عملية خطف شاب

[روووز]

عملية خطف شاب

رئيس العصابة:- تعال ولك عدنة اليوم مهمة صغيرة راح نروح نخطف فد واحد ونريد نسوي الخطة تعال يمنة افتهم الخطة...
الحشاش :- صار عمي ...
رئيس العصابة :- اليوم جبتلكم معلومات على ولد اهلة طاگين...
الحشاش :- شنو عدهم فلوس الله يزيدهم..
رئيس العصابة:- اي حبيبي طاگين للبنكة راح نخطف ابنهم ..
الحشاش :- ليش نخطفة شنو حتى لايخطفوا غير عصابة .... والله عمي انت گلبك چبير وتحب عمل الخير...
رئيس العصابة :- لك غبي ...احنة راح نخطفة ونطلب من اهلة فلوس ...
الحشاش :- يعني نداين منهم فلوس ..ليش شنو عندك شغلة ومحتاج فلوس عمي ...
رئيس العصابة:- لك غبي ... ناخذ منهم فلوس النه مو دين ....
الحشاش :- زين ليش ناخذ ابنهم ...خلي نروح نگللهم...
رئيس العصابة :- لك شلعت گلبي شبيك اثول...ماينطون اله ناخذ ابنهم..
الحشاش:- زين شلون نخطفة...؟
رئيس العصابة:- هو من يرجع من المدرسة نروح ناخذة...
الحشاش :- بس عمي يمكن مايقبل يجي ويانه ... يمكن عندة واجبات مدرسية...
رئيس العصابة :- شلون ما يجي احنة عدنة مسدسات ونهددة بالسلاح..
الحشاش:- ها صارت بيهة مسدسات هاي حرب مو خطف ....
رئيس العصابة:- لك انت شگد غبي .. لعد شلون نخطف بالكلينكس لو مسدسات المي لو بالفشار...
الحشاش:- ها افتهمت ... زين وبعد...؟
رئيس العصابة :-ونصعدة بصندوگ السيارة ..
الحشاش :- ونودي لاهلة...مو؟!
رئيس العصابة:- لك شبيك اغبر اثول.. نجيبة يمنه هنا نضمة عدنة بالبيت هذا بذيج الغرفة ..
الحشاش :- ليش نضمة خاف يضيع من اهلة جايبة يمنة...ويمكن ما يقبل بهاي الغرفة ويريد غرفة النوم مالتك...؟
رئيس العصابة:- لك غبي ..غبي ..غبي... هو مخطوف يگعد يتأمر ..
الحشاش:- ليش هو مو خطار!
رئيس العصابة :- انت اثول خلي اكمل السالفة...
وبعدين نضمة يمنه ونخابر اهلة ورة 3 ايام....
الحشاش:- ليش ورة 3 ايام مو يظل بالهم وهو يمكن ما گلهم راح انخطف وبعدين يحچون عليه والصوج يرجع عليك عمي انت طلعت عينة وخليتة 3 ايام بايت برة البيت...
رئيس العصابة:- لك شأسويلك ... راح اكتلك هي 3ايام يمنة غير نخوف اهلة حتى ينطونة فلوس...
لاتحجي بعد ولا كلمة خلي اكمل الخطة...
الحشاش :- زين عمي بس استفسار اخير ..
رئيس العصابة:- اللهم طولچ ياروح ..گول...؟
الحشاش:- اروح اكول لاهلة حتى لايظل بالهم ويعرفون راح يبات يمنة چم يوم ونگللهم هو يريد يغير جو ضايج ....!
رئيس العصابة:- لك غبي ... اسكت لا تحچي مااريد اسمع حسك افتهمت ...
الحشاش :- صار عمي ..
رئيس العصابة:- ونطلب من اهلة 10 دفاتر خوش مبلغ...
الحشاش:- عمي وگللهم اريد دفتر رسم لان اني احب الرسم ..
رئيس العصابة:-ولكم گَومو هذا من يمي ...راح اتخبل من ورة اسئلتة ...
الحشاش:- هاي شبيك عمي شو مبين عليك مثل الضجت ...
رئيس العصابة:-لا حبيبي لا ابدا ما ضجت ... طلعت روحي منك...
وبعدين نسلمة لاهلة بشارع فلسطين... هناك ماكو احد...
الحشاش :- زين ليش مانودي لبيتهم خطية ... هو مو راح يبات يمنه اكيد راح يصير صديقنة( حالك حالة)
رئيس العصابة :- فد نوب اعزمة هو واهلة على الغدة بالبيت مو احسن...؟
الحشاش:- والله عمي خوش فكرة وفد نوب نتعرف على اهلة لعد اروح اگللهم شوكت يحبون يجون للبيت...
رئيس العصابة :- لك اسمع انت اطلع من السالفة وروح دورلك شغل غير هذا ... يعني العب بعيد ...
الحشاش:- هاي شنو عمي مبين عليك تتنرفز حيل من الاسئلة...
رئيس العصابة گمزت روحة وصار مفور :- اگلكم الغوا السالفة مااريد اسمع كلمة خطف منا ورايح لان هذا لعب نفسي طلع روحي بزعني كرهني بالحياة يالله كل واحد يروح يدورلة شغلة بعد ماكو عصابة....
وانت لك زمال غبي روح من گدامي لاالعب بيك طوبة افتهمت روح...
وخربت الخطة وعملية الخطف ....


خطية هههههههههههههه