الاخوان المسلمين؟؟دين ولا ايه؟؟

[special girl]

السلام عليكم


بدون مقدمات


موضوعي مهم وجاد جدا


وبجد شاغل بالي الفتره الحاليه


طبعا الجميع يعرف الاخوان المسلمين


جماعه دينيه او ممكن تكون شبه دينيه

ولا اقول سياسيه احسن؟؟؟:cv48:


انا بصراحه عمري ما تعاملت مع ناس منهم


ولكن عندي علم بأفكارهم


يا ترا يا جماعه الاسلام بقا كده فعلا؟؟


نأعد نحارب الي مش لبسه نقاب والي بتلبس ملون؟


نحارب الاغاني والافلام؟؟


هو ده الاسلام في الزمن ده؟؟


انا بس نفسي افهم هما اسمهم الاخوان المسلمين طيب وهل الاسلام كده؟؟


دي طريقه غلط جدا


مش حرام الدوله تسيب ناس كده


طيب الشباب الغير واعي الي بيلجأ لها جدا لحد ما تبوظ عقله وتفكيره مش حرام؟؟


بصراحه انا مضايقه اوي اوي اوي من ان في ناس عقولها كده للدرجه دي نستهين بالدين؟؟:sad::sad:


النقاش مفتوح لكم.....

[رووكه]

وعليكم السلام ورحمة الله وبركاته

بصى دول ناس باسم الدين بيستغلو طيبه الناس وانهم بيخافو من لقاء ربنا فبتدو يدعو بالمفهوم ده

ويستغلو الناس ديه الدين حرم وحلل وحاجات من هذا القبيل

وتلقيهم مش يعرفو اييه هو الدين اصلا وبعيد عنه تماما

لان فى كل ايه او حديث يوضح ان دينا (دين يسر وليس عسر )

وان ربنا ممكن يغفر لكل ذنب وبمجرد انك تدعى بس هتلاقى ربنا يقول لبيك عبدى

الجماعه ديه بيكون وراها هدف تدمير علاقات بين الاديان او البلاد باسم الدين

ومن الممكن يتقال عليهم ارهاب

تسلمى ع موضوعك ويارب يطمنى عليكى دائما

[dinan]

السلام عليكم ورحمة الله وبركاته اختى العزيزة اولا اتمنى ان تقهمى اولا من هم الاخوان لائنك كده بتتكلمى عن الدين الاسلمى وهندما نتكلم هن دين سامى مثل الدين الاسلامى ارجوا ان نفهم ماذا نقول
ثانيا لقد امرنا الدين الاسلامى بعدم سماع الاغانى ومشاهدة الافلام
ثالثا النقاب ثنة رسولنا الحبيب وليس بالاءجبار
ثالثا عليكى ان تعرفى الفرق بين المسلمين الملتزمين بدين الاسلام والاخوة المسلمين لان ما تقوليه يعنى ان الاغانى والافلام التى حرمها الله وراسولنا الكريم حلال وان النقاب ليس له وجود فى الاسلام واتمنى ان تتقبلى ردى

[dinan]

روكة انا معكى ان الاخوة المسلمين جماعة مدمرة وغير معترف بها ولكن هل تحريم الاغانى والافلام خطاء انتى تفولى ان الله غفور رحيم هل يعنى ذلك انه مسموح للبشر مخالفة كلاك الله عمدا وطبها كلانا يعرف ان اللاغانى والافلام حرام ولبس النقاب سنة فليهديكم الله ويفتح بصيرتكم

[~♥ Queen sozan♥~]

