تعالو شوفو جارنا ابو مسعود بيربي ابنه علي ايه ...؟

[ماتركس]

السلام عليكم ورحمه الله وبركاته

اولا وقبل اي شي رمضان كريم عليكم كلكم وربنا يعيدو عليكم بالصحه والسلامه دايما يارب

ثانيا وحشتووني جداا جدااا

ثالثا ممكن اطلب منك طلب صغير وياريت تنفذووه

اني كل واحد يدعي لااستاذنا الغالي ((( محمد الشريف ))) انو ربنا يشفيه ويعفيه

ويقوموو لينا بالسلامه يارب العالمين

ادعولو من قلبكم ده استاذنا كلنا

رابعا ندخل في المووضوع بس قبل ما نتكلم اسمعو القصه بتاعتي وبعدين

نتناقش في الموضوع

انا امبارح باليل خلصت شغل وطلعت علي الشقه ونسيت اشتري خبز من المخبز

روحت بعد ما طلعت فووق اصحابي قالو ليا نسيت تجيب العيش يعني قوالتلهم انا هغير ملابسي وهنزل اشتريه

روحت غيرت ملابس الشغل وبعدين اخد بعضي وخرجت من الشقه علشان اروح اجيب العيش علشان السحور

طبعا وانا خارج لقيت كيس اسود فيه زباله اه وربنا ما بكذب عليكم

روحت رجعت تاني الشقه قوالت يا خالد انتا وسيد مش انارميت كيس الزباله الصبح

هوه لحق يتملي كيس الزباله بالسرعه دي

قالوالي والله ما نعرف بس احنا محطناش زباله خالص

انا قوالت يمكن واحد من جيرانا هوه ونازل من فوق نسيه واكيد هيرجع ياخدو يرميه

طبعا قفلت باب الشقه واخد بعضي ونزلت علشان اجيب العيش

طبعا وانا ونازل لقيت ابن جيرنا اللي ساكن تحت مننا اسم جيرنا مسعود

عنده ابن صغير اسمه محمد لقيت ابنه الصغير ده قاعد يعيط تحت بير السلم

انا سامع صوت عياط وانا ونازل استغربت روحت بصيت تحت بير السلم لقيت محمد قاعد يعيط

محمد ده صغير عنده 11 سنه بس بيحبني اوي متعلق بينا اوي

طبعا روحت قعد جنبه قوالتلو مالك يا محمد يا حبيبي ايه اللي مخليك تعيط

راح مردش روحت اخدو من ايدو وطبطبت عليه روحت قوالتله قوال يا حبيبي فيك ايه قالي

لا بابا هيضربني

قوالتله في ايه متخفشي مش هقوال لحد حاجه قالي انا اللي حطتلك كيس الزباله قدام شقتكم قوالتله

يا حبيبي فداك 100 كيس بس دمووعك دي غاليه علينا

قالي المشكله مش كده قوالتلو اومال في ايه قالي المشكله

انو قوالت لبابا انزل الكيس تحت قالي لا قالي حطو قدام جارنا احمد

وكمان بيقوالو لازم تاخد حقك من اصحابه في المدرسه اللي يضربك اضربه

واللي يشتمك اشتمه

شوفتو وصله لاايه يعني بالله عليكم ده يبقي اب

فين التربيه اللي هيه اسسها البيت

يعني بدل ما نعلم اولادنا امور دينا نعلمهم انو ياذو جيرانهم

ونعلمهم الشتيمه

انا عايز رايكم في الموضووع ده

ويا تري مين اسس تعليم اطفالنا الادب والاحترام

وياتري ده يعتبر اب يعمل كده ويقوال لاابنه كده

منتظر ردوودكم المتميز

اخووكم في الله احمد الشريف

ارجو منكم تدعو لااستاذنا كلنا محمد الشريف بالشفاء العاجل والعوده

الينا يارب اشفيه وعافيه يارب العالمين

[ملاك الصمت]

السلام عليكم ورحمة الله وبركاته


اللهم اشفي أخونا واستاذنا محمد الشريف ويقومه بالسلامه ويبعد عنه كل شر يارب ويرجعه لينا بالسلامه


