مسابقة c.v المجهول

[SiLver Spectra]

المطلوب
C.V المرحوم
أو معلومات عن الشخصية المتوفاة في القصة
(المعلومات المطلوبه للشخص تحسب من سنة الوفاة)
و هي معلومات استنتاجية من أحداث سيتم سردها

C.V
1) الإسم الثلاثي :
2) الجنس :
3) العمر :
4) رقم العمارة :
5) الدور:
6) المهنة:
7) الحالة الإجتماعية :
8) الطول :
9) فصيلة الدم :
10) رقم الشكل التقريبي

________________________________

شروط المسابقة
1) الحل يضاف داخل الموضوع و لن يظهر سوى للإدارة فقط
2) يمنع وضع حلين
3) المسابقة متاحة للجميع اعضاء و سوبر و مميزين و مشرفين و مشرفين VIP و مشرف سابق
و غير متاحة للمراقبين و مراقبي الأعضاء و للإداريين
4) كتابة الحل عن طريق تعبئة ال10 معلومات للC.V السابق ذكرها و اعتمادها في مشاركة داخل الموضوع

الجوائز
كل معلومة مطلوبة في الC.V عليها درجة
ليكون المجموعة هو 10 درجات
أفضل عضو سيضع معلومات صحيحة عن الشخصية المتوفاه سيفوز بالمركز الأول و سيمنح 200 مشاركة
و صاحب المركز الثاني سيفوز ب100
و الثالث ب50 مشاركة


:::::::::::::::::
(عقارات ابو المعاطي)

منور يا استاذ خالد
خالد : دا نورك و الله يا استاذ عبد الله
عبد الله : تقدر دلوقتي تعتبر نفسك واحد من العيلة
خالد : آه فعلا قالولي إن العمارة كلها قرايب
عبد الله : لو عوزت أي حاجه فأنا ساكن في الدور الي تحتك الي تحتيه
أو ممكن تطلع لأخويا سالم إلي استقبلك تحت
خالد : آه شوفته
عبد الله : هو ساكن فوقيك عدل
خالد : أمال الحاج ساكن فين؟
عبد الله : الحاج فوق خالص . واخد لنفسه آخر دورين و فاتحهم بسلم داخلي
خالد : آه
عبد الله : تؤمرني بأي حاجه؟
خالد : لا سلامتك
عبد الله : الله يسلمك

:::::::::::::::::::::::::::::::::::::
إزيك يا أستاذ خالد ...أنا أحمد ساكن في الدور ال14
خالد : أهلا بيك يا أحمد . تعالى اتفضل
__________
أحمد : ايه الأخبار؟
خالد : الحمد لله . و شكلها شقة سعد عليه
أحمد : إن شاء الله
خالد : بصراحة المعاملات كلها ذوق و لو كنت لفيت الدنيا ماكنتش هلاقي شقة 150 متر مفروشه ب300 ألف بس
أحمد : انت دفعت بس 300
خالد : آه
ايه مالك ساكت
أحمد : لا مافيش بس افتكرت حاجه
خالد : حاجه ايه؟
أحمد : المرحوم إلي كان ساكن قبلك
خالد : مرحوم مين!!
سالم : أحمد إطلع فوق مراتك عايزاك . بعد إذنك يا أستاذ خالد
أحمد : أستأذن أنا
خالد : اتفضل يا سالم
سالم : لا بس كنت جاي أنده لأحمد
عبد الله : أحمد راح فين؟
سالم : طلع لسه حالن
عبد الله : أختك هي الي قالتلك؟
سالم : آه
خالد : اتفضل يا عبد الله
عبد الله : لا لا احنا هنسيبك تريح شوية . آه دكتورة الرجيم الي كنت بتسأل عليها
خالد : آه صح فكرتني
عبد الله : هي عيادتها في الخامس . إلحقها دلوقتي فاتحه

:::::::::::::::::::::::::::::::::
خالد : السلام عليكم
و عليكم السلام اتفضل حضرتك
خالد : ايوه أنا كنت عايز برنامج غذائي أمشي عليه يساعدني اني أملا شوية و أتخن
أوي أوي مافيش مشاكل اتفضل حضرتك عالميزان . انت كام سنه
خالد : 29
أنا جديد معاكم في العمارة على فكرة
و الله . آه انت الي ساكن مكان المرحوم
خالد : مرحوم مين؟
ابن عمي . انت مش عارف أنا مين؟
خالد : !!!!
ركز في الإسم . أمنية ابو المعاطي
خالد : آه تقربي للحاج عبد الرحمن
أمنية : أنا بنته
خالد : و الله
أمنية : وزنك 72 و الطول 183
يعني ناقصك 11 كيلو

انت عارف ان فيك شبه كبير من المرحوم . كان رفيع برضو بس كان أكتر منك ب4 كيلو و كان ناقصه 9 كيلو عن طوله

