البدرى يخرب بيت النادى الاهلى واهدار عام للاموال !

[ღ Gի๐sτ ღ]

ألسلام عليكم ورحمه الله وبركاته

عودة جديدة للتحليل والنقاشات والتقارير بعد غياب طويل شوية

فى البداية

بامكانكم متابعه اخر تحاليلى فى هذة المواضيع

صباح المخـدرات : صبري سراج: كيف سيشارك جدو مع الزمالك في البطولة الأفريقية .. ؟!
http://forums.msryat.org/showthread.php?t=153617

بالدليل القاطع : جدو من حق الاهلى والزمالك ينصب على مين ؟
http://forums.msryat.org/showthread.php?t=153840

تقرير مابنى على باطل فهو باطل+ لن يتم ايقاف جدو
http://forums.msryat.org/showthread.php?t=157360


النهاردة جايبلكم التحليل الرابع ليا فى المنتدى واتمنى انة يعجبكم بس معلش هاطول عليكم اوى فى الكلام :shiny01:

ألتقرير بعنوان

حسام البدرى خرب بيت الاهلى ! واهدار للمال العام

السلام عليكم ورحمه الله وبركاته

همع نهاية الدورى المصرى الموسم الماضى ببطولة افريقيا كان فى غضب من بعض جماهير الاهلى على طريقة واداء لاعبى الاهلى وكان اللوم على حسام البدرى

وكان حسام البدرى قد قال اننى لعب بالناشئين ولكن الادارة لن توفر اللاعبين المطلوبين مثلما فعلت مع جوزية فاتمنى الادارة توافق على اللاعبين اللى اطلبهم

----------------------

طلباتك يا بدرى

محمود ابو السعود - عبد الحميد شبانة - محمد جدو - حسام غالى - محمد شوقى - عدم بيع امير سعيود بعد العروض الاوربية والخليجية التى طلبت شراءة

تمام .. ولكن هل البدرى يلعب بالتشكيل الحقيقى واللى يستحق ان يلعب فعلا ؟ ام يلعب بالمجاملات للاعبين الكبار ويلعب بكل النجوم ويخاف ان يجلس النجوم المحبوبين على دكة البدلاء ؟

----------------------------------------

نبدء واحدة واحدة

محود ابو السعود حارس مرمى الاهلى الجديد

البدرى قعد يقول مشكلتى الاولى حراسة المرمى وقعد يطلب محمود ابو السعود لاكثر من 6 شهور وتم التعاقد معه ولكن اين محمود ابو السعود الان ؟

كل مباراة خارج قائمة الفريق ولن يلعب سواء اساسى او احطياطيا ؟ رغم انة كان اول طلب واهم طلب لحسام البدرى كما ان جميع الخبراء واغلبية الجماهير تعترف بان محمود ابو السعود افضل حارس بالاهلى خاصة انة كان ضمن منتخب مصر فى العام الاخير حتى لو كان احطياطيا ولكنة كان فى المنتخب ويلعب احطياطى نعم ولكن على اسم كبير مثل الحضرى ..

فاذا لماذا لا تعلب بمحمود ابو السعودى الذى طلبتة لاكثر من 6 شهور ؟ لماذا اشتريت محمود ابو السعود بما انك لن تلاعبة بالفريق ؟ خاصة انك قلت شريف له مشكلة كبيرة وهى العرضيات وكلنا نخسر احيانا بسبب اخطاء فادحة من شريف اكرامى ... ام انك تلاعب شريف مجاملة لوالدة الكبير اكرامى ! او تعلب بناء على اسم وشهرة اللاعب لانة قادم من اوروبا !!

---------------------

عبد الحميد شبانة " كيف تشترى صانع العاب وانت عندك افضل صناع العاب بمصر

مثل( محمد ابوتريكة - احمد حسن - محمد بركات ) عندهم خبرة لا توجد عند لاعب اخر غير امكانياتهم العالية

- (شهاب الدين احمد -عفرتو -امير سعيود - احمد شكرى ) لاعبين شباب ولكن مصر كلها تعلم من هو عفروتو وهو داخل قلوب جماهير الاهلى منذ اول مباراة له مع المنتخب بكاس العالم للشباب او اول مباراة له مع الاهلى امام اتحاد الشرطة وكلنا نلعم قد اية عفروتو مهارى وانة سيكون من امهر اللاعبين فى الوطن العربى ومن افضل اللاعبين العرب ايضا !

