الحلقه الاولى ****سؤال مسئول *******

[ماتركس]

السلام عليكم يا استاذ عصام
اولا منورنا يا غالي بجد والله
ثانيا انا عندي سؤال
انتا ليه متغير من نحيتي يا استاذ عصام لو كنت زعلتك في حاجه عاتبني

اه ومرضيتش تفتح عليا ليه لما اتصلت عليك علي الموبايل

منتظر ردك

[رووكه]

اقتباس بجد وكلام بينى وبينك خش فى الموضوع خلصنى من روكة وأنا هجاوب على كل أسئلتك ههههههههههههههههههههه الرحمة حلوة

الله الله انت عاوز سيد يرحمك منى ماشى انت اللى جبته لى نفسك هههههههههههههه

ديه اسئله بسيطه قوى يعنى مش محتاجه ولا عندك رائى تانى

فكر على منزل باقى الاسئله

[رووكه]

استحملنى اسلوبك يشد اكتر فى اننا نعرفك اكتر والكل عاوز يعرفك عن قرب



مين اهم واقرب شخصيه ليك تتمنى انك تشوفها او تشوفه دلوقتى؟؟؟؟؟؟؟


اييه اكتر حاجه ممكن تعصبك ومش تقدر تمسك اعصابك فيها؟؟؟؟؟؟


نزلت مصر ولا مستقر هناك؟؟؟؟؟؟


غلط مره ومقدرتش تصلح الغلط ده ؟؟؟


غضبت وزعلت من حد ياترى بتتصرف ازى ؟؟؟؟


اييه رائيك بصراحه فى جيل الايام دييه؟؟؟؟؟؟؟


البنات شر ولا خير وبصراحه يكون الرد؟؟؟؟؟؟؟؟


هل ترى من وجهه نظرك ان الشاب مظلوم من البنت ؟؟؟؟؟؟؟؟؟؟؟؟؟


اصعب وقت حسيت فيه بالظلوم واتصرفت ازى؟؟؟

ظلمت شخص قبل كده؟

الدنيا شيفها ازى ؟

قلبك دق كام مره ؟؟ وياترى انهى مره اللى علمت جواك ؟؟

الخطوه اللى ناوى عليها وبتفكر فى تنفذها ؟؟؟


اييه رائيك فى فكره الفرح يوم متفكر تكمل نصف دينك هتعمل فرح وتفرح ولا لا؟؟ وليه؟؟


عملت لى اخرتك ومستعد انك تقابل ربنا ؟

فقدت شئ ومش عارف تعوضه ؟؟


اصعب جرح مريت بيه ؟؟؟

[(طائر الشرق)]

اقتباس المشاركة الأصلية كتبت بواسطة ماتركس السلام عليكم يا استاذ عصام اولا منورنا يا غالي بجد والله ثانيا انا عندي سؤال انتا ليه متغير من نحيتي يا استاذ عصام لو كنت زعلتك في حاجه عاتبني اه ومرضيتش تفتح عليا ليه لما اتصلت عليك علي الموبايل منتظر ردك

السلام عليكم ورحمة الله

اخبارك أية يا احمد باشا

يارب تكون بخير وصحة وسعادة

وقبل الكلام كل سنة وانت طيب ورمضان كريم

وبعد كدة ربنا يخليك على كلامك الجميل ودة مش جديد عليك

وبعدين با احمد أنا مش ممكن اتغير من نحيتك أو من ناحية اى حد لان اللى بيربطنى بالناس

الاحترام والتقدير يبقى أزعل منك لية مش معنى انى بعيد أو مردتيش على اتصالك انى زعلان

لاكن ممكن تكون ظروف منعتى محبش انى أشغلك بيها لان كل انسان عندة اللى مكفية وزيادة

صح الكلام المهم انت اخبارك اية وامور يارب تكون تمام

كل سنة وانت طيب يا احمد

تقديرى وكامل احترامى

عصام

[ماتركس]

اقتباسالمشاركة الأصلية كتبت بواسطة طائر الشرق

السلام عليكم ورحمة الله

اخبارك أية يا احمد باشا

يارب تكون بخير وصحة وسعادة

وقبل الكلام كل سنة وانت طيب ورمضان كريم

وبعد كدة ربنا يخليك على كلامك الجميل ودة مش جديد عليك

وبعدين با احمد أنا مش ممكن اتغير من نحيتك أو من ناحية اى حد لان اللى بيربطنى بالناس

