كفايه استظراف ارحمونا شويه

[مجنونه بيك]

مساء الخير على جميع اعضاء المنتدى انا عضوه جديده وطبعا الكتير من الاعضاء ميعرفنويش فى الحقيقه انا لاحظت ظاهره منتشره اوى وبصوره غريبه هنا بطريقه ملحوظه وهى طريقة كلام العضوات سواء فى الردود او عرض المواضيع اللغه الغريبه اللى بيتكلمو بيها معرفش الحقيقه ايه اللغه دى والطريقه قمة فى السخافه والسخريه مش كفايه اننا بنتكلم لغه عاميه ولما نحب نتكلم لغه عربيه بنلاقى نفسنا مش عارفين نجمع الكلام تظهر لنا كمان الطريقه العجبيه دى والمشكله معظهم كليات كبيره ازاى طالب جامعى ولا طالبه جامعيه وتتكلم بالصوره دى وخدو عندكم بعض للغه عشان يكون فى القاموس الجديد يمكن تكون هتحل مكان اللغه بتاعتنا نعرض شويه منالكلام ده ونشوف ايه المعنى ليه تلاقى العضوه تقولك موش عارفه هروح انام بكه وازيك كوده سلاموز يا اصحاب طوبعا منوره يا ثكر ميرسى يا عثل هو فيه ايه يا جوماعه ايه لازمه الواو الزياده معرفش حد يفهمنى ليه بنسخر من اللغه العربيه بالشكل الرهيب ده ليه مش بنعتز بكلامنا حتى وان كان عامى مش مهم انما حتى نحترم كلامنا نحترم ردودنا نحترم عقول القراء الصراحه معرفش ليه بقينا كده ولا لما يجى عضو ويكتب موضوع ويفضل يقولك قابلت واحد صاحبى وروحنا نتغدى وطلبنا الشاى ويحكى حكايه طويله عريضه عشان يعرفنا مشكله صغيره احنا مالنا ومال الكلام ده لحد امتى هنستخف بالكلام ليه ميكنش عدنا طريقه مهذبه حتى لو بسيطه انما طريقه تخلى اى عضو يقرئ يحترم اللغه انا حبيت بس انقل صوره لاحظتها هنا ونفسى الاقى رد واعرف ليه بنعمل كده ولحد امتى هنستهزاء ونستظرف باللغه بتاعتنا كده اتمنى اشوف رايكم

[~♥ Queen sozan♥~]

السلام عليكم ورحمة الله وبركاته

انا بحيكى على موضوعك
بس عيزة اقولك ان مش هنعرف نغير اللغة دى
ومهما عملتى هيجى عليكى يوم تتكلمى بيها
هو مش استخفاف با اللغة العربية
اطلللللللقا لكن
بيكون فى مزح فى الموضوع
يعنى انا كانت نقشت الموضوع دة فى منتدى اخر
لكن لا حياء لمن تنادى
و مش هنفضل نعدل فى الاخرين حتى فى اسلوب الحوار
يعنى عيزة اقولك اهم حاجة يكون فى ادب فى الحوار
وعلى فكرة عيزة اقولك حاجة
مش معنى انهم بيتكلمو كدة
يبقى مش عارفين يتكلمو
لاء بيكونو خرجين كليات عاليا
يعنى اللغة دى اصلا اساسها الكليات
ومش بنستعملها غير مع جلنا يعنى مش معقول هتروحى
تقولى لى ولدك الكلام دة
دة بيكون بين كل جيل
و كمان مش بيكون استخفاف لم الاعضو يدخل يناقش موضوع ويحكى
او يقول لى حصل
من وجهه نظرو كدة الصورة هتوصل
هديكى مثل
لو قالتلك همس ماتت
كدة هتفهمى انى مت وخالص
لكن لو قالت همس ماتت لم كانت بتعبر الشارع
كدة هتفهمى اكتر اية لى حصل

صح ولا اية

اعتقد انى نقشتك
ودى وجهه نظرى


تحياتى ليكى

همس الجراح

[ساحر الأحزان]

الاستظراف شىء غير محبب

فى الحياة ولكن توجد كلمات

فى قاموس اللغات غريبة علينا

من خلال الاختلاط مع الاخرين

وقد تكون طبيعة عادية

ولكن ليتنا نبعد

عن ما يجرح مشاعر الاخرين

تحياتى لموضوعك القيم

[رسيل]

طب يمكن مش قصدهم كده
بس لو حد بيقصد انو يستخف بالعربيه دي حاجه تانية
وكل واحد ونيته....

