لمى بتختلف مع مامتك تتصرف ازاي ؟؟

[فنانه باسلوبي]

السلام عليكم ورحمه الله وبركاته..يا اخواتي اعضاء المنتدى

يارب تكونو بخير ورضى من ربنا عليكم..

حقيقي اترددت كتييييييييييييييييير عشان اكتب لاكن اتشجعت وقولت انا برضك يعني بشر مش ملاك..

ومافيش مشكله اني اسمع واستفيد من اخواتي..

المهم انا عارفه اني غلطااااااااااااانه ف الي عملته وندماااااااااااااانه جدا جدا جدا:vb17:

بصراحه كده..انا البت الكبيره وقريبه من ماما جدا جدا ومعظم وقتي معاها...ف بانسى نفسي واحس زي

ما اكون باتكلم مع صاحبتي مش مامتي..

المهم اختلفت معاها عشان موضوع وكده وماما مصره على رأيها وانا مصره على رأي..عشان دي حاجه تخصني


ومش عارفه غير وانا مقطبه ومتعصبه عالاخر...ومش عارفه اتصرف وكل ماتيجي ماما تبرر رأيها

بحس اني باتنرفز بزياده..وماسكه نفسي حاسه اني حانفجر...


المهم بصراحه كده اتكلمت معاها بصوت عالي(ياااااارب يسامحني) لاكن مش كتير وبكلام عادي يعني
وجهه نظري الي هيه رافضاها..

لاكن ده غلط اكيد..

المهم حسيت اني هبوز الدنيا وهنيلها..فقررت انسحب..


ماما ادايقت مني

وانا اتخنقت عالاخر عشان دايقتها...لاباكل ولاباشرب ولا بافتح النت..وكارهه نفسي..


وبعد ما حسيت انها هاديه شويه روحت لها وكانت مش عاوزه تبص لي حتى..

طبعا انا مارضيتش وفضلت ازنب نفسي واعترف لها بخطأي..وطلبت انها تسامحني وتدعيلي..

ماما اخدتني ف حضنها وقلبها ماطوعهاش...

انتهت الحكايه ديه لاكنها مأثره فيه جامد..

وكنت عاوزه اسئلكم..احنا بشر مش كده؟؟؟ طب لو اختلفت مع والدك ووالدتك ازاي تتعامل؟؟

طب لوانت متعصب يعني وحاجه غصب عنك تعمل ايه؟؟ انا باقصد انته بتسمع حاجه بدايقك وكده مش بإيدك ومظغوط عالاخر..مش شايف قدامك؟؟ طبعا مش تهور جامد ابدا معاذ الله..اكيد في احترام كبير

ومافيش مجال للتطاول وقله الزوق لاكن التقطيب..ومعارضه للرأي كده يعني..

وهل في حدود بين الام والاب واولادهم يعني عادي كده ..انهم يتعاملو كأصحاب..ولا لازم تكون حدود جامده

ماينفعش اننا نحتك معاهم..

واخيرا ما حدش يفهمني غلط ..دا سؤ فهم وانا غلطت وعاوزه استفيد منكم..

ودي ..

مستنيه ردودكم طبعا..

[امرأه من نار]

اختاه الغاليه

اولا احييكِ بتحيه الاسلام

وأهنيك لطرحك للموضوع ومن دل على شيئ دل

على حبك واحترامك لرأي الماما اكيد

اختاه بما ان الاكبر منا سناً اعلم بأمور الدنيا

وهم يمتلكون خلفيه من الحياه

وتجارب عده
والاخطاء التى واجهتهم , لا يحبون ابنائهم الغرق بها

اعلمي ابنتي , ان لا يوجد اب او ام لا يحبون الخير لابنائهم

والاهل ليسو بأعداء, وانما موجهوون بالدرجه الاولى واصدقاء

لنا.

ادام الله عليكِ زينه العقل , وجعلك ابنه بار لاهلك.

