افتوني ياجماعه

[تمر حنه]

بسم الله الرحمن الرحيم

ياجماعه انا محتاجه قوي لارائكم
والمشكله باختصار
ان امبارح كان عيد ميلادي ووالكارثه الكبري ان صاحبتي الانتيمه ماافتكرتش عيد ميلادي رغم ان الناس اللي مش قريبين مني قوي افتكروه انا زعلت قوي قوي قوي
رحت ضربتلها تليفون بالليل وانبتها بس مش قوي وبينتلها ان انا زعلانه وبعد ماقفلت معاها حسيت ان انا زعلانه جدا وان دا مش كفايه رحت باعتالها رساله عالموبايل تنص علي الاتي:
لا يوجد شئ اشد قسوه من ان تفتقد اعز اصدقائك في اوقات تكون فيها بحاجة لان يشاركك في كل احداث ومستجدات حياتك وحين تبحث عن السبب تجده :لايبالي,لا يهتم,لا يكترث والاقبح من كل ذلك انه لا يتذكر!!!! كنت مراهنه عليكي بس للاسف خسرت الرهان.
انا حسيت بعد كده ان انا قسيت عليها قوي وهيه من امبارح لااتصلت ولا بعتت رساله ولا عبرتني
انا دلوقتي بين خيارين احلاهما مر

الاول ان انا اضربلها واعتذر وحاسه ان انا لوعملت كده حاجرح كرامتي قوي لان الكلام اللي انا قلته دا كان رد فعل .

والتاني انا انا انفضلها ومااعبرهاش ويمكن ماتتصلش بيا تاني واللي بيننا ينتهي.

افيدوني افيدوني اعمل ايه

[~♥ Queen sozan♥~]

السلام عليكم ورحمة الله وبركاته

مش عارفة اقولك اية !!!!!!!
لان احنا بنتسرع ونرجع نعيط وندندم دة خالص بقى حالنا فى كل حاجة
بس بصى يا ستى انتى دالوقتى عشان متجرحيش كرامتك
وتقعدى تئنبى فى نفسك
هى فعلا الرسالة صعبة شوية
لكن هى ممكن متكونش فهمت انك زعلانة اوووى كدة
فا استانى كمان انهاردة
لو ما اتصلتش كمان او مبعتتش رسالة
بكرة كدة ابعتلها رسالة حلوة
مش تتاسفى ولا اى عتاب
يعنى انسى الموقف عدية
اى رسالة حلوة ممكن ترضيها لان دى انتيمك زى ما بتقولى
والموقف هيعدى
لان لم بنكون متسرعين بناخد قرار وندم علية
وكمان مينفعش تخسريهاااا

ومينفعش تفضلو تعنبو بعض على مشكلة صغيرة عشان
متوصلوش لى طريق مسدود

وربنا يهدهالك

وعيد ميلاد سعيد والعمر كلو ليكى


تحياتى
همس الجراح

[Meno]

أولا كل سنه وانتى طيبه وعقبا ااااااااااااال مليووووووون سنه
أحنا دايما كده بنتسرع ونرجع نندم تانى زى ماأنتى بتقولى أنها صحبتك الأنتيم يعنى كان ممكن تلتمسى لها العذر يمكن كانت مشغوله او عندها مشكله وكانت هتكلمك بعدين
أنا من رايى انك تتصلى بيها علشان مينفعش يكون فى ناس بنحبهم كده ونخسرهم بسهوله

شكرااااا

[تمر حنه]

وانتو طبيبن ياجماعه
واشكركم جدا
عامة انا رأي همس الجراح كان اقرب جدا لتفكيري بس الاختلاف بيني وبينها ان انا قولت لو مااتصلتش ونفضتلي
انا كمان حانفض لها .
انتو عارفين ياجماعه الحقيقه ان انا عندي خطوط حمراء لكل حاجه يعني انا بحب زي ماانا بهتم باصحابي ولاعمري يوم نسيت عيد ميلاد حد ولاعمري قصرت مع اي حد بحب بالمقابل ان الناس تهتم بيه انا كمان وعمري الماديات ماتفرق معايا يعني لو كانت بعتت لي مسج كنت حاطير من الفرحه وعلي فكره انا لما اتصلت بيها امبارح مااتصلتش بدري عشان اديلها فرصه وما اكونش متسرعه وفعلا لما ضربتلها ادتني عذر غاظني اكتر ماانا متغاظه قال ايه هيه اكمن احنا ماجزين لا عارفه النهارده يوم كام ولا شهر كام وهيه نست وانا اعرف ان انت بتهتم بالناس علي حسب اهميتهم بالنسبه ليك والحاجات اللي زي دي هيه اللي بتوريك مقدارك عند الشخص المعين قد ايه.

[نانـــــو]

متزعليش منى انتى غلط وتفكيرك متهور
لازم الانسان يكون مرن
انتى لو كنتى عاملتيها عادى صدقينى كانت هتحس بغلطتها
انما موقفها انها مردتش ده اكبر دليل على حبها ليكى
لانها لو كانت ردت فى الوقت اكيد كانت هتحصل مشاحنة بينكم هتقلب بزعل ملهوش علاج فى الاخر
الافضل هو الاعتذار يعنى ايه نست عيد ميلادك علشان سبب بسيط هتخسرى بسببه افضل صديقة ليكى
صدقينى الصداقة مش بالساهل ولو كنتى واجهتيها وعرفتى ظروفها كان افضل
يمكن كانت ظروفها وحشة واتعمدت النسيان افضل انها تنحرج قدامك كنتى مفروض تفكرى فى حاجات كتير
وفى النهاية صدقينى الاعتذار هو اسلم حل

[تمر حنه]

صدقيني ان عارفه ان انا غلطانه بس حاسة ان انا لو اعتذرت كرامتي حتوجعني قووووووووي

[احلى عيوون]

	كل سنه وانتي طيبه ياقمر وعقبال 100سنه تحققي كل اللي تتمنيه يارب والله ياما بيحصل بين الاصدقاء واحنا دايما متسرعين وبعدين نرجع نندم التمسيلها العذر يمكن كان عندها ظروف الله اعلم بكل انسان لكن لاتخسريها خصوصا انها صحبتك المقربه لكي الصديق الصدوق الان لايعوض لما تقابليها اساليها عن السبب واكيد حتلاقي عندها عذر تقبلي مروري اختك نانا

[تمر حنه]

غاليتي نانا اشكرك علي مرورك العطر الذي اسعدني جدا
واشكرك علي مشاركتك الاجمل

[Aya 7ekaya]

انا رايى يا حبيبتى انها ممكن تكون من الاول زعلانه منك فى اى حاجه وده السبب الاساسى اللى خلاها ما تردش او تفكر فى عيد ميلادك

[فيروزه]

	التمس لصحابك 70 عذرا ممكن يبقا في حاجه اقوي منها حصلت وهي مش عارفه تحكيلك علشان عيد ميلادك ومش عايز تزعلك معلش اسمعي منها وانتي مش هتخسري حاجه بس سيبها يومين كدااا وشوفي هتتصل بيكي ولا لا ولو ما اتصلتش اتصلي ووعاتبيهااا وكـــــــــــل سنه وانتي طيبه ياقمررر وعقباااال 100 سنه ويارب يحققلك الي بتتمنيه