حــــــاميــــــــــــها حـــــرامـيــــــــــــها >> يادى الخيبه ؟؟!!!

[♥..pure]

السلام عليكم ورحمه الله وبركاته ,,

أنتم أيها الشباب عماد هذة الامه ... وانتم أيتها الفتيات مستقبل مصر القادم

جميعكم مسئول عن مستقبل وحياة مصر القادمه .. اذ لم يستطع غيرنا تغيره فنحن نستطيع

نحن الامل فى الغد .. نحن اامل فى مستقبل باهر مشرف نفتخر به امام غيرنا من دول الشرق الاوسط

فالشعب هو الوحيد الذى يستطيع ان يغير بلده إما ان يرفعها فى السماء او يغرسها فى الوحل

لا احب الإطاله فى المقدمات لذا اود ان ادخل فى الموضوع بشكل مباشر ,,,

كل منا لديه شهادة علميه إما عاليه وإما متوسطه ،، مهما كانت اياها

فحديثى الان الى الشباب الذين فى مقتبل العمر انا وانتم مازالت لدينا الفرصه فى المحاوله

ياتى الآن السؤال >> أية محاولة ؟؟!!!

علمت مؤخرا خبرا احزننى كثيراا ،، عرفت ان هناك 60 بحث علمى

تم اختيارهم من احسن الابحاث العلميه المقدمه على مستوى الشرق الاوسط

والغريب والذى ادهشنى انه من بينهم 44 بحث علمى مقدم من اسرائيل والباقى من باقى دول الشرق الاوسط !!!

والعجيب انه لو يتم اختيار اى بحث مقدم من مصر ام الدنيا ,,,

نحن الفراعنه اول من صنعنا الحضاره فى العالم نحن من علمناهم وصل الامر لهذة الدرجة !!!

فالبلاد التى تعلمت مننا استطاعت وبقدرة هائله وفائقه على اجتيازنا فى العلم

ولكن هذا ليس تقصير مننا او من عقولنا وتفكيرنا ولكنه تقصير من امكانيات البحث

فالابحاث العلميه تحتاج الى مبالغ خارقه تخصص لتجارب الابحاث المقدمه

فنرى فى مصر مثلا ان المبالغ المخصصه للبحث العلمى تصل الى 120 الف جنيه فقط

فى حين ان الدول الاخرى تصرف المليارات على البحث الواحد

هل مازلنا نتسأل عن سبب الفشل ؟؟!!!

ومن هنا يأتى السؤال الذى يطرح نفسه >> أين تلك الاموال ؟؟!!

أين اموال شعبنا .. اموال مصر ... أين ؟؟!!

كثيرا ما نتكلم عن الغلاء وعن قله المرتبات وان مصر من الدول الناميه

سأريكم أمثله لهذا الفقر التى تعيش فيه مصر

مثال : سمعت حديثا تلفزيونيا عن قريه صغيره تسمى كفر فيله حيث ان هناك وحدة صحيه صغيره

وعند حديث احى الممرضات قالت انهم يجمعون من بعضهم القروش لشراء الشاش والقطن اللازم لحالات الطوارئ

وأيضا حديث لاحد عمال النظافه بانهم يجمعون ايضا القروش لشراء ادوات التنظيف

وذلك لانهم يعاقبون على نظافه الوحده فى حين انهم لا يحصلون على الاموال التى تساعدهم على ذلك

فنرى هذة الممرضه وهذا العامل لا يتعدى اجره ال 200 جنيه ويصرف على الدوله من مرتبه

فهل هذا يعقل ؟؟!!

نقطه اخرى ,,,

الاموال التى تصرف للعلاج على نفقه الدوله ..

