اضحك فرفش

[فلة.نور]

:cupidarrow::cupidarrow:إضحك وفرفش:cupidarrow::cupidarrow:

مدرس رياضة اتجوز مدرسة رياضة خلفوا ولد متساوى الساقين

مدرس بيسأل تلميذ .. إيه الفرق بين الأسبوع وموس الحلاقة والصحراء؟؟؟؟؟؟؟؟؟؟؟؟

التلميذ قاله .. الاسبوع فيه حد .. والموس فيه حدين ..

والصحراء ما فيهاش حد

10 اغبياء بيلعبوا على الطريق الصحراوي .. إتفقوا مع بعض

اللي تخبطه عربية مرتين يطلع برة اللعبة

تايه بيسأل واحد ماشى فى الشارع اية أسرع طريق أروح بيه للمستشفى ؟؟ قالوه غمض عينك وعدى الشارع

واحد أحول راح يجيب أبوه من المطار باس الشنطة وشال أبوه

اتنين مساطيل حبوا يسرقوا عماره فقالوا لبعض احنا ناخد العمارة بعيد ونسرقها برحتنا ، فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ، فواحد منهم بص وراه ملقاش الهدوم فقال له كفاية كدة احنا بعدنا اوى

محشش يسأل محشش تتوقع الجمعة يوافق آخر الشهر ؟

رد عليه : لو ضغطنا عليه يمكن يوافق

واحد ندل فتح مصنع بيبسي كتب على كل علبة : رج العلبة جيدا قبل الفتح

واحد فتح محل أنابيب غاز .. فجّر اسطوانتين فى وسط البلد .... للدعاية

واحدة راحت تخطب لابنها ....

أم العروسة بتسألها ... وياترى ابنك بيدخن ؟؟؟

ردت عليها : لا لا لا الحمد لله ، ابني ما بيدخنش ..... إلا إذا سكر

بلدينا ماسك قنبله وعمال يحدفها من الإيد دى للايد دى

قابله واحد تانى قال له : يخرب بيتك ولما تنفجر فى وشك

قاله : ماتخافش معايه غيرها

واحد قال لأبنه : نابليون وهو أدك كان أول واحد في الفصل

رد الولد على أبوه وقاله : نابليون وهو أدك يا بابا كان إمبراطور

واحد ومراته متخانقين فبطلوا يكلموا بعض فكتب ورقة صحيني الساعه 6.30 علشان عندي شغل ، وحط الورق على السرير ونام صحي الساعة 10.00 فلقى ورقه مكتوب عليها الساعه 6.30 يلا إصحى

ندل أبوه طرده من البيت وهو طالع كتب على السور .. مقر حركة طالبان

كمسرى ماشى في جنازة بيقول يا جماعة الجنازة فضيا قدام

مره واحد أحول سجل في الجيش .... حطوه في قسم القصف العشوائي

مره واحد مسطول أوى راجع بيتهم الساعه اتنين بالليل

أخته فتحت له الباب قام ضربها بالقلم على وشها وقالها

كنتى فين لحد دلوقتى.

محشش سأل واحدة اسمك ايه؟

قالتله : أسماء .. فقال : يعني ما فيش اسم محدد

مرة واحد راح السودان بالليل ملاآش حد

مرة واحد بلدياتنا عرف إن الجلد موضة مشى عريان

ظابط مرور لقى شقته ديقه عملها إتجاه واحد

واحد بتاع سمك إبنه مات فماشى في الجنازة يقول : كان صاحى وبيلعب

واحد بلدياتنا وقع فى حفرة نزلولوا حبل طلع مخنوق

واحدة بتقول لحبيبها أهلي مسافرين والبيت فاضي

قالها إقرئى قرآن ومتخافيش

واحد بقول لخطيبته أنا مش غني ولا عندي مرسيدس ولا يخت زى محمود بس أنا بحبك.

خطيبته : وأنا كمان بحبك لكن احكي لي اكتر عن محمود

ديك وفرخه معديين من قدام محل شاورما .. الديك قال للفرخة

شوفى اللى بيحصل للى مبتسمعش كلام جوزها

مره واحدة عجوزة عندها 80 سنه لقت مصباح علاء الدين .. طلع لها عفريت طلبت منه تصغر 30 سنه . بقى عندها 50 سنه . وطلبت منه يصغرها 20 سنه بقى عندها 30 سنه . طلبت منه يصغرها 10 سنين . بقى عندها 20 سنه . طلبت منه يصغرها 10 سنين .... جلها الحصبة ماتت

واحد وهوا بيموت بص لمراتة بصة رومانسية وقالها لما اترفدت كونتي معايا . ولما عييت وقفتي جنبي . ولما فلست برضوا كونتي معايا . ودلوقتى إنتي لسا جنبي .. مسك ايدها بحنيه وقالها .. أنا عرفت وتأكدت إن وشك نحس على

مدرس رسم عاوز يختبر تلاميذه .. فقال لهم أنا عيزكم ترسموا حمار غيبي ..(أي بدون النظر لصورة) ..... فوقف تلميذ وقال طيب لو سمحت

يا أستاذ .. اخرج بره علاشان محدش يغش

واحد بلدينا اشترى موبايل ، ركبله جهاز اظهار رقم الطالب !!!!

مرة أربعة بلدياتنا راحوا فرح

الأول: نقط بخمسة جنيه وضرب طلقة رصاص

الثانى: نقط بعشرة جنيه وضرب طلقتين

الثالث: نقط بخمستاشر جنيه وضرب 3 طلقات

أبوهم الراجل الكبير بقى عايز يعمل منظر راح منقط بـ ميت جنيه ورمي قنبلة !!!