امير سعيود .. اللاعب الذى اجمع عليه جميع الخبراء بانة نجم المستقبل للاهلى وكما طالبت جماهير الاهلى بشدة ان يلعب .. وشاهدنا تصريح بركات على امير سعيود عندما قال .. " لا تستغربو ان قلت انة لا يوجد لاعب بمصر مثل امير سعيود " فانة نجم الكرة العربية الاول القادم .. والوحيد الذى لا يريد ان يلاعبة هو حسام البدرى فقط رغم انة يطالب ببقاءة وعدم بيعه رغم العروض الاوروبية والخليجية ؟؟ ام هو خوفا من ان تلاعب نجم صاعد على حساب لاعبين مثل ابوتريكة او احمد حسن خوفا من الجماهير لان احمد حسن وابوتريكة لديهم شعبية جارفة .. خاصة انة من الممكن وبسهولة ان يكون اساسيا على محمود ابوتريكة فى اى وقت بعض هبوط مستوى تريكة !

شهاب الدين احمد :: فهو اللاعب الذى تم اختيار لقب لة وهو فى سن ال 20 عام وهو لقب الجزار لما لا فانة صاحب الهدف الاهلى التاريخى والتاهل الى دور ال 8 على حساب الاتحاد الليبى بدورى ابطال افريقيا .. كما انة اللاعب الوحيد الذى يكون اداءة جيد عندما يكون اداء لاعبى الاهلى باجمعهم سىء فى اخر المباريات .. خاصة انة يمكن ان يلعب وسط دفاع ووسط مهاجم فهو لدية المهارات الخاصة والتسديدات القوية والحلول الهجومية والمساندة الدفاعيه بنسبة 100% ويعد من افضل شباب مصر الحالى

احمد شكرى : فلا عندى وصف اقولة على لاعب شاب باداء احمد شكرى فهو نجم المستقبل لمنتخب مصر ولا يختلف عليه اثنان وسبق ان وليد صلاح الدين اختارة خليفة له لانة يعلم من هو احمد شكرى جيدا .. خاصة ان احمد شكرى هو من اهم اللاعبين فى منتخب مصر للشباب بل افضل 3 لاعبين بمنتخب مصر للشباب هما احمد شكرى و شهاب الدين احمد و عفروتو

اى فكيف مدرب عاقل يشترى 2 صناع العاب وهو لدية 7 صناع العاب ! ! ؟ ام هو اهدار مال

شراء حسام غالى و محمد شوقى !! ؟

لن اقول ان شوقى وغالى مستواهم سىء .. فهما اضافة قوية لاى فريق

ولكن الاهلى لن يحتاجهم فى وجود افضل 2 محور ارتكاز بمصر وهما احمد فتحى وحسام عاشور

فليس لدى وصف اكتبة عن حسام عاشور غير بكلمة واحدة .. انه رومانة الميزان

- واحمد فتحى فانة الجوكر الذى يلعب فى كل مكان بالملعب سواء يمين او دفاع او وسط ملعب ..الخ وبكل الاماكن وخاصة ان حسام عاشور واحمد فتحى عمرهم لن يتعدى ال 27 عام اى مازال لهم سنوات قادمة ايضت

شهاب الدين احمد : فالجميع يعترف واجمع ان شهاب الدين احمد افادة للاهلى اكثر من شوقى وحسام غالى خاصة انة يتميز عن حسام غالى فى السرعه و المهارة و التسديد ويتميز على شوقى فى السرعه والمهارة وربما يتفوق على شوقى فى التسديد رغم ان شوقى لدية القدر على التسديد ايضا .. وغير ذلك فانة لدية القدرة على اللعب دفاعيا او هجوميا والاهم من ذلك انة عندة 20 عام .. اى انة يعطيك لاكثر من 10 سنوات قادمة .. عكس غالى وشوقى الذى بعد عامين ادائهم سيهبط بقوة

اذا البدرى

اشترى عبد الحميد شبانة ب 2 مليون و 100 الف جنية .. رغم وجود 7 صناع العاب ! وايضا لن يلعب عبد الحميد شبانة فهو جاء لزيادة عدد وفلوس عالفاضى وفى نفس الوقت لن يلعب ولو دقيقة