الاحترام والتقدير يبقى أزعل منك لية مش معنى انى بعيد أو مردتيش على اتصالك انى زعلان

لاكن ممكن تكون ظروف منعتى محبش انى أشغلك بيها لان كل انسان عندة اللى مكفية وزيادة

صح الكلام المهم انت اخبارك اية وامور يارب تكون تمام

كل سنة وانت طيب يا احمد

تقديرى وكامل احترامى

عصام

السلام عليكم يا استاذنا انا بعتب عليك علشان
انتا عارف معزتك عندي قد ايه
وبحبك قد ايه
ورمضان عليك وعلي اسرتك الكريمه
انتا مش ناوي تروح تقضي رمضان في مصر والا ايه مع اولادك الصغيرين والا ايه
خدها مني نصيحه يا استاذ عصام والله العظيم اليوم معاهم بالدنيا كلها
ونفسي اكلمك بكرا هكلمك يا حبيبي ورمضان كريم

[(طائر الشرق)]

اقتباس المشاركة الأصلية كتبت بواسطة روكه2 استحملنى اسلوبك يشد اكتر فى اننا نعرفك اكتر والكل عاوز يعرفك عن قرب ألامر لله هستحمل لاكن لأمتى مين اهم واقرب شخصيه ليك تتمنى انك تشوفها او تشوفه دلوقتى؟؟؟؟؟؟؟ بصراحة أمى الله يرحمها اييه اكتر حاجه ممكن تعصبك ومش تقدر تمسك اعصابك فيها؟؟؟؟؟؟ لما يكون فية أنسان غبى فى مكان مش مكانة ويتكلم على انة فاهم وينصح الناس وهو مش عارف حاجة نزلت مصر ولا مستقر هناك؟؟؟؟؟؟ فية حد ممكن يتخلى عن حبيبتة ويبعد عنها فترة كبيرة انا فى الغربة 11 شهر وفى مصر شهر كل سنة غلط مره ومقدرتش تصلح الغلط ده ؟؟؟ لا أنا عمرى ما كنت مكابر او مغرور وكلمة اعتزار ممكن تداوى جرح وتطيب نفس لاننا مش هنخسر شيئ بالعكس ممكن تكون سبب فى أننا نكبر فى عيون الناس والكمال لله ومفيش حد معصوم من الغلط غضبت وزعلت من حد ياترى بتتصرف ازى ؟؟؟؟ البعد حتى يعم المكان الهدوء ثم العودة للعتاب والوصول للحقيقة ان كنت على حق لن أترك حقى وأن كنت مخطئ أبادر بالاعتزار اييه رائيك بصراحه فى جيل الايام دييه؟؟؟؟؟؟؟ رأى ممكن يزعل ناس كتير منى لاكن أنا متعود اقول الحق لو كان مر وكلامى لا ينطبق على الجميع ولاكن على الاغلبية ميعرفوش شيئ عن ربنا ولا عن الرجل الذى بعث فيهم أكثر مما يعرفون عن الغرب ورجالهم أفتقدو لأشياء كثير لا يعلمو عنها شيئ ولن أحملهم المسئولية كاملة ولاكن لان الاهل لهم دور كبير فى فقدانهم للكثير من المعانى ولاكن هم جيل يبحث عن كل ما هو سهل يحلمون بالمجد دون عناء أو تعب البنات شر ولا خير وبصراحه يكون الرد؟؟؟؟؟؟؟؟ يعنى ربنا سبحانة وتعالى قال ولهم الذكر ولى الانثى والرسول الكريم كانت حبيبتة الزهراء فمن أين يأتى الشر وربنا عز وجل وضع مفتاح الجنة تحت أقدام الامهات فهل بعد ذالك خير هل ترى من وجهه نظرك ان الشاب مظلوم من البنت ؟؟؟؟؟؟؟؟؟؟؟؟؟ واللهى يا روكة المشكلة فين أن مفيش حد راضى بحالة ومفيش حد مقتنع بدورة فى الحياة لا البنت راضية ولا الولد راضى طيب نعمل أية كمان المطالبة بالمساواة وحقوق الانسان والمرآة والحرية وحجات كتير دمرت حيتنا وخربت العقول اصعب وقت حسيت فيه بالظلوم واتصرفت ازى؟؟؟ اصعب وقت حسيت فية بالظلم لما أضربت علقة سخنة مليش زنب فيها ومكنش عندى وقت اتصرف كنت شايف كل اللوان الطيف وصاحب المصيبة عمل راجل وخلع وأنا مفيش فرصة أقول الرحمة الكل بيضرب ظلمت شخص قبل كده؟ مفيش حد كامل الكمال لله وكلنا بشر ربما نصيب وربما نخطئ لاكن ظلم عن عمد لا أظن الدنيا شيفها ازى ؟ بالنهار منورة وبالليل ضلمة قلبك دق كام مره ؟؟ وياترى انهى مره اللى علمت جواك ؟؟ واللهى قلبى دق من الخوف وأنا فى الجيش كنت عسكرى وكنت ماسك خدمة فى مكان مليان عفاريت قلبى قلبى مبطلش دق من الصعب فى الزمن دة ميكنش فية حد قلبة سليم لاكن ممكن يكون فية ناس أحلامهم كنت بعيد الحب أو الظروف مدتهمش فرصة انهم يحبو أو يقربو من حد فهمتى شيئ من كلامى الخطوه اللى ناوى عليها وبتفكر فى تنفذها ؟؟؟ أنى اخلع منك بأى طريقة اييه رائيك فى فكره الفرح يوم متفكر تكمل نصف دينك هتعمل فرح وتفرح ولا لا؟؟ وليه؟؟ يعنى بعد الصبر دة وكمان مفيش فرح والهى دة أبسط حق من حقوق الانسانة اللى هرتبط بيها لانى محبش الدكتاتورية والقرار من طرف واحد مع أن كل حاجة فى أيد الستات لاكن لازم نتفق ان قدام الناس الكلمة كلمتى لاكن لما نروح البيت اكيد الكلمة كلمت مراتى هع هع هع هع عملت لى اخرتك ومستعد انك تقابل ربنا ؟ يعنى الرسول الكريم صلى الله علية وسلم قال لو كانت أحدى قدماى فى الجنة لم أمن مكر الله وكان يبكى ويتضرع الى الله أن يرحمة فمن أكون أنا حتى أقول أننى فعلت شيئ لأخرتى أن لم يتغمدنى الله برحمة فأنا من الخاسرين فقدت شئ ومش عارف تعوضه ؟؟ أكيد فية حد فى الدنيا ممكن يعوض مكان الاب والام أكيد لا اصعب جرح مريت بيه ؟؟؟