[حياتي ذكريات]

السلام عليكم

طبعا الواحد احيانا بيختلف مع امه وبيتزعل منه

وما حدش معصوم من الخطأ لان احيانا الواحد لما بيتعصب بيتمادى

ومادام انتي ندمانة واعترفتي انك غلطانة يبقى ربنا يسامحك ان شاء الله

انا لما بحس اني هختلف مع والدتي او والدي بحاول اني اتكلم معاه بهدوء تام

وبصراحة لما حد بيتكلم فيهم مش بقدر أواجههم وبسكت

بحس اني صغيرة قدامهم على اني اتكلم او ارفع صوتي

مرة واحده فيها غضبت وعليت صوتي على امي وانا في 2 اعدادي زمان

وزعلت مني جامد وبعدين رحت اعتذرتلها وجت سامحتني

من يومها مش بحاول اني ارفع صوتي ولو حسيت ان المناقشة بينا

هتزداد بستأذن منهم واقولهم يحصل خير ان شاء الله واقوم على اوضتي

واعد لوحدي وافكر وربنا بيسهل بعديها ساعات هما بيقنعوني وساعات انا بقنعهم

وربنا يوفقك دايما ان شاء الله ويعينا على بر الوالدين

تسلمي على موضوعك ..

[رسيل]

هقلك
امي لما تكون مصرة
او تكلمني
بسكت وبسمع وبقولها حـــــــــــــــاضر تحت امرك

[عاشقة الهدوء]

السلام عليكم ورحمة الله وبركاته

بجد موضوعك جميل ياحببتى والله أنا كمان زيك كده بتعامل مع والدتى

كأنها صحبتى بالظبط كل حاجه بحكيها ليها حتى دبة النمله ههههه زى ما بيقولو

لما اختلف معاها فى راى ولا كده أنا بطبعتى عصبيه جدا سعات اتخانق واقعد ازعق

معاها عشان بجد هى الى بتقولى كلام ينرفزنى فى بعض الاحيان بس طبعا بأدب

مش بتطاول وقلة أدب واقعد بقه ياماما حرام عليكى والله ياماما انتى ظلمانى بصى ياماما

ربنا الى شاهد بينا وعالم مين فينا الى غلطان واروح بقه سيباها وقايمه هى بقه تقعد

تشتم فيه وأنا مؤدبه وساكته مش بتكلم وبعد ما تخلص اقوم أنا بقه خلصتى

ياماما تقولى اه اروح أخداها بالحضن جامد وأقولها متزعليش منى ياماما ياحببتى

وكل يوم من ده ههههههه ونرجع ولا فيه أى حاجه حصلت وبعدين احنا عشان ضغوط

الحياه والى بنشوفوا فى حياتنا جيبلنا العصبى ووالروشه ههههه ربنا يتولانا برحمته

ويرزقنا يارب رضا الوالدين الى برضاهم سعادة الدنيا والاخره اللهم أمين تسلمى ياقمر

ومتخافيش مدام انتى متقيه الله هتتقى ربنا فى الوالدين وربنا يسامحنا كلنا يارب اللهم أمين

تقبلى كلامى ومرورى

[فنانه باسلوبي]

اقتباسالمشاركة الأصلية كتبت بواسطة امرأه من نار

اختاه الغاليه

اولا احييكِ بتحيه الاسلام

وأهنيك لطرحك للموضوع ومن دل على شيئ دل

على حبك واحترامك لرأي الماما اكيد

اختاه بما ان الاكبر منا سناً اعلم بأمور الدنيا

وهم يمتلكون خلفيه من الحياه

وتجارب عده
والاخطاء التى واجهتهم , لا يحبون ابنائهم الغرق بها

اعلمي ابنتي , ان لا يوجد اب او ام لا يحبون الخير لابنائهم

والاهل ليسو بأعداء, وانما موجهوون بالدرجه الاولى واصدقاء

لنا.

