لو انتي بنت وانتي بتقولي الو ياسلااااام الله يا جماعه على صوتها شوفو
الرقة يابخته المحظوظ اللي بيكلمك ولو معاها موبايل معفن ياسلام ع التواضع

انما بقا لو كنت ولد اللهي يجيلك ضربة انتا واللي بيرنلك دلوقتي وطي ياعم صووت ام
صوتك صرعتنا والله عرفنا انك معاك زفت موبايل ولو الموبايل معفن .. وكمان بتتعايق
بموبايل معفن امال لو كان موبايل عدل شوية كنت عملت ايه












نمرة خمسة :-

لو انتا بقا طالع والسواق مشغل اغنية بيئة ومعلي الصوت بقا وانتا عايز تتكلم في الموبايل


طبعا لو انتي بنت القانون بيديكي الحق الكامل انك تقوليله وطي الكاسيت او اطفيه ( قانون ساكسونيا طبعا)

انما لو ولد هاتلاقي السواق من غير ما يرد عليك يادوب يبصلك بصة بقرف ويلف وشه
تاني ويعلي الصوت كمان ويفضل يبرطم بقا انتا هاتشترينا بأم النص جنيه اللي هاتدفعه











ساتت حاجة :-

طبعا بقا انتا وصلت الحمد لله بعد القهر والتفرقه العنصرية اللي اتعرضت ليه طول
الطريق عايز تنزل بتقول للسواق على جنب وطبعا لايمكن هايسمعك ماهو مشغل
الاغاني ومعلي الصوت على اخره

طبعا لو انتا ولد هاتقول مرة واتنين وعشرة وينزلك بعد الحتة اللي انتا عايز تنزل عندها
بشارعين تلاته وطبعا هايقولك ماسمعتكش مانتا اللي صوتك واطي زي البنات


انما بقا البنت يادوب كل اللي هاتعمله انها توشوش نفسها على جنب وكأنها
بتكلم نفسها هاتلاقي بقيت الاربعتاشر نفر اللي قاعدين في الميكروباص
بصوت واحد بيقولو للسواق على جنب ..... انتا اطرش ؟؟؟




خللي بالك ورد لحسن يقولك رد هو انت ماتعرفش تقرأ
ولا يقوليك ردي علي الموضوع وعيشي عيشة اهلك


في انتظار ردكم احبابي

[ڪــــبرياء الروح]

ههههههههههههههههههههههههه

[مهارات الحياة]

هههه

الحمدلله ما عندناش ميكرو

[فنانه باسلوبي]

هههههههههههههههههههههههه

سوري يعني ممكن معترفين بقاعده (ليدز فرست )..

ومهتمين بحكايه الاتكيت والشباب غلبان ليهم ربنا ...........


بجد حته موضوع تووووووووحفه....

واحلى حاجه .خبطه الوش في الشباك مش ممكن......هههه

ودي وخالص تقديري........

[دقات قلب]

هههههههههههههههههههههههههه

شكرا ع الموضوع يا اسيييييييييييير

[شاعر واسير الحب]

اقتباسالمشاركة الأصلية كتبت بواسطة عزہ النفس رمز لسمو ذاتےههههههههههههههههههههههههه
الف شكر

ايه مافيش اي رد غير هههههههههههههههههههههههه

[شاعر واسير الحب]

اقتباسالمشاركة الأصلية كتبت بواسطة مهارات الحياةهههه

الحمدلله ما عندناش ميكرو
الف شكر لمرورك الكريم
والمقصود بالميكروباص اي سيارة

اشكرك

[شاعر واسير الحب]

اقتباسالمشاركة الأصلية كتبت بواسطة فنانه باسلوبيهههههههههههههههههههههههه

سوري يعني ممكن معترفين بقاعده (ليدز فرست )..

ومهتمين بحكايه الاتكيت والشباب غلبان ليهم ربنا ...........


بجد حته موضوع تووووووووحفه....

واحلى حاجه .خبطه الوش في الشباك مش ممكن......هههه

ودي وخالص تقديري........

اشكرك علي مرورك الدائم لموضوعاتي

واشكرك علي تقيييمك للموضوع فلك وودي وتقديري

[شاعر واسير الحب]

اقتباسالمشاركة الأصلية كتبت بواسطة دقات قلبهههههههههههههههههههههههههه

شكرا ع الموضوع يا اسيييييييييييير
اشكرك لمرورك بالموضوع ونورتي الصفحة

[رعب]

عادى فى الشغل زميلتك مش بتعمل حاجه اكتر من الرد على التليفون الصراحه بتتعب وانت قاعد مش بتعمل حاجه عمال تعمل شيكات وتتدخل قيود ومش شايف ادامك ودماغك هتنفجر
وطبعا هى يعينى تعبانه من الرد على التليفونات فلازم تاخد اكتر منك 0000انتو هتظلمو البنات ليه000000000رعب