حلقات برنامج ( حكايات وبنعشها )

[morshooo]

اهلا اهلا اهلا

ميرنا هانم

نورتى التوبيك

[be with me]

ياااااارب دايما موفق
بالبرنامج
الجديد
ومتتاخرش علينا
نوووووووووووووووووووووونا
بحر ولاكن
سابقا

[Rona el Tota]

لالالالالالالالالالالالالالالالالالالالالالا
انا عمر محد طردنى كده قبل كدة
هههههههههههههه
ماشي يا احمد منتظرين البرنامج
بالتوفيق

[morshooo]

اهلا اهلا اهلا اهلا

نورتو التوبيك

ان شاء الله التوبيك

ينال اعجابكم

[game010]

ان شاء الله يكون برنامج جااااااااااااااااامد

فى انتظار اولى الحلقات ......

[morshooo]

اهلا ومرحبا بكم

كلنا بنمر بحكايات فى حياتنا

ولكن فى الكثيرين بتتشابة حكياتهم

ولكن بما اننا شباب فكلنا بنمر بحكايات

متشابهة بمعنى لو شوفنا حكاية اى بنت

هنلاقى انها عاشت قصة حب ولكن لم تكتمل

ولو شفنا قصة كل شاب برضو هيقولك قصة حب ومكتملتش

ومحدش يعرف العيب من مين من الولد والا من البنت

ما علينا النهاردة هنشوف اولى حلقات برنامجنا

حكايات وبنعشها

هيكون عنوانها

الشااااااااااااااااااااااااااااات

تعالو نشوف الحكاية الاول وبعد كدا

نشوف هنعمل اية

الابطال : هو ( شاب ) وهى ( بنت )

المكان : فى جميع شاتات مصر والعالم العربى

التاريخ : جميع ايام السنة

الساعه : فى اى وقت من اليوم

البـــــداية

هو بيدخل كل يوم الشات بيتسلى وبيتعرف على اى بنت

هى بتدخل الشات بتضيع وقت واهى بتقول انها بتكلم صديقاتها

هو بيدخل كل يوم باسم : امير الاحزان ( مع انة عايش حياتة )

هى بتدخل كل يوم باسم : اميرة الرومنسية ( مع انها متعرفش اى حاجا عنها )

تعالو نشوف اول حوار دار بينهم وكان فى رساله خاصة على الشات

امير الاحزان : هاااااااااااااااااااااااااااى

اميرة الرومنسية : هاااااااااااااااااااااااااى

ممكن اتعرف عليكى

مين حضرتك

بصراحة عجبنى اسمك جدا وحابب اتعرف عليكى

شكرا لزوئك بس معلش مش بكلم شباب على الخاص

انا بصراحه معرفش حد هنا واول مرة ادخل

اهلا بيك فى المنتدى نورت

شكرا انا اسمى ( ...... ) عندى ( ....... ) ساكن فى ( ...... )

عاشت الاسامى وانا اسمى ( .......) عندى ( ..... ) برضو من ( ....... )

اهلا بيكى اتشرفت بمعرفتك

متشكرا جدا

انتى بتدخلى هنا كل يوم والا

اة بدخل على طول بكلم صحباتى وبنطمن على بعض

طيب كويس ينفع ابقى من ضمن اصحابك

ههههههههه ان شاء الله

دا يبقى شرف ليا انى اعرفك

شكرا ليك

تحبى نتكلم فى حاجا معينة

انا شوية وهقفل عشان ماينفعش اسهر اكتر من كدا

خلاص اوك انتى هتدخلى تانى امتى

الصبح انا بدخل من اول اليوم

خلاص اوك بتدخلى بالاسم دا على طول

اة مش بدخل الا بية وانتا

هدخل بنفس الاسم عشان تعرفينى

خلاص اتفقنا عايز حاجا عشان اتاخرت

لا شكرا سلام

دى كانت البداية طبعا بعد ما قفلو

هو ابتدى يفكر ازاى اخليها تقع فى حبى وقرر طريقتة

هى ابتدت تفكر فية بس عادى يعنى شكلة شاب كويس

تعالو نشوف تانى يوم حصل اية

امير الاحزان : ازيك يا ( ..... )

اميرة الرومنسية : اهلا ازيك يا ( ..... )