ادام الله عليكِ زينه العقل , وجعلك ابنه بار لاهلك.

اهلا وسهلابرأيك الجميل..

والله العظيم اعجبني ماقرأته لكي...

بجد الواحد يفكر ان اهله بيحبوه وتهمهم مصلحته

وممكن يتهور ومايفهمش رأيهم من وجهه نظرهم..يعني مش بيشوف
الي همن شايفينه..

واكيد ياعزيزتي انهم بيوجهونا عشان يعبرو بينا شط الامان

بعيد عن اي حاجه تكون فيها مشاكل خاصه لو مرو بيها

ويااارب يهديني ويساعدني على برهم دايما

ميرسي ليك ياحببتي ودي لك

[ozy]

مينفعش نجادل ونقاش فى اوامر الوالدين

دة ربنا بيقول بسم الله الرحمن الرحيم .. ولا تقل لهم اوفن ولا تنهرهما وقل لهما قول كريما .. صدق الله العظيم

تسلمى على جرئتك وحسك ان انتى غلطى

[فنانه باسلوبي]

اقتباسالمشاركة الأصلية كتبت بواسطة حياتي ذكرياتالسلام عليكم

طبعا الواحد احيانا بيختلف مع امه وبيتزعل منه

وما حدش معصوم من الخطأ لان احيانا الواحد لما بيتعصب بيتمادى

ومادام انتي ندمانة واعترفتي انك غلطانة يبقى ربنا يسامحك ان شاء الله

انا لما بحس اني هختلف مع والدتي او والدي بحاول اني اتكلم معاه بهدوء تام

وبصراحة لما حد بيتكلم فيهم مش بقدر أواجههم وبسكت

بحس اني صغيرة قدامهم على اني اتكلم او ارفع صوتي

مرة واحده فيها غضبت وعليت صوتي على امي وانا في 2 اعدادي زمان

وزعلت مني جامد وبعدين رحت اعتذرتلها وجت سامحتني

من يومها مش بحاول اني ارفع صوتي ولو حسيت ان المناقشة بينا

هتزداد بستأذن منهم واقولهم يحصل خير ان شاء الله واقوم على اوضتي

واعد لوحدي وافكر وربنا بيسهل بعديها ساعات هما بيقنعوني وساعات انا بقنعهم

وربنا يوفقك دايما ان شاء الله ويعينا على بر الوالدين


تسلمي على موضوعك ..

السلام عليكم ورحمه الله وبركاته : حياتي ذكريات..

شوفتي ازاي انتي فاكره الي حصل بينك وبين والدتك من 2 اعدادي؟؟؟..ودرس اتعلمتي منه

ماشاء الله وربنا يزيدك..لغايه دلوقتي..

عشان فعلا زعل الام والاب صعب موووت ومايهونش..لاكن الواحد مش قاصد ومش بإيدو

واهو ده الي مدايقني وربنا ...عالم ..مامتي ناسيه وبتتعامل عادي وانا قلبي بيوجعني كل ما اجي افتكر

الي عملته..

وانا من نوع يعني احتكاكي بيها اكتر من ام ..بكتير..ف بانسى نفسه وعمري ماديقتها زي الي عملته

ده..

مش عارفه انا مش باقدر انسحب والنقاش ما اتحسم لسه..لاكن بكون رايقه مع ماما..

ومش عارفه اتعفرت المره ديه ليه ؟؟ ودايقتها..

لاكن انشالله اول واخر مره ..هههههههههههه:cv7: توووووووووووووووبه

وعلى فكره لسه مختلفين على الرأي هههههههههههه لاكن طبعا قفلنا السيره حتى اشعار اخر..

ربنا يسهل وميرسي على ردك الجميل

وانسحابك وقت مايكون فيه اختلاف تصرف جميل جدا وقمه اللباقه والزوق..
ودي

[فنانه باسلوبي]

اقتباسالمشاركة الأصلية كتبت بواسطة رسيلهقلك
امي لما تكون مصرة
او تكلمني
بسكت وبسمع وبقولها حـــــــــــــــاضر تحت امرك

السلام عليكم ورحمه الله وبركاته...