السلام عليكم ورحمة الله وبركاته

بصى انا هكلمك عنهم بصراحة لان اتعملت معاهم
واعرف ناس كتيرر منهم
هو فى منهم كويسين جداا ومشين لى الدين صح
فى ناس دخلين لى الحزب الاخوان لى نظرة سياسية
وفى داخل لى نظرة دينيااا
وفى ناس دخلة عشان يكونو ضد الحزب الوطنى وخالص وانا كانت هكون من النوع دة ههه بس لحقت على نفسى
هو الاخوان مش وحشين اوى ولا حلوين
ولا بينفزو الدين بظبط ولا بعدين لكن هدفهم الاساسى الحكم يعنى هدف سياسى بحت
فى الدرجة ا الاولة السياسة وحكم البلد
زى ما بيقولو عيزين الحكم با الدين
بس حد سئل نفسو ازى هم هيحكمو با الدين ؟؟؟؟؟؟؟؟؟؟؟؟؟

حتى لى فى الحزب مسئلوش نفسهم

وفى شهر رمضان الله يكرمو وحيد حامد ضمرهم با المسلسل لى اسمو الجماعة
والمسلسل بعيد عن الصحة يعنى الصورة لى بين فيها الاخوان خاطئة جدااا
لان هم مش لدرجادى ولا هم ارهاب
وحسن البنا غير ما قال عنو
المهم عشان مندخلش فى سياسة موضوعك يتحزف
جماعة الاخوان المسلمين جماعة شاااااااااااملة مش دين فقط
لكن تجمع بين كل الفئات وكل العقول
وكل الفكار
وليهم قدرة على القناع بطريقة يا نهار ابيض

عيز لى صاحى كويس كدة وفاهم
والله انا مرة بسئل وحدة منهم انتى لية دخالتى الحزب قالتلى عشان اعرف دينى
كويس طيب اية هو لى استفاتية !!!! سكتت وغيرت الموضوع وكالمتنى على النقاب
طيب رجعتها لى نفس الموضوع
وسئلتها تفتكرى لو البنات كلها لبسو النقاب
كدة هيكون احسن من نظرك
قالتلى اة عشان ندخل الجنة ؟؟؟؟؟؟؟؟

هى الجنة متوقفة على لبس النقاب بس ؟ مرتدش علية

عرفت ان دة كلو استوانة متحفظة من ناس معينة
وفهامت ان هم عيزين يجمعو اكتر عدد من الشباب والبنات فى اقل وقت
من غير اى وعى ولا نقاش
يعنى تنفيز بس
كدة هيكون اية الفرق

الاخوان المسلمين انا بحترمهم جدااااااااا وبقدر مجهودهم
لكن اسلوب الدعوة بتعتهم نقسو التفاهم مع الترف لى بيستوعب


واسفة على الاطالة

تحياتى
همس الجراح

[mishoo]

السلام عليكم ورحمة الله وبركاته

أولا : يجب أن نعرف من هم جماعة الاخوان المسلمين وماهو هدفهم

ولانتكلم بشىء دون أن نعرف من هم وما ينتمون له .

هذه الجماعه هدفها وشعارها فى الحياه هو( الاصلاح) وليس الارهاب

كما يعتقده البعض ،

ثانياًَ : ثم بشأن ما ذكرتيه عنهم بأنهم (يحاربون من أجل لبس النقاب وتحريم

الاغانىوالافلام ) اسمحيلى أصححلك كلمة( يحاربون )

فليس معنى أنهم يحاولون أن يضعوكى ويوجهوكى للطريق الصحيح وهو

(طريق الاسلام الصحيح)

أن يعتبر هذا حرب؟!

هذه ليست حرب وانما توجيه وتعليم ما قاله الدين الاسلامى الصحيح .

فلكى ما شئتى واختارى ما شئتى !!!