كنت ماسك السكينة وبخرط بصل وعورت نفسى هع هع هع هع أنسان عزيز مات على يدى

ربنا سهل ولا لسة

[رووكه]

فين الاسئله ياااااااااا بشر

ههههههه عاوز يخلص من الحلقه انتو فين قبل ميهرب من التوبيك

[رووكه]

حمدلله على سلامتك ومنور التوبيك

اولا كل سنه وانت طيب ويارب يعوده عليك بالخير يااااااارب

نرجع للاسئله هستنى الرد اوكى

[(طائر الشرق)]

روكة

السلام عليكم

وكل سنة وانتى طيبة

ورمضان كريم

أعملى حسابك مرتبى اخر الشهر من حضرتك

وكمان فية أوفر تايم وبدل انتظار يعنى خسرانة خسرانة

وأنا اللى هخليكى تخلصى الحلقة بدرى

ماشى ياروكة

هع هع هع هع هع

جهزى نفسك

تقديرى وكامل احترامى

عصام

[رووكه]

ممممممممم نسال عن رمضان

بما انه خلاص ساعات ونبتدى اول ايام الخير نقول ؟؟

رمضان اييه بالنسبه ليك ؟؟

وانت صغير كنت بتقضى رمضان ازى كنت بتصوم ولا كان صيامك لحد الضهر هههههههههه؟؟

اول فانوس شلته كان شكله اييه ؟؟ ومين اللى جابه ليك؟؟

كنت بتخرج الشارع وتلعب ومع اصحابك ؟ ولا بتفضل انك تكون مع اهلك؟؟

احلى اكله بتفتقدها لما سافرت كنت بتفطر بيها فى رمضان؟؟؟


انهى اغنيه بتشدك قوى فى رمضان هما حوالى 5؟؟ وحوى يا وحوى

*رمضان جانا* اهو جيه ياولاد (انا بحبها قوى نكمل ) مرحب

شهر الصوم * الراجل ده هيجننى ههههههههه ؟؟؟؟؟


مممم ايه اللى بيحسسك برمضان ؟؟؟

مش عارفه هفكر فى اسئله تانيه واجى