أحلام مجنونة دوخينى يا لمونة

[(طائر الشرق)]

بسم الله الرحمن الرحيم



السلام عليكم ورحمة الله



تحية تحمل معها الزهور تفوح منها العطور تستحقها قلوبكم



كلامى هقولى بسرعة ومش هطول عليكم وبدون مقدمات ولا حتى سلامات



لية الحلم جوانا بسرعة بيموت وبنحب نعشق العيشة بين الاحزان والهموم وبنصاحب السكوت



بجد الحلم أكبر مننا ولا أحنا متعرفناش على نفسنا ودة سبب اننا بننصدم ونخش فى أزمات



ونلاقى نفسنا فى طريق كل خطوة فية فيها ألاف المطبات ونلاقى دنيا كلها غش وكدب ومؤامرات



هو العيب فين فى نفسنا ولا فى الناس ولا فى الدنيا ونفوس البشر بينها وبين بعض مسافات



العقول اصبحت فارغة زى الكسات مفهاش غير وهم والكل شاغل نفسة بالحب والرومانسيات



خلى السقف مناسب أبنى نفسك الاول وأطلع سلم المجد بحماس واعتبر طريق النجاح جملة رحلات



تحس فيها بقيمة نفسك تبنى بيت فية العزة فية فارس جاد شريف مكافح تتمناة أميرة الاميرات



قبل متحلم الحلم شوف مين اللى بيحلم أنسان طموح ممكن يحقق الحلم ولا كل دى أشاعات



واللهى عيشتك على الدنيا بدون ميكون لك قيمة عظيمة تساعد بيها نفسك عد نفسك من الاموات



وسيبك بقى من كلمة البلد والحكومة لان كتر الكلام بيعشقة أنسان فاضى عمل قاضى بتاع شعرات



بنحلم بفيلا وسيارة وعروسة زى بتوع السيما كلها زينة ومدهونة فرفوشة وشعنونة كلها بوهارات



منين هتجيب كل دة بالاحلام والتمنى ولا هتشغتل حرامى مع كامل احترامى وتاجر بالمخدرات



شاب عايش حياتة نت ومقضيها مكالمات وجرى ورا البنات ونايم طول النهار قوم يا عم سلامات



متكلمتش مع نفسك يوم وسألت نفسك منين وفى مين بتاكل ومين بيجيب اللبس والهى دة للبنات



البنت الوحيدة وصاحبة الحق فى أنها تجلس تتعلم تاكل وتشرب وتلبس وتدلع اصلها ست الستات



وشاب عاجز مريض دخلتة الدنيا فى فى الهموم بأمر من ربنا أو بغلطة أب بيعشق المتاهات



لاكن أنت ياصحيح يا قوى ياللى بتمشى فى الشارع شايف نفسك على الاخر وفارد لناس العضلات



عملى فيها عنتر بطولك فكر مرة ودور فى جيوبك وانت بينك وبين الجاح والاحترام مسافات



هفضل أوجع فى دماغى ودماغ الناس وعارف أن هيحصل بينى وبين الشباب مشاكل وأزمات



لكل انسان رائع مكافح بيعشق النجاح بيعش اسبات الزات له منى كل التقدير والاحترامات



ارق أمنياتى لجميع بالسعادة



بقلمى



طائر الشرق



عصام

[عاشقة الهدوء]

السلام عليكم ورحمة الله وبركاتو

مش عارفه ارد اقول ايه ياخى على كلامك الجميل الواقعى الى فعلا ماشى دلوقتى وبيحصل

واحنا مش قادرين حتى اننا نتغير ونصفى قلوبنا ونفوسنا لله عز وجل والى هيمشى

كده بكل ضمير ويمشى جدع كده وراجل والبنت كمان هنقول كده على الدنيا السلام والامان

ويارب ربنا يهدينا الى ما فيه الصالح لنا وربنا يتولانا برحمته اللهم امين وتسلم اخى

[ماتركس]