واحده بلدياتنا قالت لجوزها قولى كلمه حلوه قال لها بسبوسه

قالت له يا آخى قولى كلمه تهزنى قال لها مرجيحه

قالت له قولى كلمه أحس فيها إنى مراتك قال لها انتى طالق

واحد موظف ماشى الصبح رايح شغلة وهو ماشي

شاف جماعة بلدياتنا واقفين فوق كوبري قصر النيل مهيصين وبيسقفو وبيصفروا ويرقصوا ويهللوا وينادوا

هاريدي .. هاريدي .. هاريدي

تاني يوم شاف الموظف نفس الحكاية

ثالث يوم شاف نفس الحكاية

فراح يسأل حد من الجماعة دية ونبي يا بالادينا شايفكوا بتسقافوا ومهياصين على الأخر هو في أية

قالوا أحسن غطاس عنديكم بيجعد جد اية تحت المية

قالوا ثلاث دقائق قالوا هريدي ولد عمي !!!! بجالوا تلات تيام في المية ومطلعش !!!

بلادينا بيقول لبلادينا (أنا تعبان من الروماتزم) رد عليه وقاله (أنا جرجاوي من فرشوط)

مره مسئول كبير راح يفتتح حمام سباحه كبير في سوهاج

فكان مدير الحمام بيشرحله مميزات الحمام فقال:

ده يا فندم المنط العشرين متر اطلع يا محمدين نط فنط

وده يا فندم المنط الاربعين متر اطلع يا حسنين نط فنط

فقال المسئول هايل هايل

فقاله المدير ولسه كمان يا فندم لما نملاه ميه !!!!!

واحد بلدياتنا ركب سيارة مرسيدس حديثه فتح الراديو لقي المذيعه بتقول هنا لندن راح قايل : يلعن أبو السرعة

مرة كان في واحد بلدياتنا ابنه تعب

وداه للدكتور وبعدين خرج الدكتور وقاله ابنك مات .....

ابنه: بابا انا عايش ما موتش ....

بلدياتنا: اسكت انت .. يعنى هتفهم أكتر من الدكتور

واحد بلديتنا سافر بره بعتوله برقيه ارجع فورا يوجد أمر خطير رجع على أول طياره

قابل أخوه الكبير فى المطار تعبان وحالته حاله ودقنه طويلة

قاله فى إيه أبويا جراله حاجه

راح مطبطب عليه وخده فى حضنه وركبوا العربيه لقا أخوه

الثانى فى السيارة تعبان وحالته حاله ودقنه طويله قاله فى إيه طمنى أبويا

جراله حاجه راح مطبطب عليه وخده فى حضنه

سافروا لقا أخوه الثالث على باب البيت تعبان وحالته حاله ودقنه طويله

قاله فى ايه طمنى ابويا جراله حاجه

راح مطبطب عليه وخده فى حضنه دخل على أبوه فى السرير لقاه نائم تعبان وحالته حاله

ودقنه طويلة قاله فى إيه طمنى يا أبوي إنت كويس رد عليا

راح أبوه قاله يا حسنين وديت مكنة الحلاقة فين

بلديتنا شاف فى الجرايد حادثه واحد فى امريكا قتل مراته ودفنها تحت السرير والبوليس الأمريكى لم يكتشف ذلك الا بعد 25 سنه

قام قال لنفسه يبقى أنا لو عملت كده البوليس عندنا مش حيكتشف ابداً

راح فعلاً قاتل مراته وحفر تحت السرير وحطها

مفيش ربع ساعه والبوليس قبض عليه فتعجب قوى

وسأل الظابط : انتم ازاى كشفتم الجريمه بسرعه قوى كده

ده فى امريكا ماكتشفوهاش الا بعد 25 سنه

رد عليه الظابط أصل فى أمريكا الراجل كان ساكن في الدور الأرضي

وأنت ساكن في الدور الخامس

مرة بلدياتنا قعدوا يغسلوا الحيطان بالمياه لحد ما واحد مسكت فيه الكهرباء.

قعد أصحابه يشدوه و يضربوه علشان يبعد عن الحيطة ما عرفوش. لحد ما

ودوه المستشفى و لكنه مات. ......تقرير الطبيب الشرعي: سبب الوفاة ضرب أفضى إلى موت

[ابتسام$]

هههههههههههههه النكت جامدة اوى واكتلا وحده عجبتنى اوى دى
(

واحد بلديتنا سافر بره بعتوله برقيه ارجع فورا يوجد أمر خطير رجع على أول طياره
قابل أخوه الكبير فى المطار تعبان وحالته حاله ودقنه طويلة
قاله فى إيه أبويا جراله حاجه
راح مطبطب عليه وخده فى حضنه وركبوا العربيه لقا أخوه
الثانى فى السيارة تعبان وحالته حاله ودقنه طويله قاله فى إيه طمنى أبويا
جراله حاجه راح مطبطب عليه وخده فى حضنه
سافروا لقا أخوه الثالث على باب البيت تعبان وحالته حاله ودقنه طويله
قاله فى ايه طمنى ابويا جراله حاجه
راح مطبطب عليه وخده فى حضنه دخل على أبوه فى السرير لقاه نائم تعبان وحالته حاله
ودقنه طويلة قاله فى إيه طمنى يا أبوي إنت كويس رد عليا)

[IMG]file:///C:/DOCUME%7E1/mohammed/LOCALS%7E1/Temp/moz-screenshot-1.png[/IMG][IMG]file:///C:/DOCUME%7E1/mohammed/LOCALS%7E1/Temp/moz-screenshot.png[/IMG]

[ڪــــبرياء الروح]

هههههههههههههه