وربنا يهدينا ويهديكم للطريق الصحيح

شكراً لكِ

[رووكه]

اقتباسالمشاركة الأصلية كتبت بواسطة dinanروكة انا معكى ان الاخوة المسلمين جماعة مدمرة وغير معترف بها ولكن هل تحريم الاغانى والافلام خطاء انتى تفولى ان الله غفور رحيم هل يعنى ذلك انه مسموح للبشر مخالفة كلاك الله عمدا وطبها كلانا يعرف ان اللاغانى والافلام حرام ولبس النقاب سنة فليهديكم الله ويفتح بصيرتكم

انا بتكلم ع الجماعه اللى باسم الدين يحرمو ويحللو فهمتى

واه ربنا غفور رحيم بيغفر وبيسامح هو ده الدين

ومين فينا مش سمع اغانى مين لما ربنا رضى عنه تاب وعرف الطريق الصح
ولله الحمد ان اختلاف الائمه رحمه لينا وربنا بيهدى من احب
وبالنسبه لى النقاب لا هو فرض ولا حتى سنه

ده شئ البنت او الست عامتا لما بتحب ترضى ربنا بزياده مش اكتر

القران صريح والاحاديث صريحه هاتى حديث اكد ان النقاب سنه (الوجه والكفين بس)

انا حبيت اوضح وجه نظر حضرتك فهمتيها غلط وميرسى ع تعلقيك وانا موجوده لو تحبى نتناقش

[be with me]

الإخوان يدعون إلى العمل بكتاب الله وسنة نبيه المصطفى صلى الله عليه وسلم، فهم دعاة فمن لم يكن من الإخوان فهو مسلم أيضاً.
وجماعة المسلمين هياعبارة عن مجموعة مسلمين
واحنا أخوة في الدين والجماعة جزء من المسلمين، لكنني أرى في مصر أن الكثير من المنتمين للجماعة باتوا بعيدين كل البعد عن ثوابتها والتي هي من ثوابت الدين وبالتالي قد تذوب الجماعة اسماً لكن يجب أن لاتذوب فكراً لذلك علينا الحرص والانتباه فإن كثرة المنتمين دون العمل بالثوابت بداية الهاوية التي لا نأمل أن يسقط فيها سوى أعداء الدين فقط.
احترامى ليكى حببتى
واحترامى لكل
نوووووووونا

[hema elngm]

بصى ا سارة الاخوان المسلمين هى قوة سياسية ليها اتجاة دينى بحت طبعا

ظهرت من فترة واختلفت سياستها كتير عنى فترة كانت مسالمة وفترة كانت ارهابية وكانت مصدر

الخوف والرعب للوطن والعالم كلة >> انما الفترة الاخيرة اختلف فكرهم كتير جداا بدأو فكرو فى جمع

الاموال مش السلطة >> وبالتالى بدأو يشتغلو وهكذا انما هما قوة سياسية موجودة من زمان

ومتقلبة على حد علمى زى ما قولت

تسلم ايدك على التوبيك

[محمد الشريف]

يقول الله تعالى :

ولا تقف ما ليس لك به علم إن السمع والبصر والفؤاد كل أولئك كان عنه مسئولا "

الأخوة والأخوات الكرام

السلام عليكم ورحمة الله وبركاته

من الحكمة والعدل ألا نحكم على أمر لمجرد الحكم فقط دون سياق

الدليل القاطع على صدق ما نقول وهذا يدخل فى ابواب التسرع

والإساءة فى حق من نوجه له الاتهام فرد أو جماعة ... فلقد

تلاحظ لى من خلال بعض المشاركين بهذا الموضوع نعت جماعة

الأخوان المسلمين بنعوت مرسلة تفتقد الدليل لدرجة وصفها

بالإرهابين وما إلى ذلك مما ورد ببعض المشاركات ، وما أعنيه

هنا ألا نسىء وألا نتجاوز الحكم إلا فى حدود اليقين القاطع والدليل

الدامغ .. وكل ما أهدفه الدفاع عن المبدأ العام فى تناولنا لأى موضوع

سواء يتعلق بجماعة الأخوان المسلمين أو غيرها توخيا للدقة والتزاما

بالموضوعية واتقاءا لضمائرنا.

فسبحان الله الذى حرم الظلم على نفسه

مع احترامى للجميع