الاختلاف في الرأي يفسد ود كل القضايا

[misho]

<الاختلاف في الرأي لا يفسد للود قضية >
<دة رأيك وانا بحترمه>
<بس انا ليا رأي مخالف ليك ياريت تتقبله >
<اختلافنا في الرأي مش معناه ابدا اني بعارضك شخصيا>
وغيرها،و غيرها...........
شعارات بنسمعها في كل مكان,,,, في الشارع، في التليفزيون ، في المنتديات ، في كل مكان
هي فعلا شعارات و بنقول اننا مؤمنين بيها
لكن وقت الجد وفي الواقع بنضرب بيها عرض الحائط
اتنين بيتكلموا في موضوع و كل واحد له رأيه المختلف عن التاني
نلاقي كل واحد متمسك برأيه اوي وممكن يقلب الموضوع عند مش اكتر و يحاول يثبت صحة كلامه حتي لو بالكدب
لمجرد ان سمع وجهة نظر مختلفة و فكر غير فكره
العجيب هنا انك تلاقي الشخص دة بدأ يرد بطريقة انفعالية و بتحيز شديد اوي لرأيه
كويس انك متمسك برأيك ومقتنع بيه لكن غيرك كمان له رأيه اللي مقتنع بيه
لرأيك حق الاحترام,,,, ولرايه هو كمان حق الاحترام
لان التشدد في الرأي ورفض وجهة النظر الاخري و عدم احترامها بيضعف موقفك جدا
و بتظهر انه مجرد رأي غاضب مش رأي عن اقتناع
الاختلاف سنة الحياة,,,فيه اختلاف في كل شئ في نهار و ليل وخير وشر و صح وغلط
حتي الجنس البشري في ذكر وانثي باختلاف الجنسيات والبلاد
حتي علماء الدين في تفسيرهم في القضايا الدينية فيه اختلاف ,,,, حتي اختلافهم رحمة للخلق
فما بالنا باراء الانسان,,,كل شخص بيفكر حسب حسب ظروفه البيئية اللي نشأ فيها وتعليمه
و طبيعته المختلفة عن غيره,,,واقتناعاته ومبادئه,,,كل دة بياثر في الانسان وبيختلف من شخص لأخر
فكان الطبيعي ان كل شخص يكون له وجهة نظر مختلفة
فليس من الطبيعي ان اري كل البشر بتفكير واحد وان ينظروا لأفكاري بنفس منظوري!!!
عندما اختلف معك في الرأي لا يعني هذا اني اكرهك
عندما تعتقد في شئ وتقتنع به ولكني لا اقتنع به ولي رأيي الخاص,,,,هذا حقي
اختلافي معك,,في الاراء
ولكني احترم شخصك فأنت شخص له رأي يعبر عنه بعقلانية وتفتح
لكن غير ذلك لا اقبله,,,,
كل شئ في حياتنا متعدد الجوانب قد انظر اليه من جانب وتأتي انت لتنظر اليه من جانب اخر
هذا ليس معناه اننا اختلفنا,,,من الممكن جدا ان نكمل بعضنا
في النهاية,,,لا يملك احدنا ابدا حق قتل الاراء و لا تجاوز الحد في طرحها
عندما يصبح حوارنا قائم علي الاحترام والذوق والعقلانية واحترام رأي الاخر والرقي
بعيدا عن الاصوات الانفعالية الغاضبة والتشدد الاعمي
وقتها سنقول حقا
<<الاختلاف في الرأي لا يفسد للود قضية>>

تحياتي,,,
MISHO

[Mo7aMaD 3aLa2]

موضوع فى غاية الاهمية بجد

فعلا نسبة بسيطة جدا اللى بتطبق الجملة دى

<<الاختلاف في الرأي لا يفسد للود قضية>>

والنسبة الاكبر لا تعرف الحوار من الاساس

...اكيد بيأثر اختلاف البيئة والتربية والنشأة على تفكير الاشخاص وبالتالى لازم وحتما يبقى فى اختلاف