يارب وان شاء الله آخر الغيبات له ان شاء الله

ثانيا يارب تكون بخير ياخ احمد وبصحه وعافيه وثالثا مواضيعك ماشاء الله في تميز دائما

رابعا موضوعك خلاني بجد اعيط اعيط على حاجات كتير جدا في زمنا دى وحاجات جدا عاوزلها تغير

وبجد الاباء اللي زي جاركم مسعود عاوزلهم بجد قتل لهم عار علينا بيطلعوا جيل فاشل بيربوا جيل

على العنف ويرجعوا يقولوا ويحاربوا العنف الاسري ويقولوا بيضر بينا يجوا يشوفوا اساسوا من فين

وبيجي ازاي بجد الطفل دى صعب عليا اوي معقوله اب ياناس اب يأمر ابنه اذا حد ضربه يضربه

يفرض في الخناقه دي ابنه لا سمح الله مات ولا موت حد في الخناقه دي ياترى هيعمل ايه هيندم

بجد معندوش عقل اب عايش لوحده كل اللي همه يريح باله ويجي كمان يقوله اذي جيرانك

مش هو دى الجار اللي علمنا رسولنا ووصنا عليه لانه بيبقى قريب مننا اقرب من اهلنا هو دى دينا

أباء بدل مايعلموا الدين صح وعلى اصوله يعلموا الانحراف وبعدين طول ماهو مش عارف بجد يتحمل

مشاكل عياله اتجوز ليه من البدايه ويخلف ويعذب الاطفال دول معاه ويطلعهم فاشلين حتى في حياتهم

بعد كدا ويرجعوا يقولوا الانتحار كتر مهو من التربيه الغلط من العيشه الغلط من المنطق الغلط

من التعليم الغلط في كل مكان مش قارد يتحمل مسؤوليه عياله يبقى خلاص بلاش يتكلم ويقول حاجه

ولا يديهم نصيحه غير بسكوته لان سكوته احسن عندنا بكتير بدل ما يطلع طفل صايع منحرف

ويرمي نفسه وبلده واللي يعرفهم في النار والغلط من مين من اقرب الناس للانسان بجد نفسي أعمل اي

حاجه للاطفال اللي زي كدا لاني شفت من دى كتير في الشارع في البيوت وبيصعب عليا الاطفال

لاني بجد بشوف في عيونهم نظرة عدم الرضا بالواقع المفروض عليهم صح هنقول صغيرين وميستوعبوش

بس احنا في زمن الطفل اذكى من رجل الاعمال ولا انا غلطانه بجد نظرتهم لعدم الرضا دى بتخليهم بجد

يعملوا اي حاجه بس مايعيشوا في الواقع دى فتلاقي ولاد الشوارع ومن ولاد الشوارع هتلاقي الاحداث

مليانه ومنها مش هنطلع غير جيل تايه وضايع والاطفال دول هنتحاسب عليهم يوم الدين

بجد احنا عايشين في الزمن الغلط ياريت بجد رسولنا معانا لانه لو شاف حالنا هو بذات نفسه هيبكي على

حالنا ربنا بجد يهدي الجميع ويهدي الاباء اللي بالمثل السئ دى او يخدهم أحسن انا عندي الاطفال اللي

زي محمد دول يتيتموا ولا يتربوا غلط في غلط

طولت عليك بس الموضوع بجد هيطول الكلام فيه جدا

ربنا يقدرنا على فعل الخير او اننا نغير واقع مؤلم

تقبل مروري

[~♥ Queen sozan♥~]

السلام عليكم ورحمة الله وبركاته

ربنا يشفيك يا استاذنا ويقومك لينا با السلامة يارب

ـــــــــــــ
الموضوع دة بقى حصل قدامى كتيرررر
يعنى والله الاهل بدل ما بيعلمو الولد الصح لاء بيعلموهم الغلط
والتعامل العشوائى لى يضمرهم فى المستقبل
الاب مثال الاخلق والمثل الاعلى لى الطفل
كدة ابنو هيطلع اية
نعيب على الزماااااااان والعيب فينااااااااا

