غيرت حاله

[tefa]

دى أغنية جديدة من تأليفى
يارب تعجبكوا






وانتى معايا حاجات كتير علمتهالك .. يمكن تحسى بأى حاجة مش فى بالك
فكرة مفيش حب الزمان دا شيلتهالك .. وبعد كل اللى عملته مشيتى ليه
قلبك زمان الحب عمره ما كان فى باله .. قربت منه وأديكى شايفة اللى جراله
دلوقت بسأل نفسى ليه غيرت حاله .. أول ما علمتك تحبى حبتيه


ياريتنى ما كنت انا غيرتك .. وكنت سيبتك على حالتك
دلوقت بندم والندم هيفيد بإيه
وبرده لسة فى تفكيرى .. ومقولتليش كتر خيرى
وأدينى هنسى وخلى قلبك فى اللى فيه


ألوم عليا ولا لازم ألوم عينيكى .. دنا كنت أقرب حد فى الدنيادى ليكى
ومحستيش باللى بحسه مابين ايديكى .. وأنا اللى خليتك فى ثانية تعشقيه
أنا بس مستنى الليالى تعدى بيا .. وأشوف عيونك حتى صدفة قصاد عينيا
هقولك انتى كنتى أجمل حاجة فيا .. ويارب كل كلامى ليكى تصدقيه



ياريتنى ما كنت انا غيرتك .. وكنت سيبتك على حالتك
دلوقت بندم والندم هيفيد بإيه
وبرده لسة فى تفكيرى .. ومقولتليش كتر خيرى
وأدينى هنسى وخلى قلبك فى اللى فيه

[The heart]

كلمات جميله بس كلها عتاب وحزن
بس فعلا جميله
ننتظر منك المزيد

[أنــســان]

بوح أخذنا في إبحار في لليل مشاعر هامسة هادئة
فعزفت لنا أرقي الالحان
لله درك بل لله در حروفك ومدادك لك مني أجمل باقة
ورد معطرة اعجابا بهذا المداد دمت ودام مدادك مشرق

تحياتي وصفوا ودادي

[تيتشر نفشه ツ]

السلام عليكم الاخ الغالي مصطفى
بجد كلماتك جميله قوي وبدايه موفقه يارب تبقى دايما منورنا بكلماتك وتواجدك معانا ياغالي

بنوته بريئه

[حـ,ـكـ,ـآيـ,ـهـ,ـ ۅطـ,ـنـ,ـ]

بوح صادق نابع عن

احاسيس صادقه واشواق

شجيه, تكاملت لوحتك

بنقاء وصفاء قلبك

ودي ووردي

[tefa]

اقتباس المشاركة الأصلية كتبت بواسطة the heart كلمات جميله بس كلها عتاب وحزن بس فعلا جميله ننتظر منك المزيد

نورتينى ياقمر
فعلا كلها عتاب
لان الموقف نفسه محتاج عتاب
نورتينى ياعسل
مرسى على مرورك

[tefa]

اقتباس المشاركة الأصلية كتبت بواسطة أنــســان بوح أخذنا في إبحار في لليل مشاعر هامسة هادئة فعزفت لنا أرقي الالحان لله درك بل لله در حروفك ومدادك لك مني أجمل باقة ورد معطرة اعجابا بهذا المداد دمت ودام مدادك مشرق تحياتي وصفوا ودادي

كلامك كبير اوى والله
وكتير عليا اوى
ربنا يخليك يامعلم
نورت التوبيك

[tefa]

اقتباس المشاركة الأصلية كتبت بواسطة بنوته بريئه السلام عليكم الاخ الغالي مصطفى بجد كلماتك جميله قوي وبدايه موفقه يارب تبقى دايما منورنا بكلماتك وتواجدك معانا ياغالي بنوته بريئه

الاخت الغالية بنوتة
شكرا اوى على كلامك ياقمر
على فكرة انا ممنوع ابعت رسايل خاصة
عشان كدا مش عارف ارد عليكى
انتى ممكن تدخلى على الصفحة بتاعتى هتلاقينى حاطط الميل بتاعى
كلمينى وهنقدر نشتغل مع بعض لو انتى بتلحنى
وعايزك تسمعينى اللحن بتاعك

نورتينى ياقمر
ومستنيكى تردى عليا بقى

[حَرفُُ هجآءّ]

اتنفس انا منك الابداع

بكل حرفنه صغت حروفك

وبكل دقه وصفت مشاعرك

تراكيب منظومه كعقد من حبات اللؤلؤ

جميل أنت بإحساسيك

وإحساسك بوقع الحرف على كل من يقرأ لك

لروحك جنائن ورد

دمت بكل ود