اشترى محمد ناجى جدو مقابل 7 ونصف مليون جنية + ظهير ايمن و مهاجم .. رغم اعتراف البدرى بانة يحتاج الى مهاجم وظهير ايمن ! كما ان الافضح من ذلك بانة البدرى كان من الممكن ان يوفر هذا المبلغ واللاعبين وينتظر حتى شهر يناير المقبل ويتعاقد مع جدو مجانا ! ؟ ام هو استعجال عالفاضى رغم اننا بحاجة الى مهاجم والفلوس اكثر من صانع العاب وخاصة ان صانع الالعاب جدو هذا ممكن ان يأتى مجانا فى شهر يناير

اشترى محمود ابو السعود ب 5 مليون .. ورغم ذلك لن يلاعبه !! ؟

اشترى محمد غدار !! ورغم ذلك لن يفكر ان يعطى الفرصة لمحمد غدار ولو مباراة واحدة

اشترى حسام غالى ومحمد شوقى وكان سعر شوقى فوق ال 5 مليون جنية

ورغم ذلك الاثنان يلعبان احطياطيا فقط ولا يلعبان اساسيا !! ؟ وخاصة الضحية فى ذلك هو اخفاق لاعب الجميع اشاد به فى الظهير الايمن وهو شريف عبد الفضيل .. ورجوع احمد فتحى للظهير الايمن بعد الابتعاد عن المركز هذا لاكثر من عام .؟ وخروج احمد السيد بعدما اثبت وجودة بنهاية الموسم وكان حاضر بقوة ومرتفع فى الاداء مباراة عن مباراة

فاذا فى اجماع التعاقدات

شراء 6 لاعبين بمبلغ حوالى 25 مليون جنية


هما

حسام غالى - محمود ابو السعود - عبد الحميد شبانة - جدو - شوقى - غدار

ميصرهم

غالى " احطياطيا

شوقى " احطياطيا

غدار " لن يلعب الا 10 دقائق منذ شرائة

شبانة " لن يلمس الكرة حتى الان

ابو السعود " لن يفكر فى ادخالة بالقائمة الاحطياطى حتى

جدو " فانة الوحيد الذى لعب منذ قدومة فلن الومة على شراء جدو .. رغم انة كان من الممكن ان ينتظر حتى شهر يناير ويشترية مجانا

رغم المبالغ الضخمة التى دفعها للى يسوى وميسواش

استخسر دفع 5 مليون جنية فى مصطفى كريم رغم انة كان اجدر واحد بان يلعب فى الاهلى مقارنة بكل المتعاقدين مع الاهلى هذا الموسم

اذا فى النهاية .. لاعب واحد فقط الذى افاد الاهلى من 6 لاعبين .. والباقى فلوس عالفاضى

واللى كان المفترض ان يتعاقد معه البدرى وهو مصطفى كريم . وتم استخسار المبلغ فية وهو مليون دولار اى مايقرب بين ال 5 وال 6 مليون جنية

الان البدرى يلطم ويلطم على وجود مصطفى كريم

ويطلب ظهير ايمن و مهاجم اخر !

رغم انك فرطتت فى ظهير ايمن ومهاجم هذا الموسم عشان التعاقد مع جدو !


فاذا كان من الاولى ان تتعاقد مع اللاعبين فى المراكز الاخرى المفيدة للنادى

افضل من ان تتعاقد مع لاعبين بناء على شهرتهم فقط والنادى لن يحتاجهم مثل

شوقى وحسام غالى

او غدار وعبد الحميد شبانة ككمالة عدد


اسف ع الاطالة واعلم ان الموضوع طويلا

ولكن السبب فى ذلك هو مدرب فاشل متسرع فى التعاقد ويريد الشهرة والاسماء والصفقات الجماهيرية ولا يريد صفقات مفيدة للفريق

ولكنها كانت نظرة تحليلية على تعاقدات حسام البدرى
الذى اشترى 6 لاعبين .. ولن يحتاجهم والان يعترف بانة يريد شراء لاعبين فى اماكن اخرى

انتظر ردكم ونقاشكم .. هل كلامى صحيح ؟ خطاء
وجهة نظرك

اى يكون موضوع للنقاش !

[ARAGON]

في لجنة التعاقدات في الأهلي فيه تحتيم على ما يحتاجه الأهلي.. وساعات بيبقى فيه فرض.. على المدرب

انه محتاج دعم .. بالنسبة للتسويق وخلافه فهو عبارة عن (مجموعة التسويق بالأهلي) فيه إعلانات وفيه حاجات كتيرة وفيه برامج للاعبين..