وللاسف كل واحد بيشوف نفسة هو الصح وبيرفض حتى يفكر او يتناقش فى اراء الآخرين

موضوع اكثر من رائع misho

تقبلى مرورى

[ماتركس]

السلام عليكم ورحمه الله وبركاته
ميشو
مووضوعك جميل ووقعي بجد يستحق المناقشه
وانا هناقشو علي قد معرفتي وتعليمي
عارفه يا ميشو لو الناس تصبر كده ويبقي عندها صبر عمرنا ما كنا هنتخانق علي المقوله دي
المثل بيقوال لو صبر القاتل علي المقتول كان مات لوحده
لكن احنا اي شي بيستفزنا لازم نتخانق ونقعد بقي خلاص زي ما بيكون بينا وبينه طار
وبالذات في المنتديات بيتقرار المشهد ده قدمنا دايما
كل واحد مننا عايز ياخد ساحه النقاش لحسابه ليه مش بنسئل نفسنا
لما احنا مقتنعين براينا طيب ليه بنعرض مشكلتنا من الاساس
احنا بنعرضها علشان نشوف فكر الناس دي فكرها ايه
مش نقعد نتخانق في كل موضوع
مهما كان الفكر بينا لازم تختلف وجهات النظر
كل واحد بيبص للموضووع بنظرته وكل واحد بيقوال رايه في نقطه معينه
يعني مهما كان مش هنتفق
علي فكره يا ميشو التعصب والتحيز ده اكبر
دليل انو وجهه نظره متوتر ومتشتته ومش واثق في رايه
بجد انا متفق معاكي في الموضوع ياميشو
وارجو باذن الله الاعضاء
يقرو كلهم كي يستفيدو منه
بجد موضوع جميل يا ميشو
منتحرمش منك ابدا يارب

[SiLver Spectra]

للاسف احنا شعوب بتتربى على الراي الواحد
دا له عدة تفسيرات
أهمها عقدة السياسه
بلا اسود نزل على المنطقة اسمه اسرائيل
و ضعف عربي اسمه حكومات و شعوب

احيانا بتخيل اننا كنا عايشين في الصين مثلا
كان ايه الحال!!؟
ثقة المواطن بحكومته يحس انها حكومة هدفعا المواطن
مش هدفها حمايه الريس و توريث الكرسي!!

فالأصل بينبع من عقدة السياسه
هي الي صنعت تعصب في الآراء
فتلاقي الموضوع ممكن يقلب سب و اهانه

سبب آخر و هو الجاهل صاحب الرأي!!
أو نقول انه بيعتقد انه صاحب رأي و يبدأ يفتي

و سبب تالت هو اننا اصلا شعوب دمها حامي
بتتربى على العصبية
تلاقي الام بتشخط في ابنها و اب نازل ضرب في عياله


حلو عنوان الموضوع يا ميشو
دوام الابداع...

[الانسان]

عنوانك شدني وقلت بقت عيني عينك دول ناس شكلهم بيتكلمو بصراحه هههههه
لكن خدعتني ونكمل الشعارات في بلد فيها نبته الشعراء
كتير فيه ارآء بتعادي ارآء في نفس الوقت اللي كانت ممكن تكمل ارآء
لكم تحياتي

وتقبلووو مروري

[misho]

اقتباسالمشاركة الأصلية كتبت بواسطة M.Aموضوع فى غاية الاهمية بجد

فعلا نسبة بسيطة جدا اللى بتطبق الجملة دى

<<الاختلاف في الرأي لا يفسد للود قضية>>

والنسبة الاكبر لا تعرف الحوار من الاساس

...اكيد بيأثر اختلاف البيئة والتربية والنشأة على تفكير الاشخاص وبالتالى لازم وحتما يبقى فى اختلاف

