الحجاب الـ spanish والحجاب اليهودى !!

[Engineer Semsem]

طبعا عندكم نت .. صح ؟؟

طبعا , أمال إنتوا دخلتوا هنا إزاي ؟؟

طيب معلش كل واحد يفتح جوجل أو ياهوو على " بحث الصور " ويكتب الكلمة دي :

Jewish scarf

ويقوللي على اللي شافه ..

أكيد هتلاقوا حاجة زي كده :

إيه ده بقى ؟؟

هو البحث ( خرّف ) ولا إيه ؟؟

هو مش دي الطُرَح الـ spanish اللي بيقولوا عليها ؟؟

وده الي بيقولوا عليه حجاب ( إسلامي ) ؟؟

أمال إزاي يطلع في البحث عن حجاب ( يهودي ) ؟؟

والجواب بكل بساطة إن ده مش حجاب إسلامي ولا دياولو !!

ده حجاب يهودي ( صِرف ) !!

وجناب ( الكروديات ) المسلمات بياخدوا أي موضة بدون تفكير !!

,,,,,

حاسس إن فيه ناس لسه شاكة في الأمر ,

إزاي يعني الحجاب ده بتاع اليهود ؟؟

وهم اليهود بيتحجبوا أصلا ؟؟

طيب إدخلوا على الموقع ده كده :

http://www.tznius.com/cgi-bin/tying.pl

بيبين أنواع و طرق ربط ( الحجاب ) المزعوم ,

بس إدخلوا ( برجلكم الشمال )
وخلوا بالكم من الإعلان اللي فوق اللي مكتوب فيه :

ومن الإعلان اللي تحت :

- يا عيني عليهم , الدمعة هـ( تفط ) من عيني -

أظنكم إتأكدتم إنه موقع يهودي , وإن اليهود بيلبسوا الحجاب ده ,

وفي الموقع نفسه طريقة ربط ( البتاع ) !! :

http://www.tznius.com/cgi-bin/rapunzel.pl

.
.
.

و وأنا ( بدعبس ) عن الموضوع لقيت مدونة فيها موديلات تانية :

http://veiledglory.wordpress.com/200...-worn-scarves/

وخلوا بالكم من الجملة المكتوبة في آخر السطر الثالث :

The company sells Jewish modest clothing

علشان برضه تتأكدوا إنه يهودي
.
.
.
.
.

أظن أكيد بقى إتأكدتم إنه حجاب يهودي ,

وإن نساء المسلمين ( واخدين بمبة ) جامدة قوي ,

وإللي يغيظ إن فيه نساء في قنوات تُسمى ( إسلامية ) بيطلعوا لابسينه !!

المهم اللي عاوز أقوله إن :

الحجاب ليس ( غطاء الشعر )
و لا حتى ( غطاء البدن ) !!

بل أكثر من ذلك , كما يقول الدكتور محمد إسماعيل المقدم :

" ليس الحجاب الذي نعنيه مجرد ستر لبدن المرأة ..
إن الحجاب عنوان تلك المجموعة من الأحكام الاجتماعية المتعلقة بوضع المرأة في النظام الإسلامي ،
والتي شرعها الله سبحانه وتعالى لتكون الحصن الحصين الذي يحمي المرأة ،
والسياج الواقي الذي يعصم المجتمع من الإفتتان بها ،
والإطار المنضبط الذي تؤدي المرأة من خلاله وظيفة صناعة الأجيال ،
وصياغة مستقبل الأمة وبالتالي المساهمة في نصر الإسلام والتمكين له ."

