يوميات .. لؤى ومهجه ... الحلقه الحاديه عشــر ..

[Mo chahin]

الحلقه الحادية عشر



بيفتحوا الشنطه يشوفوا الهديه الى جايباها مهجه
فجاه صوتوا وكل واحد جرى فى اتجاه
ومهجه ههههههههههااااااا هههههيييييييييي
قالولوها ليه كده يا مهجه عايزه تخلصى مننا جايبالنا تعبان
تعبان ايه يا مرات عمى ده التعبان يخاف يجرب منك
ده تعبان لعبه بخوف بيه الجطط خدى العبى بيه انتى وعمى
ودخلت مهجه تنام علشان عندها جامعه الصبح




تانى يوم الصبح راحت مهجه الجامعه قابلت ندى وسلمت عليها وهم قاعدين يتكلموا جات جنى


جنى : هاى جود مورنينج


مهجه : قال يا جاعدين يكفيكوا شر الجايين جود مورنينج ورحمه الله وبركاته اهلا ياختى غاسله وشك العفش ده بصابونه جود مورنينج مخلياكى ترطمى عنجليزى


جنى : سوفاج


مهجه : ايه الفلاش دى يا بنت المستخبى


لؤي : ازيكوا عاملين ايه


ندى: الحمد لله كويسين


جنى : لؤى ازيك


مهجه : كنتوا تايهين من بعض ولا ايه تعالوا ندخل المحاضره احسن من الرغى ده


لؤي : هى ابتديت


مهجه : نموسيتك كحلى انت بتسال هتبتدى دلوجتى يلا بينا


دخلوا المحاضره واعدوا لؤي الاول وجمب منه جنى وجمبها مهجه وجمبها ندى دخل الدكتور وبدا الشرح مهجه اعده متغاظه مش عارفه ايه السبب




مهجه : يادى اليوم لاسود ايه الدكتور المهبب ده ده ميت اربع مرات جبل كده وجاى يموت الخامسه هنا فى وشنا
بت يا جنى انتى فاهمه حاجه


جنى : يا ستى ده كله فى الكازوزه محاضره وهتعدى


مهجه : كازوزه الله على ده تعليم انا عارفه انها ايام بيبس
بت يا ندى انتى فاهمه حاجه


ندى : والله يا مهجه مش فاهمه اوى بس يلا نبقى نذاكر احنا من الكتاب وخلاص


مهجه : لا والله انا معرفش كده اما يشرح كويس اما يتهبب يموت ولا يشوفله جبر جبل اما الجبور تغلى وتبجى بفلوس


جنى : ما تسكتبى بقى صدعتينى وخلاص عامله فيها عالمه يعنى هتطلعى احمد زويل ياختى


مهجه : والله انا فى محاضره ومش عايزه اازيكى يا كلبه


جنى : انا كلبه


مهجه : ايوه كلبه هو هو هو


جنى : طيب انا هوريكى يا صورصاره


الدكتور شافهم طبعا وهمه عمالين يرغوا وشادين مع بعض




الدكتور : هو فيه ايه انتوا لتنين اقفوا قلولى فيه ايه


مهجه : بصوت واطى يادى النيله هو ميت اصلا ردت فيه الروح علشان يشوفنا انا جولت انها ايام طين وهباب


جنى : انا معملتش حاجه يادكتور هى الى بتتخانق معايا


الدكتور: من غير سبب يعنى


مهجه : لا يا دكتور بسبب
هى بتجلى انها مش فاهمه منك حاجه خالص وانا علشان بكن لحضرتك كل حب وتجدير ما استحملتش انها تتكلم عليك فا زعجتلها وجولتلها الدكتور نابغه من نوابغ الزمن الجميل فلته مفيش منه اتنين




الدكتور: شكرا يا بنتى ربنا يحميكى


مهجه : بصوت واطى وياخدك جول امين


جنى : دى كدابه يا دكتور دى هى الى بتقول كده


الدكتور : اخرسى واخرجى بره




مهجه فرحانه طبعا وجنى بتطرد بره خرجت جنى وبعد اما خلصت المحاضره راحوا مهجه وندى ولؤي الكافتريا كانت هناك جنى




جنى : على فكره انا مش هعديلك الى حصل ده انتى متعرفيش انا بابا مين وخالوا يبقى مين


مهجه : اهدى يا حجه انتى انا ما بتهددش اهدى كده واجعدى خديلك سندوشت ولا كوبايه عصير تغلى اعصابك


