كان عندنا كتكووت وكبر ؟!

[بـقـآيـآ ح ــڻيـڻ დ]

السلام عليكم ورحمة الله وبركااتهـ

عين الحسود فيها عوود

كان عندنا كتكووت وكبر

اتنين وتلاتة يبقوا خمسة

كل دى واكتر من كدا مقولات بتتقال

علشان تحمى من العين

وعلى رأى المثل العين فلقت الحجر

ناس كتير جدا بتعتقد فى الحسد

هو اى نعم مذكور بالقرآن والسحر والاعمال والحاجات دى كلها

بس يا ترى الحسد ممكن يوصل لمرض خطير

يعنى امثلة لكدا من حاجات فى حياتى

كان عندنا واحدة ست جارتنا مدرسة

كانت كويسة وزى الفل

وفجأة تعبت تعب جامد

الشارع كلهـ يقول دى من ساعة ما بقت تدى دروس خصووصية

ودا كله حصلها ؟؟

واحدة تانية بتشتغل مع دكتور اسنان

جالها فيرس c

يقولوا من ساعة ما جوزها اخد المكافأة وجوز عيالهـ

والست خدت عين يا ولاد

طب يا جماعة ما تفكروا شوية

الفيرس دا بيتنقل عن طريق الدم

ودى ادوات اسنان يعنى طبيعى يتنقلها من اى حد

ليهـ اى حاجة تحصلنا

نعلقها ع كلمة الحسد

طالب ثانوية عامة جاب مجموع كبير فى 2

ونزل فى 3

يقولوا الواد خد عين

طيب هو مذاكرش وفرح بمجموعهـ

عاوزة اعرف رأيكم فى الحكاية دى

ياترى الحسد ممكن يسبب دا كلهـ

وهل انتوا مؤمنين بالحسد

حصلكوا قبل كدا موقف واهلك قالوا دا محسود

بس كداا

[αЛαstoOorα]

هى الشعبيات كلها كدة
بس تعرفى آن آحنا آخدنا ع الكلام دة
جوه مصر ناس كتير طيبة وغلابة
ولو تلحظى الكلام دة مبيطلعش غير من الناس الطيبة قوى
واللى على نيتها ..هو مش حسد هو آبتلاء من عند الله
ومفيش حد ربنا بيكتبله حاجة وحشة آو بيرميه فى الخطآ
بس ربنا عارف وكاتب اللى هيعمله اى حد واى حاجة بتحصل
بيبقى آبتلاء من عند الله ونحمد ربنا عليه لآن ربنا بيكافئ كل آنسان على قد عمله
ومفيش حاجة وحشة بتحصل لحد فينا الا وفيه قصدها حاجات كتير وزنوب كتير آرتكبناها
ولو مفيش حد فينا آرتكب زنوب وآعماله كلها كويسة فا دة بيبقى آمتحان من عند ربنا
وميمنعش آن الحسد موجود بس مش فى كل الآحوال وعموماً آى حد قريب من ربنا
بيهون عليه آبتلائه وبيكسر كل الكلام دة بكلام ربنا
الكلام دة كلام آهالينا ولو كل واحد فينا بص حوليه وجواه هيلاقى الطيابه فى آمه وآبوه وهما بيقولوا الكلام دة
مثال
قصة المدرس دة اتقال عليه كدة من ناس غلابة
بيدفعوا فلوس الدروس الخصوصيه دى بطلوع الروح
والعيال مفيش جديد زى ما هى فى آعتقادهم آن التآثير من المدرس
والفلوس اللى بياخدها دى خسارة فيه لآنهم تعبانين وبيدفعوها بطلوع الروح
لما يجى مدرس زى دة يتعب ..بيطلعوا غلهم فى اى كلام وهو من ساعة ما بقى بيدى دروس خصوصيه
وبتاع لآنهم شايفيين آنه ميستحقش الفلوس دى
لانهم ناس غلابة وطيبيين مش آكتر
معظم الآقاويل اللى قولتيها لو فكرتى فيها كويس هتلاقيها طالعه من جوه قلب ناس غلابه وطيبيين
وبزات كبار السن اللى هما من جيل آمهتنا وكدة
ودى وجهة نظرى شخصياً آكيد ممكن نختلف فيها والآختلاف لا يفسد للود قضية
مممم
معلش طولت

[Đ σ ρ e s τ]

بسم الله الرحمن الرحيم
حاجات تافهه يتناقلها الزمان من يومنا الحاضر
انا مش هقول غير ان ده كله خزعبلات ممكن الحسد يوصل على ان الانسان يفقد الشئ
اللي بيحبه لكن توصل لفايروس c دي خزعبلات كمان الناس هتتحسد على ايه في الزمن ده
ده احنا حيالله عايشين هههههههههههه
قولي الكلام ده لما كانوا عايشين في الجاهليه
صدقيني اللي بيقول الكلام ده بيخرف مع احترامي الشديد ليه




تحياتيـ ...

