وحـيـاة ابـوكـ يـا خـلـف تـرفـع راسـي لـفـوق

yara5 · منذ /08-04-2010, 09:21 PM

اعتقد ان كلنا عارفين الجمله دي

" وحياة ابوك يا خلف ترفع راسي لفوق "

بتاعت فيلم "صعيدي في الجامعه الامريكيه"

لما خلف كان رايح الجامعه الامريكيه
وابوه بيوصيه
انه يرفع راسه

ازاي؟

*انه يذاكر كويس ويجتهد ويتفوق
علشان والده يفتخر بيه

*يكون سلوكه كويس علشان
الناس تدعي لوالده الي عمرهم ماشفوه

"بس هايدعوله لانه ربي ابنه كويس"

* بيوصيه ماينساش عاداته وتقاليده وهو رايح لدنيا تانية وناس تانية

* بيوصيه يفتكر والده دايما فى اى موقف يتعرضله ويحسن التصرف
علشان يرفع راس ابوه لفوق

واهم حاجه انه يفتخر بوالده
ويعترف بفضله عليه

العجيب بقي

ان في ناس في زمانا ده بتستعر من اهاليها

لانهم مثلا فقره...
مش متعلمين...
فلاحين...
مش بيتكلموا انجليزي.......الخ

سبحان الله فعلا
مهو هو نفسه الي مش متعلم ده

هو الي صرف عليك وكبرك وخالي ليك شان بين الناس

الفقير ده
هو الي بخل علي نفسه علشان خاطرك

الفلاح ده
هو الي فضلك علي نفسك واستحمل حاجات كتير علشان يشوفك حاجه كبيره

علمك عشان تقدر الي عمله علشانك

تقوم انت اول ماتشم نفسك

تستعر منه

بجد شانك غريب

انت عارف ان والدك ده عظيم جداااا
اه والله.....مع انه فقير او مش متعلم
وانت نفسك دليل علي عظمته دي
العظمه ليست بالغني او بالمنصب
لكنها بالفعل
وقد فعل الكثير................
عارف انك لو استعريت منه
مع انك متعلم.....وهو جاهل

مع انك "دكتور او مهندس" ......... وهو فلاح
بتتكلم سبع لغات.......وهو بيتكلم العاميه

فانت الي عار عليه :Sport-086::Sport-086:
وعلي فكرة لو رجعنا للمقوله الي بدانا بيها

"وحيات ابوك ياخلف ترفع راسي لفوق"

لو صححناها هتبقي

" علي فكرة ياخلف انا رفعت راسك فوق انتي بقي هاتعمل ايه"

بالنسبه لخلف اعتقد انه رفع راس ابوه لفوق
وافتخر بيه قدام الناس كلها

ياتري احنا هانعمل ايه؟؟؟

رووكه · منذ /08-04-2010, 09:55 PM

تعرفى اسلوبك جميل قوى وفكره حلوه وخصوصا جاى فى وقت كتر فيه اعاقه الاب والام
والمفروض علينا اننا نبوس ايديهم على المكانه اللى وصلنا ليها
ربنا يهدى ويلطف بينا للاسف مش يعرفو انه كما تدين تدان يعنى اللى بيعمله معاهم ابنه او بنته هتعمل نفس الشئ فيه

تسلمى يا قمر ع موضوعك اللى محتاج نقاش فعال

محمد الشريف · منذ /08-05-2010, 01:22 AM

عرض هذا الموضوع المنقول يخالف قوانين قسم النقاش

رجاء الاطلاع على الرابط :

http://forums.msryat.org/showthread.php?t=157628

ومراعاة الالتزام بما ورد بقوانين القسم .

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عاشق راشـد الماجد يـوم مات‏	راما السعوديه	مواضيع عامة - ثقافة عامة	10	03-18-2011 12:25 PM
عاشق راشـد الماجد يـوم مات‏	راما السعوديه	قصص - روايات - حكايات ...منقولة	2	03-14-2011 05:48 AM
+_+( خـلـف سـتائـر الـنـسـيان )+_+	أنــســان	قسم الخواطر - وهمس القوافى حصرى بقلم الأعضاء	12	11-05-2010 11:49 AM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

وحـيـاة ابـوكـ يـا خـلـف تـرفـع راسـي لـفـوق

قسم مناقشة المواضيع المتداوله والمنقوله