بحلم أكون لك فارس (قصيدة فيديو )

[احمد صلاح محمود]

بحلم أكون لك فارس

[youtube]مقدرش أقول بحبك
مقدرش أبوح
غير أما أداوى نزف الروح
وأقف فى وش الريح
عارفانى
طول عمرى صريح
يبقى اصبرى لحد ما الحظ يقف ف صفى
وربك يرزق
والخير ورده يطرح ف كفى
فرحة
فرحة ترجع قلبى ليكى
وترجعنى تانى أسكن عنيكى
وأنسى انى كنت جريح
ساعتها بس أقولك بحبك
وأعشقك وأكون لك
أما دلوقتى سامحينى ازاى ألم ضعفى على ضعفك
وازاى أغزل ألمى فى ألمك
ازاى وأنا بنزف أداوى جرحك
ازاى وانا غرقان ف حزنى أكون فرحك
ازاى وانا مش لاقينى اقول بحبك
وأقول انك ساكنة قلبى وان مناى قلبك
هتصدقينى ازاى وأنا مش لاقينى
يبقى ساعتها بتخدعينى
طب فكرى فيها تانى
هتلاقيها مش جايبة همها
ازاى وانا مهزوم أكون لك فارس
وتأمنينى على عمرك
وازاى أكون لك حارس وتملكينى أمرك
وازاى أطالب بحقى ف عنيكى
وانا مدبوح بدمعك
وازاى وانا مش قادر اخدك ف حضنى
وأهزم حزنك
ازاى ابوح وافضفض واقولك
وبينى وبينك الف ميل
ميل شقى
وميل صراخ وعويل
مقدرش اقول بحبك
وانا مش قادر أكون لك فارس
مش انتى عاوزانى فارس
ولا انا اتهيألي
مش انت عاوزنى حارس
ولا الحلم صور لي
كلام ماهوش حقيقة
ومن جواك بيفتح سكة لأحزانى تعود وتخطفنى
ان كان كده احمينى واقرى تعاويذك تحاوطنى
ومن شيطانى تحرسنى
واصبرى
ف يوم ح اقولك بحبك
واغنى لك واعيش لك
انما دلوقت
قدامى سكة طويلة
على ما أعدى بحور الصمت
وربك وحده العالم
هتاخد قد ايه وقت

شعر / أحمد صلاح محمود

[ڪــــبرياء الروح]

تحيه لك من القلب معطره..~
بكل مايحمله هذا الكون من رائحه زكيه..~
ولك جزيل ا لشكرعلى هذا التميزوالأبدآع..~
ومشــآركتـــك الأروع..~
دمت لنـــآ ودآم تألقـــك ..]
تقبل مروري المتوااااضع

فــــــــــــــــــرح

[واد حبيب]

كلمات جميله جداااااااااااااا

تسلم يدك علي ابداعك

ودي وتقديري لك

تقبل مني كل احترام وتقدير

الحبيب

[احمد صلاح محمود]

ربنا يسعد أيامكم

[احلى عيوون]

كلمات رائعه
كام راقني عبوري فوق جسر حروفك
وكم امتعني سماع الحانك الشجيه
اسجل اعجابي بهمسك الرائع
واعذر تقصير حروفي
دمت بسعاده
تحياتي
نانا

[احمد صلاح محمود]

شكرا نانا نورتينى