(عايزك تعمل مقارنة بين الأهلي حالياً في المصاريف ) وبين الأهلي (أيام جوزيه في المصاريف برده)

بس شوف الفرق في الراتب (

اقتباس فينجادا لمدة موسمين مع الأهلي مقابل الحصول علي راتب شهري قدره 40 ألف يورو وهو نصف ما كان يحصل عليه جوزيه 80 ألف يورو شهريا بخلاف السيارة الخاصة ونفقات السكن التي يتحملها ايضا النادي الأهلي.

فيه فرق كبير ودا طبعا مش اللي وصل ليه جوزيه فيه حاجات ثانيه كتير

لو حسبت الراتب في الشهر ها تلاقيه معدي الـ (250 الف جنيه) في الشهر مع حسابه في السنه (ها تلاقيه 3 مليون) تقريبا ويمكن اكتر

البدري بياخد نص الراتب ده في الشهر (لو جبت مدرب أجنبي) ها يبقى فيه فرق

ثانيا شوف قيمة التعاقدات اللي عملها جوزيه مع الأهلي .. قد ايه (وشوف مين لعب ومين ما لعبش)

الأهلي 2009 / 2010 فاز بالدوري - ثاني الكأس - كاس السوبر - مربع ذهبي افريقيا
الاهلي 2008/2009 مع جوزيه (اخر سنه) فاز بالدوري - خرج من الكاس - خرج من ابطال افريقيا - خرج من الكونفدرالية (رقم قياسي الأهلي يخرج من بطولتيين قاريتين في شهر واحد فقط

مع تقديري على كل الانجازات اللي عملها (بس بصراحه لازم يبقى فيه تشويق) لما تحس انك بتاخد بطولة كل سنة ها تمل منها..

لو بتلاقي فيه منافسة لاخر نفس (صدقني ها تحس بطعمها)

فرق كتير بتخسر وفرق كتير بتكسب

وفيه فرق كتير بتصرف زي ما بتقول ولا تستفيد شيء منها..

تقديري على موضوعك

[ღ Gի๐sτ ღ]

تسلم على مرورك

بس جوزية لما كان بيجيب ناس .. انت عارف كان بيجبهم لية ..

غير البدرى

بيجيب عالشهرة وخلاص

وكمان من ناحية البطولة الاحصائية دى انا عملتها بردو فى رد على انى بدافع عن البدرى

وانا لحد دلوقتى بدافع عن البدرى لان لسة يعتبر طالب فى سنة اولى

بس القصد

البدرى بيجيب اللعيبية عشان الشهرة .. وبيلاعب الاعبين على اساس الشهرة والمجاملات

يعنى مثلا

لسة البدرى دلوقتى عامل تصريح

اسامة حسنى افضل مهاجم فى الاهلى ؟

طيب لما هو افضل مهاجم ملعبتوش من الاول لية ؟ يبقى البدرى لعب بلاعبين اسوء منة على حساب الشهرة مثل فضل وطلعت .. وملعبهوش هو رغم انة افضل مهاجم فى الاهلى .. دة من وجهة نظر البدرى

او اما عمل تصريح زى دة عشان يرضى محمود الخطيب ويعمل كدة عشان الخطيب يحبو

=---------------------------------------------------------

ومثلا . واحد زي امير سعيود .؟ ميلعبش لية رغم انة يقدر يدى ويبقى جامد واحسن من لاعبين موجودين ومنهم ابوتريكة نفسو فامير سعيود احسن من ابوتريكة
وبلاش نكدب على نفسنا ونقول ان ابوتريكة مفيش زيو .لان ابوتريكة مبقاش زى الاول

دليل على ذلك ان مصر كلها بتقول شيكابالا احسن من تريكة الان .. ورغم ذلك ان امير سعيود .. ميقلش عن شيكابالا فى حاجة بل يمتاز عن شيكابالا فى حاجات ايضا

[P R ! M O]

كلامك صح اكيد
بس البدرى عمل المطلوب منة على الورق
فاز بالدورى والسوبر ووصل لمربع الذهب
بس هو عيبة الفنياااات في الملعب وقلة الحيلة
وعدم التصرف الجيد في بعض المبارياااااات
يسلمووووووووووووو

[Big Brother]

كلامك مظبوووووط جدا
وانا عن نفسي اؤيد رحيل البدري
تحياااااتي لتحليلك المتميز

[game010]

انا مش عارف احنا كده زى القرع نمد لبره ....