حيث كانت الدوله تخصص 45 الف جنيه لهذا العمل الخير

ومع البحث وجد انه يتم عمليات نصب وتزوير وعمل شيكات مزورة لافراد اصحاء

لذلك قرر وزير الصحه بعمل ترشيد فى الانفاق >> بمعنى اللى عنده ميا بيضا على عنيه الاتنين

يبقى يعمل عمليه فى عين وحده بس بدل العينين المهم انه هيشوف وخلاص

واللى كان عنده على عين واحده يبقى خلاص مش هيعمل حاجة ويحمد ربنا انه بيشوف >> احنا هننهب

فى حين ان وزير الصحه شخصيا يذهب للخارج لعمل عميله فى عينه تقدر بمليون و200 الف جنيه

وايضا وزير الماليه الدكتور الملياردير يوسف بطرس غالى بمعالجه زوجته فى امريكا ب 900 الف جنيه

يا للعجب العجاب !!!!!!

نأتى الى ازمه الاسكان والاراضى التى تشغل الرأى العام

علمت مؤخرا عن عمليات النهب التى قام بها المهندس هشام طلعت مصطفى واخيه طارق طلعت مصطفى

فهناك خامس عمليه نهب قام بها المهندس هشام طلعت وهى مشروع مدينتى

فهو عباره عن ارض بمساحه 8000 فدان تم اخذها بوضع اليد وبدون وجه حق

والسبب الذى يقال ان الارض مجاوره لارض الرحاب التى اخذت بنفس الطريقه >> طريقه النهب

تبلغ سعر الاراضى التى نبها المهندس 33 مليار جنيه >> مبلغ مش سهل

لو نشوف اصلا هنلاقى ان ميزانيه وزارة الصحه والماليه والزراعه لا تتعدى ال 33 مليار جنيه

وعندما اكتشف المسئولين عمليه النصب ورفعوا القضايا امام النائب العام

وبنفس النظام قام المهندس احمد عبد السلام اوره ب اخذ اراضى تقدر ب 26 مليار جنيه

هى دول اموالنا اللى بتضيع >> الحكومه هى اللى بتضيعها مش احنا

مهما قولنا عن الدوله واللى بيحصل فيها عمرنا ما هنوصل للحقيقه المره اللى موجودة

انا حبيت اوريكوا ولو 1% من اللى بيحصل حوالينا واحنا مش عارفين

انا وانتم ممكن بايدينا نصلح كل دة

لما كل انسان يعمل اللى عليه ويشتغل بضمير فى مهنته الخاصه سواء كان

طبيب ، مهندس ، ضابط ، مدرس ، نجار ، سباك ، عامل نظافه

كلنا المفروض ايد واحده عشان نترقى بــــ مصر

وللحديث بقيه ،، إن شاء الله

تحياتى ,,,,

[DR.SMA]

كل ده الناس كلها عارفاه يا رفيف
بس تعالي قولي لحد اتكلم
يقولك وانا هتكلم لوحي انا اخاف

موضوع الابحاث
علماء مصر بيعملوا ابحاثهم برة
باسم الدوله الي بيعملوها فيها طبعا
وتلاقي معظمهم مصريين بس
مش باسم مصر
وده طبعا عشان مفيش تمويل


لو الضماير صحت هيكون الوضع مختلف
لكن بتكلمي حيطة يا حبيبتي
كلة نفسه في التغيير بس وهوجو بيته

ان الله لا يغير ما بقوم حتى يغيروا ما بانفسهم


تحياتي ليكي
شكرا

[SiLver Spectra]

الموضوع حلو يا رفيف
ليه شوية تعليقات

اقتباس فنرى فى مصر مثلا ان المبالغ المخصصه للبحث العلمى تصل الى 120 الف جنيه فقط

هو الرقم قليل جدا و طبعا مش مظبوط
أنا بحثت كمان عشان أطلع الرقم بالظبط
و كان 0.02% من ميزانية الدولة
تقريبا ميزانية مصر400 مليار دولار اقل أو أكتر شوية
لو ضربتي النسبة هتطلع 8 مليار في السنه
بس ما أعتقدش ان الرقم دا حقيقي أو ممكن يكون بيدخل في حاجات تانيه
تقريبا مصاريف كل جامعات مصر
البحث العلمي نفسه بيتصرف عليه 200 مليون جنيه
طبعا في أميركا بيعدي ال100 مليار
و مافيش مقارنه بين الاقتصادين
ميزانية أمريكا بتعدي البليون دولار
يعني واحد و جنبه 12 صفر