[مجنونه بيك]

اقتباس
المشاركة الأصلية كتبت بواسطة همسღ الجراح





السلام عليكم ورحمة الله وبركاته

انا بحيكى على موضوعك
بس عيزة اقولك ان مش هنعرف نغير اللغة دى
ومهما عملتى هيجى عليكى يوم تتكلمى بيها
هو مش استخفاف با اللغة العربية
اطلللللللقا لكن
بيكون فى مزح فى الموضوع
يعنى انا كانت نقشت الموضوع دة فى منتدى اخر
لكن لا حياء لمن تنادى
و مش هنفضل نعدل فى الاخرين حتى فى اسلوب الحوار
يعنى عيزة اقولك اهم حاجة يكون فى ادب فى الحوار
وعلى فكرة عيزة اقولك حاجة
مش معنى انهم بيتكلمو كدة
يبقى مش عارفين يتكلمو
لاء بيكونو خرجين كليات عاليا
يعنى اللغة دى اصلا اساسها الكليات
ومش بنستعملها غير مع جلنا يعنى مش معقول هتروحى
تقولى لى ولدك الكلام دة
دة بيكون بين كل جيل
و كمان مش بيكون استخفاف لم الاعضو يدخل يناقش موضوع ويحكى
او يقول لى حصل
من وجهه نظرو كدة الصورة هتوصل
هديكى مثل
لو قالتلك همس ماتت
كدة هتفهمى انى مت وخالص
لكن لو قالت همس ماتت لم كانت بتعبر الشارع
كدة هتفهمى اكتر اية لى حصل

صح ولا اية

اعتقد انى نقشتك
ودى وجهه نظرى


تحياتى ليكى

همس الجراح

ليه مش هنعرف نغيرها وايه الصعوبيه فى كده برضو فضلنا نتكلم انجلش من باب الثقافه واننا مودرن لحد ما اصبح اغلب كلامنا انجليش مش كفايه كده كمان هنيجى للكلام ده اللى مش بيمس للغه العربيه باى صله ونقول مش هنعرف نغيره يبقه هنفضل ننزل من نفسنا كتير قوى كل شئ نستسهله ونقول منعرفش نغيره بيصبح وباء كبير ولو اللغه دى منتشره بين طالبات الجامعه دلوقتى بس بكره هتنتشر بين كل الناس ولما تكبر المشكله نقول ايه وصلنا نتكلم كده يبقه الافضل نحاول نلاغيها من قاموسنا من دلوقتى وبعدين يا همس انا محبش اتكلم بالطريقه دى حتى لو عن طريق الهزار لانها مش ظريفه وبعدين لما العضو يكتب نقاش مش ضرورى يقول تفاصيل اليوم كله اه يكتب الموضوع بالتفصيل انما شربت شاى واتغدينا وروحنا وجينا ورجعت من الشغل ده طبعا مش صح لاكن اكتب تفاصيل المشكله ده امر طبيعى من غير تفاصيل مالهاش لازمه انا مالى شرب شاى اتغدى نام روح معلشى دى مش تفاصيل ده رغى من غير لازمه ومش هيفيد اى عضو انه يعرف اتغدى ولا شرب ولا ايه لاكن نقول تفاصيل المشكله طبعا لازم والف بعد الشر عنك من الحوادث يا همس

[مجنونه بيك]

