هتكتب ايه.................

[رنين]

صحاب كانو ماشيين في صحرا
وهم ماشيين دار بنهم حوار ..المهم في الآخر إشتد الكلام وإتخـــانــقو

انتهى بأن ضرب واحد منهم التاني على وشه بالألم...طرااااااااااخ


إللي إضرب ده يا عيني كان بيتألم...تفتكروا عمل إيه؟؟


طبعاً هتقولو ضربه ؟؟؟ لأ مضربوش

لقى عصايا واقعه ..راح جبها...يا ترى بيعمل بيها إيه؟؟؟

ما إحنا قلنا مضربوش


و لكن من غير ما يتكلم كلمه واحده كتب على الرمل

”اليوم ضربني اعز صديق عندي على وجهي "


و بعدها كملو طريقهم ..علشان هما في صحرا

حتى وصلو إلى واحة ..لــقــو فيها بير.....فراحو يشربو


الصاحب المضروب وهو بيشرب وقع في البير ده وكان خلاص هيغرق

لولا ساتر ربنا شافه صاحبه إللي كان ضربه..وأنقذه

بعدها و لما طلع صاحبه إللي كان هيغرق (إللي هو كان مضروب) حفر على الصخر


”اليوم أنقذ صديقي حياتي“


هنا سأله صديقه الذي ضربه من قبل و أنقذه بعدها


”بعدما ضربتك كتبت على الرمل و الآن حفرت على الصخر, لماذا؟“

فأجابه صديقه

”عندما أغضب منك فعلينا فأكتب ذلك على الرمل.....
لتأتي الريح ......و تجلب المسامحة.... وتمسح المكتوب“

و لكن عندما تساعدني فيجب أن أحفر ذلك على الصخر فيبقى ذلك دائما رغم هبوب الرياح



فلنتعلم أن نكتب آلامنا على الرمال و نحفر الخير على الصخر

يقال إننا نحتاج إلى دقيقة لنجد شخصا مميزا, و ساعة لتقديره, و يوم لنحبه, و لكننا نحتاج إلى أيام عمرنا

كلها لننساه

كنت قريت القصة دي وعجبتني قلت أجبهالكو يمكن نتعلم منها حاجه

كل واحد فينا ..النهارده يحفر على الصخر ..قصدي يشارك معانا....
.ويقول جميل لا ينساه من شخص عزيز عليه


مستنيه الردود ويا رب الموضوع يعجبكم

[البرنس رامى]

موضوع جميل جداااا وعجبنى جدا جدا

شكرا لكى رنين على الموضوع وأسعدنى أننى اول من يمر عليه وأقرأه

موضوع فيه معنى الصداقه الحقيقيه وفيه روح الحب والتسامح

لكى ارق تحياتى اختى الفاضله

ولكى ايضا باقة ورد

[سعوووديه]

مشكوووووووووره رنين على الموضوع الحلو

[bona]

قصة حلوة اوي يا رنين
مشكورة

[شاعر الاحزان]

جزااااااااااااااااكى الله خيرا

[اسير الحزن]

قصه جميلة جدى وفيها معنى ومعانى كتير حلوة بصراحة
تسلمى رنين على التوبك المميز

[رنين]

رااااااااامى ده شرف ليا انا يا برنس انك مريت على موضوعى وكتبت فيه كمان
والف شكر ليكى السعووديه وبونا وشاعر الاحزان واسير الحزن
بجد نورتوتا الموضوع
بس كان نفسى كنتوا تقولولى هتكتبوا ايه على الحجر انتوا كمان