هووه كل الناس النهارده في المحكمه اشمعنا انتو مش في المحكمه ليه بقي ...؟

[ماتركس]

السلام عليكم ورحمه الله وبركاته
طبعا كلكم كده بالصلاه علي النبي اكلتو وفطرتو وبقت الطاسه في التمام صح
تعالو بقي ندخل في موضوع كده شويه نتكلم فيه
طبع اليوم كان بالنسبه ليا يوم مش عادي طبعا كان عندنا قضيه مرفوعه
ضد شركتنا روحت اخد الواد سيد صاحبي وقالتلو تعال يا سيد علشان نحضر الجلسه
علشان سيد واد كلمنجي وبيعرف يتكلم قدام القاضي انما انا حزين خالص مش بعرف اتكلم خالص
طبعا جالسنا انا وهوه ننتظر الجلسه طبعا قبل الجلسه بدقايق
جاء سيد بقي جاله مغص في بطنه وقال لازم اروح الحمام
انا قوالتلووو حمام ايه الله يخرب بيتك امسك نفسك الجلسه هتبدا قال ده انا همووت
الله يخليك سيبني اروح الحمام طبعا قوالتلو روح الحمام بس متتاخرش
انا قوالت لو قعد جنبي ومرحش الحمام ممكن يفضحني في القاعه
اهم شي بدات الجالسه وانا بقي رجليا بتخبط علي بعض انا خايف اقف قدام القاضي
حاسس كده اني محكوم عليه بالاعدام
واستني في سيد وارن علي سيد انو يجي سيد طبعا سيد في الطراوه خالص
طبعا كل ما يقرب معاد جالستنا والمرافع وانا ركبي زي ما بيكون فيه اهتزاز شغال
طبع والمصيبه الكبيره اجت ميعاد الجالسه بتاعتنا وسيد صاحبي لسه مجاش
طبعا راح القاضي نتاهه اسمي وقال احمد الشريف
قوالت نعم يحضرت الباشا
طبعا قالي ايه المشكله انا مكنتش اعرف غير انو في شركه رافعه علينا دعووه
انها ليها 50 الف درهم عند شركتنا
القاضي سئلني وقالي في شركه رافعه عليكم دعوه اني ليها 50 الف دره عند شركتكم
قوالتله يا حضره القاضي انا معرفش حاجه عن القضيه دي
واللي يعرف عنها كل شي
واحد صاحبي اسمو سيد بس جاله مغص فاجئه وراح الحمام راح القاضي رد عليا وقالي انتا هتهزر هنا
قوالتله والله مبهزر هيه دي الحقيقه
قالي هننتظرو لااخر الجالسه وعارف لو مجاش والله لاارميك في السجن
وانا بقي والله من اول ما قال هرميك في السجن والله وانا الضغط رفع 390 درجه
واعصابي مش قادر اتلم عليها
وقعد ادعي ربنا انو سيد يجي والله ولااخر لحظه راح ربنا كرمنا وسيد صاحبي خبط علي الباب ودخل
وانا ردت فيه الروح والله ربنا ستر انو سيد جاه كان زماني مش معاكم دلووقتي
كان زماني باخد علي قفايه
طبعا ربنا ستر والقاضي اجل القضيه
وانا وطالع من باب المحكم انا وصاحبي سيد
لفته نظري حاجه وحده
انو كل اللي عندهم قضايا في المحكمه ومشاكل عرب معا بعض
طبعا الامارات فيها جنسيات كتيره جداا
يعني في المحكمه كلها
والا شفت اتنين صنيين معا بعض عنهم مشاكل
والا اتنين هنديين
والا اتنين باكستانيه
والا اتينين اوربيين
كل اللي في المحكمه عرب معا بعض
ليه بقينا كده معندناش تفاهم وكل حاجه بالخناق والمحاكم
وليه العرب بس اللي بيتخناقو دايما ده احنا اخووات
ياتري الطمع والجشع ملو قلوبنا
ياتري بقينا نكره بعض ليه
ياتري ليه مبقناش يا عرب ضيقين بعض
ياتري ايه الحل علشان نرجع متماسكين يا عرب ويد وحده من تاني
ممكن نتناقش في الموضوع ده بكل جديه

يمكن نقدر نوصل لحل معا بعض

كان معكم محرار الاخبار

احمد الشريف

من محكمه جنايات ابوظبي

[آهات معذبة]

هنعمل ايه بقى ادي حال الدنيا

فعلا اتفق العرب على ألا يتفقوا

[محمد الشريف]

أخى العزيز / أحمد

المحاكم هى ساحات العدل للفصل فى المنازعات التى تعرض عليها

من مختلف الجنسيات وقد اندهشت من حضورك وزميلك جلسة

نظر النزاع أمام المحكمة بصفتكما دون وجود أى خلفية عن

الإجراءات القانونية فى مثل هذه الحالات ولم تكلف شركتكما

محامى لحضور الجلسة وربما كان سبب حضوركما الجلسة

كان بصفة ودية وهذا الغالب !!!

