حصرياً .... هنا مكتبة (( بنات مصر)) للجميع الكتب

[يوكي]

السلام عليكم ورحمة الله وبركاته
انا عندي مجموعه كبيره جدا من الكتب على الكمبيوتر لكبار الكتاب انيس منصور
محفوظ
العقاد
هيكل
وتراجم
وكتاب كتير اوي مشهورين
اللي عايز اي كتاب يقولي وانا ان شاء الله اجيبهوله
ويارب افيدكم

[قلم بلا حبر]

مشكوره جدا على مجهودك

وعندى ليكى اقتراح لو ممكن تاخدى بيه

انتى ممكن تراسلى حد من الاداره ان اسم الموضوع يتغير الى مكتبة بنات مصر مثلا

ويثبته وانتى تنزلى فيه الكتب اللى عندك فى شكل ردود وتتكلمى عن كل كتاب فى ردك

وبكده تكون الافاده بئت مضاعفه

احنا حنتعبك بس فى اعضاء وانا منهم طبعا منعرفشى اسماء الكتب علشان كده

انتى تحملى الكتب المميزه ويبئى الموضوع بالنسبه لينا مكتبه بنقرا منها كل واحد فى تخصصه والكاتب اللى بيميل لكتابته

وليكى منى خالص التقدير

تحياااااااااااااااااااااااااااااااااتى""""""""""

[سنايبر مان]

لفته رائعه منك يا ست الكل

الله يبارك فيكى

تسلميييييين

[يوكي]

ميرسي اوي يا قلم بلا حبر على ردك
فكره جميله اوي ولكن اراسل الاداره ازاي؟
انا امنية حياتي افيد الناس واخد ثواب
وبجد ميرسي جدا ليك

[قلم بلا حبر]

اقتباس المشاركة الأصلية كتبت بواسطة يوكي ميرسي اوي يا قلم بلا حبر على ردك فكره جميله اوي ولكن اراسل الاداره ازاي؟ انا امنية حياتي افيد الناس واخد ثواب وبجد ميرسي جدا ليك

تراسليهم عن طريق الرسائل الخاصه او تعرضى الفكره فى قسم الشكاوى والمقترحات

والاداره بتتكون من ادمن وابو ادهم ونزف الزكريات وهمس الروح و محمود وفتى المدينه المنوره وعاشق الاحزان واميرة القمر ورانومه

كتير يعنى ما شاء الله هههههههههههههه

انتى بس اختارى الفكره وحاولى تخلى ليها شكل معين واعرضيه عليهم فى قسم الشكاوى والمقترحات

وهم ان شاء الله حيوافقوا

لكى خالص التقدير على حبك لفعل الخير

وده يثبت قول الرسول صلى الله عليه وسلم

( الخير فيَّ وفي أمتي إلى يوم القيامة )

تحياااااااااااااااااااااااااااتى""""""""""

[حلم بريء]

بجد الفكرة حلوة اوي يا يوكي ومفيدة
لكل المنتدى ،، مشكووورة على الموضوع
وعلى المجهود اللي ان شاء الله هتبذليه ،،
وتفيدي المنتدى كله بيه ..

ياريت يا يوكي لو عندك كتاب "" زيارة للجنة والنار ""
للكاتب الكبير ((مصطفى محمود)) ، تجيبيهولي ..

[يوكي]

ميرسي حلم بريء على ردك
وانا اسفه جدا مش عندي الكتاب ده بس عندي المجموعه كلها لمصطفى محمود
اصل الكتاب ده عليه مشاكل كتير
ومش متواجد
وانا في خدمتك لو عايزه اي كتاب تاني...

[يوكي]

ايه يا جماعه ماحدش عايز كتب ؟؟؟

[نزف الذكريات]

موضوع فى غايه الجمال والفايدة

نشكر الاخت صاحبه الفكرة

كما أشكر لفته نظرك يا قلم

لذلك فقد قرارنا الاتى

1= يغير عنوان الموضوع

من : حد عايز يحمل كتب لكبار الكتاب

إلى : هنا مكتبه بنات مصر للجميع الكتب


2= ينقل الموضوع إلى منتدى المواضيع المميزة

3= يثبت الموضوع بصفه دائمه

4= على صاحبه الفكرة تنزيل كافه الكتب

ومتابعه طلبات الاعضاء وتلبيتها


مرة أخرى أشكرك لتعاونك ومجهودك

تقبلى شكرى ووافر أحترامى

أخوكى / نزف الذكريات

[يوكي]

بجد انا مش عارفه اقول لحضرتك ايه
ميرسي جدا جدا جدا
ميرسي لان حضرتك اهتميت بموضوعي وانا بجد نفسي افيد غيري
انا فرحانه جدا لان حضرتك ادتني الفرصه دي
وانا ان شاء الله هنزل شوية كتب
وهاستنى طلبات الاعضاء
ميرسي جدا يا احلى منتدى