اقتباس فنرى هذة الممرضه وهذا العامل لا يتعدى اجره ال 200 جنيه ويصرف على الدوله من مرتبه

أنا على فكرة أخدت فكره تانيه خالص عن نظام الرواتب في مصر
حسيت اننا بنبالغ
بس مش كلو
في ناس رواتبها 200 و 100 لكن بيكون في حوافز
فبتلاقي اقل موظف بياخد مثلا نباطشيبات و حوافز و بدل و بيعدي ال1000
أنا اكتشفت ان خالتي الي شغاله في الضرايب راتبها بالحوافز و المكافئات ألفين و نص
و بتقولي عبال ما توصل للمعاش هتعدي ال4
و هي موظفه عاديه

فالنظام عندنا بيخلي الراتب يضرب في اتنين و تلاته و اربعه
بس بيكون اسمك بتاخد 500 جنيه كراتب اصلي
بدائل و حوافز بتخليه يعدي الألف

لكن لو انت في مهنة مافيش فيها اي مكافئات و لا أي حافوز و لا أي بدائل يبقى عليك العوض

اقتباس علمت مؤخرا عن عمليات النهب التى قام بها المهندس هشام طلعت مصطفى واخيه طارق طلعت مصطفى

أما الراجل دا فكان مظبط الوزره بما أنه كان عضو كبير في الحزب الوطني
فالوزة كانوا بيظبطوه
و دا شيء مش غريب على الشعوب العربية
احنا اصلا حياتنا كلها بتمشي بالتظبيط
انت كفرد ممكن تظبط واحد انك مثلا تخلي حد يعمله خدمه صغيره (على أدك)
لكن المليارديرات تظبيطاتهم بتبقى بأراضي و أملاك (كل واحد و على أد نفوذه)

الدولة صادرت مدينتي و بعدين ماعرفتش تعمل بيها ايه و تتصرف ازاي
فباعتها لنفس الشركه بس بزيادة 10 مليار

موضوع قيم يا رفيف...

[رحيق الجنه]

لا تعليق
كان الله فى عونكم شعب مصر
لاول مرة تصدمنى الحقائق

[DR.SMA]

اقتباس الدولة صادرت مدينتي و بعدين ماعرفتش تعمل بيها ايه و تتصرف ازاي فباعتها لنفس الشركه بس بزيادة 10 مليار

وتفتكر 10 مليار دول هيحلو المشكلة
هم كدة ما استفادوش من حاجة
كانو خدوهم ضرايب وخلاص بدل وجع الدماغ

اقتباس أنا اكتشفت ان خالتي الي شغاله في الضرايب راتبها بالحوافز و المكافئات ألفين و نص و بتقولي عبال ما توصل للمعاش هتعدي ال4

انت بتتكلم عن موظفة في الضرايب
اكيد مرتبها كويس
دور بقى على موظف ف هيئة عادية
هتلاقي مرتبه كام يعني
ولا حاجة بالنسبة للاسعار
بس هو في تحسن في المرتبات
بس مش للدرجة يعني

[قلـــــــــــــــــم]