من كتاب الشيخ / محمد بن أحمد بن إسماعيل المقدم " عودة الحجاب "

خلاص مش هطول عليكم ,
بس زوروا المواقع دي :

http://www.al-hejab.com/

http://www.saaid.net/female/h43.htm

وده فلاش جامد جدا :

http://www.saaid.net/flash/Thabaat.htm

خلاص بقى ,

جزاكم الله خيرا ,

وأرجو نشر الموضوع قدر المستطاع ,

ولا تنسوا كاتب الموضوع الأصلي من دعوة صالحة
إن ربنا يتوب علينا ويهدينا ويوفقنا لما يحب ويرضى ..
ويدخلنا الجنة ويجيرنا من النار ,

[خزآمى الروح]

سلمت يداك
حقا انتشرت تلك اللفات في مصر وكثير من الفتيات يرتدونها على انها حجابا
ولكن ذلك ظنا منهم انه حجاب ....ولكن حتى وان لم يكن مصدره يهودي
من الخطاء الفادح ان ترتديه الفتيات لانه في الاساس لفت للانتباه لانه يجمل الوجه ويضيف بعض اللمسات الجذابة للوجه
مع انه يجب على المرءاة ان تبتعد عن لفت الانتباه بقدر الامكان
لاننا نمتلك ذنوبا لاغافر لها الا الله وكل من يراها وتجذبه تاخذ ذنب نظرته
---------------------------------------------------------------
سيدي(Engineer Semsem)
اشكرك على ذلك التنبيه وهذا الموضوع المهم ففتياتنا لاتنظر الى مايسترها بل مايتماشى مع (الموضة) وهذا خطاء ايال الله ان يجعل ذلك في ميزان حسناتك وان يهدي به اخواتنا المسلمات
تقـبل مروري

[Words Whisper]

كويس والله مش كنت اعرف ان اليهود عندهم حجاب!!!!!!!!!!
لا وكمان فيه مسلمات بتقلدهم!!!!!!!!!!
بجد شيء محزن اوي الاتباع الاعمى اللي بقى موجود من غير فهم
اصلا اللفة دي مش حجاب لان فرض في الحجاب تغطية الرقبة.........

جزاك الله خير الجزاء

[DR.SMA]

سواء كان يهودي او ابتكار
هو مش حجاب اسلامي لأنةلا يتوافق مع مواصفات الحجاب الاسلامي
ده مش حجاب
ده ممكن يكون غطاء شعر
والباقي مش لازم ولا ايه

[fankosha]

جزاك الله خيرا
وربنا يهدى جميع المسلمات

[be with me]

ياجماعة الاسبنش
مش حجاب اسلامى
لان الحجاب الاسلامى معناة
تغطية الرقبة
واكتر احجبة الاسبنش مش بتغطى الرقبة
تسلم ايدك موضوع مميز
يستحق التقيم
نونا

[حكايات مصرية]

لأ أرى عجب علي الأطلاق في مشاهدة أو قراءت مثل هذه الاشياء
في ظل عالمنا اليوم
فكل شيئ حولنا صار شكلي
التدين شكلي الأخلاق فيما ندر شكليه
صرنا نبحث عن الشكل لأ الجوهر والقشور لأ المضمون
والكم لأ الكيف عصر الاله والجمود حتي في المشاعر والأحاسيس
والاخطر من ذلك تقليد الغرب علمنا ذالك أم جهلناه
فلا عجب أن تصادف فتاه مما تسمي بالمحجبه ووجها مثل لوحة فنيه رسمها جهابذة الرسم والفن من كثرة المكياج وحدث ولا حرج عن البنطال
حتي التدين في عالمنا أصبح شكلي
وخلاصة القول والفصل في هذا الكلام كلام سيد البشريه وخير الانام وما ينطق عن الهوى

فعن ابي سعيد الخدرى عن النبي صلي الله عليه وسلم قال
لتتبعن سنن من كان قبلكم شبراً شبراً وذراعاً بذراع حتي لو دخلوا جحر ضب تبعتموهم ... قلنا يا رسول الله
اليهود والنصارى ؟ قال فمن رواه البخارى واللفظ له

مع خالص تحياتي وتقديرى
وكل الشكر للموضوع الراقي

حكايات مصرية

[فرحة]

شكرااا ع الموضوع
والافاده..انا عن نفسى مش بعمل اسبنش
يسلموووووووووووووو

[احلى عيوون]

جزاك الله خير
تسلم الايادي

["الحربية من السعودية"]

جزاااااااااك الله خير