لؤي : هى بتهرج معاكى معلش يا جنى محصلش حاجه


جنى : يعنى انت عجبك الى حصل ده


ندى : معلش بقى


مهجه: بصى يا با انتى اوعى تانى تجولى بابا ولا خالى خلخل نيبانك وكسر دروسك ياختى


لؤي: ما خلاص بقى يا مهجه هو فيه ايه




ندى ولؤي هدوا الموقف وانتهى اليوم وهمه ماشيين جنى ندهت على لؤي




جنى : لؤي


لؤي : نعم يا جنى


جنى : انا عايزاك فى حاجه مهمه اوى


لؤي : طيب قولى يا جنى


جنى : لا يا حبيبى ماينفعش هنا انا اشوفك فى النادى بقى اخر النهار


لؤي: اوك بس انتى مش تتاخرى


جنى : اوك يلا باى






تفتكروا جنى عايزه لؤى فى ايه ؟


دا اللى هنعرفه مع بعض فى المرة القادمه

انتــظرونــــــى و ,,

نشوفكوا الحلقه الجايه

[تانيا]

هههههههههههههههههههههه
حلقه حلوه اوى يا محمد
تفتكروا جنى عايزه لؤى فى ايه ؟
سؤال سهل اوىىىىى
اكيد هتقولو ملكش دعوه بالبت اللي اسمها مهجه دى تانى
او هتقوله حاجه تانيه
بس انا مش عارفاها
او عرفاهااااا
ههههههههههههههههههه
تسلم يا محمد ع الحلقه
بجد تحفه
في انتظار الحلقه القادمه

[~♥ Queen sozan♥~]

السلام عليكم ورحمة الله وبركاته

اولا كدة حد يجيب لحد تعبان
يا مهجة يا مفترية يا مفترررررررسة انتى

بس حلة جونان والله

منتظرين الباقى لم نشوف
جنى هتعمل اية

[حنـــــون]

ههههههههههههههههههه

كمان مهجه بتاعت مقالب

لا مهجه كدا بئت فظيعه

ههههههههههههههههههههههههه

حلوه الحلقه يامحمد

تسلم الايادى

[special girl]

السلاام عليكم

مهجه دي اسم علي مسمي تحسها هبله كده معرفش ليه هههههههههههه

حلقه جميله منك استاذ محمد

وفي انتظار باقي اليوميات ..........

[Silver Flower]

حلقه شيقيه
وفي انتظار البقيه

[Mo chahin]

اقتباسالمشاركة الأصلية كتبت بواسطة تانياهههههههههههههههههههههه
حلقه حلوه اوى يا محمد
تفتكروا جنى عايزه لؤى فى ايه ؟
سؤال سهل اوىىىىى
اكيد هتقولو ملكش دعوه بالبت اللي اسمها مهجه دى تانى
او هتقوله حاجه تانيه
بس انا مش عارفاها
او عرفاهااااا
ههههههههههههههههههه
تسلم يا محمد ع الحلقه
بجد تحفه
في انتظار الحلقه القادمه

عارفه ولا مش عارف ه ؟؟ ههههههه حولتيني معاكى ولخبطيني ,,

نورتيني يا قمر بنورك الجميل كالعاده ,,

دمتى بكل ود ,,

[Mo chahin]

اقتباسالمشاركة الأصلية كتبت بواسطة همسღ الجراحالسلام عليكم ورحمة الله وبركاته

اولا كدة حد يجيب لحد تعبان
يا مهجة يا مفترية يا مفترررررررسة انتى

بس حلة جونان والله

منتظرين الباقى لم نشوف
جنى هتعمل اية

عارفه يا همس .. ؟؟

ساعات بحس ان جنى دى غلبانه ولا حول لها ولا قوة ,,

بس ساعات كتير تحسى انها صفراويه كده وبتاعت مامى وبابى ههههه ,,

تسلميلى لمرورك يا جميل ,,

[Mo chahin]

اقتباسالمشاركة الأصلية كتبت بواسطة حنونههههههههههههههههههه

كمان مهجه بتاعت مقالب

لا مهجه كدا بئت فظيعه

ههههههههههههههههههههههههه

حلوه الحلقه يامحمد

تسلم الايادى

ولسه يا حنون هههههه .,,,

ياما تحت السواهى دواهى ,,

ومهجه بتقولكم انها محضرالكم حاجات تانيه كتير هههه ربنا يستر ,,

اشكرك يا قمر على مرورك الجميل ,,

تحياتى الخاصه ,,

[Mo chahin]

اقتباس
المشاركة الأصلية كتبت بواسطة speciel girl





السلاام عليكم

مهجه دي اسم علي مسمي تحسها هبله كده معرفش ليه هههههههههههه

حلقه جميله منك استاذ محمد

وفي انتظار باقي اليوميات ..........

والله يا سارة مش عارف ليه حاسس ان مهجه هتطلعلك فى المنام ههههه ,,

مرورك الاجمل يا قمر ,,

ودى وتقديرى ,,