بلاش اتكلم

العيب مش في الدوله

العيب في الشعب لأن الشعب في حالة ركوض مستعصية


ما في اي فكر اقتصادي


والتنسيق الاقتصادي الحالي امامه اقل شيء 20 سنة ليقوم من سباته



الدوله لكي توفر احتياجات الشعب


معتمدة على امرين

السياحة

والمحاصيل الزراعية التي تصدر لنستورد القمح


عملين نطلب مسأله من الدوله


طب اطلبي مسائلة الشعب


إذا كان عامل او موظف بيروح يتخمد ينام بمكان العمل

مستنة اية نمو اقتصادي اكيد العكس


وكل واحد يطلع يحلل على كيفو


ومع احترامي


واحد زي الدكتور المهندس طلعت مصطفي

لولاة هتلاقي نفسك محصله النيجر والدول الخامرة

على الاقل هو بيسرق وبيدفع لتنمية الاقتصاد

لكن اتحداك

40% من فئة الشعب عايشة سلنطحية

لا شغله ولا مشغلة والاسم محسوب على تعداد دوله


الخراب يأتي من اصغر الامور حجماً


كل شخص يقول الدوله الدوله

هل انت قيمتي بحث ؟؟؟؟؟ حديث

واغلب البحوث التي تقدم ومع احترامي اما مكررة او مسروقه أو مترجمة للعربية

واعتقد من يجلس بمركز البحوث واخد ختم عديها وهشوفك بشويه فكة

احنا نقول الي لينا والي علينا

استحاله هتكوني جامعية مميزة وما ترفق لكِ بعثة من قبل الدولة

وكفاية إن 5 من أوائل الثانوي العام يلتحقو بالجامعة الامريكية على نفقة الدوله

وتعداد البعثات التي تقام كل 3 سنوات تكون على نفقة الدولة

طب احنا عملنا ايه للدوله

كل واحد فرحان يقف على باب الشارع ويقول اصل مش لاقي شغل

طب يا حبيبي مش عيب اشتغل اي مهنه حرفيه لحين ما تيجي الفرصة

لالا ياي انا ايدي تتوسخ انا اموت من الجوع ولا اشتغل ماما عمله اكل بالبيت وابويا بيدني مصروف الجيب

يبقي ده اسمه ايه

دي إتكالية

وما دمت في إتكالية معتقدش راح نتقدم

الصين الشعبية مليار ومعه

الطفل بيعمل وبيذاكر وبيحصل على شهادات علمية

برغم المشاغبات والاحتكارات الداخلية

وتعد من أوائل الاقتصاد العالمي





ردي يعبر عن رأي فقط فلا داع لتراهات المناقشات فيه


شكرا


سلمت يدك على الطرح الراقي الجميل

الصريح

قلــــــــــــــــــــــــــــم

[خارج عن القانون]

سياسه سياسه سياسه

ربنا يستر بقا يا رفيف ومنتلمش كلنا فى بطاطين سودا

وع اقرب لوكانده 5 نجوم هيعزمونا ع قهوه بس قهوه تقيـــله وســــــــاده

طيب انا ما قلتش يالا نفسى ولا قولت انى خايف وحاولت انى اقول لا

وفيه ناس هنا فى المنتدى عرفين انى قولت لا ازاى بس كان ايه النتيجه

لولا انى لحقت نفسى كان زمانى وراء الشمس باكل رز بلبن مع ملائكه الجحيم

اللى كل واحد منهم عامل كتفه زى السماء مليانه نجوم ونسور

بصى يا رفيف مع ان الارقام ديه اعتقد انك مش واخدها من مكان ثقه

بس برضو الارقام الحقيقه تخوف اكتر من الارقام ديه

والحل الوحيد لبلدى الحبيب مصر هو خروج احمد عرابى من مقبرته

هو والحصان بتاعه علشان يقف امام الطغاء ويقول

"لقد خلقنا الله أحرار ولم يخلقنا تراثا او عقارا
فوالله الذى لا اله الا هو لا نورث ولا نستعبد بعد اليوم"

شكرا جدا يا دكتوره ع التوبيك الجااامد ده

[yasmine refat]

حلو الموضوع يارفيف

طبعا المجتمع مش شباب بس

بس إن شاء الله اما نكبر هنكون قد المسؤوليه ونربي أبنائنا على الصح

لو هنتكلم عن الفساد ((فما خفي كان أعظم))

