ظروف خاصه

[حَرفُُ هجآءّ]

بسم الله الرحمن الرحيم

السلام عليكم ورحمة الله وبركاته

ظروف خاصه

اكيد كل واحد مننا عنده ظروف خاصه

سواء فى بيئته اللى اتربى فيها

او مستواة المادى اللى عايش فيه

او مستوى تعليمه

طبعا فى ناس بتمشى على الطرق الصح ومش بيهمها لا ظروف ولاغيرة

وفى ناس بتعمل الغلط وتقولى اصل ظروفى كده وظروفى خاصه

وبتدى لنفسها المبررات للغلط اللى بتعمله

هديكم مثال

واحد انفصل عن حبيبته خطيبته اى وحده وخلاص

يقوم يروح يشرب مخدرات او لو ش بيشرب سجاير يشرب ويقولك اصل ليا

ظروفى الخاصه

او مثلا وحده عايشه فى دوله اجنبيه تشرب خمور قال ايه عشان البلد محلله

شرب الخمرة عشان كده بتشرب

وتقول اصل ليا ظروفى الخاصه وبيئتى الخاصه

او بنت مثلا تكلم شاب ولما تقولها بتعملى كده ليه تقولك اصلى اكنى عايشه

لوحدى فى البيت ومش بكلم حد

يعنى ليها ظروفها الخاصه

ولو كانوا اهلى قريبين منى مكنتش كلمته

يالهوووووووووووووووز

ايه المبررات السوده دى

وكلام منيل بنيله

طيب ماشى يابتوع الظروف الخاصه

هل بقى المبررات والظروف الخاصه تعفى الانسان من الخطأ؟

[Tefa Salem]

لا طبعا متعفيش الأنسان لكن الظروف ليها عامل مهم انها تخلى الأنسان يلجأ للغلط

[جميلة مصر]

بجد موضوعك جميل يا اسيل ولازم ننتبه للنقطة الهامة دى
مفيش مبرر يسمح للانسان انه يعصى ربنا او يغضبه ده زى ما بيقولوا ما صدق ان جاتله الفرصة او بيتحجج عشان يعمل الغلط بمعنى انه بيرضى ضميره وخلاص والمشكلة ان الانسان ده بيبقى عنيد وما بيتقبلش نصيحة من حد
بس اكيد الانسان اللى واثق فى قدرة ربنا اللى هتحلله ظروفه ماكانش فكر يعمل الغلط

[dinan]

مشكورة على التوبيك الجميل

[Silver Flower]

ولله عندك حق
للاسف هادا الي بيحصل ومتل ما بنقول عذر اقبح من ذنب
لو الواحد لجا فقط لدينه ما بيتعب ولا يغلب
قله الدين اكيد السبب الرئيسي
احترامي وتقديري الك

[be with me]

واللة عندك حق فعلا معظم الناس تقولك انا عملت كدا عشان ظروفى كدا واللة بجد موضوع مهم ومتميز جدا اتقبلى مرورى اختى

[~♥ Queen sozan♥~]

السلام عليكم ورحمة الله وبركاته
هل بقى المبررات والظروف الخاصه تعفى الانسان من الخطأ؟

مش بيقولك بيحب يعيشو فى الوهم وكمان يعيشو ان هم مظلومين
اى حد يشوف نفسو دايما مظلوم ودايما صح يشك فى نفسو لان هو دة الغلط فى حد ذاتو
الظروف عمرها ما كانت دافع لى الغلط
طيب لية الشاب ممكن يكون مدرس او عالم ممتاز وابوة حرامى او مش كويس او العكس
الظروف احنا لى بنصنعها با اديناااا هى مش بتصنعنا يا اسيل
احنا لى بنمسك القلم ونرسم على الورق مش الورق لى بيرسمنا
هو القدر اة لى بيحركنا لكن احنا علينا عبء برضو
احنا لى بنحدد مستقبالنا
الظروف عمرها ما بتكون غلط على طول العيب فينا احنا
احنا لى بنقرر احنا عيزين اية
هو ممكن الاول بنكون مغيبين بس بعد كدة عينينا بتفتح
وبنعرف فين الصح وفين الغلط وبيكون غلط لو تمادينا فية

شكرا على موضوعك المميز

اختك
همس

[big bốss]

كل انسان مسئول عن نفسه لكن لما تتحكم فيه حاجات


وتفرض عليه واقع هو مش عيزه اكيد بيلجا للشرب المخدرات والسجاير والشيشه ....الخ



اللوم من رايي مش على الشباب



فيه شباب مرتاحه نفسيا وبتشرب مخدرات ومش محتاجه حاجه ولا ناقصه

دا بقا انسان يستحق الموت لانه هو الى بيختار يدمر نفسه من غير سبب


فيه شباب الحاله النفسيه بتكون زفت والاسباب كتير والى مصدومين والى مكسرين من جواهم


ومش قادرين يكملوا الحياه من تغير تفكير


هيلجا للشرب علشان ينسوا الهموم ولو مؤقت


شكرا لموضوعك

[حَرفُُ هجآءّ]

اقتباسالمشاركة الأصلية كتبت بواسطة Tefa Salemلا طبعا متعفيش الأنسان لكن الظروف ليها عامل مهم انها تخلى الأنسان يلجأ للغلط

صح مهما كانت الظروف مش مبرر لعمل الغلط

نورت

اشكرك على مرورك

[حَرفُُ هجآءّ]

اقتباسالمشاركة الأصلية كتبت بواسطة جميلة مصربجد موضوعك جميل يا اسيل ولازم ننتبه للنقطة الهامة دى
مفيش مبرر يسمح للانسان انه يعصى ربنا او يغضبه ده زى ما بيقولوا ما صدق ان جاتله الفرصة او بيتحجج عشان يعمل الغلط بمعنى انه بيرضى ضميره وخلاص والمشكلة ان الانسان ده بيبقى عنيد وما بيتقبلش نصيحة من حد
بس اكيد الانسان اللى واثق فى قدرة ربنا اللى هتحلله ظروفه ماكانش فكر يعمل الغلط

السلام عليكم

والله كلامك صح

زى ما يكون نفسه يعمل الغلط وم لاقى فرصه

واول لما لقى شماعه عمل الغلط

مهما كانت الظروف عمر الانسان ما يتخلى عن مبادئه مهما كانت

اشكرك جميله على مرورك الجميل