لكنى فقط أركز على أن ملاحظتك

بعدم وجود منازاعات يوم حضورك الجلسة إلا بين العرب فقط

ولم يلفت نظرك أى قضايا أخرى منظورة بين غير العرب ،فتلك

المصادفة التى لفتت نظرك هى أيضا مصادفة ذلك أن المحكمة

عربية والأطراف المتنازعة عربية .. لكن هذا لا يمنع مطلقا أن

هناك منازعات بين أطراف غير عربية تعرض على أى محكمة

فى حدود أختصاتها المكلفة بها والمشاكل التى تواجه أى

متعاملين فى مجال الأعمال أو غيرها ، فلو أنك مثلا تصادفت

بالذهاب إلى محكمة فى أى دولة غير عربية مثلا فسوف يكون

لديك نفس الانطباع مثلا محمكة يونانية فستجد أن المنازعات

فيها بين أطراف غير عربية بحكم طبيعة النزاع المعروض عليها

والأطراف المتنازعة .

إذن المنازعات القضائية ليست حكرا على العرب فيما بينهم ، فالنزاعات

بوجه عام من صفات البشر يستوى فى ذلك عرب وغير عرب .

وسبحان الله العادل رب العالمين جميعا ، وكل عام وأمتنا العربية بخير

وتقبل أطيب التحايا

[FarEdah]

رغم اننا دايما بندور ع نفسنا الي تاهت وسط زحمة الانانية والجشع والخيبة والاتكالية والتسلط والادعائات والسرقات والاحزاب و........... الخ
الا اننا مش قادرين نلاقيها ولا قادرين نخلص نفسنا منها
الانسان العربي ميزتو الوحيدة انو عربي ولو مسلم او اي ديانة اخرى مش هتفرق لانو في الاخر هو عربي
نفس الافكار ونفس التطلعات ونفس الخبايا
المشكلة في نفوسنا التعبانة المريضة الي الفيرس بالكره والانانية بيمشي جواها وبنخر فيها زي السوس مخلاش قوامها الا ايل للسقوط

الحل الوحيد اننا نعرف ربنا كويس ونخافو يكون عندنا مرجع ديني حقيقي ( مش كلام) مرجع فعلي ينصفنا ويدينا حقوقنا وواجباتنا
لاسف بعض الناس معندهاش مرجع ولا وازع ولا اي رادع يرجعها عن افعالها
الا من رحم ربي

/

المنظر الي انت شفتو دا انا بشوفو في شغلي الناس عايزة تدخل حرب مع الي حواليها عايزين يمشو يتشاكلو مع دا ودا في سبيل ايه متعرفش وهيوصلو لايه بكل افعالهم دي في بعض بردو متعرفش

محدش بيحب حد وكلام دا اخوك المسلم حبو وحبلو الخير وربنا كلام بيرددو بدون فعل

عمر الفعل بالنسبالها مشكل اهمية الا من رحم ربي بردو

/

اسفة ع الاطالة بس بجد حاجة تحرق الدم

[ماتركس]

اقتباسالمشاركة الأصلية كتبت بواسطة آهات معذبةهنعمل ايه بقى ادي حال الدنيا

فعلا اتفق العرب على ألا يتفقوا

السلام عليكم ورحمه الله وبركاته
اهات معذبه
تسلمي علي رايك الجميل ده
وانتي كلامك صح اتفق العرب ان لايتفقو
صدقتي
ومنوراني بس كنت اتمني مناقشه افضل من كده ومنتحرمنش من وجودك
دايما يارب

[حياتي ذكريات]

السلام عليكم


مش غريب انك تقول ان كل القضايا في المحكمة بين عرب


لانك في دولة عربية في مجتمع عربي بيجمع جنسيات مختلفة


فقليل جدا لما تلاقي قضية بين اتنين أوربيين او أغيرهم من الجنسيات


غير ان المحكمة مش بيان على ان الناس بتكره بعض أوي او ان المشاكل


كتيرة بين العرب لان ساحة المحكمة ساحة للعدل بين طرفين حصل بينهم خلاف


زي ما انت رحت عشان تدافع عن شركتك فيه ناس برده زيك راحت تدافع عن حقوقها


احنا عندنا بيت جنبه محكمة وفيها كمية قضايا كتير أوي وشغالة على طول لو قلت او حطيت


في بالي ان كترة القضايا دي بسبب كره العرب لبعض كنت قلت ان الكل بيكره بعضه وما حدش بيحب حد