مش كل حاجه بينه

أنا هقلك مثال بسيط من المهنة الي هكون فيها بإذن الله

عارفه في المستشفى الجامعي الي بدرب في واحد مات علشان فريق الانعاش كان بيفتكر ان التنبيه مجرد تدريب

الي حصل بعد كده عقاب اسبوع تقريبا والملفات على قول دكتورتنا قفلت وأدي أمثله كتير

المشكله الاساسيه عندنا غياب الرقابه الحجات بتتقفل ومحدش بيعرف عنها

واحنا شعب بصراحه سلبي لما نتحط في موقف سلبي بنرضى في

انا ليه صديقه اخوها توفى بسبب اهمال الطوارئ ومع ذلك مافيش حد من اهلها أشتكى

في اسباب كتير ممكن نحسبها ضمن حدوث الفساد

أما بقى عن الفقر والخ عارفه مش فاكره سمعت فين بالضبط بس افتكر لقوا إن في نسبه عاليه من الفقره بتصرف ملايين سنويا على السحر علشان ترتاح من فقرها!!!

في حجات تقدر الناس الفقره تعملها تعيش وفي نماذج لدول رفعت نفسها وممكن نطبقها ...

كان نفسي أطول في الرد بس فعلا مستعجله جدا<<الحق باص الرجوع :cupidarrow:

سلام ياعسل

[SiLver Spectra]

اقتباس وتفتكر 10 مليار دول هيحلو المشكلة هم كدة ما استفادوش من حاجة كانو خدوهم ضرايب وخلاص بدل وجع الدماغ

ما هو ماكنش واخد الارض ببلاش!!
كان دافع فيها مليارات
فعملوا لجنه لإعادة تقييم سعرها و زودوا المبلغ 10 مليار
وجع الدماغ دا حصل عشان في محامي هو الي اكتشف القصة دي و رفع قضية و كسبها
و بالتالي القضاء فسخ التعاقد
لما الأرض اتصادرت انت خلاص مش هتقدر تتصرف فيها لأن في ناس اشترت و دفعت فلوس
فما تقدرش تظلمهم ...عدد الناس دي بالالوفات
و في نفس الوقت الشركة الي هي طلعت مصطفى هتبقى عايزه المليارات الي هي صرفتها
فالموضوع فيه لبس
كان القرار في النهايه انها ترجع العقد بس بسعر أعلى
و مش شايف بصراحه قرار أنسب من دا بعد 13 سنة من شراء الارض عشان حقوق الناس الي تملكت!!

اقتباس انت بتتكلم عن موظفة في الضرايب اكيد مرتبها كويس دور بقى على موظف ف هيئة عادية هتلاقي مرتبه كام يعني ولا حاجة بالنسبة للاسعار بس هو في تحسن في المرتبات بس مش للدرجة يعني

أنا قولت في و في
لو انت بتاخد بدلات و مكافئات شهرية مرتبك هيكون مقبول
لكن لو مش بتاخد حاجه يبقى عليك العضو و دا أنا موضحه في الآخر

المدرسين مثلا مش بياخدوا اقل من ألف
في موظفين أعرفهم في وزارات تانيه بس طبعا ليهم عمر طويل شغالين فيها
مرتباتهم قرب الألفين
سواء زراعة أو في التربية
بس لما بتطلع عالمعاش كل حاجه بتروح و بيفضل بس مرتبك العادي
الي هو بيبقى مثلا 800 جنيه و لا حاجه

[حـ,ـكـ,ـآيـ,ـهـ,ـ ۅطـ,ـنـ,ـ]

	اختاه الكريمه كلمتين اضعهما في ميزان صفحاتكـ اتمنى ان ترجح بما يقتنع به العقل نحن مجتمع يتأرج بين السراب والهاويه ونندفع بلا مبالاه بأرواحنا وبكلتا الحالتين سيُقضي علينا ان لم نصحو من غفلتنا دمتِ بود