اه فعلا يارسيل وجهه نظرك واحترمها ولازم نتعامل بيها

مع جنتنا ف الدنيا..


لاكن ياحبيبتي ساعات بتلاقي نفسك مش قادره..

وممكن يكون قرار مصيري ورأيك مهم عشان ..موضوع

حاسم وممكن تكون اثاره باقي عمرك الي ربنا كاتبه ليكي

وده مش معناه انك تكوني ضد اهلك؟؟ لاه طبعا..

لاكن ازاي توجدي طريقه للنقاش ف موضوع اختلفتم عليه

وانتو كلكم بشر..

وكله بزوق ولباقه واعتراف بالفضل ليهم دايما..

والحرص على رضاهم..

ودي لك

[فنانه باسلوبي]

اقتباسالمشاركة الأصلية كتبت بواسطة عاشقة الهدوءالسلام عليكم ورحمة الله وبركاته

بجد موضوعك جميل ياحببتى والله أنا كمان زيك كده بتعامل مع والدتى

كأنها صحبتى بالظبط كل حاجه بحكيها ليها حتى دبة النمله ههههه زى ما بيقولو

لما اختلف معاها فى راى ولا كده أنا بطبعتى عصبيه جدا سعات اتخانق واقعد ازعق

معاها عشان بجد هى الى بتقولى كلام ينرفزنى فى بعض الاحيان بس طبعا بأدب

مش بتطاول وقلة أدب واقعد بقه ياماما حرام عليكى والله ياماما انتى ظلمانى بصى ياماما

ربنا الى شاهد بينا وعالم مين فينا الى غلطان واروح بقه سيباها وقايمه هى بقه تقعد

تشتم فيه وأنا مؤدبه وساكته مش بتكلم وبعد ما تخلص اقوم أنا بقه خلصتى

ياماما تقولى اه اروح أخداها بالحضن جامد وأقولها متزعليش منى ياماما ياحببتى

وكل يوم من ده ههههههه ونرجع ولا فيه أى حاجه حصلت وبعدين احنا عشان ضغوط

الحياه والى بنشوفوا فى حياتنا جيبلنا العصبى ووالروشه ههههه ربنا يتولانا برحمته

ويرزقنا يارب رضا الوالدين الى برضاهم سعادة الدنيا والاخره اللهم أمين تسلمى ياقمر

ومتخافيش مدام انتى متقيه الله هتتقى ربنا فى الوالدين وربنا يسامحنا كلنا يارب اللهم أمين

تقبلى كلامى ومرورى

ياااااااه:cupidarrow: مش انا لوحدي الي صاحبه ماما هههههههههه..
ميرسي لكلامك الجميل دون : عاشقه الهدوء..
اهو انتي قواالتي..ان الواحد مع مامته يحصل انه يختلف معاهم ويشد وبعيد

عن قله الزوق..وخاصه لو كان بطبيعته قريب منها وبيتعامل معاها بطريقه

الصداقه البسيطه..التي يكون فيها شفافيه..وممكن يحصل سؤ فهم ويحل

ده يدل على ان الابن نيته كويسه وحريص على رضى والدته..لاكن ممكن يشد

ويتعصب ويكون مظغوط وده مش مبرر طبعا لاكن كلام من ده ممكن يحصل

والواحد لازم يتعود انه يبر والديه ويطلب رضى ربنا برضاهم

وربنا يوفقك ويوفقنا جميعا اننا نبير بوالدينا...

ههههههههههه عاجباني اوي (ياماما انتي ظلماني ...) حبقى احنن قلب امي عليا بيها

ميرسي لكلامك الجميل وانا والله كنت مخنوقه من نفسي لاكن ربنا يغفر لي

وللجميع

ودي