يلهوى اهدار المال العام

يبقا احنا كده نبعت بقا نجيب جوزيه علشان نعرف الى صرفوا ده صرفوا فى ايه..

الراجل ده كان ممكن يجيب حاولى 8 لعيبه ميلعبش منهم الا واحد واوقات لا.

وبعدين منويل جوزيه اخر سنه ليه مهووو خربها ومشى .

انما البدرى لغاية دلوقتى مخسرش غير الكاس وبس.

صح صح صح احنا لو حللنا الموضوع براحه كده هنلاقى ان دلوقتى الاهلى فضل.

ليه لان الاهلى مع البدرى حجات كتير اتغيرت

طريقت العب

استخدام لاعيبه مكنتش هتبان لو جوزيه موجود

كل فرق الدورى بتلعب امام الاهلى تقريبا 9 لاعيبه فى الخط الخلفى .


كل الى انا عايز اقولو ربنا يصبرك علينا يا بدرى.....

[ღ Gի๐sτ ღ]

على فكرة ياجيم

جوزية كان بيجيب لاعبين بفلوس كتير ومبيلاعبهمش .. بس لانة كان بيجيب احطياطى كويس

وفى نفس الوقت .. كان بيجيب لاعبين فعلا كان بيبقى فيها نقص فى الفريق

عكس البدرى

بيجيب لاعبين على اسمهم .. يعننى ممكن يخليلك فى 10 لاعبين فى نص الملعب عشان ليهم شهرة .. ويخلى المهاجمين 3 مهاجمين ؟ زى دلوقتى مثلا

يعنى اللعيبة اللى بيجبهم اهدار مال .. الغرض منهم ان معانا لعيبة مشهورة وصفقات مشهورة والشغل دة

انما مش جايب لاعبين الفريق محتاجهم
وجوزية كان جايب لاعبين كتير اة بس كان الغرض منه تكوين احطياطى مميز
-----------------------------------------------------
ولو تفتكر جوزية يلاعب

الشاطر يمين واحمد صديق احطياطى .. شمال جلبرتو ولية احطياطى معوض ..

حارس اساسى حضرى . ولية احطياطى امير .. وائل وشادى محمد واحطياطى احمد السيد ومحمد سمير

نص ملعب عاشور واحمد فتحى .. واحطياطى .. معتز اينو و لاعب اخر مش متذكر اسمة

صناع العاب بركات وابوتريكة واحمد حسن معاهم واحطياطى حسين ياسر والمهاجم فلافيو والاحطياطى اسامة حسنى

وقائمة الاهلى الاساسية معروفة .. والاحطياطى معروف ومفيش تغير فى اى لاعب غير واحد بالكتير فى كل مباراة
وهكذا

يعنى اللاعبين بجيبهم احطياطى على كل مركز فقط واعتقد انا عدتلك حوالى حاجة وعشرين لاعب ومش متبقى غير 3 او 4 اماكن خاليين فى القائمة بيكونو اسماء للاعبين اخرين شباب او بعيد عن المباريات شوي

ولو كان بيجيب لاعبين كتير وميلاعبهمش .. فدة عادى لانة بيثبت تشكيل وبيلعب بية كويس وكان المشتريينة كان عشان يكون احطياطى .. ولو كان بيمشيهم .. كان بيمشو وبيجيب الاحسن منو

اما البدرى يجيب 10 لعيبة فى مكان واحد .. ويسيب مكان تانى ب 3 لعيبة :d
زى نص الملعب والهجوم دلوقتى مثلا

يعنى دلوقتى انت عندك 10 لاعبين فى نص الملعب .. والهجوم مفيش غير 3

؟
طب لية جبت نص الملعب ومقسمتش احطياطى هجوم واحطياطى شمال واحطياطى يمين زى ماالاهلى محتاج فعلا زى ماكان جوزية بيقسم

وان البدرى مكنش بيلاعبهم فكان مش بيلاعبهم بس احطياطى اول .. يعنى اول مالاساسى يصاب .. الاحطياطى ينزل فورا

عكس البدرى مش عارف كل مطش بيلعب بواحد شكل

واعتقد انك شايف فرق شاسع فى الاداء .. هاتقوللى جوزية خسر البطولات الموسم الماضى ..