اقتباس
المشاركة الأصلية كتبت بواسطة ساحر الاحزان





الاستظراف شىء غير محبب

فى الحياة ولكن توجد كلمات

فى قاموس اللغات غريبة علينا

من خلال الاختلاط مع الاخرين

وقد تكون طبيعة عادية

ولكن ليتنا نبعد

عن ما يجرح مشاعر الاخرين

تحياتى لموضوعك القيم

شوف هقولك شئ لو من باب الاختلاط هات كلمه زى كوده وتوبعا

فى اى لغه دى انحليزى ولا فرنساوى يبقه مش اختلاط بالاخرين

زى ما قولت استخفاف باللغه من باب الهزار ولكنه هزار مش لذيذ

والافضل نغيره للحفاظ على لغتنا وكفايه علينا الانجليزى اهو لغه نعرف معنها

مشكور على الرد

[مجنونه بيك]

اقتباس
المشاركة الأصلية كتبت بواسطة رسيل





طب يمكن مش قصدهم كده
بس لو حد بيقصد انو يستخف بالعربيه دي حاجه تانية
وكل واحد ونيته....

انا معاكى ان كل واحد ونيته بس المقصود نحترم طريقة كلامنا

حتى لو من باب الهزار وبلاش الكلام اللى مش ليه معنى ده

[خارج عن القانون]

انا هنا هتكلم ع نقطه نقطه

النقطه الاولى (معترض معاكى والاختلاف فى الرأى لا يفسد للود قضيه)

بالنسبه للغه العربيه والكلام

ده عادى اصبح معروف انه هزار

ومافيش مشكله فى كده

اما بقا بخصوص النقطه التانيه

(معاكى فى الرأى واحييكى ع طرح تلك النقطه للنقاش)

بتاعت القصص الطويله العريضه

ديه بقا معاكى حق فيها

فعلا استظراف ناس مستظرفه

دمتى لنا انتى وقلمك المبدع

[محمد الشريف]

بداية احييكى على طرحك الهادف فى كافة جوانبه المتعلقة به

إذ لايصح مطلقا خلط الجد بالهزل فمن يكتب يخاطب الكافة ومن

بينهم زهور تترعرع وتنشأ وتتأثر بما تقرأ وليس الاستظراف مستحبا

فى النقاش لاسيما وأن القسم مخصص للنقاش والحوار الجاد ولا

مجال فيه فعلا لما يخالفه ، كما أن العربية لغة القرآن الكريم وهى

لغة بلغت من الكمال غايته واقل مايجب علينا الحفاظ عليها والزود

عنها وليس باستبدالها بالفرنجة ... وأعتقد أن الكثيرين منا دارسين

لغات ونجيد التحدث بها ولكن فى موضعها وليس من باب التباهى

واستبدال الأسماء العربية بغيرها الأمر الذى ننفرد به نحن ولا يوجد

له مثيل لكل غيور وحريص على لغته واظن كل من اتيحت له الفرصة

لزيارة أوربا أو أى قارة اخرى لايجد عبث فى حفاظهم على لغتهم مثلنا

وأما عن مسألة الحكاوى والمبالغات فى عرضها وتصويرها برغم

ضآلة ما تحتويه فهذا مايجعل الملل والسأم يتسرب للنفوس ويفقد

الموضوع محتواه وقيمته ... وأما عن الأخطاء الإملائية والنحوية

فهذ أمر محزن ولقد حدثنى يوما أحد رجال التعليم الضالعين فى

مجاله وقال لو كانت عندنا تعليمات للمحاسبة أثناء إجراءات

تصحيح أوراق الطلاب بمختلف مراحل التعليم على الأخطاء الإملائية

لما نجح إلا قليل القليل وساق لى أمثلة يتندى لها الجبين

فحرى بنا أن نتمسك بلغتنا العربية العظيمة

وتقبلى منى موفور احترامى وتقديرى

[ماتركس]

مجنونه بيك

اولا احييكي لطرحك لمثل هذه المواضيع المفيده

معك حق انه مينفعش في الكلام الجد نهزر ونستهتر ونستهزء بلغتنا

يعني لازم تكون كتابتنا معبره عن شخصيتنا نحن عرب ومسلمين وموحدين وتحت رايه وحده

وهى لااله الاالله محمد رسول الله

ولازم نتكلم بلغتنا العربية

بجد تسلم ايدك لمووضوعك ومنتحرمش من وجودك دايما يارب