[حَرفُُ هجآءّ]

هههههههههههههههههههههههههه
ضحكتينى بس نسيتى حاجه

النهارده الخميس وصاحب بيتنا اسمه الحاج خميس
هههههههههههههههههههه
بصى هو الحسد مذكور
وفى ناس فعلا بتحسد بس غالبا اللى بيحسد ده حقد منه

وكتير مش بيقصد يحسد
وده فعلا بيحصل
بس انا مش مؤمنه بى واعلق كل حاجه عليه لا طبعا
والا ده اسمه تخلف
زى مانتى قولتى واحد جاب مجموع صغير ماله ده ومال الحسد

فى حاجات كده بترجع للرجعيه زى دى مثلا
اهم حاجه فى الموضوع هو الايمان بربنا
قل لن يصيبنا إلا ما كتب الله لنا

تسلمى ياحنون على الموضوع الجميل

[الأميرة منة]

هو الحسد موجود ومذكور فى القران
بس فعلا ممكن يبقى حصل حسد فعلا على حسب الموقف
وممكن يبقى قضاء وقدر
هى ملهاش غير حل واحد
اللى بيدعى ويذكر ربنا ويقرا قران
مش هيخاف من الحسد بئا

وميرسى ياحنون عالطرح المميز
بالتوفيق

[~♥ Queen sozan♥~]

السلام عليكم ورحمة الله وبركاته
لى بسمعها على طول
عين الحسود فيها عود
بس دة بيكون فى سبوع الاطفال ههههه
وكمان كتكوت وكبر دى
بس لو فكرنا شوية هنلقى ان الحسد دة مش اوى كدة
يعنى لى يحس انو محسود يقول المعوزتبن وخلصنا
عشان فى مين فى مصر هيتحسد وهيتحسد على اية اصلا
واى حاجة بتحصل لينا قدر لازم نعيشو
مش حسد وكلام فاضى

شكرا يا حنونة على موضوعك المميز

[sฝeet αηgeℓ]

جيتى في ملعبى يا بت ههههههه
هو اكيد الحسد موجود بس طبعا
مش اي حاجه هتحصلنا هنقول اتحسدنا
بس معظم الناس في مصر مشيه بالمنهج دا
واتفه الحجات بيسموها حسد
عالعموم الواحد بردوه يحصن نفسه وكدا
ويؤمن بقضاء الله وقدره ..
وسعتها مش هيفرق معاه لا حسد ولا نيله

[~®§§][][ سيد دندنة ][][§§®~]

بصى يا حنين من زمان الاذان

واحنا عرفين ان الحسد موجود

وطبعا كبير اوى مع الحياه

وكبر اكتر مع اختلاف العصور

والناس وتخريف السحر والشعوذة

بس تعرف ليه احنا كدا

علشان ناس عمرنا مش هنتحضار ابدأأأأ

وخدينا على ايام جدى وجدك وستى وساتك

ماشين لسه على ايام الهكسوس ويام العود الكبريت

اللى كان لسه مش طلع

وفى الاخر احب اقولك

الحسد ده طبع فى الانسان

طب اقولك على حاجة كنت

عند واحد صاحبى وسمعت امه

بتقوله ياواد

البس الفلانه الداخليه بشقلوب

ههههههههههههههههههه

طب والنبى ليه هيتحسد

ولا الفلانه نص نضيف ولا لا

بجد نفسى ننسنى التخريف بتاعت زمان ديه

انا معاك ان العين فلجت الحجر

بس لازم نتغير بقى نخلي العين

تفلاج بيت المره الجايه

هههههههههههههههه

[P R ! M O]