انا اعترفت بذلك ودافعت عن البدرى بذلك بس بردو متسناش المواسم اللى قبلها جوزية كان بيعمل اية

وكمان انت عارف ان البدرى فى افريقيا خسرنا بفرق الهدف بهدفين وكنا افضل ونستحق الفوز بس مكنش في توفيق للاعبين فى ترجمة الفرص الى اهداف ولو كنا فوزنا كنا هاننافس عاللقب وانت عارف كدة

وبطولة الكونفدرالية .. اعتقد ان مصر كلها تعلم ان لاعبى الاهلى هما اللى مخسرين الاهلى

لان الجمهور مكنش مستنى حاجة من البطولة ولا الادارة مستنية حاجة منها ولا حد كان عاوز بطولة الكونفدرالية اصلا وكانو بيلعبو بدون نفس نكسب نكسب نخسر نخسر مكنش فرقة معاهم اصلا

لان لو كسبنا البطولة الكونفدرالية مش هاتفيدنا بحاجة ؟ بل هاتخسرنا فلوس اقامة للاندية القادمة من الخارج ومجهود كبير ووجع دماغ

والكاس خسرناة مع جوزية بالاحطياطى بردو وانت عارف كدة

اما شوف جوزية لما كان بيحط فى بالة انة نازل يكسب .. مكنش حد يقف قدام الاهلى

فين ايام اما كان نادرا اما نخسر على استاد القاهرة او لما كان فريق فى افريقيا يستجرء يسجل هدف واحد فى استاد القاهرة على حساب الاهلى

عكس البدرى اللى كل مطش لازم يدخل فينا اجوان . وبنكسب بطلوع الروح واديك شفت مازيمبى والترجى

الكل كان بيقاتل على انة يتصدر المجموعه عشان يلاعب الاهلى لان الكل طمعان فى الاهلى .. ومدرب الترجى طلع وصرح

انهم عارفين دماغ البدرى رايحة لفين وعارفين عيوب بعدد بالكبير .. وهايقدرو يتغلبو على عيوب البدرى بل نفوز فى استاد القاهرة ايضا

مدرب هارتلاند نفسو اللى ملوش لزمة . جاى قبل المطش يقوللك ليس من الصعب ان نهاجم عالاهلى فى استاد القاهرة وسنلعب بكل قوة من اجل الفوز

عكس ايام جوزية

كان كل اللى ييجى استاد القاهرة ييجى مكشكش وبيلعب ب 10 دفاع

ولو عاللى بيلعب فى المطش 9 دفاع .. فدة كان مع جوزية بردو ومش مع البدرى بس ورغم ذلك كنا بنكسب

دلوقتى بقينا نتعادل مع اللى يدافع معانا :d

[شفق القمر]

كلامك صح جدااااااااااا
وديه اكتر حاجة بضيقنى وبذات فى حوار حراس المرمة
عشان شريف ده مش بيعرف يوقف اصلا
تسلم الايادى

[ღ Gի๐sτ ღ]

اقتباسالمشاركة الأصلية كتبت بواسطة شفق القمركلامك صح جدااااااااااا
وديه اكتر حاجة بضيقنى وبذات فى حوار حراس المرمة
عشان شريف ده مش بيعرف يوقف اصلا
تسلم الايادى


هههههههههههههه
فعلا مبيعرفش يقف ..لانة بيبقى واقف وبحس انة خايف من اى جول يدخل فية وهو واقف

وكمان غير العرضيات .. شريف مش بيعرف فى الكرات العرضية اللى تلعب بالدماغ يعنى الكرات الثابتة من العرضيات وكدة وكمان مهزوز فى الادءا وكذا مرة الكرة تفلت من ايدة وشفناة فى مطش هارتلاند الكورة فلتت من ايدة فى اكثر من هجمة

وشفناة فى مطش طلائع الجيش لما كان مستنى الكورة تروحلو ويوقفها برجلة ولكن الكرة راح عدت من تحت رجلية وخرجت ضربة ركنية يعنى لو كان واقف قدام الشبكة كان زمانها جول

واانا اللى مستغربة

ازاى واحد حارس مرمى بتقل محمود ابو السعود وهو حارس مرمى دولى .. ميلعبش

ويلاعب لاعب مهزوز فى الادءا مثل اكرامى .. وخاصة ان البدرى كان هايموت عشان يجيب محمود ابو السعود

ميرسى لمرورك

[~®§§][][ سيد دندنة ][][§§®~]

تسلم يا كبير

فعلا الاهلى كمان انهارده

ظهره بشكل سيئه للغايه

تسلم على الاخبار الجميله ديه