السلام عليكم
أمنية : دا دكتور ممدوح جوزي
خالد : اهلا وسهلا
أمنية : دا خالد ساكن مكان المرحوم
ممدوح : جارنا يعني . احنا ساكنين في ال13 . أخويا الدكتور عاطف ساكن تحتيك على طول
خالد : تشرفنا
ممدوح : إن شاء الله نتعارف أكتر في مره تانيه
خالد : دا يكون شرف ليه
ممدوح : خلصتيله و لا لسه؟
أمنية : لسه هكتبله البرنامج

:::::::::::::::::::::::::::::
أستاذ خالد؟
خالد : آه
دي حاجه بسيطه كدا بمناسبة ان دا تاني يوم ليك
خالد : دا إيه؟
شوية محشي تتغدا بيهم . أنا عارفه ظرروف النقل و كدا أكيد المدام مش هتطبخ النهارده
خالد : اتفضلي ادخلي
_______________
أمال المدام فين؟
خالد : أنا خاطب لسه
ههههه أمال قالولي إنك متجوز ليه!!
خالد : آه كنت . لسه هتجوز تاني
لا يا عم أنا همشي من هنا لحسن كدا بقى فيها شبهه ههههه
خالد : طيب ما اتعرفناش؟
هبة كمال مرات سالم ابو المعاطي
خالد : أهلا بيكي نورتي
هبه : طيب هستأذن بقى . أنا اديتك الأكل عالباب مش دخلت الشقة لحسن آكل علقة من جوزي ههههه
خالد : ههههه انتي اساس ماجيتيش
هبه : هههههه

ايه مالك متنحه . في شبه صح؟
هبه : آه
خالد : ما أنا كل الي يشوفني يقولي المرحوم المرحوم!!
هبه : سلام بقى

::::::::::::::::::::
أستاذ خالد؟
خالد : أيوه
أنا كرم ساكن في الدور ال17
تحت الحاج على طول
خالد : أهلا وسهلا اتفضل
كرم : الله يكرمك أنا بس كنت جاي اسلم على ضيفنا الجديد قبل ما أودي حماده النادي
سلم يا حماده على عمو خالد

:::::::::::::::::::::::::::::
هبه : السلام عليكم . معلش كل يوم نقلقك كدا الصبح
خالد : لا عادي
ازيك يا أستاذ خالد
هبه : دي نسرين العبيطه
خالد : أهلا بيكي يا نسرين . تعالوا اتفضلوا
__________________
هبه : انت عارف بقى دي تبقى مين؟
نسرين : أنا مرات المرحوم
خالد : من كتر ما بتجيبوا في سيرته حاسس اني باقيت المرحوم
هبه : ههههه ما شاء الله في شبه كبير بينكم
خالد : انتي كمان معانا في العماره يا نسرين؟
نسرين : آه
هبه : دول عيالها يا خويا مش بيخلونا نعرف ننام . ما بيبطلوش تنطيط
نسرين : يعني إسم الله لما كنتي ساكنه فوقينا عيالك الي كانوا هاديين!!
هبه : آه و الله كانت أيام . عيال ممدوح كانوا مريحين مش زي عيالك
خالد : دول عيال المرحوم؟
نسرين : لأ أنا اتجوزت بعده
خالد : آه
هبه : هي خلفت منه حماده بس
خالد : دا غير ابن كرم!!؟
نسرين : لا هو حماده ابراهيم . بس كرم اتبناه بعد ما اتجوزت
هبه : اصله ما بيخلفش
خالد : المرحوم دا اتوفى من زمان؟
هبه : بقاله كام سنه يا نسرين؟
نسرين : 6 سنين . من 2004
خالد : ربنا يرحمه
نسرين : احنا كنا دفعة تخرج واحده
خالد و الله . يعني أد بعض
نسرين : لأ هو أكبر مني بسنتين . طول عمرنا كنا في مدرسه واحده
بس هو دخل المدرسه متأخر سنه . فكان بيني و بينه سنه في المدرسه و في اعدادي هندسه دبلر سنه كمان (يعني عاد السنه للناس الي مش روشه )
فباقينا مع بعض
دفعة تخرج واحده سنه 2002
خالد : آه
هبه : بت يلا قومي جوزي بيرن عليه
نسرين : ماشي يا استاذ خالد لينا قاعده تانيه
خالد : تنوروا في اي وقت

::::::::::::::::::::::::::
أحمد :أهلا أهلا ازيك يا استاذ خالد
خالد : ازيك يا احمد معلش لو جتلك في وقت مش مناسب
أحمد : يا راجل عيب تقول كدا . تعالى اتفضل دا حتى مراتي في الشغل
__________________
أحمد : ايه أخبارك . أخدت على الجو الجديد؟
خالد : لسه شوية . بس كل ما حد يشوفني يقولي المرحوم المرحوم
أحمد : مين الي سألك؟
خالد : كل الناس لسه الصبح هبه و نسرين كانوا عندي
أحمد : و الله . و قالولك ايه؟
خالد : مافيش بس نظراتهم غريبه ليه
أحمد : ما انت شبهه فعلا
خالد : آه قالولي
أحمد : ما قالوش حاجه تانيه؟
خالد : لآ