موضوع شيق وهاااااااام
اكيد اى حد بيؤمن بالحسد
بس الحسد درجااااااااات
ولو فكرين حكاية الرسول مع الحسن والحسين اول ما اتولدوا
لما الرسول وضع مكان الحسن والحسين حجر
وبعد كدة الحجر دة اتفلق من عين النااااس الى كانت موجودة

[دمعة مبتسمة]

هو الحسد موجود ما نقدر ننكره فقال الله تعالى ﴿وَإِنْ يَكَادُ الَّذِينَ كَفَرُوا لَيُزْلِقُونَكَ بِأَبْصَارِهِمْ لَمَّا سَمِعُوا الذِّكْرَ وَيَقُولُونَ إِنَّهُ لَمَجْنُونٌ ﴿51ٌ﴾ وَمَا هُوَ إِلَّا ذِكْرٌ لِلْعَالَمِينٌَ﴾ [القلم:51-52]
ومعنى كلمة ﴿لَيُزْلِقُونَكَ بِأَبْصَارِهِمٌْ﴾ :
أى ولقد كاد الكفار من شدة عدواتهم لك يامحمد أن يصرعوك بأعينهم ويهلكوك من قولهم نظر الى نظرا كاد يصرعنى " هذا التفسير فى صفوة التفاسير للدكتور محمد على الصابونى الاستاذ بكلية الشريعة والدراسات الاسلامية , مكة الكرمة , جامعة أم القرى وهذا التفسير مستمد من أوثق كتب التفسير وهى : الطبرى , الكشاف , القرطبى , ابن كثير , البحر المحيط , وغيرها "
وقال ابن كثير : وفي هذه الآية دليل على أن العين إصابتها وتأثيرها حق بأمر الله عز وجل

ومن الحديث
عن ابن عباس أنَّ النبي -صلى الله عليه وسلم- قال: (العين حق، ولو كان شيء سابق القَدَر لسبقته العين، وإذا استغسلتم فاغسلو). [مسلم حديث 2188]

فالحسد موجود واحنا مؤمنين به
لكن مش علشان احنا مؤمنين بالحسد يبقى نضعه فى كل شئ فى حياتنا وأى حاجة تحصلنا نقول ده حسد لا مش كل حاجة مش حلوه تحصلنا تبقى حسد
وفى الاول وفى الاخر ده بيبقى قدر والذى يقدره ربنا لنا هو اللى بيحصل
والحسد ده ممكن يكون سبب فى حدوث الشئ ليس أكثر

ومن ناحية أخرى
أن الحسد مش علاجه أننا نقول
عين الحسود فيها عوود
كان عندنا كتكووت وكبر
اتنين وتلاتة يبقوا خمسة
كل دى خرفات
ولكن علاجه التحصن بالقران وأذكار الصباح والمساء والمعوذتين

وهحكيلك موقف حصل لى عن الحسد
كنت فى الشهاة الثانوية وكنت نويه مذكرة بضمير علشان دى شهادة وكنت بذاكر بشدة وبضمير خالص وطبعا كان ممكن أى حد يشوفنى وانا بذاكر سواء جرنا او اى حد تانى
المهم كنت ماشية بطريقة ممتازة فى المذاكرة وبعدين
فجأة كده اتغيرت كرهت الكتب وبقيت كل ما امسك كتاب أبكى وأتضايق أنعس جداااااااااااااا
وفضلت على الحال ده كتير وقبل الامتحان باسبوع قلت لماما انا مش هدخل الامتحان وطبعا الدنيا اتقلبت ودخلت الامتحان اول يوم
وفى الامتحان نسيت كل حاجة على الرغم ان كل المواضيع اللى جات فى الامتحان كنت مذكراه
لدرجة كان فى سؤال رجعته ليلة الامتحان وما افتكرتش فى كلمة وحدة وماحليتش غير سؤال واحد
رجعت البيت وقلتله مش هكمل امتحان وصممت على كده وفعلا ما كملتش الامتحان وسبت السنة كلها وعدتها من الاول
كله بقى قال ده أكيد حسد وأكيد جارتكم اللى حسدتك لدرجة اعتقد انه كان حسد فعلا
والله اعلم ممكن يكون حسد وومكن يكون حالتى النفسية ما كانت مؤهلة للامتحان
لكن الموضوع ده مؤثر فيه لغاية دلوقتى

واسفة على الاطالة
ومشكوووووووووووووووووووووورة يا هدوء القمر على موضوع الجميل