اتفرج علي تمثيل البنات ياريس بتاع البنات ....؟

[ماتركس]

ممكن اصارحك بحاجة عايزة اقولك عليها من ساعة اول معرفتك ؟ طبعا الشاب! هيقولها اتفضلى قولى تقوم هيا قايلة انا من ساعة معرفتك
ليل ونهار عاملة افكر فيك وكل مسمع صوتك بحس انى فى عالم تانى وانا بصراحة كده "وبكل بجاحة" انا معجبة بيك اوى وبحبك وطبعا
الشاب فى الحالة دى وفى الزمن اللى احنا فيه ده مش هيتردد لحظة واحدة انه يقولها وانا كمان هو ممكن ميكونش متعلق بيها اوى او بيحبها
اساسا بس واحدة جاهزة يا معلم وبتقولك انا بحبك هيبقى رد فعلك ايه مثلا هتقولها استنى اخد رأى اهلى الاول لأ طبعا فرصة جتلك على
طبق من ذهب ومتترفضش . المهم لو الشاب هو اللى قال الكلمة دى و لبنت اقرب واسهل واسرع رد هتقوله احنا اخوات ومش بفكر
الحاجات دى دلوقتى والحوارات اللى كلنا عارفناها وطبعا بعد لما البنت قالت للشاب
الكلمتين بتوع معجبة وبحبك وقع هو كمان بخيبته طبعا
هيقع فى الفخ ده وطبعا البنت شايفه انه ولد لذيذ ودمه خفيف وستايل وكل بنت وذوقها وحابة
انها تشوف اللى قدامها ده نظامه ايه.
طبعا بعد كل ده الشاب لازم يتعلق بالبنت ويتشد اليها يوم ورا يوم وبعد لما كانت بتتصل بيه
وتبعتله مسجات ومتقدرش تنام الا على صوته
والحوارات دى اللى نصكم عارفها البنت بقيت تنفض وتنطش الشاب وطبعا هو منتظر
مكالمة قبل النوم ولا رنة حتى طب مسج ((كلمنى
وشكرا اللى هو ببلاش حتى)) مفيش الكلام ده خالص وبعد لما يأس انها هتتصل بيه يتصل
بيها هو ياما تكنسل او متردش او ترد وتقوله
نتكلم بعدين وطبعا الشاب هيتصدم بكل ده بعد لما كانت بتحبه وتموت فيه ومش قادرة على
بعده.
طب ايه اللى حصل لكل ده عشان تعمل كده فى الشاب اللى عملته ده!!
وانها كنت عبارة عن تمثيلية والحلقة الاخيرة بتاعتها كانت الكنسلة والتنفيض او انها لقت
ضحية تانى ابتدت معاه الحوار من الاول بتاع
عايزة اصارحك بحاجة ومعجبة وبحبك والكلام ده الافلام العربى الهابطة بتاعتنا ده وطبعا بعد لما الشاب وقع وحبها حب حقيقى مش
هاممها جرحه اهم حاجة عندها انا انها فرغت شحنة التمثيل والحب اللى عندها فى الشاب وربنا مع الشاب بقى وتنتهى بجملة مش عايزة
اظلمك معايا انتا 100 بنت تتمناك بس خلينا اخوات احسن وكل واحد يروح لحاله الشاب بجرحه وهيا بفرحتها انها تخلصت منه خلاص .
تيجى تقع فى شاب تانى وتعمل عليه حبتين الهسوكة بتاعت البنات دى وهو اساسا نفس نوعيتها وبيعمل التمثيليات دى مع بنات تانية وهنا
يمشى عليهم المثل بتاع مبروم على مبروم ميلفش بس شكله مع الشاب ده هيلف وهيلف حوالين رقبتها هيا وتعدى الايام وتمر اللياللى
وبعد لما الشاب كان شغال حب ودبايب وخروجات فى كل مكان ومرة واحدة خلاص شبع منها او زهق زى متيجى على دماغ كل شخص
بقى .المهم تتصل بيه يقولها انا حاسس انى هظلمك معايا وخلينا اخوات احسن وانتى شباب كتير يتمنوكى وكلام الهجس اللى بيتقال فى كل
حوار فركشة زى ده وربنا قادر على كل شىء وزى مضحكت على ناس ربنا بعتلها اللى
ضحك عليها وكسر قلبها
والله مش عارفين نعملكم ايه يامعشر البنات
ده احنا ملايكه ليه بتعملو فينا كده
اهي اهي اهي

[~♥ Queen sozan♥~]

السلام عليكم ورحمة الله وبركاته

تصدق والله صدقت ان انتو ملايكة

بس مش كل البنات زى بعض ولا الشباب زى بعض

وعلى العموم هو فى فعلا بنات وشباب كدة
لا من رحم ربى

شكرا على موضوعك

[بـقـآيـآ ح ــڻيـڻ დ]

السلام عليكم يا ماتركس

اولا الناس كلها مش كويسهـ

وزى ما فى بنات كدا

فى ولاد اكتر من كدا بكتير

وفى بنات بتصدقهم بسرعة

الولاد بيكونوا عاوزين حاجة معينة

وبعد كدا خلاص ممكن تضيع مستقبلها

يعنى مثلا يشوف صورها وينشرها ع النت

اظن ان البنت عمرها ما تعمل كدا

والولد عندهـ عقل انهـ يفكر بيهـ

مش اى بنت تقوله بحبك يصدقها

وربنا يهدى الجميع

شكرا ع التوبيكـ

[منايا الجنة]

هههههههههههههه
اه مااحنا عارفين انكوا ملايكة بتمشي على الارض
:Sport-114:

صدق من قال ( كما تدين تدان ) و ( يوم ليك ويوم عليك )

وبعدين البنت اللى تقبل على نفسها حاجة زى كده بيبقى بمزاجها
وبالنسبه للشباب اظن مبقاش فيه حد اهبل دلوقتى للدرجة دى
يعنى اى واحدة تقول اى كلمة يصدقها على طول !!!!!

تسلم على التوبيك استاذ احمد
مع أجمل تحية معتادة

[د/كاتو]

دى البنت خجولة ومصدقش ان فى بنت تعمل كدا دى ثلاث اربع شباب البلد هما الى بيلفوا ويدورو على البنات وبحبك وكلام فاضى من دة ومتقبليش عريس غيرى انا لسة بكون نفسى واخر ما ابو البت يزهق يجوزها للمعلم دسوقى بتاع القهوى والواد يلومها ويقولها انا الى ليل نهار بفكر فى مستقبلنا شوفوا المسكنة وهوة جواة بيقول الحمد لله هه وبعدين ننزل بالتتر

[Tefa Salem]

شكرا على الموضوع موضوع حلو

[فرحة]

هههههههههههههههههههههههه
ملايكه ع الارض... فعلا امال احنا ايه؟؟ ده احنا نسمة هوا
بس فعلا ياماتركس الواحد شاف الحاجات ديه كتيييييير ..
بس ع فكره معظم الشباب بيكونو بيهظرو مش وخدين الحكايه جد
فيستهلوووو اللى بيجرلهم ..ولو بنت عملت كده اااااكيد هتلاقى اللى هيردلها
الالم ده.. ثانكس ع التوبيك

[Silver Flower]

ماشي على الموضوع
يا احمد

[شاعر واسير الحب]

موضوع جميل ومش هرد لحسن يقولوا عملين تحالف
بس يله احنا لسة طالعين من شهر كريم استر يا ستار علي بناتنا

اشكرك احمد علي الموضوع

[ليالى2010]

ميرسى على موضوعك ياعم ماتركس
ههههههههههه