ايه سكت تاني ليه زي المره الي فاتت!!
أحمد : انت مش حاسس ان الجو غريب؟
خالد : غريب ازاي!!
أحمد : يعني الحاج مظبطك و مسكنك بسعر تفضيلي
خالد : و دا له علاقه بالشبه!!
أحمد : ممكن
خالد : هو المرحوم مات ازاي!!؟
أحمد : في حادث عربية
المرحوم دا كان صديق عمري
كنا شغالين مع بعض في الشروق
خالد : هو صحفي و لا مهندس!!
أحمد : كان بيكتب مقالات حلوة فاشتغل في الجريدة
خالد : بس هو اتوفى صغير
أحمد : بعد الحادث جاله نزيف حاد
كنا بنتبرعله دم بأي فصيلة
خالد : أي فصيلة ازاي!!
أحمد : هو دمه بيقبل اي فصيلة . بس كان ممكن يعيش
خالد : !!!
أحمد : لو ماكنش سالم فصل الأجهزة
خالد : و سالم فصلها ليه!!
أحمد : شوف يا خالد دا سر ما يعرفوش حد خالص غير انا و سالم و عبد الله الي كنا موجودين وقتها . لا مراته و لا الحاج يعرفوا حاجه و لا أي حد تاني
خالد : طيب و سالم هيخلص منه ليه!!
أحمد : عشان كان عايز نسرين
خالد : بس هو مش متجوزها
أحمد : ما هو اتجوزها و طلقها بعدها بشهرين . ما استحملوش بعض
خالد : أمال هبه دي تقربله ايه!!؟
أحمد : انت عرفت منها ايه؟
خالد : انها مرات سالم
أحمد : هي مراته آه . و أخت المرحوم

خالد : ربنا يرحمه
أحمد : و يرحمنا جميعا
خالد : بس انت ما عرفتش أنا بشتغل ايه!!
أحمد : ايه؟
خالد : ظابط شرطه
!!!!!!

::::::::::::::::::::::::::
ملاحظة : المشاركة لن تظهر و ستكون مراقبه
يرجى الرد بالإجابه فقط
عدد من تقدموا بالاجابات حتى الآن هم 46

[الأميرة منة]

يعنى ايه الحل هيبقى فى توبك جوه القسم نفسه
ولا هنا برده فى مكان الرد ؟؟
مسابقة جميلة
بالتوفيق

[big bốss]

مسابقه حلوه


لما نشوف ابو المعاطى فى اخر ايام رمضانهههههه


بالتوفيق للجميع

[Đ σ ρ e s τ]

silver spectra
حرآم عليك يآ د.طآرق احنآ لسه فآطرين مخنآ مش اشتغل ههههههههه
كنت عملتهآ على العيد عشآن مخنآ يكون مصحصح على العموم هحآول احلهآ
بالتوفيق للجميع~..~

[Mo7aMaD 3aLa2]

c.v
1) الإسم الثلاثي : ابراهيم كمال ابو المعاطى
2) الجنس :رجل
3) العمر :25 سنة (توفى عند هذا العمر)
4) رقم العمارة :512
5) الدور:11
6) المهنة:مهندس
7) الحالة الإجتماعية :متزوج
8) الطول :185
9) فصيلة الدم : O
10) رقم الشكل التقريبي 3
الدرجة
5/10

[فرحة]

1) الإسم الثلاثي : ابراهيم كمال ابو المعاطى

2) الجنس : ذكر



3) العمر : 31


4) رقم العمارة : 512


5) الدور: 12


6) المهنة: كاتب مقالات بجريده


7) الحالة الإجتماعية : متزوج ولديه اولاد


8) الطول : 185


9) فصيلة الدم (o)



بجد المسابقه جمييييله جداااااا
ويارب تكون اجاباتى صحيحه
وبالتوفيق للجميع


10) رقم الشكل التقريبى: 2

الدرجة
7/10

[اخت محمد]

معلش اصلها صعبة جدا مش هقدر اشترك

[♥Donya♥]

مسابقه هحاول احلها باذن الله
تسلم ايدك ياطارق

[عازف الاحساس]

اقتباس
المشاركة الأصلية كتبت بواسطة SiLver Spectra

المطلوب
C.V المرحوم
أو معلومات عن الشخصية المتوفاة في القصة
(المعلومات المطلوبه للشخص تحسب من سنة الوفاة)
و هي معلومات استنتاجية من أحداث سيتم سردها

C.V
1) الإسم الثلاثي :
ابراهيم عبدالرحمن ابو المعاطي
2) الجنس :
ذكر
3) العمر :
30 سنة في عام 2010
توفي 24 عاما
4) رقم العمارة :
512
5) الدور:
12
6) المهنة:
صحفي
7) الحالة الإجتماعية :
متزوج
8) الطول :
185
9) فصيلة الدم :
o
10) رقم الشكل التقريبي
1

________________________________
::::::::::::::::::::::::::

الدرجة
6/10

[عازف الاحساس]

معلش يا طارق السن
بدل 30 سنه
هيكون 33 سنة في عام 2010
وسنة الوفاة 27 سنة

تحياااااااااااااااااااااااتي