لى عودة مرة تانية

شكرا على موضوعك

ورجعت مرة تانية
ومعليش استحملونى

زى ما قلت يوم امس نعيب على الزمان والعيب فينا
يعنى العيب على الاب لى هو القدوة والمفروض " حسنة "
لبعلم ابنو الغلط والاهمال
الاهمال انو راح تعدى حقوق الجيرة ورمى الزبالة قدام شقتكم
والاهمال ان الام سابت الاب كدة من غير لفت نظرو
والغلط هنا انو عيز يطالع ابنو
فتوة مثلا
لى يضربو يضربو لى يشتمو يشتمو
هو دة بقى سياسة الحياة
دة الغابة مفهاش الكلام دة
قبل اى حاجة بيرجعو لى الاسد
دة لو قلنا الغابة با الدنيا بتاعت البشر
الغابة ارحم
فين الخلق
دة دينا اساسو الاخلق الحميدة
فينننننننننننننننننننننننننننننننن
دينا لية كدة لية مبقاش فى وعى وادراق لى الشئ قبل فعلو
الاب دة كمان 3 او 4 سنسن ابنو دة هيرد علية
ومش هيحترمو
وهيرجع يقول دة من اية
وابنى طلع كدة ازززززززززززززى

ياريت كل ام واب ياخدو بالهم اكتر
وكل بنت لسة متجوزتش قبل ما تدخل الحياة الزوجية
يا ام تكون قد المسئولية يا ام لاء
تقعد جن ماما وبابا ارحم
لان مينفعش يكون كل الجيل الجى فاسد وعديم المسئولية كدة وبلتجى كماااااااان

اسفى على الاطالة
واسفى انى تجاوزت نقاط الموضوع لكن
دى وجهه نظرى

ولكم ما شئتو

تحياتى على موضوعك المميز
واتمنى انك لم ترى صورة فاسدة تصالحة
وتعالج اى امر فاسد امامك
لان الساكت عن الحق .............

وانا عارفة انك مش بتسكت يا ماتركس
وياريت يكون الطفل من اهتماماتك لان هو على الاقل جارج
يعنى النبى وصانا على سابع جار
ولو انت لفت نظرو ان دة غلط
والولد اتعلم حاجة صح بجد هيفتكرهالك لم يكبر

تحياتى ليك

همس

[tota.egy2050]

فعلا فى اباء كتيييييير بقوا يربو اولادهم ع المبادىء الهدامة دى
هو بيعلمه الطرق اللى هو فاكر انه بيها هياخد حقه وهيعيش مرتاح
بس ده طبعا ضد مبادىء ديننا اصلا
لان ديننا من سماته التسامح ومراعاة الجار
والنبى وصى على سابع جار
واللى بيعلمه لابنه ده بيضعف شخصيته ويكرهه فى نفسه
ويشتم اللى يشتمه ايه ويضرب اللى يضربه ايه؟
هو احنا عايشين فى امريكا؟
ده عنده نقص فى الشخصية
ومش طبيعى اصلا
وشكرا يا ماتركش ع الموضوع
وماتحرمناش ابدا من مواضيعك الحلوة دى
تقبل مرورى

[Big Brother]

في الاول الف سلامه علي الاستاذ محمد وربنا يشفيه ان شاء الله
ويقوم ويرجع بالسلامه
*************
ونرجع للموضوع
طبعا دي حاله غريبه شويه
الراجل دا اكيييد مش طبيعي
طبعا في كتييير من الاباء اخلاقهم اسوأ من الاخ مسعود
بس اللي هو عملوا دا حاجه غريبه قوي
بس اكييييد الراجل دا يا احمد عايز يطفشكم من السكن ههههه
معلهش مالهاش تفسير تاني
وبالنسبه لكلامه للولد انه لازم ياخد حقه من اصحابه
فانت عمرك ما هتلاقي طبعا اللي في بالك انك ممكن تلاقي اب الايام دي
بيقول لابنه اللي يشتمك او يضربك قولو الله يسمحك
صعب جدااا الايام دي انك تلاقي كدا
انتي مش هتلاقي الا اللي يبصلك بعين بصله باللتنين
وربنا يهدي
تسلم علي موضوعك