وللاسف كل واحد بيشوف نفسة هو الصح وبيرفض حتى يفكر او يتناقش فى اراء الآخرين

موضوع اكثر من رائع misho

تقبلى مرورى

فعلا معظم الناس شايفة انها صح وان وجهة نظرها هي الاكمل
بدون النظر للأراء الاخري واللي ممكن تكون اصح
لكن لغة الحوار الراقي بقت معدومة عند ناس كتير
تسلم علي مرورك يا محمد
تحياتي,,,

[misho]

اقتباسالمشاركة الأصلية كتبت بواسطة ماتركس

السلام عليكم ورحمه الله وبركاته
ميشو
مووضوعك جميل ووقعي بجد يستحق المناقشه
وانا هناقشو علي قد معرفتي وتعليمي
عارفه يا ميشو لو الناس تصبر كده ويبقي عندها صبر عمرنا ما كنا هنتخانق علي المقوله دي
المثل بيقوال لو صبر القاتل علي المقتول كان مات لوحده
لكن احنا اي شي بيستفزنا لازم نتخانق ونقعد بقي خلاص زي ما بيكون بينا وبينه طار
وبالذات في المنتديات بيتقرار المشهد ده قدمنا دايما
كل واحد مننا عايز ياخد ساحه النقاش لحسابه ليه مش بنسئل نفسنا
لما احنا مقتنعين براينا طيب ليه بنعرض مشكلتنا من الاساس
احنا بنعرضها علشان نشوف فكر الناس دي فكرها ايه
مش نقعد نتخانق في كل موضوع
مهما كان الفكر بينا لازم تختلف وجهات النظر
كل واحد بيبص للموضووع بنظرته وكل واحد بيقوال رايه في نقطه معينه
يعني مهما كان مش هنتفق
علي فكره يا ميشو التعصب والتحيز ده اكبر
دليل انو وجهه نظره متوتر ومتشتته ومش واثق في رايه
بجد انا متفق معاكي في الموضوع ياميشو
وارجو باذن الله الاعضاء
يقرو كلهم كي يستفيدو منه
بجد موضوع جميل يا ميشو
منتحرمش منك ابدا يارب

وعليكم السلام ورحمة الله وبركاته
فعلا يا احمد التعصب لأي فكرة دليل علي ضعفها
كل واحد متعصب لرأيه و وجهة نظره و رافض انه يسمع رأي تاني
والحوار بيختفي وتظهر الردود الانفعالية
اسعدني ردك يا احمد
تحياتي,,,

[قلم بلا حبر]

مش لازم ننكر ان مش كل من نادى بالصلاح فهو ملاك

عادى جدا ان واحد يرفع شعار وتلاقيه يعمل ضده

لان فى فرق بين انى اؤيد شعار وارفعه واتخذه واجهه لحديثى ,, وبين انى اؤمن بفكر هذا الشعار واقتنع به

نفس الفرق اللى بين الجوهر والسطح

يبئى النقاش قد يكون سطحى بالرغم من الشعارات ,,, وممكن برده يكون جوهرى وبدون اى شعارات

حقولك على مثال اتكرر كتير واتضح ليا ازاى حدة النقاش بترتفع

فى الغالب الواحد لما بيكتب الموضوع باقتناع بيكون متعلق بيه وبفكره ونابع من مرجعيته الثقافيه

لحد كده مفيش اى مانع

نلاقى بعد كده الكاتب بينقسم لنوعين

الاول :: كاتب فى انتظار نتيجة تفكيره

الثانى :: كاتب فى انتظار الاطراء عليه

الاول لا خوف منه ,,, فده واحد مستنى يشوف هل فكره صحيح او ان حد ممكن يكشفله امور غابت عنه وهو بيكتب موضوعه

الثانى فاتح المنتدى وداخل على موضوعه مستنى يلاقى عبارات الثناء واشعار المديح فى ابداعه وقدرته على التعمق وحاجات تانيه كتير ,, فبمجرد ان حد ييجى ويحاول يفوقه من وهمه ويقوله انت غلطت فى تقديرك للموقف فى الجزئيه دى (( مش لازم ينتقد الموضوع كله )) تلاقى عاصفه من الردح المقنن انهالت عليكى