اتاخرتى لية انا مستنيكى من بدرى

معلش بس كنت بخلص شوية حاجات فى البيت

وخلصتى يعنى كل حاجا

اة خلاص

على فكرة من امبارح وانا بفكر فيكى

ههههههههه احنا لحقنا عشان تفكر فيا

اية يعنى مش فى حب من اول مرة والا اية

دا فى الافلام بس مش فى الحقيقة

طبعا الحوار بينهم استمر اكتر من ساعه

هو يحكلها عن نفسة وقد اية هو مثالى

وهى تحكييلو عن نفسها وقد اية هى مثالية

خلاص تم الاعجاب بينهم وبقو عال العال

وكمان اعترفو لبعض انهم بيحبو بعض بس بعد كام يوم

وابتدو يكلمو كل يوم فى ميعاد معين

وطبعا هو بيكدب عليها وهى صدقت انة بيحبها فعلا

تعالو نشوف فى احدا المرات حصل حوار مهم بينهم

كان بيقول اية الحوار دا

اة صحيح نسيت اقولكم على حاجا انهم غيرو اسمهم المستعار

وبقى حاجا تانية

هو بقى ( بحبك يا ....... )

هى بقت ( ...... كل حياتى )

تعالو شوفو الحوار

هو : حبيبتى وحشانى قوى

هى : انتا اكتر يا حبيبى

تعرفى انا كنت بفكر فيكى دلوقتى

دلوقتى بس يعنى انا بفكر فيك على طول

اقصد على طول يعنى يا حبيبتى

حبيبى احنا مش اتفقنا انك هتيجى تطلبنى

انتى خلاص يعنى كل كلامنا بقى على الموضوع دا

حبيبى انا بقول كدا عشان بحبك وعايزاك معايا

خلاص ماشى الموضوع دا مش عايزة يتفتح تانى

حاضر يا حبيبى بس مش تزعل منى عشان خاطرى

وطبعا الحوار فضل شغال بينهم اكتر من ساعتين

وبعد ما قفل معاها قعد يفكر

لاقة ان طلبها بقى كتير اوى ان يتم الارتباط فقرر

قرار غريب جداااا وهو

تعالو نشوف القرار كان اية لما دخلو يتكلمو على الشات

هو : ازيك عاملة اية

هى : ازيك يا حبيبى وحشنى

انتى كمان

انا كمان اية

انتى كمان زى ما قلتى كدا

اية مالك حبيبى

مفيش بس ظروف كدا حصلت

اية خير يا حبيبى

مفيش ظروف حصلت صعبة وكنت عايز اقولك والا بلاش

لا قول انا حبيبتك ماتخبيش عنى حاجا يا حبيبى

اوك هقولك عايز اقولك ( حبيبتى عفوا لقد نفذ رصيدك )

ودى كانت النهاية الى بتحصل كل مرة مش من البطل دا بس

ولكن من جميع الابطال الى بيدخلو الشااااااااات الاغلبية منهم

بياخدو نفس القرار دا وبيعيشو يومين فى قصة حب وهمية

وفى الاخر بيقول ( عفوا حبيبتى لقد نفذ رصيدك )

الخـــــلاصة

الحكاية الى تم عرضها دلوقتى بتحصل كل يوم معانا بس الغريب

ان كل البنات عارفا القصص دى وفهماها

بس الاغرب انها بتستمر فيها وبتدخل فى علاقات من النوع دا

طيب لية بتعملى كدا وانتى اصلا عارفا ان كل دا وهم والا انتى
غاوية تعب

نصيـــــحة

اتمنى ان كل بنت تشاهد الموضوع تخلى بالها من الموضوع دا لانة منتشر

فى جميع الشاتات ولازم يخلو بالهم كويس قبل ما يدخولو فى علاقة زى كدا

وانتا يا عم الشاب الغلط عليك بشكل كبير والموضوع مش تسلية عشان يحصل منك دا

بس انتى كمان العيب عليكى عشان سمحتى لنفسك فى دخول علاقة زى دى

النهايـــــة

اتمنى ان الحلقة نستفاد منها كلنا والحلقة انا مش منزلها عشان اقول ان الشباب

هما الى بيعملو الكلام دا اكيد لا فى بنات برضو بتتسلى فى الشات وبتعمل زى

ما البطل عمل بالظبط والغلط بيبقى على الشاب وعلى البنت

اتمنى تكون الحلقة عجبتكم

والبرنامج يفيد الاعضاء

انتظرونى وحلقة جديدة

وحكاية جديدة فقط فى

حكايات وبنعشها

تقبلو تحياتى



البطل

morshooo

ضيفة الحلقة الى قامت بدور البطلة

Magnet Girl

ملحوظة : البرنامج مش معمول عشان اسمع كلمة شكر ولكن لمناقشة القضية اتمنى طرح ارائكم

سلام

[Dr.nour]