السلام عليكم ورحمه الله وبركاته
طائر الشرق الاستاذ عصام
بجد والله كلامك مش عارف اعلق عليه من قمه جماله
ووقعيته انتا جبت المفيد يا استاذ عصام
عارف يا استاذ عصام الناس هتفضل في التدهور ده
لغايه لما تصفي قلوبها من الحقد والكره والحسد اللي جواها
لو القلوب والنيات سليمه
هتلاقي الحب والسعاده والخير عم علي الجميع
لكن القلوب مش صافيه
بجد كلامك جميل يا استاذ عصام
ومنتحرمش منك يارب ابدااا

[(طائر الشرق)]

اقتباس المشاركة الأصلية كتبت بواسطة عاشقة الهدوء السلام عليكم ورحمة الله وبركاتو مش عارفه ارد اقول ايه ياخى على كلامك الجميل الواقعى الى فعلا ماشى دلوقتى وبيحصل واحنا مش قادرين حتى اننا نتغير ونصفى قلوبنا ونفوسنا لله عز وجل والى هيمشى كده بكل ضمير ويمشى جدع كده وراجل والبنت كمان هنقول كده على الدنيا السلام والامان ويارب ربنا يهدينا الى ما فيه الصالح لنا وربنا يتولانا برحمته اللهم امين وتسلم اخى

عاشقة الهدوء

السلام عليكم ورحمة الله

تحية رقيقة انيقة تستحقها نفسك

على كلماتك الجميلة الرائعة وعلى مرورك الانيق

هو ده حال الكثير من رجال الامة العربية العقول اتشالت واتحط مكانها شوية خزعبلات

من نزوات ورغبات وأهواء شيطانية

تقديرى وكامل احترامى

طائر الشرق

عصام

[(طائر الشرق)]

اقتباس المشاركة الأصلية كتبت بواسطة ماتركس السلام عليكم ورحمه الله وبركاته طائر الشرق الاستاذ عصام بجد والله كلامك مش عارف اعلق عليه من قمه جماله ووقعيته انتا جبت المفيد يا استاذ عصام عارف يا استاذ عصام الناس هتفضل في التدهور ده لغايه لما تصفي قلوبها من الحقد والكره والحسد اللي جواها لو القلوب والنيات سليمه هتلاقي الحب والسعاده والخير عم علي الجميع لكن القلوب مش صافيه بجد كلامك جميل يا استاذ عصام ومنتحرمش منك يارب ابدااا

السلام عليكم ورحمة الله

أبو حميد

اخبار يا باشا

كل سنة وانت طيب

اخبار أية وامور يارب تكون تمام

نعمل اية فى الناس يا عم احمد نصلح واحد نلاقى الف واحد ماشى بالمقلوب

أدعى معى ان الناس تفوق من الوهم وربنا يهدى الجميع

نورت يا احمد

وتقديرى وخالص احترامى

عصام

[~♥ Queen sozan♥~]

السلام عليكم ورحمة الله وبركاته
استاذ عصام احيك على قلمك المميز
وعلى طرحك لى الامور فى الواقع واحنا عيشينو
هو دة فعلا لكن حصرتك طرحتو با اسلوب مميز
وياريت الشباب تتحرق للى الامام ولى الافضل
مش مستنيين التعين لى مش هيجى

احيك على قلمك المميز

تحياتى
همس الجراح

[FarEdah]

بجد الحلم أكبر مننا ولا أحنا متعرفناش على نفسنا ودة سبب اننا بننصدم ونخش فى أزمات



ونلاقى نفسنا فى طريق كل خطوة فية فيها ألاف المطبات ونلاقى دنيا كلها غش وكدب ومؤامرات

/

احنا شعب مبيعرفش يحلم ولا يعرف هدفو من الحلم ولا اصلا ليه يحلم احنا شعوب اتكالية لا جدوى منها الا من رحم ربي

احنا تايهين الطريق حتى لو واضح بنتعمي عنو وندور ع طرق اكتر توهان

المشكلة فينا مش في الناس ولا في الدنيا
المشكلة في تفكيرنا وعقولنا وزمنا الي مبيسعفش النايمين
/

احيك ع انتقاء كلماتك ومعانيها معبرة اوي