المحاكم وسيلة للكل انه ياخد حقه بالقانون والشرع زي الدول الأجنبية برده ما فيها محاكم وفيها

قضايا وفيها نزاعات بين الأطراف لان اكيد بتحصل خلافات بين البشر وده امر طبيعي

شكرا على طرحك .. تقديري ليك

[~®§§][][ سيد دندنة ][][§§®~]

بص يا احمد المشاكل موجوده فى العالم كله

والكره والحب ولمواده ديه رحمة من الله

فبيجعل لكل شئ سبب

اننا نكره بعض علشان نرجع تانى نمسك بيد بعض

افضل من الاول

وكما ذكرت انت ان كل اللى فى المحكمه عرب

هتروح اى دوله اروبيه هتلاقى بردو اللى فى المحكمه

اجانب ومش عرب

يعنى كل بلد فيها الكويس والوحش

وعلشان بقى نرجع نحب بعض ونمسك فى يد بعض من تانى

ده عايز معجزه من عند الله

الشعوب مش بقو يتحدوا مع بعض خالص

ولا عمرهم هيتحدوا اللى بمعجزه من عند الله

[special girl]

السلام عليكم ورحمته الله وبركاته:


المحكمه المفروض انها مكان لأقامه العدل ومنع الظلم


ولكن بين العرب المحكمه مكان لأقامه الخلافات والنزاعات


العرب بجد من كتر المشاكل بقوا مش عرفين الصح


بعدوا قوي قوي عن الدين


مثلا في المجمتعات الاوربيه المحكمه دي مكان له قيمته العاليه


ومكان فعلا بيعتبر ساحه للعدل


ربنا يهدينا يا رب


تسلم لطرحك يا احمد.

[نانـــــو]

اولا بحيك يا احمد على طريقة القائك للموضوع بجد جميلة جداااااااااااااااااااااااااااااا
بالنسبة للمشكلة الى ذكرتها
العرب بحد ذاتهم شعب مشاغب ومشاكس
بيجرى وراء المشاكل
وكلامه كتير اوى انما فعل نووووووووووووووووووووووووووووووووووووووووووووووووو ووووووو
وانتوا اقرب مثال
كان من الممكن انتوا والشركة الاخرى تتفاهموا والمشكلة تنتهى بشكل ودى
انما حصل العكس
ابقى طمنا عن الجلسة الثانية

[ماتركس]

اقتباسالمشاركة الأصلية كتبت بواسطة محمد الشريف

أخى العزيز / أحمد

المحاكم هى ساحات العدل للفصل فى المنازعات التى تعرض عليها

من مختلف الجنسيات وقد اندهشت من حضورك وزميلك جلسة

نظر النزاع أمام المحكمة بصفتكما دون وجود أى خلفية عن

الإجراءات القانونية فى مثل هذه الحالات ولم تكلف شركتكما

محامى لحضور الجلسة وربما كان سبب حضوركما الجلسة

كان بصفة ودية وهذا الغالب !!!

لكنى فقط أركز على أن ملاحظتك

بعدم وجود منازاعات يوم حضورك الجلسة إلا بين العرب فقط

ولم يلفت نظرك أى قضايا أخرى منظورة بين غير العرب ،فتلك

المصادفة التى لفتت نظرك هى أيضا مصادفة ذلك أن المحكمة

عربية والأطراف المتنازعة عربية .. لكن هذا لا يمنع مطلقا أن

هناك منازعات بين أطراف غير عربية تعرض على أى محكمة

فى حدود أختصاتها المكلفة بها والمشاكل التى تواجه أى

متعاملين فى مجال الأعمال أو غيرها ، فلو أنك مثلا تصادفت

بالذهاب إلى محكمة فى أى دولة غير عربية مثلا فسوف يكون

لديك نفس الانطباع مثلا محمكة يونانية فستجد أن المنازعات

فيها بين أطراف غير عربية بحكم طبيعة النزاع المعروض عليها

والأطراف المتنازعة .

إذن المنازعات القضائية ليست حكرا على العرب فيما بينهم ، فالنزاعات

بوجه عام من صفات البشر يستوى فى ذلك عرب وغير عرب .

وسبحان الله العادل رب العالمين جميعا ، وكل عام وأمتنا العربية بخير

وتقبل أطيب التحايا

السلام عليكم ورحمه الله وبركاته
استاذنا القدير محمد الشريف
اولا انا لااري راي الا رايك ولا اقدر اتعدي رايك في شي علشان
انتا استاذ الكلمه واستاذ الاخلاق
واللي ينبغي اقوالو ليك ربنا يحميك ويحفظك من كل شر
ويشفيك ويعفيك
منورني يا استاذنا
لا اقدر اتكلم في رايك والا نص كلمه علشان ده اقل احترام ليك
علشان انتا استاذنا كلنا