اولا يا مورشو انت واسيل

برنامج فى غايه الجمال

وفكرته حلوا جدا لانك هتقدر من خلاله تقدم وتطرح قضايا كتير

فى صوره حواريه ودى هتشد ناس كتير جدا على فكره

والحلو فيها انها متقدمه فى صوره هيتقبلها ناس كتير

اكتر من النصيحه بصوره مباشره

بالنسبه لموضوع الشات بقى

المفروض يكون فى وجود للعقل اكتر من كده

فى حكم تصرفاتنا سواء فى الواقع او ف الشات

دمت موفق اخى ,,,

[misho]

الموضوع منتشر فعلا يا احمد وبشكل كبير
واعرف شخصيا ناس وقعوا في المشكلة دي
المشكلة بتبقي ان البنت بتبقي عايزة تجرب وتشوف
وتعيش حياة جديدة وبتقنع نفسها انها بتحب
ممكن يكون فراغ عندها او عدم ادراك للمشكلة اللي هتوقع نفسها فيها
المشكلة هنا هتكون اهدار مشاعرها وجرح قلبها و كرامتها كمان
و الشاب اللي بيعمل كدة نسي انه ليه اخت ممكن يحصلها كدة
ومش بلوم علي الشاب بس لا بالعكس البنت كمان عليها لوم كبير
و انت جبت الجانب الوردي اللي انتهي دون خساير مادية علي فكرة
في الاخر قالها مع السلامة وخلاص
في ناس المواضيع بتتطور معاها لمقابلات واكتر من كدة
و دي خسارتهم كبيرة اوي بالذات للبنت
اللي يزعلك اوي ان الكل عارف الحقيقة وعارف ان دة كله كلام فارغ وعمر الحب ما يبقي بالاسلوب دة
و برضه يقع في نفس المشكلة وتحصل معاه,,,وقتها بقول البنت كان فين عقلك؟؟؟
ياريت الشباب والبنات يقدروا يستوعبوا ان اللعب بالمشاعر حاجة مش سهلة ابدا
انااسفة يااحمد علي التطويل دة كله
بس بجد موضوعك حقيقي وبيحصل وواقعي جداا
تسلم علي البرنامج الجميل انت واسيل
بالتوفيق في باقي الحلقات
,,

[be with me]

السلام عليكم ورحمة الله وبركاتة برنامج جميل منك استاز اmorshooo وبجد كتير قوى حوارات الشات دى وبجد عايزة اقول شىء ان الغلط مش على الولد بس لاء الغلط على البنت كمان اول شىء الغلط على الولد باية انة نسى ان بنات الناس ولاية مثل ولدتة واختة ونسى ربنا ونسى ان بنات الناس مش لعبة ثانيا البنت نسيت اهلالها اد اية تعبوا بتربيتها ونسيت دينها لانها دخلة شات عشان تتعرف على واحد تتسلى معة اية دا اية الغباء دا فين الدين وفين الاخلاق والشات ناس تقول وتبرر انة يعنى بنستفاد منة طب فهمونى واحدة دخلة تكلم واحد تستفاد منة اية والنبى وواحد داخل يكلم بنت حيستفادوا بياية اول شىء ودى للاسف من تجربتى الشخصية وانا مش مكسوفة وانا بقول كدا انا مكنتش اعرف يعنى اية شات اساسا ولكن وانا بقلب ببعض المواقع لقيت صفحة اتفتحت ادامى والاسم كذا وادامة جملة اساسمى كتير فهمت وادرجت انة ناس بتتكلم مع بعض فحبيت اعرف اية دا وكدا والله العظيم شوفت اشياء فظيعة ناس دخلة ترضى شهواتها ودى الاكترية واحد يقولك ممكن نتكلم ميك وواحد يقولك ممكن اميلك عشان نتعرف انا طبعا طلعت على طول من قمة المفاجاة ويعنى تتصورى واحد ازاى بيحبك ولا شافك ولا شوفتية وكتير قوى بقى لما يستكين ويمثل ويقولك هاتى صورتك ويقولك متخفيش عندى بنات ازاى اعمل بيها شىء وهيا زى الهبلة تديلة الصورة وبعد كدا يزلها بقى لو معملتيش كذا حلعب بالصورة وافضحك بالنت وفى اللى مترضاش تديلة الصورة ولكن تسايرة بكلامة المشين كلام الغرائز والشهوات فين دينك لية كدا يارب نهايت الحوار دا ياريت كل بنت تاخد بالها وبلاش دخول الشات نهائى وقربى من ربنا وانت راعى نفسك واعرف ان بنات الناس مش لعبة تحيتى لك نوووونا

[مشتاقه للجنه]

فعلا البرنامج مفيده للجميع

وللاسف كلا من الطرفين عارفين النهايه

بس بيستمروا .. ومش حد عارف نهايتها الى اين

أحمد تسلم على الفكره


تحيااتى