ما بين انك مهاجمه وانك بتتسرعى فى الحكم وانك معرفتيش تقرى الموضوع ومقدرتيش تخرجى افكاره واحيانا بتوصل لنعتك بالجهل الفكرى ووثبك على كل ما هو مخالف لكى ,,,

انتى لما بتشوفى ده بتسألى نفسك سؤال واحد ؟

هو ليه واحد كاتب موضوع عن النهضه الثقافيه او الاجتماعيه او الاخلاقيه ,, وفى الاخر مقدرشى يمسك اعصابه لمجرد انتقاد من شخص واحد لجزئيه بسيطه من موضوعه ؟؟؟؟

السؤال منطقى جدا ,,, بس الاجابه عليه بتكون غير منطقيه واحيانا بتوصل لسب وقذف ,, وانه يطلب منك مترديش على مواضيعه او يتعدى الامر لانه (( يخاصمك )) وممكن توصل لانه يسيب المنتدى

تهور اعمى نابع عن الفكر الاعمى ,, فكر القطب الاوحد ,, الذى لا يهتز له غبار

فى النهايه ,,, الغرور هو أصل كل المفاسد

لما الانسان يوهم نفسه بشئ هو مش فيه ,, يبئى انتظرى منه كل المفاسد وابشعها قبحا

دام لكى التوفيق حليفا

وبجد الموضوع جميل يا ميشو

تحيااااااااااااااااااااااااتى""""""""

[misho]

اقتباسالمشاركة الأصلية كتبت بواسطة SiLver Spectra

للاسف احنا شعوب بتتربى على الراي الواحد

دا له عدة تفسيرات
أهمها عقدة السياسه
بلا اسود نزل على المنطقة اسمه اسرائيل
و ضعف عربي اسمه حكومات و شعوب

احيانا بتخيل اننا كنا عايشين في الصين مثلا
كان ايه الحال!!؟
ثقة المواطن بحكومته يحس انها حكومة هدفعا المواطن
مش هدفها حمايه الريس و توريث الكرسي!!

فالأصل بينبع من عقدة السياسه
هي الي صنعت تعصب في الآراء
فتلاقي الموضوع ممكن يقلب سب و اهانه

سبب آخر و هو الجاهل صاحب الرأي!!
أو نقول انه بيعتقد انه صاحب رأي و يبدأ يفتي

و سبب تالت هو اننا اصلا شعوب دمها حامي
بتتربى على العصبية
تلاقي الام بتشخط في ابنها و اب نازل ضرب في عياله

حلو عنوان الموضوع يا ميشو
دوام الابداع...

اوحش حاجة فعلا الجاهل صاحب الرأي
لانه بيحاول يقنع نفسه ويوهمها انه فاهم كل حاجة ومحدش بيفكر غيره
ولو حد فكر يبقي تفكير غلط
وتلاقي الامثلة اللي انت ذكرتها دي كلها بيدافعوا عن رأيهم بطريقة عصبية اوي
و ممكن يكونوا اساسا مش مقتنعين بالرأي دة ولا فاهمينه
بس اهو تعصب اعمي لمجرد فرض الرأي مش اكتر
تسلم يا طارق علي ردك ومرورك
تحياتي,,,

[misho]

اقتباسالمشاركة الأصلية كتبت بواسطة الانسان

عنوانك شدني وقلت بقت عيني عينك دول ناس شكلهم بيتكلمو بصراحه هههههه
لكن خدعتني ونكمل الشعارات في بلد فيها نبته الشعراء
كتير فيه ارآء بتعادي ارآء في نفس الوقت اللي كانت ممكن تكمل ارآء
لكم تحياتي

وتقبلووو مروري

ميرسييي لتواجدك وردك
دمت بخير ,,