[بنت العبد]

السلام عليكم ورحمة الله وبركاته
اشكرك ماتركس لموضوعك الهادف والله دى حاجه يندى لها الجبين انا تقريبا
اول مقرات الموضوع مصدقتش نفسي مش ممكن يكون اب بيعلم ابنه ابشع
الخصال ولكن كفانى دهشه احنا فى ايام ممكن نصدق اى حاجه..الاب ده
مش محتاج مننا غير الدعاء بالهدايه وصلاح الحال والشفاء لانه فعلا مريض
يااااااااه معقوله هو ده اللى الرسول عليه الصلاة والسلام علمهلنا(وانه لعلى
خلق عظيم) هو ده حق الجار؟ المشكله لها شقين كل منهم ابشع مالاخر
الاول:ان الرجل ده مبيعطيش للجار حقه
الثانى والابشع:ابه بيعلم ابنه خصال مذمومه ..يعنى مش يكفيه انه فاسد عايز
يعلم الطفل البرئ الفساد..يا جماعه افضل شئ الاب والام يعملوه فحياتهم
انهم يربوا اولادهم ربايه حسنه لان هم ثمرة حياته جيل جديد هو بيصنعه
طب ازاى يصنع مستقبل بالفساد بالاخلاق الخبيثه دى.
لا حول ولا قوة الا بالله

[sฝeet αηgeℓ]

معاك حق واللهى يا احمد
كتير من الاهالى بتربى ولدها
عالنظام دا واي حد يغلط فى حقك
لازم متسكتش وتردهالوا بعشره وتاخد حقك !!
بيربوا الاولاد ديما على العدوانيه والعنف والسلوك الخاطئ
معلمهمش انو فى تسامح ومغفره انو الولد يحب الحوليه وبعملهم
بطيبه واحسان طبعا مش اصدى يربوا الولاد عالضعف والاهناه لا
بس يبئا الولد قوى بايمانه وسامحته مش بايدوو وبس
والمشكله انو اغلاط الاهل الاولاد بيتحملوها من بعدهم والحجات التربوا عليها
دي بيربوا عليها ولدهم ..
بس ربنا يهدى الكل ويلهمهم ديما للصواب
وربنا يشفى محمد الشريف يارب ويرجعوا لينا بالسلامه

[لولؤة الزمان]

السلام عليكم ورحمة الله وبركاته ربنا يشفيه امين يارب العالمين هناك مشكلة نوجهها هذه الاياموهى عقوق الاباء لم يعد العقوق خاص بالابناء فقط ولكن ايضا اصبح خاص بالاباء الذين اهدروا حق ابنائهم بعدم تربيتهم التربية السليمة وهذا من الممكن ان يرجع ايضا الى سوء تربية الاباء نفسهم لانها متوالية ولهذا الطفل ذلك احسن له ان يربى بلا اب عل ان يربى بهذا الشكل

[جوهرةالقصر]

ربنا يشفي الاستاذ محمد الشريف ويرجع بالسلامة
وموضوع الاباء والتربية ده انتشر اوي
لان كده الاباء بيفتكروا انهم بيعلموا اولادهم ازاي ياخدوا حقهم وازاي يعتمدوا علي نفسهم
بس هما كده بياذوا اولادهم
وممكن بعد كده ميقدروش علي تربيتهم او توجيهم
وربنا يهدي الناس اجمعين

[اه يا زمن اه]

في اباء وامهات كتير بيعلمو اولادهم الحاجات دي بس كدة غلط والحاجات الي بيتعلموها مش كويسة وبعدين دول لما يكبرو هيربو عيالهم على كدة وهتبقى اجيال واجيال على نفس الطباع الوحشة دي...........


ومشكور احمد على الموضوع الجميل دة